山頭火 (海之戀商場) (已結業)

今晚收工一個人返屋企，於是就係樓下食埋野先啦！去到donki食堂，見到之前食過間拉麵執左，於是就試下隔離間山頭火啦！點左個大嘅麵豉湯拉麵。等左唔係好耐就有得食啦！放上枱果陣都已經無咩煙啦！湯都可以叫做熱，剛剛好啦！個麵配料都可以，有筍條，蔥花，魚蛋同埋叉燒，叉燒好鞋口，無咩口感，個湯都幾濃郁。但係食落去就發現有個問題，就係d麵好碎，完全係唔可以一住麵咁樣食晒佢呀！最後都係好快食晒啦！總結黎講，感覺上e間分店d貨全部都係交黎，加工就可以食得啦！加工上需要下多d心機呀！例如湯熱度，麵質等，還需努力。