岩盤牛扒 ミディアムレア ステーキ (T Town South)

營業中

休息中

今年年頭經過T Town，就見到新開咗呢間岩盤牛扒，但礙於疫情關係，都一直冇咩機會食🤔聽朋友講呢間都幾出名，喺市區食成日都要排長龍🥲難得再次嚟到，就試下一人嘅岩石燒牛扒啦😆 都幾特別嘅係餐廳採用自助形式，揀好咗食咩之後，牛扒會係你面前即叫即切👍🏻肉眼 318g +套餐配料可以三選一，今次就揀咗蒜蓉😆 套餐入面都幾多選擇，我哋就揀咗沙律、麵豉湯及橙汁😆 因為掛住影相，本身我哋諗住食五成熟都變到七成🤣 但切落去都仲係見到塊牛扒有好多肉汁，肉質都幾淋好易入口～ 枱上面都有胡椒同玫瑰鹽～可以按喜好加落去😆 我個人就比較鍾意加玫瑰鹽，會更加帶出牛肉嘅香味😆胡麻醬嘅沙律食落去都幾清新 ，同牛扒真係好夾👍🏻雖然呢間餐廳主打係岩盤牛扒，但我見佢都有唔少日式嘅主食，好似都幾吸引🤣

天水圍岩盤牛扒📍天水圍T Town 南翼地下SG14-15號舖即切生牛扒鐵板，揀選了$219 300g西冷牛扒，再加$58 加味噌湯、沙律、飲品。牛扒餐可以選擇加青蔥、生洋蔥、蒜蓉，在店員推介下選擇加蒜蓉，果然很惹味😋餐廳採取自助模式，挑選了肉的部位後，即磅即煮。西冷牛扒配有黑椒汁再加蒜蓉，勁香而且內身厚實，再加上配料，一定要試下牛扒餐我仲選擇加沙律🥗、味增湯🥣和Jollyshandy🥤，估吾到有Jollyshandy揀，一邊食香口惹味牛扒，再加飲品，好正👍🏻👍🏻👍🏻另外仲叫左和風咖喱吉列牛柳，咖喱汁濃郁，唔會太辣，而且牛柳好滑不煙韌。岩盤牛扒除了鐵板餐，其他套餐都值得推介。

叫左一個燒牛柳，一個燒西冷一打開個外賣柴皮咁嘅樣$108一個定食餐可樂冇寫明係200ml不論牛柳定西冷，完全咬唔開，亦冇炙燒嘅feel，狗也不X。我淨係知呢餐飯係以汁撈飯同沙律就完左。

天水圍｜岩盤牛扒 ミディアムレア ステーキ Medium Rare Steak呢間鋪平時都好多人排隊，為咗唔想等咁耐就揀咗下午茶嘅時間嚟～用餐嘅時候，剛好夕陽從大玻璃窗照射入店內，十分唯美🔆❤️入到去先比錢，然後會有師傅喺你面前切塊牛扒比你，夠曬新鮮👍🏻❗️溫馨小提示，如果驚牛扒過熟，就要盡快食咗佢啦～😆——————————————————————————————🔱 牛扒套餐- 西冷 (298g) $218- 洋蔥汁🔸跟餐 $30- <溫泉蛋+沙律+味噌湯>一咬落去啲肉汁爆曬出嚟🤤甜甜地嘅醬汁連埋西冷一齊食，好開胃😍另外，可以沾啲溫泉蛋食，因為溫泉蛋有額外調味(甜咸甜咸嘅醬油+七味粉)🤤同埋牛扒一齊食，令口感同味道都更上一層樓🥰🔱 牛扒套餐 - 牛柳 (262g) $149- 蒜蓉汁🔸跟餐 $30- <白飯+沙律+烏龍茶>第一啖唔落任何調味，試下原味先😋塊牛超級厚🤩好濃嘅肉味，啖啖肉～牛柳上面仲有大量嘅蒜蓉❤️如果怕生蒜嘅辣味，可以放上鐵板上炒熟佢🤤每張枱上有岩鹽、黑胡椒兩種調味料，可以加少少同牛柳一齊食，配飯一流🤩🤩🔺有加一服務費整體而言▪️味道 4

