嶼坊

營業中

休息中

星期六俾$350蚊食個垃圾自助午餐(還要在open rice 有折才350),生蠔長腳蟹一定沒有,魚生得三款,飲品得清水,其餘要收費包括咖啡擰茶。湯得西湯(難飲),沒有中湯。食物一般比棕櫚閣差得遠。沒有主題食品。凍食有蝦(沒有味),蟹(冇羔,中間一開二難食),蜆(細粒),點心有6款,食完不添,蝦餃尚可。甜品一般,雪糕接受。燒味有三款,一般好食。芝士得幾款數量又小又細粒。食環境,地方大,枱與枱距離遠,窗邊對外無敵地盤境。

週末早餐去到都幾多人，有機會要等下先有得入坐。餐廳環境幾好，重好光猛，員工有禮貌。食物方面選擇唔算好多，但都有啲特別野，好似雞尾包咁，早餐重有雪糕可以整雪糕窩夫，麵包選擇都算係好多。飲品方面選擇有奶類，豆漿，仲有普通益力多同低糖益力多揀，算係幾特別。中式就有兩個粥，同幾款點心揀，西式就有啲腸同煙肉，仲有唔同嘅芥末醬配。仲有啲印度咖喱同薄餅，生果都有六款，同有啲麥皮乳酪。全部食物味道都算係中上，都值得試吓。

呢間自助餐選擇好小熱食選擇較多，但都只限一d好基本既炒粉麵飯，日式都係得好小選擇，魚生同青瓜壽司。 中式就燒味同點心，西裝都特別有芝士黑松露炒飯。不過其他就係普通烤蔬菜。最吸引同回本係生蠔同龍蝦，質素都高上。雖然今期送客人鮑魚同冬菇都好食，但真係主菜唔吸引，食兩轉好快就食甜品。甜品選擇都係唔多，雖然有movenpick 雪糕，但其他蛋糕都唔太吸引。呢度既野都好一般，只可以說唔差，但呢個價錢相信係其他地方可以會有更多選擇。

今次同家人吃，上一次食是上個月8號風球，因為當天的經驗令我有衝動帶家人食第二次，今次，食物嘅款式冇變，只不過今次冇麵包蟹，變咗普通嘅mini花蟹，蟹嘅質素好瘦，唔吸引, 其他食物大致上都冇乜分別，中式湯比較淡而無味，今次嘅炸物，粉漿太厚，佢哋今次嘅蠔餅，居然係食唔到蠔😅淨係食餅，我食咗三次，第三次先搵到有一隻Mini蠔仔😅所以想食嘅都睇有冇緣份😩😩😩⋯⋯整體，質素無變嘅就是沙律、刺身同甜品🤣🤣🤣🤣

去過好多次，重點推介，龍蝦一流，個鉗食到有海水味，證明新鮮。其他食物都好有水準，特別係 carbonara同 risotto。今次想讚下佢地嘅服務，經理 Eric 同佢團隊一齊落手落腳，還會問你有乜需要。侍應Dory，Cyrus，見你杯酒差唔多飲完，會好快幫你添，同你講句 enjoy同 welcome ，同你有 eye contact，服務令人喎心！印尼籍 trainee(唔記得乜名），服務也有 heart，唔似 trainee，做嘢有板有眼。Sushi bar年青人 Anson也值一讚，勤力有禮貌。一間餐廳隨咗食物有質素，服務也很重要，嶼坊的確好好。各位食客，去感受一下，如果覺得掂，不妨讚下，鼓勵下佢哋！

熱食龍蝦鮮但味道很鹹，燒味很凍，熱盤比較少有改善空間，吞拿魚魚生非常之凍，粉麵冇餸牛丸魚蛋都冇，蛋撻軟bet bet， 點心蒸得太耐甩曬皮， 鮑魚有腥味，服務及環境ok✌🤑全間餐廳内男厠得兩格🤣

環境舒適，是位置較為偏遠還好有專車在東薈城接送，食物種類都算多，凍蝦蜆都算新鮮，青口就一般，熟食方便點心蝦餃不錯，乾炒牛河好食，較特別的 有黃金蝦球，迷你漢堡中間的肉不錯有肉汁，刺身方面三文魚幾好，吞拿魚同玉子就麻麻了，玉子太硬身，甜品都可以朱古力蛋糕好食重有雞蛋仔食雖然一般耐冇食都可以試下既，有movenpick雪糕薄荷朱古力味幾好不過都係最愛佢既蜂蜜杏仁味多d，不知不覺食了好多差點食到嘔，同埋不設野飲要另加28元才有2種果汁選擇這就差了點，不過果汁都有誠意的飲得出是新鮮榨的

今次去東涌世茂喜來登酒店 (Sheraton Hong Kong Tung Chung Hotel - Marriott)既「嶼坊」食自助早餐。早上7點半去到，人唔算多，入座都好快。呢間酒店自助早餐款式種類都算好多，中式西式等食物都有。中式食物有雞粥、油炸鬼、燒賣，珍珠雞等。 西式方面質素亦很高，最令我喜出望外既係有煙三文魚，芝士，同埋有我最鍾意食既（佢個自家製肉腸，外層香脆，入面juicy有咬感，讚！）而且有多款新鮮果汁供應亦係做得出色之處。推介之選

