峰壽司 (已結業)

今日同朋友去咗沙田行商場，夜晚行完一田見肚餓，就去咗food court搵食。去到food court，可能星期日關係，到處都人生人海，想搵個位都無。後來見到原來有間峰壽司係度，以前食過都覺得ok既，見條龍又唔算長，於是就上前排隊。等咗十五分鐘左右就安排我地入座，今次係坐迴轉店，不過情況有少少嚇人，因為我眼見條迴轉帶上面啲壽司，全部都黑黑沉沉，感覺唔多新鮮，可能佢預咗啲客係落單，迴旋帶變咗裝飾品。但肚餓唔好諗咁多，落單先算。落單之後大概10分鐘左右壽司就黎到。帶子壽司：ok，解凍足夠，食落都軟滑千尋海老壽司：都鮮甜，好吃三文魚腩壽司：唔夠肥，可接受三文魚子軍艦：啲三文魚子都脆口既蟹膏醬軍艦：個人口味覺得ok左口魚背壽司：鮮甜，好吃赤貝壽司：少少爽口，一般加洲卷：好吃，牛油果夠熟油甘魚壽司：完全唔合價，梅既，一夾就散，唔怕死可試總結：性價比一般，唔會特別排隊再食

新年去左行新城市廣場,周圍都好多人,好難搵到野食,見呢間唔算多人排隊就試試啦,返正都未試過呢間,但我試左之後真係好後悔呀,勁難食一坐低迴轉位,想倒茶飲,好彩睇清楚個杯姐,係上一手留低,原來無收當左係新杯用......吓死...我地叫左:蔥吞魚腩手卷&軟殼蟹手卷: 蔥吞魚腩手卷好食,但軟殼蟹手卷紫菜同蟹都唔脆,唔行,唔知關唔關個師父整好個軟殼蟹手卷仲要唔放攞住傾計事呢...特長玉子,特長墨魚同特長三文魚壽司: 唔新鮮,一食就知,而且墨魚咬極都唔開.....牙都甩.....油甘魚腩,三文魚,腐皮,魚背,蟹籽壽司: 腐皮壽司超好食,特別在於飯中加入芝麻,好香!好有口感蟹籽壽司不過不失,其餘好唔新鮮,特別係油甘魚腩壽司,係壽司中算係最貴,但超腥又梅.........火灸三文魚壽司(共3款):普通,唔算伏卷物(有4舊,唔記得卷物名稱)......唔好食結論:用左400幾食左呢餐,唔食好過食,早知食拉面都好過,食左呢餐,我諗對壽司有一段日子的恐懼,因為食完去左廁所嘔左D出黎,我覺得食壽司新解真係好緊要!

今日用fd行街，見到峰壽司有午餐lunch套餐 諗住試下我地先望一望餐牌，見到壽司d價錢同板長壽司差唔多wor，因為覺得lunch套餐抵食d，於是嗌左A餐同D餐其中A個套餐很快送黎，D餐等左一陣 特別係佢既烏冬麵很明顯 壽司質素唔係既好 整得唔夠精緻 好似出面買果d外面平壽司 btw 有一瞬間 我覺得爭鮮回轉壽司既壽司質素都高過佢⋯⋯ D套餐好處係可以一次過試曬飯同烏冬，烏冬無咩特別 唔夠精緻 魚生飯份量唔多 飯同魚既比例岩岩好 但係魚生有d腥味 好似唔夠新鮮其實尼間餐廳既價位係其他地方已經好似去到相對高既質素了 唔係市中心既板長壽司lunch套餐既魚生飯只不過都係55 但至少比佢精緻許多 更加似日本料理 可能真係開在沙田既一田 都係旅客 質素高唔到去邊掛⋯⋯ 應該無下次⋯ 咁既價錢不如食其他

