影片
更多
2021-03-11
1488 瀏覽
隱藏喺觀塘熟食中心一樓嘅日式食店，其實碌FB都見過好幾次宣傳，不是我唔鍾意熟食中心嗰種好似街市咁地下濕立立嘅地方，仲要坐底食嘢真係唔多想，所以動力好低，經常幾次都掉頭走⋯今日先決心要去食一次！佢喺一樓即係地面上一層，位置都有啲難搵，差不多行咗一整圈先見到個招牌。（有另一間日本嘢，差啲入錯）但入到去好似喺另一個空間咁，環境意外地幾舒服。第一次食試咗蒲燒鰻魚定食，網上見圖片賣相唔錯！個定食嚟到時，心諗：「咦！飯面冇蛋嘅？」哦，原來之前喺食評見到嗰張圖係「蒲燒鰻魚蛋包飯」，同午市定食係唔同嘅，不過個Set有跟半隻溫泉蛋嘅，都OK啦。以呢個價位嚟講整體唔錯，不過鰻魚控嘅我並唔滿足，哈！鰻魚比較薄身同油香唔夠，亦冇乜燒烤嘅香味。鰻魚同飯都唔夠熱，鰻魚飯係特別需要熱辣辣咁食，我覺得😤！我已經接近光速影相，最多真係一分鐘。另外，想講講飲品方面，由門口大大部汽水機，到餐牌嘅搶眼汔水品牌廣告位，都睇得出汽水係呢間店嘅定番飲品。不過如果食日本料理，我最想飲會喺日本茶，或者係冰水，哈！講咗好多挑剔位，其實我並唔係唔鍾意呢間店，由佈置同食物其實睇得出店主嘅心思，不過對鍾意食嘅嘢我會有好多主觀嘅睇法。今次食鰻魚
第一次食試咗蒲燒鰻魚定食，網上見圖片賣相唔錯！個定食嚟到時，心諗：「咦！飯面冇蛋嘅？」哦，原來之前喺食評見到嗰張圖係「蒲燒鰻魚蛋包飯」，同午市定食係唔同嘅，不過個Set有跟半隻溫泉蛋嘅，都OK啦。
以呢個價位嚟講整體唔錯，不過鰻魚控嘅我並唔滿足，哈！鰻魚比較薄身同油香唔夠，亦冇乜燒烤嘅香味。鰻魚同飯都唔夠熱，鰻魚飯係特別需要熱辣辣咁食，我覺得😤！我已經接近光速影相，最多真係一分鐘。
另外，想講講飲品方面，由門口大大部汽水機，到餐牌嘅搶眼汔水品牌廣告位，都睇得出汽水係呢間店嘅定番飲品。不過如果食日本料理，我最想飲會喺日本茶，或者係冰水，哈！
講咗好多挑剔位，其實我並唔係唔鍾意呢間店，由佈置同食物其實睇得出店主嘅心思，不過對鍾意食嘅嘢我會有好多主觀嘅睇法。今次食鰻魚飯定食我只係覺得「OK」，期望下次食其他嘢會有驚喜！我會返嚟再食！
蒲燒鰻魚定食 HKD 68
轉凍檸茶 +HKD 3
蒲燒鰻魚定食
$68
100 瀏覽
1 讚好
0 留言
張貼