入嚟天水圍做完嘢又揾食🤩見到有日式熱石板牛扒，就入去食個late lunch。餐廳採取自助形式，揀好部位同份量後，牛扒即磅即切。我揀了脂肪含量較少的牛柳300g，medium rare，配料可選配蔥、蒜蓉或洋蔥，我今次要了蔥。想食飯的話，可以另外加$28轉set，可以從9款加配選擇入面揀3款。我要咗 白飯、味增湯&玻璃樽裝Asahi烏龍茶(+$10)，另外仲有沙律、溫泉蛋、雪糕等。牛柳用熱石板上，外面少少燶邊(啱晒我😂)切開是淡紅色，看著 temperature 剛好。喜歡它的調味——不會過鹹，肉質鮮嫩，咬口不錯，搭配蔥和底層的粟米很香🤤 一份300g牛扒(其實是320g🙈店員多切了就益埋我😂)加飯同湯超級勁滿足!!會再encore 試佢個二人前先😏

Honey 就來生日，而且。禁堂食慢慢開放。商場食肆都多左人去輪位。知道天水圍天town 開咗一間自助式食和牛店。立即相同honey 去試下。去到鋪頭不用取飛。原來係自助式搵位。(有d似快餐店噉。),餐牌有好多種和牛畀你選擇。可以選擇和牛嘅款式同埋重量。連埋配菜飲品。選擇咗兩款和牛。選了肉眼同牛板腱二种。係要親自到收銀處點餐。跟住取飛。等取嘢食。好在時間還早有空位。等了一陣取了兩個餐。之前都去食過日本餐和牛但真係未試過自助式。我覺得都係一個問題因為係要自己搵位。係冇服務員幫你安排坐位，亦冇限用餐嘅時間。呢個真係要改善。開餐喇。我覺得廚房都煮得唔錯。係配菜粟米啊嗰啲少一啲。整體上塊牛都住得ok。味道都ok冇問題。係有一樣嘢有問題就係側邊有人等位好似以前飲茶啲人喺側邊等你食完噉樣。真係要改善改善。例如冇人執枱，冇人清潔枱面。如果改善番有服務員安排座位我相信比較好啲否則人多的時候真的很難找位置亦會有可能發生爭執。。

天水圍T Town裝修完之後附近最近開咗好多新餐廳 多咗好多唔同嘅選擇😻😻今日去咗食🥩🥩除咗牛扒之外 仲有丼飯🍱🍱今次去咗呢間頌富嘅岩盤牛扒 一入門口已經俾佢個牛角入口吸引 雖然係食扒，但間鋪唔會有好大陣油煙味 環境都企理乾淨最欣賞佢係卡位 唔驚搭枱咁尷尬 坐得都舒服😙呢間岩盤牛扒ミディアムレア ステーキ好特別可以揀唔同嘅部位仲有gram數🥩🥩想食肥啲可以揀嘅部位，肉眼同西冷就最啱😻我今次就揀咗西冷牛扒 每1g /$0.73 我就揀咗300g $219 再揀配料 有青蔥🧅生洋蔥/🧄蒜蓉揀我就揀咗蒜蓉🧄🧄再可以揀三樣配料 有白飯🍚/沙律🥗或者係味噌湯 /溫泉蛋🥚雪糕🍦 ➕錢仲可以有啤酒/紅酒/波子汽水🥤鍾意食零食既我就揀咗 溫泉蛋同埋雪糕🍦 仲有波子汽水🥤我見到佢仲有和牛揀㗎 有個凍肉櫃睇到見到佢和牛嘅質素都唔差🥩🥩熱辣辣嘅牛扒用鐵板上 肉身厚實, 加上鐵板餐滋滋聲幾吸引 切開估計有七成熟有牛味而且唔會太難咬開 肥瘦度適中仲有蒜蓉汁再加埋我之前揀咗粒粒蒜蓉加埋口感真係好正🧄🧄好欣賞佢比張雪糕卡 食完正餐先再拎甜品 🍦🍦 咁就唔驚溶晒啦😋鰻魚溫泉蛋丼 M size $70鰻魚加溫泉♨️蛋 呢

