峯日式料理

營業中

休息中

隱藏喺觀塘熟食中心一樓嘅日式食店，其實碌FB都見過好幾次宣傳，不是我唔鍾意熟食中心嗰種好似街市咁地下濕立立嘅地方，仲要坐底食嘢真係唔多想，所以動力好低，經常幾次都掉頭走⋯今日先決心要去食一次！佢喺一樓即係地面上一層，位置都有啲難搵，差不多行咗一整圈先見到個招牌。（有另一間日本嘢，差啲入錯）但入到去好似喺另一個空間咁，環境意外地幾舒服。第一次食試咗蒲燒鰻魚定食，網上見圖片賣相唔錯！個定食嚟到時，心諗：「咦！飯面冇蛋嘅？」哦，原來之前喺食評見到嗰張圖係「蒲燒鰻魚蛋包飯」，同午市定食係唔同嘅，不過個Set有跟半隻溫泉蛋嘅，都OK啦。以呢個價位嚟講整體唔錯，不過鰻魚控嘅我並唔滿足，哈！鰻魚比較薄身同油香唔夠，亦冇乜燒烤嘅香味。鰻魚同飯都唔夠熱，鰻魚飯係特別需要熱辣辣咁食，我覺得😤！我已經接近光速影相，最多真係一分鐘。另外，想講講飲品方面，由門口大大部汽水機，到餐牌嘅搶眼汔水品牌廣告位，都睇得出汽水係呢間店嘅定番飲品。不過如果食日本料理，我最想飲會喺日本茶，或者係冰水，哈！講咗好多挑剔位，其實我並唔係唔鍾意呢間店，由佈置同食物其實睇得出店主嘅心思，不過對鍾意食嘅嘢我會有好多主觀嘅睇法。今次食鰻魚

#肥doi遊觀塘.平時肥DOI好鐘意去觀塘既駿業街熟食中心食野，次次經過呢間鋪頭都有想試既念頭，今次終於的起心肝去食佢地既晚市。《精選二人前晚餐》$188MENU選擇一眼睇哂，為左試多啲野食所以叫個二人套餐，套餐包左2份沙律、麵豉湯、餐前小食、主食同飲品。-《醬燒豚肉》豚肉肥瘦分佈都幾平均，唔會食到一舊太肥一舊太瘦，入口唔會太有油膩感。上菜前再用火槍輕輕燒一燒表面，食落多一層灸燒既味道。醬汁鹹味適中，送飯一流。·《咖喱吉列豬扒》豬扒大大塊炸到勁脆非常香口，唔會炸到好油反而仲覺得有少少乾，如果厚度可以厚返啲就好喇。咖哩汁係典型日本咖哩味道，入面啲蘿蔔薯仔已經煮到溶，令到咖哩汁充滿甜味。份量都非常足夠可以撈哂成個飯同豬扒，抵讚！.《唐揚炸雞》炸雞即叫即炸每人兩件，炸粉唔算好厚，但雞肉偏肥而且都有幾多黃色脂肪，個人覺得麻麻。.《日式蟹肉忌廉薯餅》薯餅炸到好鬆脆，咬開會有大量忌廉咇出黎，所以食既時候記得要睇熱。雖然送到黎放左一段時間唔係即刻食，但都保持到鬆脆！成個薯餅口感唔算結實，入口甘甘甜甜，應該係加入左蘿蔔同洋蔥，加埋忌廉恰到好處，唔會食到好飽滯。-👅味道：7.5/10🍱賣相：7/10 🏠

搵食搵到去觀塘街市🤣，去前用左eatigo訂位但去到店員話已經冇用呢個Apps😰，咁究竟點解唔取消左佢呢（黑人問號🤯？），店舖係街市樓上嘅熟食中心主打蛋包飯同日式定食🍱，價錢唔貴都幾抵食！/《蒲燒鰻魚定食》$98賣相好靚個碟畫曬花🤣，鰻魚原條上肉質唔錯，至少食唔到有骨同冇腥味😽，蛋都係精粹之一食得出落左奶煮，超滑溜👍🏻但扣分位係鰻魚汁有d少唔夠撈飯😗《鹽燒牛舌定食》$68牛舌大概有4塊，肉質軟嫩🐮燒得唔會太乾身，呢個價錢有埋半隻糖心蛋同麵豉湯，抵食！/餐牌見有石燒吉列牛，好想試吓不過要一日前訂定😭，下次決定要試！

