峰景餐廳 (已搬遷) 新店位置

這是兩個月前的食評。兩人晚膳訂了window seat有靚靚維港景但食物和服務就一般旁邊的小屋餐廳好好多但就沒有海景所以要看看自己想要甚麼價錢也差不多普普通通大概400元一人也可以的

呢個係我第一個同女朋友過既節日，又係平安夜，所以兩星期前就book左o係呢度食，因為想氣氛好0的同埋坐得舒服0的。不過原來窗口位早一個月前已經比人Book晒，我地入到去只係坐走廊位，睇唔到風景，不過女朋友就覺得個位都幾好。Book枱時Waitress同我講這天只有聖誕餐，重要send 張form比佢confirm，不過原來普通food都可以order。由於一早預左食set dinna，而且女朋友又話未食過聖誕餐，於是就order左一人一set。頭盤係三色辣味三文魚卷，不過都唔係好辣。之後就到西洋菜忌廉湯，面頭有片白朦朦既Source，賣相都幾靚，不過0的湯好似唔夠滑。到左主菜燒聖誕火雞，英文menu係叫Giblets Gravy, Stuffing, Red Cabbage, Roast Apple and Macaire Potatoes，原來主菜入面包括好多野，而且重砌得幾靚，但係除左知道有火雞，栗子同蘋果之外，其他的都食唔出係咩野來，大部份都很酸，其中有一大堆紫色既絲開頭食一口都無咩野，點知俞食俞難食，又酸又唔知點咁，最後幾經辛苦先食得晒。跟住有一塊好似漢堡扒既野，食左幾口已經覺

同honey好耐冇去deco食飯, 所以就訂左位上星期六去.本來想order set dinner, 但最後叫左以下dishes:1/ Cafe Deco's Selection - so so 2/ Parma Ham pizza with truffles - good3/ Ricotta and spinach ravioli - good4/ German Cheesecake - not as good we before5/ Vahorna Chocolate Cake食物質素較以前差左喇..因為香港高質素食肆多左..但要一路食飯一路睇香港夜景, 我都係會選上山頂多過去ifc!

剛剛同女朋友係外國返黎,因為佢\唔係香港人,咁我梗係要帶佢\周圍食下野,香港既朋友推介呢一間餐\廳,咁咪試下囉.餐\廳既裝修係唔錯,但係食物既質數就普通,我叫左個ribeye.我覺得普通囉,女朋友叫左個羊排,ok.埋單七百幾,我覺得幾貴.

想俾個難忘生日女朋友, 決定選左呢個.一星期前訂座訂位小姐話已經無window seat, 佢都話可以幫我地安排下, 好好禮貌.呢間餐廳係有兩層, 有條旋轉樓梯上去, 下面樓梯附近有個開放式廚房, 有個圓形燒爐, 見到師傅係度燒.環境同設計都好好，雖然係價錢貴左少少，但係值得o既.我地叫左兩個set dinner share食.先來兩杯cocktail: martini cocktail 味道調得幾好,酒精都幾濃,但我同女朋友都飲晒, haha.前菜: 吞拿魚刺身和鵝肝壽司, 個壽司由頭到尾都有鵝肝, 唔係一般壽司店得一舊仔!!湯: 我們都叫了椰菜花忌廉湯, 好飲.主菜: 我地揀左神戶牛同羊扒.神戶牛個人覺得味道okay但唔算係好特別.燒羊架配甜薯-肉質嫩滑，燒得又香，甜薯好好味。甜品: 有cocktail雪糕士多啤梨同朱古力蛋糕.朱古力蛋糕整得幾好而一粒粒士多啤梨唔係我favor, 我俾左女朋友食.生日仲有waiter送上有蠟燭的雪糕新地, 掂啦.

男朋友仔生日!專登早兩個月訂...點知都係訂唔到樓上...但就留左msg..if 樓上有人取消可否給我們!當晚一心諗著都係樓下既時候...個職員帶我們上去呀!我同男友都有一種\"估你唔到\"and\"驚喜\"既眼神-好開心呀!點解睇夜景要上山頂呀? 因為真係好無敵..好靚好靚!我們order左兩個set dinner + 龍蝦!湯=好鮮..好多黑魚子有兩個頭盤=唔識食..生牛肉..e..龍蝦=好鮮味呀...半隻確實唔夠和牛=軟眠眠..又有牛肉汁羊架=少少羶..咁至係羊ma甜品至勁..由於係生日所以有多一樣好朱力力呀...另一個就好濃既酒香!niiice..食完都唔想走呀..留耐少少..耐少少..好浪漫喔...服務員好好呀..幫我地影左好多相同埋唱生日歌!order食物時又會給我們意見! so nice..

上星期日同男朋友慶祝生日,點了以下o既菜:Set Dinner Stella Bay 生豪鵝肝手卷-一set兩份法式焞蛋墨魚汁寬條麵 其實order 的菜都係依個綱o既人介紹,由頭盤到甜品都好滿意,尤其是生豪,鵝肝手卷, set dinner 的朱古力cake同埋法式焞蛋...依家諗起都想食,雖然真係幾貴,但係比錢o果一刻都覺得係直o既...仲有service都唔係咁差吖,d waiter都好professional,但係環境真係有d嘈兩個人成為$980....