我睇唔到你哋中間擺放嘅酒嘅價錢牌，以為係自助餐食品一部份，自己拎嚟斟咗一杯，係我唔啱，但經理大人，你都唔使喺我背後，崛雷鎚一句得埋嚟「呢啲要收錢嗰喎！」好似我偷你哋嘢食咁啦，我呢啲鄉下人唔識嘢嘛，下次你一係客氣啲解釋我聽係收費，一係直接call secu 話有人想食霸王餐囉。好啦問你點收費，你就話「全包囉」，乜嘢全包呢？一個價錢任飲嗰隻全包？又唔係喎，睇真其實係分bottle同glass喎。總之俾你得完，我都冇心機食落去。仲要三文魚刺身食到有條骨，之前唯一一次食三文魚食到魚骨係食包裝壽司，平有平食有少少骨都算啦，但你三百幾蚊個lunch buffet，刺身有魚骨，真係唔知講咩好。個位地下又有張上手客跌低嘅濕紙巾，我以為茶餐廳先會咁。總之冇下次，我唔會再嚟滾搞你哋啦。

酒店有四十一座位 free shuttle bus 由東涌地鐵站A出口乘搭，每半小時一班。一自動晚餐由六點至九點半，可能是星期一關係，不十分擠迫，地方亦十分寬敞舒適。食物方面值得一讚，Grill lobsters 🦞 任吃，燒牛肉味濃，生蠔新鮮，魚生還有油甘魚，再有每人一份鮑魚冬姑，味道非常好！新鮮雞蛋仔加上 Tarimesu 成為這頓慶生 dinner buffet 劃上完美句號！當然最後還有小小生日小蛋糕連 candle la ！工作人員亦十分有禮勤奮，桌上的空 plates 很快便清理好，會和親友再來。

好撚伏…好撚伏..好撚伏…好撚伏好撚伏…好撚伏..好撚伏…好撚伏好撚伏…好撚伏好撚伏…好撚伏從來都未食過咁令人失望既自助餐..無野食，我已經係一個好多野都鍾意食既人，但係呢到，我行左4個圈，真係唔知可以食咩，龍蝦回本野都可以做到咁難食咁咸好難得..每樣食物都唔係無味就好咸..講真..差唔多7舊水好似食垃圾咁..究竟點解評語可以有人話好食，係打手定味蕾有問題？如果硬要講一樣食得落既野得水果..😞唔建議去食

抓住夏天尾巴來到位於東涌新開不久的 Sheraton 酒店 staycation。房價已經包括2位早餐，check in時打算加份小童早餐，原來 Marriott member 可以小童早餐免費，抵！早餐6:30 到 10:30，到達門口店員很快安排位置。新餐廳環境當然唔差地方寬敞。雖然窗外景觀一搬只望地盤，但是坐在落地大玻璃旁，可以慢慢享受豐富早餐真是樂事。食物區明確劃分了中餐、西餐、印度、前菜區。食物區面積大而且與用餐區分開，感覺舒服。首先去前菜區，有多款麵包，每款都精緻。另外一方有多款甜包及cup cake，同樣賣相吸引。 煙三文魚、風乾火腿、芝士、沙律菜自助餐必有的。 Cereal,  yogurt 及 小朋友飲品益力多，益力多竟然有減甜的綠色味！ 早餐有即製格仔餅及雪糕 …… 早餐食雪糕真係少見！！一定不能错过這四款新鮮即揸果汁，自助早餐不是每間餐廳都會供應的。西式食品佔據自助餐區的中間位置，非常開陽。西式中餐當然有廚師即叫即做炒蛋、奄列。 另外有些腸仔、燒蕃茄、炒磨菇，基本的西式早餐都有齊，而且賣相都吸引。疫情下，酒店客人九成九都是香港人，所以中式食品、點心比較豐富。中式食

酒店附送嘅早餐，通常都好求其，就試吓呢間東涌比較新嘅酒店同其他酒店有咩唔同？首先感覺選擇都多，有幾邊可以攞嘢食，有中式點心丶西式炸點、冷盤丶沙律、乳酪最特別係有港式麵包🥯有菠蘿包，個皮仲要唔係同個麵包分開，十分出色。雞尾包，皮薄餡靚，新鮮焗製，值得一試發覺佢都有細節位，選用好多本島食材，例如大嶼山仲嘅蕃茄，不過就冇蝦醬多士，或者其他菜式仲有都有香港特色，就係小朋友最鍾意嘅益力多揀，紅色綠色都有👍呢度早餐真係豐富選擇，當然用料唔係頂級，勝在多選擇

今次同家人共享自助晚餐食得開心，食物款式唔算多，但重點食物係夠。例如有即開生蠔，有凍蝦，鵝肝夾麵包等等，值得讚有熟龍蝦提供，以前食開自助餐多數冷盤。服務生，厨師好nice！讚讚！雖然間餐廳係一樓，但間酒店係郊區，仍感覺環境都唔錯。經openrice訂又有折，感覺良好。

最近性比價高buffet 幾乎沒有，可能staycation和消費券， buffet only 難 book 又貴咗一截。今次試新酒店，有youtube r介紹過龍蝦不錯，剛好即日book 有位又有折。到東涌有shuttle bus。首先吃點心，有6款，蝦餃牛肉大大粒，適合長者。之後食龍蝦，烤爐一次出6-8隻，幾分鐘出一次。開邊半隻味道鮮甜，鉗肉不少，吃了4開邊。見隔離枱只吃烤龍蝦一味。其他中式熱葷不多，咕嚕肉幾硬，中湯雞腳湯一般。牛扒幾生，羊脾幾硬，有炒蜆和青口。另有牛腹肉加鵝肝幾特別。每人有碟鮑魚仔冬菇。生蠔細隻，剌身一般，咖哩躲在一角，看來麻麻。甜品可推介是紅豆沙，有陳皮，豆幾大粒，有小量芝蔴湯圓。由於各樣食品款式不多，不是喜愛烤龍蝦的話，不用山長水遠去東涌，龍蝦質素好過尖沙咀和南區某出buffet的龍蝦。管理層該考慮提高其他食物質素和款式，特別係中湯。特別一提服務員和廚師態度好好，幾主動招呼客人。