峯日式料理

營業中

休息中

🍱峯日本料理觀塘蒲燒鰻魚定食 HK$68 - 肉質滑而有質感 汁既量同擺盤有心機 沙律同湯都唔係hea做 沙律新鮮 湯味道合適唔太鹹以呢個價錢食到鰻魚定食 都算幾抵食 舖位細細 食一個快飯都幾好環境衛生: 🌕🌕🌕🌗🌑食物味道: 🌕🌕🌕🌕🌑服務態度: 🌕🌕🌕🌕🌗#峯日本料理#觀塘美食#蒲燒鰻魚飯#香港美食 #香港餐廳 #情侶餐廳 #情侶飲食 #幫你食 #CoupleHelpYouEat #CoupleHelpYouE #HelpYouEat #HongKong #HKFoodie

“峯日式料理”位於人口密集的觀塘區，而且還隱藏在街市上層的熟食市場，開始會聯想到街市環境衛生狀況，店外面環境有少少濕和堆放很多雜物，難免有點減分，不過入去後感覺店內比想像中乾淨舒服，店內冷氣亦無街市味，入口使用日式趟門，關門就感覺不到街市氣氛。這個駿業街熟食市場一直備受該區的打工仔歡迎，當中有西餐、星馬菜、泰國菜、印度菜，中式粉麵飯更少不了，連熟食市場少有的日本料理都有。峯日式料理以便當定食為主，咖喱定食、吉列豬扒定食、吉列牛和鹽燒牛舌等都是招牌貨。餐廳是一般小本經營模式，雖然地方不大，約只能容納二十人，但座位都算幾寬敞。圓座凳中間是空心，可以揭起座墊擺袋入裡面，這個設計十分貼心！這裡的食物高質又不貴，定食包含沙律味噌湯同主食，配菜的流心蛋流心度相當高，蛋汁夠甜。所有食物都是即叫即做，所以一般都要等20分鐘才上菜

喺呢度試完午餐，真係撇開繁華都有得飽肚。鹽燒牛舌定食正到不得了，牛舌嘅肉質好軟嫩，真係每嚼一口都是幸福的滋味，嗌啖白飯，簡直係婚配😍。而家講埋個咖喱炸物定食，咖喱香濃但唔會過火，啲蝦同豬扒炸得金黃香脆，送入口，外脆內嫩，啖啖肉，夠晒滿足🤤。再配杯熱茶，真系好過癮。呢度嘅食物高質又唔刻意，正！最後話埋，店家服務都好有人情味，會令人想再幫襯㗎👍。

今次同幾位老友記撩撥撥去試嗰間新開既地道小店，唔通要驚喜咩？而家好多小店藏得好深，但攞手嘢食唔輸大店家。🍽👀首先食個麻婆豆腐，啱晒口味，辣得嚟唔喺渣，豆腐滑溜溜，仲有啖啖肉嚟打打底。翻個白飯，嘩，真係揼到底呀！暖笠笠嘅感覺真好呀～😋店家嘅糖醋排骨，唔知點整，完美咁夾到甜甜酸酸，啃起上嚟好過癮。骨頭旁邊嗰塊肉，真係腍滑得來，唔會喺好似有啲地方過於膩口嗰種。最後嚟個青菜，簡簡單單清蒸，但呢啲都要講求新鮮。啲菜脆口得嚟，爽口得嚟，蝕底都唔覺意。寫嚟寫去，口水都快流返出黎喇啦！如果你哋都鍾意食平民價錢但味道唔平嘅好嘢，記得要mark低呢間店！💥👍🏼

其實觀塘要搵嘅話都有好嘢食嘅，幾年前就話係美食沙漠，呢家真係只要你去搵，總搵列適合你口味嘅嘢食。呢間日式料理定食餐廳，原來係阿神 - ViuTV全民造星有份投資。我諗都係夾10萬8萬姐，叫做有個宣傳效果。地方唔大，餐廳位於熟食中心裡面，都唔難搵，但個食物質料幾好，又唔貴。啲食物都係即叫即做，所以一般都要等20分鐘先做好。晚餐 - 咖哩吉列豬扒定食 $68豬扒幾大塊，炸粉唔厚，金黃色咬落肉質彈牙，又無雪味。咖哩汁甜味重，甘口多於辛口。野菜沙律配個糖心蛋，誠意十足。