T Town新裝修後開左好多新既餐廳，今次揀左呢間專食牛既「岩盤牛扒」😋西冷牛扒（280g) $162西冷牛扒連鐵板一齊上，十分厚身，切開入面重有少少紅，想食熟啲既建議可以將牛扒切成一舊舊，慢慢係鐵板上煎熟佢肉汁十分多，牛味重，肉質厚實，但好易咬開。另外配有一個柚子味既燒肉汁，食落酸酸甜甜，可解膩👍🏻配料方面係青蔥、生洋蔥同蒜蓉中選擇左蒜蓉，分量一啲都唔吝嗇，一座小山，夠哂重口味☺️加了$28轉套餐，揀左溫泉蛋、Jolly Sandy同沙律，溫泉蛋熟度岩岩好，牛肉可以點埋蛋汁一齊食😋，沙律好足料，好夠飽🤰🏻注意‼️呢度每款肉都係店員即叫即切再磅重計錢，所以可能會同你叫既重量有少許出入

消費券一出，緊係搵間餐廳食餐好既慶祝慶祝🎊🎉身為食肉獸既我，今次就揀左係天水圍T Town新開既岩盤牛扒🥩入到去搵好位就可以出去點餐，同店員講你要食咩部位同埋重量，師傅就會即場切同埋磅重🔪，我就揀左肉眼扒300g（1g=$0.56)，加$28轉套餐，可以係9款配搭上揀三款。肉眼扒套餐🐮（264g）+白飯、雪糕、可樂 $176因為人手切既關係，重量會有少少偏差，不過都係用重量黎計錢，所以都唔大問題。肉眼扒送到黎時大約五成熟，如果唔鍾意食咁生既就可以係鐵板上煎耐啲，生熟程度自己控制👍🏻牛扒上面既配料我選擇左生蒜，另外配有特製既柚子味醬汁，個人覺得唔點都夠哂味。肉眼扒肉質鮮嫩，好juicy，周邊既粟米更加係吸收哂啲精華😍食到最尾就拎張雪糕卡去換雪糕🍦，雪糕無得揀味道，我今次拎既係雲呢拿味，味道正常，唔會太甜，口感滑溜。最後以雪糕作結，幸福感滿滿😌

話說我係第一次去的 唸住唔錯。沒有一定要求客人掃安心出行才進內第一次去個啲根本唔知點叫餐 都係有樣學樣 其次開始點餐後佢只講外賣我話我堂食。。。並無下文..點知攞餐全部都係外賣盒，咁先講話呢個餐只限外賣。-咁都叫左唔通唔食 咁都算啦，啲牛完全咬唔開 血到 我食唔到。都唔緊要既～最後我見人個個都飲個支奶茶 咁我就跟住叫啦點知我飲左2淡 發現支野3月尾已經到期。。咁我當時就已經攞出去同佢講話佢支野到期，佢完全表示唔緊張 但都即刻換第二支比我，都搵左一陣 其實我知道佢有貨，但我相信佢搵比我既行為其實全部都係3月尾到期，我相信已經有唔少客人飲左到期貨，我叫佢算啦 你唔洗搵了 我話是但比2罐果汁我得了，然而一句唔好意思都無，有個男員工仲企係度撐住張台。我想講間野好得閒 員工又多，又唔洗介紹、帶位、汁台汁垃圾，全部都係顧客自動攞出去，完全覺得係要好好檢討下 我真係十分不滿。

天水圍超強牛排餐門口已經大排長龍，估唔到佢既牛都真係非常高質，好味到返屋企都諗起d牛。330g 肉眼排套餐 （＄223） 334g 西冷套餐 （＄232）我地原本揀左300g既，但去到比錢之後，有一位師傅會即場切，即時磅同計錢，所以牛排質素會非常新鮮。而且佢既配醬都好好味，好出色。我要所有配料，個人覺得蒜蓉一定要加配，因為真係好好味，好香。我個人最愛佢既肉眼，必食之選，肉汁多，肉質好軟腍，好有牛味。唔怪得之咁多人排隊。我建議300至400g，因為黎食就對自己好d，因為呢間絕對值得你比多d錢去食，質素好高。

