川亭 (已搬遷) 新店位置

下午茶兼午餐時間到，路過掃街小食店之後見到有間都幾乎坐爆的小店--川亭。由於自己孤獨食（無奈的笑），所以總會方便穩位坐低食野。既然是川亭，有個川字，唔食辣就對唔住自己，同唔貼地！可惜啊，我輸左比自己的腸胃（哎:-(），避免食太刺激野所以就……登登登鹽水雞面，不過點都要加個小辣甘解，祈禱自己個胃受到！首先飲左啖湯，唔錯唔錯，味道適中配合小小辣味，good！湯麵一齊食，其實都幾開胃，最後試埋個雞，肉質嫩滑，入味，不過睇個鹽水就好似肥左小小，不過唔影響總體。以為以後可以多個食飯的好地方，不過原來就來搬鋪，還要隔n遠，睇來都是要唔知幾時有時間先去新鋪再食過咯～

我叫既呢款係鹽水雞中麻辣湯麵。一般我都叫中辣，少辣唔夠刺激。而大辣怕傷胃，但其實佢個中辣都已經好辣下。😏粉麵都好多款選:米線，薯粉，上海麵。或者飯我最愛上海麵。比米線入味，薯粉又太過飽腹。上海麵可以好好吸收湯汁既味道。仲有爽口既芽菜搭配。完美既口感。因為湯麵已經好辣下，所以當然要整反個香滑既鹽水雞嘆下，個雞🐔煮得岩岩好熟。所以保持左雞既嫩滑。超正。如果唔想食麵，叫碗白飯岩岩好，D湯汁撈飯真係一流，念起都流晒口水。

亭者，停也。坐下來，吃小食的店子。長亭惜別傷人心，昔有和亭結業，今有川亭停業。亭停口停，傷心盈盈。「傷心」屬近年大熱的重慶菜系，此店屬成都的川菜系。很有誠意的小店，希望能東出再起，捲土重來。再留意有關fb。只經營到本月19日，把握機會來送別。長亭惜別流的不是淚水，而是口水。此店的鎮店食品是「口水雞」。得名是因為有很多花椒，吃了會麻到嘴巴癱瘓，不由自主流口水。此店的口水雞很棒，紅海澎湃，氣派懾人。屬深紅色，不火豔，似很正宗。以我角度而言，已屬全港一級的。辛辣感覺強烈，紅水滔滔，淹沒雞肉，須能食辛辣者才會鍾情。食後不感覺很辛辣，需在下嚥後，近喉嚨部位有火燙感，所以令人有念念不忘感覺。麻的感覺不強，所以不是全正統的。以往香港的川菜，多是減了花椒比重，以遷就港人。鮮的感覺亦不強，始終因雞不是優品。但90元半隻，性價比高。切工細緻，令雞件滲入口水雞醬。誠意滿分。口水雞麵只賣49元，雞是另碟上，份量竟與半份量差異不太大。麵質最佳肯定是薯粉，爽滑勁彈。辛辣度亦比別店細心。除大中小外，有BB辣程度。套餐反而是缺乏，所謂「套餐」，是附加特價食品而已。另一佳作是沙薑雞，沙薑雞腳只是25元，醬汁濃郁，咸中帶

新年剛剛過了的星期六，很多店舖都還未有開門，但是這一間灣仔的四川食品已經啟市，而且沒有加價，非常出色。新年期間，店舖開張，都會以各式的形式去加價，例如，加一服務費；取消所有特價套餐，全部都要散叫；每樣東西加$5 ；而這間餐廳，即使在初五，啟市之後都沒有加價，值得表彰，應該支持。👏🏾🤘🏿剛剛公司運動完不可吃個肥腸麵，好像太過分，結果便點了個紅燒腩肉麵。店子少少，但是都有不少食客。都不算等太久，問了一問，得知麵條即是上海麵🙂，那就更加好。這兒的份量一點兒也不少，麵條的份量挺多，而腩肉的份量就更加多🤩，應該都吃到有10件腩肉左右。麵條不算煮得完全軟林，還保留少許嚼勁，也不錯。而腩肉，每件都見到在皮下邊有少許肥肉，再下面的瘦肉又不會瘦到如乾柴一般，吃起上來的口感相當不錯☺️。點了個小辣的，它的辣，就好像山城小麵那些，本身的湯底沒有什麼味道，放了一些辣椒粉之後，湯底就會有少許麻辣味道😀。桌上面還有一支應該是麻香粉，加少許在麵條上邊，感覺會更加多層次。

一向唔好雞又唔好辣，因為返工日日要搵好西食而隨便一試。極度驚喜，雞好滑，辣度由你㨂，我食小小辣，有香味又唔會辣到流哂鼻水，仲要免費包埋紙包飲品。絕對高性價比。良心小店值得支持，已多次encore同介紹同事去食。

