峰景餐廳 (已搬遷) 新店位置

和朋友一行5人上山覓食，到了這間餐\\\廳，感覺很好，遊客和本地人各佔一方，氣氛一流。我點了生牛肉薄切，很鮮美、美國銅蠔入口即被甜味感動、主菜焗羊安好味。服務有水準，侍應有禮。本人建議平日可再到此一遊！

呢間餐廳係我同好友既老地方. 愛上呢度已10年了. 但最近一次去, 發覺佢地退步了. 真係要比個"差"佢. 整體上係服務差左, 侍應唔醒目(還是醒目過頭, 對我地既呼叫當睇唔到), 唔pleasant, 令我地整體個experience唔愉快,就算野食有幾好, service差就已經大打折扣. 作為我呢類die-hard fans, 都要比個差佢地, 咁佢地就真係有個好大既進步空間!!!

於山頂與伴侶共進晚餐, 相信很多人會很期待及覺得會很浪漫。而以這間餐廳的價錢及所處位, 本應該可以滿足到客人的需要。然而今次於這裏慶祝生日,卻對這餐廳截然改觀。(1) 枱與枱之間距離太近, 不能給每枱客戶有私人空間, 我的椅背與後面那枱客戶的椅背, 是緊緊貼著的。(2) 而且, 餐廳內人太多, 枱太密集, 以至聲浪亦很高, 建議可播多些柔和音樂。(3) 有些悠閒的待應生們經常留意不到客戶的示意,而要我們舉了近1分鐘才可追call食物(原來之前落漏單)。(4) 待應生替我們換碟時,很衝忙,不gentle, 完全影響氣氛。整體來說, 我又不覺得食物特別美味, 服務及環境又一般, 最可取的, 就是它的所處位置,可以俯瞰維港夜色罷。

呢日係珍妮絲生日,男友突登訂左山頂的呢間餐廳食晚飯,由於我地個日行程主要係向山頂,所以佢早幾日已經訂左位,入到去,間餐廳有兩層,侍應帶左我地從一條迴旋樓梯上去,帶到我地去到一個近window而又可以睇到夜景的位子,每張枱都有一杯小candle,夠哂情調,waiter遞左menu俾我地,什錦sushi,有蝦,赤貝,三文魚,蟹籽,吞拿魚,蛋等好好味,夠新鮮,mixed grill - 雞扒,豬扒,羊扒,煙肉,薯菜,每樣都有兩件,燒得剛剛好.蕃茄煙肉天使面,d汁好juicy,有真的蕃茄蓉菠蘿汁-- 甜得滯西柚汁-- 正生日去呢度,仲有個免費wafer sundae送添呀,個waiter唔會主動講俾你聽,係佢俾個甜品menu時,留意右下角,有寫到明架.不過環境好浪漫,要近window都要早少少訂架,

好久以前，幫襯過一次唔算係一間水準好高既餐廳，不過係山頂開舖，理所當然地會收旅客區既價錢啦前幾天再度光顧，仍然沒有改變我對這間餐廳的評價叫了三碟main course個香草pasta平平無奇，唔算特別好味香腸pizza既批底更加唔夠脆，大大降低食pizza既食慾唯一有水準既，係牛扒肉質不俗，焗薯也美味可口也許，這間deco的收費比較貴，令我對這間餐廳的期望較高它沒有給予我驚喜，也沒有令我失望

前幾日係我生日, 男朋友早兩個月已經為我訂左table seat, 佢話明個view 要最好既. 佢仲好擔心個receptionist 會唔記得佢既booking, book 左之後隔一段時間都會打去confirm. 好啦, 到左生日o個日, 我地早到15分鐘, 門口個類似賓賓既receptionist o個時check 檯, 佢係問308號檯ready未, 之後佢話未ready, 叫我地遲15 mins 先返去. 好啦, 我地去行左一陣, 準時返去. 到左之後, 個賓賓receptionist 今次問302號檯ready未. 之後佢就帶我地上2樓, 以為個view 好正, 點知佢show o個張檯個view 係完全俾隔離座building 阻住哂, 男朋友即刻同個receptionist 講, 點知佢又推三推四, 話我地原先張檯有一group 外國人坐左....我地真係唔明其實一間開得o係山頂既餐廳service 點解會差成咁, 鬼唔望佢快d執, 費是o徒左個location. 佢隔離o個座屋仔餐廳同佢食既野差唔多, 但係service 好佢幾皮.