其實我都係睇完open rice 這裡的評語才來這樣和男朋友來過生日的...看完評語好有期待咁去...以為會有一個好浪漫的生日...點知?1}一入到去我問個接待女仔"我book了9點半姓王的,請問係唔係window seat?"(我早4日前book了window seat的,只想confirm!)佢便立刻答:"下,你張枱今日先book ga bor?"我說:"下,冇野ma?",之後先再搵其他同事再check,原來搞錯,未入去巳經令人有d不開心...2]入面真的有點噪,裝修環境不算好靚,只是個風景靚,張枱又細...3)d食物都ok,但冇驚喜,d wariter 好唔醒目,我問佢雜菜沙拉係咩,都要諗!我問佢生日係咪重有個dessert 送,佢答"係",之後企左係度.{你都問下我係唔係有人生日ar,企度唔知做咩),之後我隔了一會,我才說:可唔可以上埋?他說:好...真的好冇service,我都唔係要求高,你係茶餐廳都ok的,但這裡是山頂上的餐廳.4}最後,其實除了service,這餐廳其他都ok,但比service影響,浪漫氣氛冇晒,我覺得好浪費!

隔了數年重訪峰景餐廳，環境還是那麼迷人；特別該晚我們被安排就坐上層窗口邊位，港島璀璨美景一覽無遺，環境方面肯定是滿分!　今晚目標是飯後甜品-Lindt朱古力火鍋，特為未試過的朋友安排。峰景用上52% Cacao的朱古力，配合以多款生果、棉花糖及蛋糕。火鍋夠朱古力味，不過可以更滑一點；生果就十分新鮮，雖然我從來都覺得真正與朱古力火鍋匹配的，是棉花糖及蛋糕。講味道，峰景的chocolate fondue是不及Haagen Dazs，但後者轉用新紅色盆後減了印象分，始終朱古力火鍋還是用白色陶盆最合適。　整體而言，這個飯後甜品都算稱職，加上一流的環境，朋友相當滿意這一餐，我也很欣慰~~~　下次，去哪兒吃甚麼好呢?

食物唔太貴,景觀一流,香港景色盡入眼簾D steak唔算係勁正不過由於佢唔太貴,所以以呢個price黎計都算係OK,可以一試就算唔鍾意食扒,都仲有好多其他選擇,實有野岩你

一直對遊客區sell靚景0既餐廳冇乜好感(可能以前瀨過0野啦),咁0岩有朋自遠方來,而友人又對此店大感興趣,咁一試無妨啦~一座低,大半個香港夜景睇哂,抵佢屹立0係山頂咁多年,再望望個餐牌,原來價錢冇想像中咁貴,main都係2~300度,是晚餐單南瓜湯:唔係大路0既"甜甜地"味,係咸味0既,食到少少南瓜茸,唔錯幾特別生蠔半打:友人比較在行,由佢發版,名唔記得啦,共三款,幾好,夠鮮咪羊架:7成熟,都ok,味道唔錯,自選配菜兩樣,其中一樣我選焗薯,竟然全隻薯仔比哂,份量十足,唔大食0既淨叫main都ok全晚維港靚景相伴下,氣氛愉快~

我最鍾意食佢既牛扒, pizza, 同埋法式燉蛋(夠正宗)!牛扒又有肉汁, 燒得好正, 好滑....pizza又係正宗, 味道一流, 又唔貴法式燉蛋都幾大個, 幾平, 真係涷既同埋用火熗燒個糖面! 正!環境都好好, 唯一係張枱同seat位較細, 坐得唔太舒服!

The set lunch is surprisingly inexpensive. Great view.

由於天一酒家服務麻麻，所以都系番來食甜品。當然系叫我最中意既軟心朱古力布丁啦！原來澳洲蠔做緊promotion，$10/只。我地叫左4只。很快就有得食，布丁亦上埋台添。e?0甘快既，通常要等15分鐘架0我。Anyway,享受完4只蠔，都好新鮮，所以我地再叫多6只。今次就等得耐少少, 不過Yummy yummy 最後食個布丁。coconut sorbet (on top) 好好食，值得一試。但個布丁可能放耐左，已無溜朱古力出來lu。too bad呢度氣氛比天一酒家好得多，有live band。臨走前剛好聽到男友點的生日歌，心情當堂好愉快。

生日黎到山頂既峰景餐廳Cafe Deco. 原來我女朋友成個月前已經訂枱先訂到窗口位. 落地玻璃對住維港既燈飾, 又可以睇埋幻彩詠香江, 而且上今晚天氣非常好, 個天好清, 直情可以睇到去獅子山o個邊. 再加上燭光同live band, 非常有情調.今晚我地叫左兩個二人餐, 基本上除左主菜魚柳之外, 其他係晚餐上面既菜色都食過. 另外, 近排做緊優惠, 澳洲蠔$10隻, 見幾抵食, 試完半打再加半打. 個餐包兩杯cocktail, 前菜, 餐湯, 主菜, 甜品同餐飲.蠔: 味道唔錯, $10一隻算幾抵食.前菜: 個天婦羅壽司同生牛肉都唔錯. 我自己比較鐘意個牛肉, 味道較特別.cocktail: 味道調得幾好, 但因為酒精都幾濃, 我女朋友飲左兩啖就俾我飲埋佢.湯: 有菜湯或味噌湯. 菜湯係白湯, 味道較濃, 有椰菜花同帶子. 味噌湯有用長腳蟹煲, 會有一陣海鮮甜味. 我覺得味噌湯會比較特別.主菜: 我地揀左神戶牛同羊扒. 個人覺得味道okay但唔算係好特別.甜品: 有雪糕士多啤梨cocktail同朱古力蛋糕. 甜品兩個都整得幾好. 唔會太甜但味道又幾濃郁. 兩個都值得試.可惜服務方面