呢餐質素之高真係聞名不如見面叫左咖喱豬扒飯第一啖無咩問題但老細用心良苦將塊豬扒炸到餅乾一樣薄 脆 乾 至極致呢家啲牙仲有少少痛如果大家想試美珍香送飯就值得食一次但一次過後就由得佢隱世吧

之前食過呢度既lunch覺得幾抵食，今次帶埋另一半一齊黎食晚餐😋因為間店隱藏係街市上一層，一開始會比街市既環境嚇一嚇，有啲擔心店內衛生狀況😂不過去到既時候發現店內比想像中乾淨舒服！店內冷氣無街市味，入口係日式燙門，閂左門就感覺唔倒出面街市既氣氛，凳仔中間係空心可以揭起座墊擺袋入裡面！係個好貼心既設計🥰可能因為隱世位置，晚市都唔多人，好岩想同朋友靜靜地傾計聚下！我地點左個$188既2人餐，前菜排盤好靚😳有湯有沙律🥗有溏心蛋🥚重有幾款小食可以揀，我地揀左炸蝦🍤&忌廉蟹肉薯餅🇯🇵除左個湯無料咸左啲之外都好好食😋去到主菜部份都一樣排盤好靚🥰點左牛舌&咖哩炸豬扒🍛牛舌整體偏乾但好食，炸豬扒唔會好油咁，個人覺得未去到驚人好食但係好食的😋咖喱汁如果加多啲料去煮會更好😋✅有二人餐✅無加一✅好坐適合聊天✅凳仔中間可擺袋✅環境乾淨✅好食日式炸物鹽燒料理

💛 峯日式料理 💛..............................十年無入過觀塘搵好嘢食啦難得去開觀塘 咁梗係要發掘下高質黃店啦🤪雖然佢喺街市熟食市場 但裝修過環境唔錯架Lunch time都幾多人 但都唔算坐得太逼🤤店員仲好貼心畀埋A4紙客人放口罩💛好推薦附近返工嘅朋友仔去試下🥰.🔅想知黃店原因請Pm💛..............................🍽鹽燒牛舌定食 $58（👏🏻8/10）。配前菜 + 味噌湯 + 汽水一罐.呢碗比較似係牛舌蓋飯 啲牛舌遮住晒個飯！全部牛舌都煮到超軟熟 唔會煮到又柴又硬咁😋上菜前仲會專登燒一燒個面 好香炙燒味上面灑左啲鹽花 牛舌嘅味道仲濃仲突出😍牛舌味道就好好啦 但如果厚切啲個口感仲正💛前菜嘅青瓜幾清爽 有啲蟹子沙律醬味噌湯都係正常嘅味 不過就得半塊蘿蔔🙊但估佢唔到又幾甜啵 唔知係唔係落左啲牛舌根呢.🍽咖哩吉列豬扒定食 $52（👏🏻7.5/10）。配前菜 + 味噌湯 + 汽水一罐.吉列豬扒好大塊 唔係薄eateat嗰隻炸到好脆卜卜 好香口 可以食塊豬扒食到飽😂咖哩汁味道都唔錯 日本咖喱不嬲都好食大家都知但抵讚嘅係佢啲薯仔同紅蘿蔔煮

哩間小店比較特別，開喺熟食街市裡面！咖哩炸雞🍤/吉列豬扒飯咖哩汁係BB辣，送飯一流👍🏻炸雞表面脆口，但食落裡面都幾多黃色脂肪，有啲肥🤢 吉列豬扒炸得好乾，食到最尾已經乾到唔想食😅 整體來講係一般，如果便便地去食OK啦

呢間日式小店價錢吾係話好貴，於是我同同事就諗住搵日黎試下，終於到了果日搵日我就叫左個蒲燒鰻魚蛋包飯，睇落賣相吾錯，食落都幾好味，呢個價錢都算可以，但係勝在有一條鰻魚，睇落夠大條，價錢自然就會覺得好抵，蛋包飯都可以，吾會話好老，飯就一般既飯，要撈埋鰻魚一齊食先更好味。同事叫左個鹽燒牛舌定食，相對我果份黎講感覺會少點，牛舌係放埋係飯上面既，加埋一碗味噌湯，同埋小小前菜。我地叫多左個牛肉薯餅，食落都吾錯，夠曬脆口，牛肉味都有。總結黎講，價錢都可以，不過不失，我果個會比較抵食，對於一般女仔既份量黎講是很ok的。