星期五，下午往沙田取藥後，晚上過海，中間有空餘時間，便在一田閒逛。想起許久未吃過鋒壽司，便專誠幫趁，因為是平日，所以不用等位。以前，我吃過這間幾次，是可以的，價錢也算是適中，但今次，感覺除價錢貴了不少外，食物質素也下降了不少。壽司飯，散收收，沒有飯味，魚生也是欠缺鮮味。鰻魚卷，只有很少的鰻魚。最離譜是，我以前至愛的軟殻蟹手卷，炸蟹凍冰冰，不香脆，紫菜也軟塌塌，真的難吃啊！相信，我再也不會幫趁著了。

前幾日做節同屋企人去左沙田峰壽司食晚餐壽司都幾多選擇，仲有熟食當中既象拔蚌壽司最好味，面上有少少山葵而其他壽司都正正常常啦海膽魚背兩味壽司，海膽唔太算新鮮秋之特選三文魚盛，雖然$98得六件，但係超值！火炙厚切三文魚腩超多油成口都係三文魚油既感覺真係太正而另外一個海膽厚切三文魚都好好味塊三文魚真係厚過刺身好多

平日放假如果想食日式作午餐可以到峰壽司，用信用咭付款也可以，set lunch有多款選擇，份量一定可以食飽，即使加一，也可以80元一餐。每次來也點蒜香三文魚丼，好香好好味，烏冬份量也可以，唯有沙律的賣相有点差，但味道也可以。

剛開業時成日食, 好似飯堂咁, 最愛芝士薯蓉波! 之後開始越黎越多日本餐廳開業, 就好耐好耐無食過... 今日同男友睇完天際特工, 經過行去一田條路, 媽呀😱好多大陸人塞住晒, 勁多喼, 終於衝出重圍5點半過黎食, 唔多洗排隊! 不過一田呢間分店環境就真係麻麻, 有D污糟, 差唔多食完, 望到前面既師傅帶住手套整壽司, 又開櫃又攞其他野, 又再摸返刺身😅😅😅 所以話食野唔好望廚房😂🙈其實整體味道唔差, 不過環境衛生就....三文魚腩2碟, 好肥美😋 炸墨魚咀, 好似番炸咁, 普普通通啦還是我懷念既芝士波, 熱辣辣, 好好味, 餡料既芝士味道我中意2款鰻魚壽司都唔錯

火炙蟹柳壽司應該係岩岩從雪櫃中拎出黎，咬下去完全冰的秋刀魚壽司唔新鮮，勁腥腐皮壽司冇乜汁，完全冇腐皮汁的甜味壽司飯糊口員工在旁邊嬉戲，說髒話幾年前質素很好，如今⋯唉..............................

峰寿司，曾幾何時，是本人必吃的壽司店。那個時候，是峰寿司初從九州登陸香港，白沙道店盛極一時，要在繁忙時間吃，非等上個半鐘頭不可，其後在崇光旁的大廈二樓開分店，等侯時間得到改善。那時的峰，久候都覺得值得，好吃當然是主因，而駐場的壽司師傅，是日本人。他們手握出來的壽司，才可真正稱上是一件壽司，當你將壽司返轉沾醬油時，那件魚生永遠也不會掉下來，這種，就是功力！其後，不知為何，兩大銅鑼灣店相繼結業，改到其他地方營業，那幾位日本師傅，早十年左右在沙田店碰上過，但其後都不見了。日本師傅走了，換來就是一落千丈，這晚光顧沙田的一田店，服務不好外，壽司也不好吃，返轉件壽司，魚生即掉下來，飯糰似是白飯糰，糊口的，魚生多是無味的，失望透。日本的壽司師傅，沒廿年十載的功力，也不會派上櫃前，香港的，就是日本品牌的店，櫃前的師傅外表就是年輕，拿著刀，已看出他刀功不是，功力不到家，也罷，但最重要是態度也學不好，就如今晚吃的吞拿魚壽司，魚肉上有一粒芝麻，在日本的壽司店，師傅就是不會容許這種事情發生！

