峇里燒 (已結業)

灣仔返工，某日search 到呢間店，見價錢相宜就去試下，結果好有驚喜鋪位細細有幾個bar枱位。堂食叫左個沙爹雞撈麵，雞即席燒所以好有燒烤既香味。沙爹醬花生味濃郁。仲有溏心蛋另一驚喜係用咖啡機沖既朱古力。非常有朱古力味，好好飲。灣仔$55一個餐唔expect 個朱古力咁好飲P.S. 隔左幾日又返兜呢間小店，叫左沙爺雞椰香飯。個飯又係好香好好味。今次個跟餐飲品揀左熱檸茶。真心佢啲飲品做得好過同價位茶記N倍，個茶底好濃茶味

平時去開呢間小店食串燒、炒飯有次特登落去試佢個甜品窩夫覺得好有驚喜聖誕節竟然見到佢有呢個「聖誕朱古力屋」只係$368真係好抵朱古力味香濃啲生果仲要全部都係新鮮嘅外型又得意攞嚟影相呃 👍真係啱晒

食嘢好多時只能果腹呢間小店嘅食物每次食完都感到「大滿足」令人享受美食嘅同時不忘讚嘆廚師嘅心思之前一直只係食外賣今日特登趁下午茶時段去堂食終於可以試到佢個焦糖窩夫絕對唔馬虎斑斕椰子奶昔都相當出色套餐包埋飲品凍飲亦唔使加錢椰香飯配埋溏心蛋完全感受到廚師嘅誠意舖頭主要做外賣堂食座位得好少今日難得可以坐低堂食非常寫意做生意真係唔容易峇里燒嘅食物質素與客人嘅數量完全唔成對比自私啲諗咁都好嘅每次去幫襯嘅時候都唔需要等得太耐

早前為食貓係灣仔附近做野，見到外賣app有峇里燒，而價錢都幾抵，於是諗都唔諗就試下叫外賣返屋企食吓為食貓叫咗2個椰香飯，一個係沙嗲雞，一個係豬頸肉每樣價錢都係40幾蚊，重有埋嘢飲真係幾平♥️食落去個飯d椰汁味好香，而d雞同豬都整得好夠味👍🏾咁嘅價錢真係好唔錯為食貓重叫咗d串燒，不過比起d飯就失色咗少少唔太好味，得條司華力腸比較好食我哋重叫咗班蘭奶昔飲，估唔到都幾好味，隻味一d都唔假不過就甜咗d，唔知下次有冇得叫少甜呢

橫風橫雨第一次試哩間外賣舖仔細細但成家人落舖打點嘅感覺好溫馨lunch time有好多pre order單佢哋都好友善叫我耐心等試左大蝦蕃茄米真才實料好味道蝦都估唔到食落幾新鮮塊大蝦片亦錦上添花👍😄

三人行去峇里燒食晚餐叫左3個飯加串燒同甜品上菜大概十五分鐘巴東牛肉飯： 好正宗味道 飯量都多 牛肉好稔 好好味印尼雞米粉： 湯底清淡 應該自己煮嘅湯頭 雞味重 米粉整得好爽口羊扒飯： 羊架燒得好靚 個飯好香椰味 好用心做串燒：最好味係大廚推介嘅牛肋條溏心蛋 非常好食 燒到外皮脆口 隻蛋溏心得好靚燒菠蘿做甜品一流 用一舊新鮮菠蘿燒椰子甜品： 用鮮椰子水做 好fresh , 有埋生果配搭 飯後食啱啱好三個人食到飽飽先係$600幾 非常抵食大廚整野食好認真 好有心機

不嬲支持開佢哋嘅窩夫，點知大廚推出芝士餅，不得了，口感一流，唔太甜，餅底小爽脆，配埋超開胃嘅sour cream，淡淡檸檬香，不知不覺食哂，件餅大細適合兩個人食飽當甜品，或者好似我咁一個食哂超滿足