駿業街熟食市場其實都唔少野食揀不過出名既好似都係個三四間繼之前既百里香皇牌燒春雞, 另一間出名既就係呢間「峯日本料理」啦本身夏天好怕去呢類地方食飯唔係怕會污糟, 而係怕冷氣唔夠涼同埋坐得唔舒服好彩呢兩個問題都無發生, 座位方便雖然只係圓桶櫈, 但由於都兩點幾, 餐廳得我地同另一位客人坐得鬆動自然無問題啦食物方面清一色係食米飯, 選擇亦都唔多我就叫左咖哩唐揚雞定食, 同事叫左醬燒豚肉定食上菜好快, 醬燒豚肉望落唔錯, 豚肉份量都算多不過呢類唔太啱我口味, 因為好怕佢無汁會乾爭爭同事話呢個定食味道合格, 不過略嫌多左少少肥肉我個咖哩唐揚雞定食都跟住上枱咖哩係偏稀個種, 味道如我所料濃郁得黎帶少甜, 並且唔會有刺激既辣味, 撈飯一流雞塊有5件, 熱辣辣仲帶有少少汁炸皮唔厚, 炸得亦好鬆脆比我預期中好食得多, 無揀錯總括黎講呢間餐廳可以再試, 不過一定要揀兩點後既時間去下次可以試下鰻魚, 望落好似都唔錯咁

星期五晚同個好好好好朋友喺觀塘搵食，一般人都會搵工廠大廈上面嘅樓上Cafe或者餐廳，但一反後生仔傳統，走入駿業街熟食中心搵好西。駿業街熟食中心陪伴咗好多代喺觀塘返工嘅打工仔，由以前一啲茶記、大排檔發展到依家各國美食都會搵到，西餐、馬來西亞菜、泰國菜、日本料理都有。今次喺土城日本料理同個好好好好朋友叫咗個二人餐，個二人餐其實都好豐富。.前菜：蒜味螺肉、沙律、麵豉湯評分：🌟🌟🌟依啲嘢好難伏、但好難叫做好食。.小食：天婦羅蝦、雞唐揚(炸雞)評分：🌟🌟🌟天婦羅蝦就冇咩特別，店主揀咗隻比較厚粉嘅原材料，所以一般。以炸雞比較出色，入口熱辣辣，脆卜卜。.主食：鹽燒牛舌、蒲燒鰻魚評分：🌟🌟🌟⭐️牛舌夠大塊，雖然冇燒得乾身嘅感覺，但佢夠腍同有味，再點埋啲鹽更加凸顯牛舌嘅香味。而鰻魚真心香口，美中不足係唔夠熱，如果熱辣辣嘅鰻魚會更加好食。.成個二人餐已經夠飽，如果要再加小食要三思。

唔係朋友介紹都唔知係街市入面原來有間幾和式既食店朋友同我推介觀塘個邊有間幾好食既日式咖哩店叫我去試下，咁我最近行開觀塘就特登去搵黎試下，又真係唔錯峯依間鋪係熟食街市入面仲要上多一層，如果唔係特別搵真係留意唔到！鋪頭裝修好和風，以木為主好有日本當地店舖既味道，同身處既熟食街市環境有好大對比環境方面，雖然係街市入面，但成間店感覺都好乾淨，而且位與位之間都隔得開，唔會感到好逼，坐得都算幾舒服野食方面我同女朋友就叫左咖哩吉列豬扒定食同鹽燒牛舌定食，兩份都有送小食、沙律同湯味道方面，咖哩甜中帶點辣，好典型既日本咖哩味，甜甜地唔會太辣但又有辣味，味道不錯。豬扒份量好多，而且粉唔厚，炸得幾乾身，唔會粉同肉分開哂牛舌整得好腍而且好入味，非常好食，但就薄左小小，食完有d 唔夠喉兩樣小食，炸雞同薯餅都炸得好好，唔會好油膩，由其係炸雞，皮脆肉嫩，值得一試最後埋單兩人加埋188，價錢適中，味道唔錯，經過可以上去試下，支持下小店