估唔到系熟食中心都有今好又價錢實惠日式定食，我點左個$188 二人餐，晚市唔多人，好啱想同朋友靜靜地傾計。食物😋前菜味噌湯柚子流心蛋沙律🥗主食日本炸雞🍗鹽燒牛舌🥩燒汁豚肉🐷飲品柚子 soda

之前聽朋友介紹觀塘熟食市場有一間隱世嘅日式小店，今日有時間終於可以去試一試！我同女朋友6點半就到左，啱啱好佢哋落完場做到第一枱客人🤭，店入面坐位唔多，但間距足夠所以坐得好舒服，而今次我哋就嗌左個二人前套餐，只係$188相當抵食！精選二人前晚餐 - $188二人前晚餐包含前菜沙律味噌湯同主食，前菜我哋就揀左日本牛肉薯餅同唐揚炸雞，主食就揀左咖哩吉列豬扒同鹽燒牛舌，吉列豬扒味道唔錯，可惜略為有啲炸得太乾，而鹽燒牛舌就比我想像之中出色，牛舌有咬勁得黎又唔會太韌，鹽燒味道香口惹味，十分出色，以呢個價錢黎講，整體我都好滿意！希望香港可以保留多啲呢類型小店，大家有機會都要多多支持阿 ！

今日嚟咗呢度搵食！本來係想食意粉，但係記得睇過佢哋嘅訪問。就入嚟試吓。鹽燒牛舌定食$58味道唔錯，如果再燒多一陣～ 可能更加香。半熟蛋仲包埋嘢飲，真係要多啲支持小店。老闆同埋店員都有禮貌加油！

一路都想黎支持下造星一呀神開嘅呢間店，估唔到過左咁耐先黎試。今日中午時間過嚟，店舖位於熟食中心入面，店外面環境係會有少少濕立立，而且要上一樓轉去後面先到，難免有點減分。入到店入面通風唔係太好，所以有啲油煙味，不過呢個價錢，真係唔需要要求太多。店舖唔大，所以午餐時間過嚟差唔多坐滿左人，lunch得6款選擇，我地點左兩個餐，等左10分鐘就有，兩樣野賣相都唔差。- 咖喱吉列豬扒定食 $55豬扒唔算鬆軟，個炸皮都唔算鬆化，不過咖喱味唔錯，撈飯食都唔差。- 醬燒豚肉定食 $58坦白講我覺得唔合格，醬燒味唔係好食到，淨係食到咸味同穫燶味，個飯都有點硬。反而個豚肉肥膏口感幾好，但唔建議點呢個。雖然overall食物質素唔算好好，但服務態度好好，同埋呢個價錢真係唔會要求太多。小店勝左有人情味。

雖不能肯定這是我吃過最好吃的燒牛脷, 畢竟仙台旨味太助的嫩滑實在過於驚為天人, 但以它五十多元牛脷飯套餐的定價, 以及五大塊的厚切件頭份量, 完全沒有可以批評的地方. 這家日本餐廳在熟食市場的一角, 相當低調, 午餐就是日式咖喱飯和炙燒肉類飯的定食, 就是一般小本經營的模式, 話雖如此, 配菜的流心蛋流心到相當高, 蛋汁夠甜, 並非揸流攤之作.要稱讚它的牛脷, 首先是修剪做得好, 沒有令人討厭的脷苔, 雖然並非不脷芯, 但口感依然嫩滑帶咬勁, 炙香和肉汁的香味, 再加上炒製過芝麻, 簡單直接但相當惹味. 吃完整碗飯之後, 忍不住再單點一客呢!

