嶼坊

營業中

休息中

在人人北上的大氣候，香港一般的餐飲巳難匹敵。那服務，環境，完善的空間用膳就是至勝之道。香港的酒店仍有很多佳作，能以不拒人千里的價格，三百元上下的平日價自助午餐，較很多外资的西餐吃個手造pizza或牛扒，也較北上花上個多小時化算。若懂營養選擇和自制力强的，不想致肥三高，我喜歡酒店的自助餐，沙律菜是必備，今天的食物供應，優質。

星期六中午抵食，餐廳量豐富，有即開生蠔、新鮮長腳蟹、入口即融三文魚腩，甜品木糠布甸好食，不會太甜！週六中午不會太多人，又不太擠迫，座位算舒服，餐廳地方算寬敞，值得再來。

9 月30 提早為家人預祝生日，提早到達酒店，等了15分鐘，職員安排入座，位置靠近窗，補捉到日落一刻.家人開始取食物及飲品之際，才發現飲料，不論－般嘅咖啡，奶茶，檸檬茶也要額外加費，莫說放在食品長桌枱上嘅3⃣️款菓汁，更要額外收費38 港幣.說實話，飲品費加埋落餐價，我甘心付，現在去到才知，確實有點怪，從來未試過這樣，又一體驗😟整體而言，員工工作態度可以，食物就及格，款式也多，若飲品安排方面，則有待改善😔

嘢食種類感覺比較少 一開始食物品質質素感覺都很可以 龍蝦肉質都比較結實 一野可以成個鴿起 都比較多膏中斷開始唔知係咪開始客人比較多 都係咁食龍蝦返本龍蝦嘅質素開始好差 啲肉係梅嘅 散收收 唔可以一下夾起身生蠔甜品雪糕都還可以

來東涌貝澳帶小朋友一家大細去游水，順便見到呢一間有熟龍蝦食嘅自助餐，第一次試吓，當日我哋都好夜先八點幾入到去，地方寬敞，服務員親切有禮＇然後我跟經理說不見龍蝦，佢即刻叫整一盤新嘅，仲要轉頭送去我枱，一家大細食到飽，然後我再見到有個椰子湯本來已經只有一碗，問佢佢即刻加滿晒，一定會再嚟呢種服務態度一流👍👍其他熟食款式都算多，甜品款式都唔少，但係餐飲要自費$38果汁，想要水果茶$48，奶茶咖啡我冇再問幾錢

補回一份食評～疫情肆虐 旅行社出招東涌一日遊 包Sheraton lunch buffet即報名～haha市區酒店多的是 平時不會專程入來食入正題!酒店雖接待大量食客 不過座位安排 待客態度都大致暢順 有禮地方寬敞 每張餐枱間距不會太近 注重衛生的不用怕～ 職員期間見陽光直射亦主動去落窗簾食物方面 大路海鮮齊全 長腳蟹 蝦 青口etc 熟食中規中矩 甜品都present得很漂亮Refill速度快 讚 性價比很okWeekday悠閒地食頓lunch buffet是一種生活態度

兩個字形容：唔掂唔會再食，因為冇野飲 要飲野要加$38😂😂😅 餐飲都冇係咩料？龍蝦蟹腳生蠔 唔好食熟食唔吸引 炸薯條 薯角 都可以當係自助餐熟食 唉重點係$600一位 咁講真我加多$350去食hotel icon冇咁嬲諗住貪佢近 環境幾好 試下 但好失望

嶼坊（東涌）是一家位於東涌的西餐廳。這家餐廳提供多種西式美食，並以其獨特的菜品和舒適的用餐環境而聞名。首先，讓我們來談談嶼坊的菜品。他們的菜單包含了各種西式美食，例如牛排、海鮮、義大利麵等。他們的牛排非常出色，肉質嫩滑多汁，以及烹調程度的掌握非常到位。海鮮也非常新鮮，無論是烤龍蝦還是炸魚薯條，都能讓您品味到海鮮的鮮美和獨特風味。此外，他們的義大利麵和披薩也很受歡迎，麵條彈牙，披薩餅皮酥脆，配料新鮮豐富，絕對能滿足您對西式美食的味蕾需求。

尋晚同朋友第一次食環境好好 座位都舒服沙律前菜 選擇多 仲有得自由配搭麵包餅乾都好到位貝類反而有幾款可以揀生蠔 蟹腳 螺 蜆 蝦生蠔海水味都幾重甜品區種類超級多 大部分味道都好好食仲有haagen dazs雪糕重點： 尋晚辛苦 廚師梓揚 一位師傅兼顧幾個檔口又斬燒鴨 有整點心 仲要煮麵仲好貼心幫我哋方便夾食物刺身選擇只有三樣 三文魚吞拿魚同埋八爪魚腳壽司種類反而多啲但係都唔算好新鮮熱食味道都正常但就好似擺咗好耐咁睇落應該好好飲椰子湯好吸引但係一早已經畀人飲晒冇refill 到 有啲可惜整體覺得星期日嚟食好貴不過起碼服務都到位

品種太少，蟹腳又瘦又鹹，擺了幾隻係到好似剩飯剩菜一樣，沒什麼好吃的，最好笑的是飲野要俾錢。場面冷清，加埋都冇10張臺，好失敗的自助餐，浪費了地方和環境，不值得去。