峯日式料理位於熟食市場入面，位置雖然隱閉，而且係街市裡面，但其實店內既環境清靜又舒適。**我特別想推薦佢地晚上既二人套餐，因為真係好抵食！套餐只需要$188，除咗可以選擇兩款主菜同兩款小食，仲包左沙律、麵豉湯、凍/熱飲品、珍珠米飯(全部二人份）。**主菜 (套餐)主菜我地揀左咖喱吉列豬扒同鹽燒牛舌。吉列豬扒超級大份，而且係即叫即炸，十分香口，但嘴刁既我就略嫌唔夠鬆脆。牛舌又厚又大塊，都燒得幾好食。小食 (套餐)小食點左炸雞同吉利蝦。炸雞其實係有4件，但我地太心急食左先記得影相🤣全部都係新鮮炸起，熱辣辣😋單點定食我地另外仲單點叫左個鰻魚蛋包飯。咁大條鰻魚，都只係$99咋！😳味道都唔錯，個蛋好香牛油味。**總括嚟講，咁既價錢有咁既質素，真係物超所值！希望大家都嚟試下，支持下用心做料理既小店。☺️

星期2的一個晚上,跟朋友到這家開設於觀塘熟食街市的日式食店聚會用餐。從未到過這邊的我, 以為食店開設於熟食街市內會不太乾淨, 但其實也不會的。店舖的空間不太,但它的椅子入面可給客人放下隨身物品,挺方便的。我們4人叫了3個套餐加2款小食。套餐分別叫了鰻魚定食、豚肉定食以及咖哩牛小排蛋包飯。定食套餐配有沙拉及麵豉湯。定食的飯的份量可以,但餸的份量就略少,而味道還可以。不過, 豚肉比較肥, 所以本人不太喜歡。另外,小吃方面,唐揚炸雞幾香幾好味,炸粉適中; 雞泡魚干切成一條條的,幾香口。

===========📍觀塘高質抵食鰻魚飯 -- 峯日式料理💛前排見到有人介紹觀塘熟食中心入面有間高質嘅日本餐廳，主打鰻魚飯同各種丼飯，前排就同朋友去咗嗰到搵食😍餐廳嘅位置都幾隱蔽，喺熟食中心嘅一樓，樓下無招牌，要特登行上去先會見到🙊餐廳位置唔算多，裝修簡潔企理，店員亦招呼周到💛----------⭐蒲燒鰻魚蛋包飯（$98）呢個係小編一早mark實咗😂果然無失望🙊鰻魚都幾長幾大條，好吸引😍仲散發住一陣焦香💕食落肉質軟腍，充滿油脂香😆重點係食唔到幼骨，大啖大啖食都唔驚！😆超滿足😍炒蛋蛋香味濃，口感嫩滑濕潤，整體頗出色👍----------⭐醬燒豚肉定食（$68）睇落去個碗好細個，但原來隻碗好深😂飯同豚肉嘅份量一啲都唔少！豚肉油脂同肉分佈平均，唔會太膩😆👍加埋醬燒汁鹹鹹地，送飯好正👍----------整體黎講食物唔錯幾有驚喜，價錢以晚餐黎講亦唔算太貴。另外有一段小插曲就係論盡嘅小編除咗口罩之後唔小心將口罩跌咗落地下😭😭😭本身諗住食完喺附近即刻啦啦林買返個，但店員十分貼心比咗一個小編😭😭😭仲問我夠唔夠用，會唔會太warm😭💛💛可能因為疫情關係，當日晚上時段去到都唔算太多人食，如果大家去開觀

呢間峯喺熟食市場入面，有少少隱蔽但有心搵一定搵到😌🐃👅鹽燒牛舌定食🍱 配汽水 $58成個set都只係$58真係有d驚訝😱 定食有齊麵豉湯🥣沙律🥗半隻蛋🥚 牛舌鋪滿碗飯👅 而且個飯係有牛汁的，個飯底仲要輕輕燒過😣 唔會求求其其好有誠意😙 牛舌味道唔太濃，淡淡哋幾好😌/🍛咖喱唐揚雞塊定食 配汽水 $52一共有5塊雞塊🍗 炸雞炸得啱啱好，米係用上珍珠米🍚，而咖哩唔會太鹹啱啱好🍛 味道全部合水準😙呢個價錢嚟講冇得頂☺️/出去食飯我都好怕多味精，但呢間食完冇好口渴😗 而且服務態度又好😎 支持🙌🏻