黃店。平日六點半黎到，佢岩岩先開鋪。頭半段都係我一個包場。＄６８鹽燒牛舌定食，有麵豉湯、青瓜同糖心蛋。本來擔心牛舌飯個份量唔夠，結果完全唔會。飯香，牛舌有五塊，唔可以話特別驚艷嗰種，不會都唔錯。而且係鹽燒的無錯（最尾食到有幾粒鹽）。其他就正常發揮，麵豉湯偏酸。好多人提到通風嘅問題，係無錯的，的確係有油煙味（尤其係燒緊野嘅時候）。我第一個入去，佢都指我去通風好啲嘅位置。不過礙於佢身處熟食中心裏面，可能都唔到佢地話改善就改善。當然可以做得好啲就食客都會開心啲。最後要提就係服務，店員（唔知係咪，定老闆）好有禮貌，最後仲鞠躬話多謝支持。讚。

峯日式料理位於熟食中心入面，周圍環境認真麻麻，但係估唔到一入到店內，閂埋門，即時感覺乾淨舒適，呢度雖然地方唔大，但座位都算幾寬敞。叫咗個咖哩吉列豬扒定食，呢個 set 所有周邊嘅嘢都唔錯：味噌湯，溏心蛋，日本米飯，咖哩汁等等，全部都正常水準，賣相亦企理討好，至於主角吉列豬扒就相對較為失色：可能炸得耐少少，豬扒肉質比較乾同硬，影響口感。聽講呢度嘅鹽燒牛舌定食非常唔錯，下次要試下。另外，店內油煙味頗為嚴重，通風系統需要改善一下。

@ 峯日式料理隱藏在熟食市場的一家黃色小店  裝潢美美的  平日午餐時間來  不用等多久就可吃了  👌🏾 蒲燒鰻魚定食  ($𝟼𝟾)原條鰻魚上碟  外觀完勝了對我來說所有餐廳的鰻魚都差不多的這家的沒有明顯的小骨所以可說是不錯這個價錢吃到原條鰻魚性價比真的很高👌🏾 咖哩吉列豬扒定食  ($𝟻𝟻)外貌上這個豬扒定食也很不錯豬扒是炸得脆脆的  就是肉偏瘦了一些吉列豬扒理應是夠肥厚而帶點油才好吃啊這有點兒乾的豬扒幸好有咖哩汁救了它一把這家店做得很有誠意  友人胃口大  想添飯老闆隨即送上一整碗  還帶有美味的鰻魚汁呢所以說  真的是帶有人情味的小店💛💛

自罷睇CCTVB後屋企多數開99台，相比下某些製作的確比較粗疏，但同時好開心佢開放咗另一個平台予人追夢。是日嚟到好少踏足的觀塘，找到一家由全民造星阿神同朋友開嘅日式小店，小店位於熟食中心內，地方細細，大約能容納二十人。鹽燒牛舌飯 $58午餐選擇不多，點了眾人加持的牛舌，牛舌有四大片加一件較厚切的，軟腍有油香，喜歡食牛舌的我表示滿足。礙於土地問題，小店坐得不算舒服又頗大油煙味，不過臨行時在開放式廚房內的廚師亦有禮的向我們道別，是小店獨有的人情味。

開頭以為係熟食中心應該會冇冷氣，但間餐廳比我想像中更乾淨更舒服。而且食物質素（❌素質）亦唔錯。—————————————————🍱蒲燒鰻魚定食 $68 包汽水個定食入面包半隻蛋、沙律同味噌湯。隻蛋係隻普通烚雞蛋，如果係流心蛋會更開心😚😚同埋沙律係青瓜撈沙律醬，略嫌可以加多少少種類，例如粟米之類，就會即刻唔同曬🥗鰻魚方面，食落去個肉質係帶少少口感，唔會lum pat pat 一嚿咁，而且個飯仲落咗好多鰻魚汁😝.P.S. 見到隔離枱食醬燒豚肉定食，廚師會喺上菜前會火槍燒一燒佢，離遠都索到陣焦香味，去食嘅朋友可以一試😚😚—————————————————