前排上openrice見到食評已經想試一試，今日喺附近做嘢終於可以去食環境舒服😊今日試咗佢哋幾款串燒，其中串燒牛肋條特别出色，好香，口感一流，值得推介👍甜品窩夫同樣出色，外脆內軟，勝過附近cafe👍

下午茶時段路過活道一間新開串燒店，原本諗住外賣返屋企食，不過見到即叫即做，就打算堂食，雖然堂食位置不多，但係非繁忙時間人少就坐低慢慢食。職員就介紹我食串燒牛肋條，果然冇介紹錯，外脆內軟，好juicy ，之後見到下午茶套餐好抵，加多個焦糖巴菲窩夫，食落去就算加咗雪糕都好香脆，唔似外面淋曬，之後問職員，原來用啲好牛油和湖北蛋，唔怪得知有蛋香，值得一試，最後職員強調要堂食才食到質素。👍😋

聽朋友講過峇里燒係隱世高質小店，以外賣為主但性價比超高，今日第一次試估唔到串燒好食之外，連甜品都好高質～經店內其他客人介紹之下試咗幾串推介串燒🤤沙嗲豬肉、雞肉串燒($18@)肉質嫩滑，本身已經醃得好入味，加唔加沙嗲醬都一樣好食。脆皮牛肋條配香辣汁$28有四大件，香口帶辣勁而且肉質軟腍，性價比好高！除咗肉類串燒仲有幾款特色燒物：燒菠蘿$18已經有一整條設為七件，燒過嘅果肉鮮甜多汁，係性價比高之選😍另外豚肉流心蛋($22)以煙肉包住滷水已過嘅溏心蛋，味道濃郁，兩款都真心推介！！想更飽肚可以選擇全日套餐，我哋揀咗炭燒豬頸肉配印尼撈麵，豬頸肉切成小片燒得香脆，配上香口印尼撈麵，一個人外賣做午餐剛剛好～值得一提嘅係壓軸登場嘅焦糖芭菲窩夫，店內廚師原來都係有名餐廳做過，除咗主有水準之外連甜品都好講究！窩夫外脆內軟，夾住既芭菲口感順滑味濃，比起好多甜品專門店更加高質，亦都明白店主點解堅持客人係店內進食，因為趁熱食真係一絕😍😍整體食物水準好有驚喜，必試！

一直睇到openrice食評都好想試，因為疫情灣仔所以平又有質素既我都食過，好小會想寫食評因為打字都好攰。。。我就直接講啦，我又唔係食家但日日都係食外賣。第1次經過，今日店員推介我食(5號)虎蝦個set,佢都好老實。其實個menu都有寫明個set有咩食，就係番茄湯虎蝦湯麵，有兩隻虎蝦有蝦膏; 有一隻糖心蛋，非常好食，好正個蛋黃係有d液體流動;魚片頭正常; 塊蝦片好好味，夠脆口同好香。 不過番茄湯就無落鹽咁，好濃但無咸味，但我都ok,因為其他配料都好夠味。好健康🤣👍我呢個餐只係$68，外賣晚餐仲要有凍檸茶👍👍👍抵食，而且大廚煮野食都好有heart, 好似下星期有新既甜品，係passionfruit shaved ice 夏天一定好消暑。。。佢間舖頭唔大間，但有兩個位係室內，室外就係有張高枱企係到食。見到佢個椰子凍好想試。。。仲有串燒。。。。希望佢地keep住做。。。疫情好多餐廳小食店都做唔住。。。。呢間餐廳可以去試下，價錢真係抵而且食物唔係差。。。大家睇我post d相🤣

呢間小店係由兩位甜品師傅開設，所以除咗印尼菜，仲有甜品食。不得不提佢哋嘅甜品好高質，一人食一份窩夫都唔夠喉🙀。🔸巴東牛肉溏心蛋配椰香飯 $68巴東牛肉充滿椰奶同香料味道，唔辣易入口。醬汁配飯一流。溏心蛋口感軟滑，頗為出色。🔸香燒羊扒溏心蛋配椰香飯 $78羊扒燒得帶焦香，仲好多肉汁。預先醃過味道唔錯，羶味唔算濃厚。🔸焦糖巴菲窩夫 $38窩夫外脆內軟，蛋香好重。焦糖脆脆好有口感。雲尼拿雪糕令窩夫更香甜濕潤。📍峇里燒 (灣仔)灣仔活道6號地舖