4月7日係我男友生日，持登神秘地安排了在這裡慶祝。這裡食物有西式、泰式、印式同埋日式，都算多款，可以迎合不同人的喜愛口味。我和我男友選擇了：(1) 洋蔥湯---太杰，而且唔覺有洋蔥味，飲落感覺似蕃茄湯多o的。(2) 印式拼盤---有幾樣野架！我鍾意食個印度咖喱角同埋煙三文魚pizza，咖喱角同出面一般印度店水準差不多，而個煙三文魚pizza我以前就未食過，感覺好新鮮，味道亦都唔錯。(3) 鴨肝xxx意大利雲吞---詳細名稱唔記得，個鴨肝好似鵝肝咁好味，好有鴨的鮮味，我男友勁讚好味。而個意大利雲吞就一般啦！同出面的西餐廳水準差不多，沒有驚喜。(4) 印式羊肩---我男友點的，我本身只會食羊腩煲。其他煮法就麻麻，因為我怕羊的騷味。但這裡的羊肩不騷，配合埋印式醬料味道唔錯呀！不過亦係同出面的印度食店差不多。服務方面：(1) 我地希望有多一張椅可以放袋，男侍應好爽快就安排左一張畀我地。唔錯~(2) 落單時我冇特別指明要印度烤餅，但來羊肩時就一拼來了烤餅。我想轉印度飯多o的，叫個男侍應幫我地換，佢好有禮貌話：「哦，你想轉印度飯。冇問題！我幫你換過佢丫~」。呢個服務態度令我和男友都好欣賞。(3)

前日同女友做生日去ｏ左山頂，兩星期前ｂｏｏｋｏ左位，嘩，有上層最出的位呀，個ｖｉｅｗ好好呀！ｗａｉｔｅｒｓ　同ｗａｉｔｒｅｓｓ都好ｎｉｃｅ！我地最終都冇食ｓｅｔ，叫ｏ左半打ｏｙｓｔｅｒ，我最終意＾＾女朋友就最鐘意個周打湯。叫ｏ左個ｒｉｓｏｔｔｏ同一個ｂａｃｋ　ｒｉｂｓ，都好滿意＾＾最終坐ｏ左成兩個鐘，嘩，六百幾蚊睇景都抵ｌａ～～仲要各樣ｏ野都唔錯～～

我好耐無上山頂，所以趁新年同埋一家人去一次，睇下peak tower係咪咁正！但係，峰景餐廳的set dinner就真正！每人都係４００元唔駛，有湯，有鵝肝手卷，仲有印式海鮮，咪話唔底。而我最鍾意係個輕鬆的氣氛，我著得超級causal都有好服務，唔會俾人「白眼」，所以我極力推介！

吃完後才發現其實是種上當。餐\廳裝修格調不高、個性不足，風景也只算一般。光是一樓的油煙味就已經將人嗆得夠，再抬頭看頭上的裝修，木制的網格也應長時間的煙燻而變得很髒，日積月累的灰加上油膩，如絲絲蛛網懸於頭上，心情可想而知。上來的菜單中西美食“薈萃”，但亂哄哄如穿上百家衣，雖可遮羞，但絕無品味可言。看了一堆的菜，最後決定叫兩個set dinner, 餐\酒是martini，但味同咳嗽藥水。頭盤有生蠔和鵝肝手卷，三隻生蠔好似三只花蛤，幾小，鵝肝品質也十分低劣。湯是南瓜湯和冬蔭公湯，冬蔭公還算到地。主菜決對惡心！分點兩種不同的主菜，我點的主菜是肉類有雞、羊、,豬、牛肉。女友點的海鮮款有煎鱈魚、三文魚、大蝦。但上來的結果都是一樣，型似鐵板燒，且漆黑黑烏糟糟一盤，無型無色，沒有絲豪美感！當天，結賬人均400元。真不如走多幾步去到旁邊的太平山餐\廳木屋。