位於沙田新城市廣場三期的峰壽司，壽司質素不錯，難怪週末要在門口等位入座。點了幾款的壽司都不錯，包括：火炙盛和蒜香三文魚軍艦。火炙盛包括鰻魚、帶子和燒三文魚，上桌前會有火槍先燒，配上特製的醬，入口十分油潤，很美味，回味無窮。這餐廳位於一田食物廣場，所以位置會較為擠逼，該範圍的泠氣也有點不夠。一個人約一百元，以這質素來說算不錯，除了元氣壽司，這餐廳在沙田中央範圍也可一試。雖然吃完後有少許頸渴和口乾，但味道也是不錯的。

今朝好早出咗新城市買野，突然想食日本野，但好多鋪頭都未開，好彩行到一田見到峰壽司開咗就入咗去試下😍😍總共叫咗16件壽司兩個人食貝類比較新鮮而且非常爽口彈牙😄但係蝦同三文魚就一般，唔算好新鮮色澤亦較淡柚子胡椒三文魚味道配合得唔錯，酸酸地又有小小胡椒味😋😋👍🏼特大海鰻魚 $32味道一般，而且唔算太新鮮總括來講，食物質素一般服務較差，侍應唔係點理人😥😥餐廳衛生環境只係一般價錢都算可以接受

去一田買野shoppjng!!行到好肚餓啊！！！咁岩有lunch set！！就入左峰壽司！！平時都食開散叫！今日食下叫set!上面呢個係sat A!58！D刺身都好新鮮啊！！！呢個就係68果個set！！都好新鮮！好好味啊！！中午超抵！！！沙律都好新鮮啊！！！酸酸好開胃！！不過味噌湯就好鹹！！！推介！！下次仲要再食！！

去完西貢番沙田醫肚🌝周圍都係人😅😅連譚仔同譚仔三哥都要等10萬張枱嘅時候，我同男人就揀咗返去我哋專屬嘅飯堂～食好味的壽司😌😌------------------------普通野就唔講啦，講返啲特別野先😋😋1. 甜蝦兩味🦐（$28）先試軍艦款，唔知未食淨睇餐牌以為係蝦膏，黎到個樣有啲似龍蝦沙律，但食落我同男人都分別哇左聲😂原來係甜蝦肉，味道超級鮮，醬料食得出有芝士、tobasco，好creamy🤤🤤另外甜蝦果半因爲連頭，所以可以試晒完整嘅鮮味，非常抵讚！必須一提嘅係，呢款只做到28/2，期間限定架！Rating💁🏻: 9/102. 蟹膏軍艦🦀 （$22/碟）一個字：正！😋兩個字：好正！三個字：好鬼正！😍😍 不能形容的滿足😌😌而且蟹膏份量好多，係每次必叫款式Rating💁🏻: 9.5/10 （0.5分不足係因為貪心想要更多蟹蟹🦀）3. 火灸北海卷🐟（$18）賣相抵讚既👍幾靚仔👍三文魚夠厚身，帆立貝亦大大舊💫加埋醬汁同魚油相當厚足Rating💁🏻:7/10好味指數😋：8.5/10翻啅指數🙆🏻：9/10🌟人均消費💰：$101-199

很久沒有吃過壽司，所以今天和朋友一起去食壽司。我們點的食物也是我們最常吃的。鵝肝壽司這個非常甘香肥美，令人齒頰留香。炸蝦天婦羅壽司這個炸蝦很鬆脆，蟹棒壽司也很鮮味。 這個是新推出的蝦壽司， 非常爽口彈牙！

晚餐選擇左呢間 ，要回轉坐位唔洗等叫左個聖誕三文魚set 味道還可啦 海膽有點腥 ，甜蝦幾鮮好味個芥末魷魚好多芥末食到標曬眼水，下次唔會叫呢個。個蝦膏壽司真係好腥 ，其他日本餐廳無咁腥的。