行過灣仔見到新開左間串燒，望入去見到廚房乾淨，望到廚師師傅喺入面做食物，食物望到已很吸引。 唔幫襯好似對唔住自己。老闆推介了我們豚肉糖心蛋🥚，超級好味！我們還叫了燒羊扒，沙嗲牛，豬，雞，牛舌串燒，舌舌入口即熔，焦糖芭菲窩夫🧇、羊扒仲好味過高級餐廳，窩夫仲好味過很多五星級酒店。老闆又推介了我地飲班蘭椰子奶昔🥥，不會太甜，味道清新。由於太好味，食完仲買了外賣比屋企人😉

放工成日行過附近開放式廚房見到師傅整緊串燒香氣四溢忍唔住入左去🙈除左串燒原來都有啲印尼椰香飯之類—————————————————————雖然套餐選擇唔算特別多但每樣中島都好想試 選擇困難🙈最後決定試下個沙嗲雞椰香飯沙嗲醬超濃郁食到粒粒花生撈埋椰香飯變左椰香沙嗲 好滋味另外叫左幾串串燒都有好有水準豬頸肉油脂豐富切成粒狀更有咬口牛舌仍然滑嫩唔乾柴火雞腎爽口彈牙牛肋條更加試到師傅手勢脆邊但仍滿滿肉汁配上香辣醬 正飲品方面中島強力推介大家試下「斑蘭椰子奶昔」真係好好飲😍😍第一啖首先有少少香蕉味然後就到好香嘅斑蘭味到最後淡淡椰香層次豐富 唔似其他奶昔咁甜膩反而仲帶有點點清新 推介推介‼️最後老闆介紹中島試下個鮮果椰汁奶凍一大個椰青入面有奶凍 爆珠 紅豆同水果奶凍係由椰青水整成所以非常清新加上香甜芒果 藍莓同荔枝味爆珠滿口水果甜味 幸福滿滿❤️—————————————————————⇲ 沙嗲雞溏心蛋配椰香飯 $48⇲ 醬汁燒牛舌 $18⇲ 炭燒豬頸肉 $20⇲ 沙嗲火雞腎 $20⇲ 脆皮牛腩條配香辣汁 $28⇲ 斑蘭椰子奶昔 $30⇲ 鮮果椰汁奶凍 $65

灣仔活道有間新開既小店《峇里燒》，主打外賣印尼食品同串燒🍢，店舖小巧精緻，食物有質素，價錢大衆化，啱曬lunch同放工外賣dinner 。👍🏻龍蝦蕃茄湯米線🍜$68真材實料既龍蝦蕃茄湯底，新鮮好味，仲有濃濃既蝦膏味道🦞，兩大隻燒虎蝦，肥大肉厚🦐，好香蝦味，而且細心將米線同湯底分開，返到屋企都唔會浸冧。🍲秘制醬汁炒飯配串燒🍡$68炒飯極度香濃，帶點輕微蝦醬味道，飯粒分明，醬汁均衡👏🏻而配搭三串雞牛豬各一串燒，沾滿沙爹醬非常好味。😋峇里燒雞全翼$22全隻翼雞翼燒得香噴噴✨，外皮香脆，肉質嫩滑🐥加埋孜然粉燒，香氣撲鼻。🐽鮮果椰汁奶凍$65店長推介既甜品果然無介紹錯，大大個椰子🥥裡面裝滿奶凍，香滑好味，充滿椰子香味👏🏻再配紅豆、芒果、藍莓🫐，十分推介。雖然店鋪主打外賣，但食物質責高，價錢大眾化，非常有誠意。🥂✨