上星期我老公帶我到這間餐廳慶祝生日,他早三天訂,但那晚非吸煙區要6:00pm-7:30pm才有窗口位,那晚去到,覺得個窗口位對住個夜景真係靚,perfect!~我哋叫咗兩個set dinner, 約$379/set,我哋一坐低佢就拿咗兩杯martini,唔好味,好似藥水咁,但拎住杯酒好有氣氛跟住頭盤有生蠔和鵝肝手卷,三隻生蠔都好新鮮,而鵝肝入口即浴,正,但紫菜唔脆,然後有南瓜湯和冬蔭公湯,南瓜湯好濃郁,冬蔭公湯有好多料,又夠辣!~主菜有驚喜,我哋揀咗肉類和海鮮款,用鐵板上,配埋薄餅因為光線陰暗,所以唔係睇得好清楚,但肉類一定有雞,羊,豬,牛,好似醃製過,好入味,海鮮個款有煎鱈魚,三文魚,大蝦等,一樣好味,而甜品有布甸,唔係普通布甸,waiter會行過嚟倒brandy&士多啤梨落去,燒一燒,上面脆脆哋,好好味另外一款就好似蛋糕咁,圓柱形,入面有啲糖霜,又有啲生果配搭,超正啊,最後送上飲品,由於未飲完就時間已到,waiter好有禮貌咁提醒我哋,仲提議我哋出去室外露台坐,佢幫我哋攞飲品&影相多謝老公嘅精心安排,令我有一個難忘的生日

是日腦袋懶惰作業，亂叫一份set dinner 作罷。其實食物配搭是經過細心思量的：前菜Foie Gras Maki：香滑的鵝肝配香滑的牛油果，已是一絕；加一片仔幼滑無渣的芒果，中和番鵝肝暗地裡濃烈的味道，更是一絕；飯醋沒有反客為主，又是一絕。可惜，飯太生，紫菜太?。餐湯Sweet Almond and Butternut Squash and Basil Soup：杞子配南瓜湯竟出奇的美妙，杏仁片也出奇的香脆。可惜，湯太稀，水溝油。主菜Tandoori Selection：喜歡它擅自把香料中香茅的份量無限量的提高，但奇怪它何以在「萬年pickling」的情況下，香料不入味之餘，仲將各肉類應有的肉汁同肉質帶走。甜品Pavlova：濃滑忌廉配蛋白脆脆，口感上已是絕配；淡忌廉配甜馬鈴，更是絕配中的絕配。即製誘惑，避免meringue 落難，變成濕透棉花糖的尷尬情況出現。Welcoming 的Dragon Martini 同closing 的Decaffinated Coffee，不過不失，只是因Absolut Vodka 作業同freshly brewed 的緣故。Art Deco 下的C

星期六的中午和老婆上來吃個午飯. 入到餐廳人客不算太多, 因早一天訂了位,所以有窗口位坐. 但原來樓下的窗口室外亦放置了一排小圓餐桌給人用餐, 所以室內的觀景也給打了個折扣. 在菜單內點了三個菜: 安格斯牛扒包(希望冇記錯), 峰景併盤, 海鮮長通粉. 就算當天兩人頗為肚餓, 但對其味道也沒有留下多大的記憶. 雖然說之前寫過的"太平山餐廳" 的服務真是一般, 但論其食物質數及水準和峰景的比較, 立杆見影. 吃飽之後抖了一會, 着服務員送來甜品的菜單. 但點吃的只是我老婆, 我向來對甜品沒多大興趣. (以前我們晚上來据過一次扒, 她自從試過某一個甜品後便一試難忘.) 原來那個dessert名字叫CREME BRULEE - 法式蕉糖燉蛋配火燄冧酒. 這次應該可以再品嘗到吧! 就在想落單的時候, 我們發現對面凌霄閣的另一餐廳個view 比坐着的更好, 就決定找數走過對面吃甜品. (原來那餐廳下午收兩點半,撲個空了) 最後要提的是,原來峰景你可要求坐在樓上的,個view更正!如你沒有要求便會被安排坐在樓下了.

12-Nov 同我女友去慶祝生日..早兩日book 枱竟然都可以有睇風景枱!!太好運了開頭諗住去到呢d 地方..食個環境.風景為先味道為次點知....又有驚喜喎!由冷盤..餐湯..主菜..到甜品全部都係一流水準!!!!特別一提係個鵝肝手卷..簡直係一流!!!ps : 最衰o個日大霧..唔係個景會更加靚!!

Today I went here to hv birthday lunch wif my bf!Wowowow!!We had a table wif sea view!The service is good n the food is nice too!!We ordered a set lunch+ spaghetti!!GOOD!!My bf is happy wif the arrangement!!haha!!Hope u enjoy it!!!