峇峇娘惹 (彌敦道) (已結業)

點了肉骨茶，湯白白沒有藥材味，沒有蒜味，只有少少胡椒味。沒給黑醬油，要了才給。我叫的係一字骨，肉質好老，肉味唔香，可能是冷凍肉。油條好硬，有陣不新鮮嘅味。食物對不住裝修和店名啊！

路經油麻地，見到馬來西亞餐廳，入去試吓。看餐牌，不知道從何選擇，點了二人餐：涼拌豆腐，豆腐很滑，汁有點鹹；香茅骨，好味；参巴多春魚；峇峇娘惹珍寶滲滲叻沙，好大碗，兩種麵，魚蛋和魚蛋皮，好味；芽菜炒蝦球，大碗，蝦球幾大隻；送兩杯特飲。埋單$198，無加一，好。座位較細和窄，環境舒適，服務幾好。

本身好中意叻沙，見上網都有介紹就決定黎試下啦我同朋友2個黎叫左叻沙同埋咖椰西多士！叻沙味道好夠，料都好足，同埋佢係有2款麵，油麵同埋米粉，可以一次過試曬2個口味。而咖椰西多士都好脆，咖椰個味都好甜，同馬來西亞食既味道好相似。下次會想再黎食海南雞飯同咖椰多士

話說呢間位於油麻地中南書店隔離既娘惹菜，其實都開業左一段時間，但因為前排少經果頭，今日先經過中南買野，得閒順便試下呢間一上菜，湯底果種椰香味非精濃郁，看似辣，其實完全唔辣，但真係好香好惹味！吱埋青檸，更令呢碗野生色不少，唔止有椰奶味，仲夾雜左青檸既酸，非常特別！至於麵條，佢依照傳統做法，有粗麵同米粉，食落多重口感；配料方面有芽菜、半隻烚蛋同埋豬肉丸，個人認為豬肉丸好出色，口感非常彈牙，食落好有肉汁，而且價錢又唔貴，絕對值得一試！

係大型文具店一出門口就見到此店。由於肚餓，望望門口餐牌，見價錢合理，就入內試試，結果有小驚喜。店內提供散叫及2款2人餐，由於想食叻沙所以揀咗$198嘅來試。簡單裝潢，唔逼夾，仲提供小藍子放袋。馬來拉茶/桔子酸梅特飲唔會太甜

本身其實諗住食附近嘅一間餐廳，但因為冇book位要等成兩個鐘，就轉場食呢間啦，不過都冇令我失望嘅👍🏻我會推介佢嘅斑蘭咖央多士，啖啖牛油味出晒黎好正😍，不過如果斑蘭味可以出多小小就會更好🤪🤪🤪手撕雞滲滲都唔錯，相當足料，仲要咁岩我鐘意食幼面，朋友鐘意食油面😂我地呢個組合真係perfect 池🤪🤪順帶一提，如果鐘意影文青相嘅你都可以考慮同閨蜜👭一齊黎打下卡架，個人認為佢個牆都幾文青feel

呢間野其實都開左一段時間次次都係路過冇入去吃今次終於有機會試下咁哩個係串燒沙爹雞串 上面有好香嘅沙爹醬再加花生個汁調配得唔錯 幾好吃 但雞肉就有點乾哩嗰係油煎餅 上到黎熱辣辣再加埋煉奶 😍😍呢個係豬肋骨肉骨茶 之前有去新加坡旅行飲過果邊嘅肉骨茶 新加坡嘅肉骨茶喺重胡椒味呢度肉骨茶都係重胡椒味 我覺得好似新加坡個邊味道 同埋佢會有埋其他配料 另外豬肋骨唔算好肥 呢個推薦呢碗喺雜錦喇沙 會係乜都有啲 個湯底係好正宗既喇沙 同新加坡吃嘅一模一樣同埋好足料 但一開始食左雞翼先 因為係香茅雞翼 如果唔食左雞翼 會浸諗左 另外佢既魚蛋都係新加坡白魚蛋 推薦呢個 都幾大碗下可以兩個人吃

星期五晚同老公去電影中心睇電影，先係附近食左晚餐先，見呢間野似係新開，老公又想念星馬美食，一於試下。我叫左魚腐喇沙，欣賞佢啲麵係兩溝，有米粉同埋油麵。無想過佢既魚腐都好出色，咬落去好林，同時又好煙韌，魚腐既調味都好特別，好鍾意呢個味道。喇沙湯底微辣，好好飲。老公叫左咖哩豬排飯，咖哩唔辣，仲有少少秋葵，原來秋葵沾咖哩汁都幾好味。美祿都好好飲，甜度足夠。香港平時飲到既美祿太淡，始終都係星馬既美祿好飲好多。剛食飽，老公突然要做公司野，咁啱我地坐個個位收唔到wifi，唐突提出可否坐到另一張台使用notebook工作，侍應一口答應，感覺好窩心。其實餐廳小小舉動，以同理心相待，足以留住食客個心。