突然會有好想吃牛既癮起，於是就揀左呢間試吓😋😋雖然多人，但其實好快就等到位，叫左兩份牛扒套餐，呢個套餐真係好豐富，價錢亦相宜👍第一個套餐我地揀左牛西冷（334g)➕味噌湯➕Asahi 烏龍茶➕沙津 （$232套餐價）➡️🥩334g既西冷扒非常之厚😱😱😱再配合埋肉質煙韌，慢慢切好耐先切到底，配料一啲都唔吝嗇，好多令到西冷肉汁層次多。第二個套戲我地揀左牛肉眼扒（330g)➕波子汽水➕雪糕➕日本珍珠米白飯（$223 套餐價）➡️🥩330g既肉眼比西冷肉更淋😋😋，但同樣好厚身，肉汁豐富，最鍾意肉眼既肥瘦適中，肥既部份牛肉汁必晒出嚟😍😍😍呢間係自助形式，自己搵左位後就去點餐，佢會即刻按你既想要既牛部位，即刻切比你，睇得出好新鮮🥰🥰，啲肉冇特別醃製都有咁鮮嘅牛肉味，就知道係靚牛啦🙌🏻🙌🏻🙌🏻

我呢個牛扒控，見到有專食牛扒的餐廳當然要試下啦呢間餐廳的牛扒好多種類，而環境都闊，坐得都好舒服而我就揀咗肉眼300g既牛扒餐，開頭都無諗過塊牛扒咁大件點知原來係大塊到連個鐵盤都差啲放唔落雖然大塊，但佢味道好鮮甜，肉煮得岩岩好，食落口啖啖肉汁流出黎，好鮮嫩多汁如果加埋佢特製的醬汁就變得好野味對於牛扒控既我就大飽口福啦而且，加28蚊就可以跟餐任揀3樣野食或飲品啦我就揀咗朱古力雪糕，沙律同加10蚊既波子汽水沙律份量都幾多，好好味好足料！而雪糕好滑同好香朱古力味，正啊！另外佢既泡菜燒牛井份量好大碗！仲要係牛肉好多，絕對唔會俾少你粒粒牛肉粒都大大粒，咬落口好香好好滑實在太多選擇同花多眼亂，下次一定要試埋其他先得

前陣子屋企附近嘅商場突然開咗幾間新餐廳，最吸引到小編係呢間牛扒店，奈何全家得小編食牛⋯ 趁小編呢排工作自由啲，於是乎捉咗個朋友仔同我去試吓喇！😬.西冷部位岩盤牛扒 🥩西冷牛嘅價錢係$0.58/1g, 點餐嘅方法就係同staff講大概要幾多gram就ok~ 咁當然就預咗唔會100%準確，點都有少少誤差，都係以g計照秤～☺️ 隨餐附上牛油粟米+3選1 topping+黑椒柚子燒汁！🧐 另可加$28要full set 扒餐（menu在後）～ 由於西冷比較厚，喺石板時大概只有3成熟，想食熟啲嘅朋友仔唔使擔心，石板好熱嘅～😂 肉質非常靚仔，用刀切都feel到佢有幾腍！味道上，由於牛扒預先有鹽&黑椒調味，呢份肉係小編朋友嘅，佢&我都覺得唔使蘸醬汁已經好ok! ☺️▶️美味指數：8（最高為10分）.肉眼部位岩盤牛扒 🥩肉眼價錢係$0.56/g… 呢份係有228g嘅～🧐 肉質比西冷薄身好多，所以影完相之後都幾乎7成熟，好擔心好韌～ 切落確實冇西冷咁開心嘅，口感上同樣地冇西冷咁滿足，但都係好食嘅！畢竟肉眼脂肪比例比西冷高，脂香味多啲嘅！😍 西冷&肉眼以200g計的話，個人比較推薦西冷牛扒，畢竟厚身啲，開心啲咁

原來我發覺天水圍都有好多高質的食肆，這間也不例外，間唔中想chill下，呢間都唔錯㗎🥰-餐廳嘅店面都幾大，所以唔會特別擠迫，食嘅時候都舒服啲：）今次就試吓佢哋嘅西冷牛扒，成個套餐大概$200左右，都可以不妨一試㗎😇🥳1.西冷牛扒配玄米茶麵豉湯溫泉蛋🍳牛扒大概係三成熟，如果怕生嘅朋友都可以煎耐啲，我自己就煎到五成熟左右先食。食落去好Juicy，散發出一種牛旨嘅香味，食牛嘅時候配合洋蔥同粟米🌽，口感一嚟唔同咗，亦都可以冇咁膩。-加埋燒入醬之後，令到牛嘅味道更加突出，亦唔會遮蓋牛本身嘅味道，旁邊仲有鹽同胡椒方便調味🤩 麵豉湯同一般舖頭的差唔多，溫泉蛋熟度啱啱好，唔會過熟變咗熟蛋🥚-大家不妨一試😝😝❤️