排場夠晒勁, 放左勁多海鮮出黎, 有龍蝦, 鮑魚, 海蝦, 善貝, 魚之類, 但竟然仲有唔少其他無人會食既野都放埋出黎, 丸呀, 菜呀, 魚蛋, 魚片之類… 家陣打邊爐咩…不過, 原來放出黎既海鮮只係"裝飾"黎, 你地食既, 都由廚房拿出黎… 都係既, 個場可以坐幾百人, 得枱面嗰啲, 點會夠分呢又…

嗰日同朋友去咗食午餐buffet，入到去行咗一個圈，其實都冇乜嘢揀，不過價錢就幾抵，每人三百幾，同埋嘢飲都冇得任飲，如果想飲其他嘢嘅話就要加錢加$38。首先凍盤嘅話有東風螺有蜆、蝦同蟹腳。本身對蟹敏感，所以冇食，試咗蝦都幾彈牙。其他質素就普普通通。沙律菜好新鮮，配料雖然唔多煙三文魚同埋火腿都好食，仲有芝士同埋一啲餅。去到熱食，有點心、燒味粉面印度咖喱有啲其他熱嘅菜式。熱嘅西式菜式，我覺得唔係太好食，而且攞完之後要等一陣先會再refill，可能又因為嗰日唔太多人。點心俾人攞晒冇食到。自己反而會推介佢幫你切嘅牛小排、中式嘅咕嚕肉好香脆熱辣辣、焗田螺、仲有係中式嘅蒸魚。最後係甜品都有唔同嘅選擇，我自己就鍾意食涼粉、朱古力蛋糕🍰總括係咁遠特登就應該唔會去，但係如果去開東涌買嘢嘅話就可以去食下。

細佬考到兩隻大牌車牌，老媽子要請食飯， 細佬想試2020年末才開業的東涌喜來登嘅餐廳嶼坊，反正未試過，也好！地鐵站有shuttle 去酒店，好似半小時一班，我哋搭到11:30嗰班，11:40 去到，上去登記，派咗張籌，叫我哋落去下邊lobby等等，原來呢度叫東涌世茂喜來登，隔離仲有間東涌Four points 中文叫做福朋喜來登，個名咁搞笑嘅，仲以為返咗大陸！下次都係去返尖沙咀。樓下有商場，有subway? 都唔敢行太遠，一陣便上返去，安排坐咗入邊，個位都幾開陽，景觀樓底幾濶，望到映灣園，個場都幾大，座位之間有足夠空間，唔會太逼夾，呢個我鍾意。第一轉捧咗大碟長腳蟹、兩隻生蠔，仲有沙律前菜，長腳蟹好咸，真係第一次食buffet食長腳蟹第一轉已經咁咸，通常係食第二轉先俾啲次貨，先會係鹹嘅，好少第一轉已經咁差，真係有啲失望，好彩啲肉都新鮮，唔係霉嘅，拆到1:00 先食完，拆蟹拆咗成個鐘！生蠔係即開，食得放心，食咗半打！有粉麵，但冇食，阿媽最後都食咗碗米粉，話啲米粉好食，但啲冬菇就淥得唔夠熟，有啲草青味！老公都攞咗啲燉湯俾媽子，係蟲草花，媽子飲兩碗，我都飲咗碗，飲吓湯都幾好！生果屋企人食西瓜、

今日喺度 staycation ，包早餐喺1樓餐廳 ，餐廳非常闊落， 燈光柔和， 座位舒適， 牆上的有魚嘅裝飾 ，好有個性， 不過窗外嘅景色就差啲， 大片爛地， 應該係起緊樓， 遲啲連個爛地view都冇埋。 呢度嘅早餐收＄258加一， 價錢唔平 ，但係就非常豐富， 好多嘢食， 最開心係見到有好多新鮮生果蔬菜， 食完蔬果跟住就係庵列， 朝早都有燒火腿， 煙三文魚， 各式麵包都好正， 切咗一大塊果仁麥包， 烘到脆卜卜， 搽啲牛油， 又香又脆又健康 。跟住就食粉麵 ，十幾樣餸菜任揀， 粉麵都有好幾款 ，我哋就鍾意幼麵同埋河粉， 可以揀牛腩或者魚蛋做餸， 咖啡奶茶任飲， 生果都好多， 有布冧，香蕉， 香梨 ，蜜瓜， 西瓜，菠蘿 ，藍莓 ，應有盡有 。服務都好好， 侍應成日留意住你，食完嘢換碟收碟，要唔要加咖啡奶茶， 五星級嘅服務， 大品牌嘅酒店都係唔同啲。 早餐可以六點半食到十點半， 食完仲可以喺附近行過靚圈， 真係享受。

朋友推介東涌喜來登酒店buffet，抱住一試心態，去到酒店環境舒服，建議預訂窗邊位置，開陽光猛，食物分區清楚、正常講得出的食物都有、種類豐富，沙律Bar ( 水耕菜）、刺身壽司Bar、德國火腿加芝士、海鮮( 有長腳蟹、藍青口、蜆肉、蝦及螺肉 ）、各式各樣西式熱盤（包括牛扒、迷你漢堡）、中式點心、港式燒味、車仔粉麵區 …… 走了 4-5轉無重複過食物，還有生果、精緻甜品、格仔Pancake 、Hagen Daz 雪糕 ……只可惜不包飲品，中西湯都好飲。Buffet 折扣後，加埋一，$286 /位，這個價錢，食物質素和種類十分抵食