朋友食過呢間，叫我去試，一行八人做完野就去試，叫左好多好多野食，先講咖咉牛油多士，係超級好食要襯熱食。超超超好味，跟住試肉骨茶，好有馬來西亞味道，油炸鬼好脆。跟住叫左個燒腩肉，好脆，肥瘦均勻，我地不同人叫左大蝦喇沙，雞翼喇沙，豬扒喇沙，個味道好味，但不易食多，好漏架。仲叫左茄子，比較濃味，叫左拉茶，薏米水，桔仔冰，好味！薏米水比較淡，拉茶係好飲既。好內無食過香港有禁地道的馬來西亞野食😋😋，一定會再去，8個人食左六百幾蚊🤟🏻

峇峇娘惹是馬來西亞茶室，坐得舒服， 清涼， 服務不錯。峇峇雜錦肉骨茶雜錦湯料豐富， 胡椒湯配以豬肋排、 豬潤 、瘦肉、冬菇、豆卜等，聞得到濃郁胡椒及肉香氣 ，伴以數片油炸鬼，沾湯來食，再另加配白飯，好滋味，多種層次的口感。檳城麥皮蝦球剝好殼的蝦，沾滿已有調味的麥皮，蝦球略為捲曲 ， 金黃色的蝦球好香口，非常美味！ 馬來拉茶味道好好， 泡沫多而且細滑， 好有風味 ， 入口與茶餐廳飲的奶茶不同， 茶香味獨特，清香甘甜好滋味👍👍

其实这家店我觉得挺好吃的呀，下班专门去吃，我觉得laska味道非常棒，但是汤太少了，猪排里面的味道也很好，别的斑斓西多士也不错哦，还点了一杯冬瓜茶败败火，同样还可以，会再去

今日睇完物理治療，兩點半先食第一餐，之前喺度食過lunch，第一次喺度食下午茶，不過可惜無肉骨茶揀，最後就食咗香茅骨叻沙+素業春卷，飲檳城桔子酸梅特飲。香茅骨其實都幾多肉，我開頭好擔心得舊骨無肉食，但原來係香茅豬扒，有香茅味，幾鬆化，但啲肉又唔會鞋!叻湯湯底幾濃幾惹味，有魚片頭，豆卜，同埋油麵同米粉。原本跟餐加小食係魷魚春卷，不過menu改咗做素菜春卷，味道唔錯，甜甜哋。最後就係杯桔子酸梅特飲，有凍同熱選擇，而且無限refill，酸酸甜甜，幾醒胃。

人在油麻地，與友人漫無目的地找吃的，看到峇峇娘惹的招牌，直覺是不簡單的，腿腿不自覺地步入店內。餐廳佔地很大，座位很多，還能自選位置，二話不說，我們便走到最入的一角。座位間的私隱度高，角落連訊號也收不到，可專心吃飯。點餐方式是以紅筆在menu上圈劃，再交給店員覆單，便可安坐待吃。馬來西亞菜品，當然要點一客咖央多士。特別之處是，麵包是用上麥包的。麥包留著麵包邊，烘過後，塗上咖央醬與牛油。選用麥包，咬下能咀嚼到粗纖維，與白麵包那份柔軟成強烈對比，相對下更有口感。由一份普通的咖央多，變得不平凡。再來小食，咸油酥餅配咖哩汁。呈現方式很有趣，碗碟是很有質感的鐵盤，小小的，很可愛。咸油酥餅，類迎印度風味那款拌咖哩的酥餅。表面光滑，入口酥脆，很能掛汁。咖哩汁較淡味，健康之選。想吃點香口小食，點了一客魷魚春卷。炸得香脆，偶爾吃不過份。

今日去咗食馬來西亞菜🇲🇾，峇峇娘惹，餐牌上邊有好多野都想試🙈不過到最後就揀咗峇峇娘惹珍寶滲滲叻沙🍜，呢碗珍寶真係唔講得笑，成個面盆咁大😲，入面仲有好多餸，有雞翼🍖，魚蛋，豆卜，雞絲🐓，蝦肉🦐，雞蛋🥚，麵就係油麵溝米粉，湯底好香好惹味😋，唔係好重花生醬果種，所以唔會好膩，不過經過我哋一輪努力之後，啲麵都係多到食唔晒🤭另外仲叫咗個咖央班蘭鮮油多，半溶嘅班蘭醬同埋牛油🤤，淨係睇相都知道有幾正👍🏻啦

同一個朋友，兩個女仔黎食晚餐座位唔算多，全部係呢啲二人座同四人小圓枱座位間係寬闊舒服嘅👍🏽我同朋友點左一個主食一個小食同一但杯的飲品主食1️⃣峇峇娘惹珍寶滲滲叻沙 ($118)• 話明珍寶，佢真係好大碗！🙈呢碗招牌麵裏面有兩種麵，係米線同類似粗麵咁餸又係有好多！有好多牙菜，有雞翼，蝦球，三角嗰種炸魚蛋，普通圓白魚蛋，豆卜，蛋😋我地兩個人都食唔哂🙈•味道方面，湯底好夠濃，好好味！😋👍🏽小食2️⃣班蘭咖央西多士 ($30)• 呢個小食都好大份😂即叫即炸熱辣辣👍🏽最後同樣食唔哂🙈• 班蘭醬同咖央味都係冇乜味，不過好多醬飲品3️⃣馬來拉茶 (冷$10) 桂圓特飲 (熱$8)馬來拉茶同樣唔係好夠味，太淡桂圓特飲還好，點熱嘅都唔會好甜總括而言，環境舒服，食物就一般，推介叻沙👍🏽