辣得過癮住在灣仔 有地區便利。常有經過這小店 不過經常座無虛席,其實係位置不多所以想食都要趁早川味小食紅油豬耳仔 $32紅油加上芫茜 麻香撲鼻 雖然係薄片但爽口十足。呢個我最愛之一不過要注意小店既前菜都係偏辣的。牛肚涼麵 $43牛肚份量不少  牛肚好有嚼頭,香辣可口另外配料有青瓜，肉碎，又有豆之類。伴完後食口麵 麻麻地辣誰不知,後勁凌厲。真係幾辣下唔食得辣真係會頂唔順。不過貪辣既我認為辣得過癮,有起伏位,幾好食津路烏龍茶 $6支 Wellcome都買唔到呢個價錢不清楚正宗唔正宗，單以食物味道黎講，確實都係色香味俱全。況且價位相當經濟有位的話 應該都會常去～

下午茶29蚊有川式麻辣麵真心抵,幾大碗仲送紙包麻辣大辣係好香 辣度適中可以更辣麵唔會太冧 軟硬適中 真心好唔錯忍唔住叫多個牛肚 結果頂好食到不得了 冇加錯單香得來口感好好 涼涼地而且好入味老闆娘服務態度好好 有西客佢都好有禮貌會再試

朋友推介！所以lunch time就嚟試下呢間薯粉鋪位好細 位比較少！所以除非好早去到，如果唔係都可能要等一等位入到去諗都唔諗就嗌左呢度其中一個招牌！薯粉揀左酸辣湯底既小辣，但辣度唔太夠，下次要叫中辣！但薯粉幾彈性同好有咬口口水雞味道稍遜，賣相一流但食落味道唔太濃同麻辣味唔重不過整體嚟講勝在價錢適宜，送埋紙包飲品都係$49！下次會嘗試其他餸配薯粉

上星期同朋友再去食多一次川亭價錢實惠之餘又好味 真係超級推薦 尤其喜歡食川菜既人口水雞好滑 味道剛剛好 我只係食BB辣 下次都會繼續叫呢味菜！今次另外又叫左蒜泥青瓜 酸辣粉同有個牛腩麵 都只係140左右 仲有兩杯紙包飲品店內比較迫都少位 晏就要食都要早啲去 我諗係不久既將來 我又會再去食

今日同姊妹一齊食川亭，這間係我姊妹的心頭好餐廳，連老闆娘都識佢，是熟客仔！我叫了這個紅燒腩肉米線加紙包飲品。腩肉好腍，肥瘦適中，我叫了BB辣，好香剛剛好，不會太辣！ 米線好軟，湯好濃但不會太咸，有生菜同食，健康飲食！👻👍🏻👍🏻👍🏻黑豆奶 都幾好 不會太甜我朋友叫了佢最愛口水雞酸辣米線食到好開心又開胃！這間小店都好受歡迎，連外國人都黎食，又多人外賣，大家都支持小店！😻佢都好多選擇，有涼拌又有水煮魚！

The shop is really small and maybe just one cook working there. So sometimes the food is prepared slowly. One time they even forgot to cook my noodle and did not feel any sorry. The waitress looks cantankerous and impatient. Their food is ok though.

Coming here to have lunch after meeting. The restaurant is quite small so need to wait for almost 15mins. Ordered a spicy don don noodle($29), the size is quite big and not really spicy. Have some peanut and seamen flavour which I do like it. But it really really hot inside! We all sweat like a dog and I'm not sure whether they turn on the air conditioner... Probably will come again in winter.

灣仔區食肆眾多，在這區上班數年，眼見某些食店不斷轉手，要保持質素才能迄立不倒，是日午餐選在這食肆，店內二十幾個座位左右，樓面衹有一位女士，廚房兩人，一時左右進入店內，因樓面衹有一人，她忙着收拾桌面，眼見收拾和落單已經難同時處理，五分鐘後終於可以落單點選了川辣口水雞紅薯粉，包一盒紙包飲品，47元，店內滿坐，但大部分食客桌上都無食物的，門外亦有幾位食客等外賣，首先派左飲品給食客，然後就是等待，一等便半小時，其實人手唔夠，跟本做唔切，打工仔午餐時間通常衹有一小時，等待半小時還未到是否過份，再三詢問店員，她居然欺皮笑面的模樣問廚房“一號枱話等左好耐wow”廚房亦敷衍回答“好快，煮緊”，已經半小時還在煮緊的紅薯粉到底是何方神聖，什麼名物，煮三十五分鐘的紅薯粉終於到，口水雞賣相可以，但雞全是無什麼肉的，是食雞皮的嗎，煮三十五分鐘的粉已經太太太“林”，選的麻醬湯底完全衹有辣味，是上湯加辣粉而成的嗎，熱辣辣的粉我衹有十分鐘時間進食，你認為食客會回頭光顧嗎，食物唔得，運作唔得，服務態度都唔得，各位如想體驗什麼是劣，可以嘗試光顧，完!

點了紅燒牛腩麵，$40蚊送盒裝檸檬茶，加底$6。麵好好食，每次都要加底才夠食。要了大麻辣，對我來說剛剛好。不是化學湯底。灣仔好難揾到平價四川麵，之前食過牛肚都好好食！

中午頂著大太陽點了外賣在店外等了三十分鐘都沒拿到菜，裡面坐著的比我晚叫十分鐘的都吃上了同樣的菜，問了兩次都敷衍，終於第三次問店家才開始做我的菜，很少生氣😡。。