川亭 (聯發街)

營業中

休息中

平時最鍾意幫襯小店～通常性價比夠高又比我發現咗一間平靚正嘅😌本身有諗過點二人餐 但驚我呢隻大食鬼唔夠食最後單點 點知份量又比我預期中巨型沙薑雞～呢度係半隻上檯嘅時候有少少嚇親 點解可以大碟到咁店長即刻話佢地採用嘅雞比較大隻 好抵食早知咁大份應該叫例牌都夠食🤣雞肉好嫩滑 重雞味 沙薑汁覆蓋晒成碟雞一路食一路點返啲汁食最惹味酸辣小雲吞 個辣汁夠晒力道雲吞一啖一口 方便之餘仲可以掛更多嘅醬雲吞皮好薄 個餡就肥瘦恰到好處紅燒牛肉麵～牛肉用上牛肋條炆到好淋夠晒火喉，點咗小辣，湯底好清食完唔會口渴 仲配咗生菜添～牛肚涼麵～涼麵跟肉燥、青瓜、黃豆、蔥滷水牛肚切到好薄身 方便大家易啲咬滷水好入味 涼麵個醬汁有麻辣醬同醋 食落好開胃鍾意幫襯小店 另一個原因係店員通常都好nice 一路點食物嘅時候 店長都有推介

一週吃幾次的酸辣粉😍 招牌口水雞 沙薑雞都好味！中辣剛剛好擔擔麵也不錯 但個人比較喜歡酸辣粉 價錢合理 60幾蚊包飲品 店舖不大 中午一般要等位 人齊才可以入 並需要搭枱 但上菜速度非常快 有效率！

今次來到這間店試吓真•川味，嘩！每一味都令人驚喜！開始嗌嘅口水雞真係正宗好貨，雞肉滑溜溜透哂涼，沾上嗰特製紅油，辣得啱啱好，咬落去麻麻地，玩命回味中！嚟碗重慶涼薯粉，薯粉Q彈又順滑，拌埋嗰香辣醬汁，簡直爽爆！提提你，食落有啖啖肉感，啱食辣嘅你千祈唔好錯過。再試手拍青瓜，爽口得黎解辣，食後好清新。紅油牛肚就又辣又脆，吞嚥嗰陣個濃香真係話唔出嚟！整體黎講，我喺呢度嘅用餐體驗幾滿意，正宗川菜，風味十足，一試難忘！👍🌶️💯

今晚自己一個食飯，諗咗一陣食咩後，最後都係去｛川亭｝😚食物穩打穩陣，一定唔會中伏，價錢合理，所以嚟依度食就實無死🤟🏻✴️沙薑雞拼上海湯麵✴️唔想食辣，所以食沙薑雞😌沙薑汁依舊濃郁，鹹度高雞肉好入味～今次係雞脾同雞翼位，脾位肉多，但就麻麻地雞翼，不過肉質嫩滑，尚算收貨😚上海麵口感彈牙，唔會黐埋一舊，麵質唔錯～湯底就普通清雞湯，勝在清清地無油，食完唔會好口渴😙跟餐有一碟小食同飲品，不過今日唔算太肚餓，所以單點就算🤓

如果你同我一樣喺天生嘅"辛"人類，有辣無唔辣，想喺灣仔搵個補給站，"川亭"喺個唔錯嘅選擇。"川"喺得20個位甘上下嘅小店，平時走唔甩搭枱等位嘅命運。"川"主打四川小食同麵套，親民價，個人最推佢嘅口水雞同肥腸麵。今日想"輕"食嘅我嗌咗：〰️〰️〰️🍽 川亭口水雞麵 $61▪️口水雞可以免費轉脾！雞脾雞胸加埋有8~10件，唔鞋同啖啖肉，雖然雞味一般，但勝在有靈魂外掛"秘製紅油"嘅加持，極致嘅香，帶少少辣，勁惹味，力推！▪️湯底揀左麻中辣，唔算重口味 (真心食得辣嘅建議揀大辣)，上枱熱辣辣出哂煙。麵我揀上海幼麵，夠吸湯，但就喺𣺉得快，識食嘅你記得嗌"爽麵"。如果你同我一樣對香辣有要求有追求，推薦你試下自製"口水雞汁拌麵"，喺可能會一試入坑嘅味道。〰️〰️〰️⚠️ 前方高能：個麵default跟芽菜！同我一樣芽菜味敏感嘅你記得"走"，唔喺就會好似我甘挑芽菜挑到麵都𣺉了、涼了、哭出來了。

灣仔找到這家吃川辣的飯麵店。店面不大，等位算快，大概5-10分鐘。坐下來有點識口，胖點就會感到窄呢。環境都乾淨，上菜速度也算快。點了個套餐：鹽水雞和沙薑雞，一個配麵，一個配薯粉。薯粉煮得幾淋，有彈性，仲要唔洗加錢轉！小辣就還好，岩哂唔係咁食得辣又想食辣嘅我😆雞方面，新鮮嫩肉，好滑，份量十分夠。不過沙薑雞的醬汁好像開浠了點，喜歡結身一點，會更野味。沙薑雞鹽水雞 手拍青瓜 🥒 夠哂爽口 用來解辣解油膩就最適合

沙薑雞-例牌 💰58雞肉滑到一夾起就脫骨🤤但完全唔嚡唔韌，相反仲幾嫩吓👍🏻醬汁方面，沙薑有一種好特別嘅味道，食落同聞落都極度開胃🤤川亭嗰汁係100%做到呢個效果，外賣一打開嗰蓋，直頭香味炸彈咁爆發出嚟❤️相比起部分店舖嘅沙薑雞係另外俾個醬你蘸，佢係成個沙薑汁半浸住啲雞🐓啲汁亦都有一定嘅稠度，可以掛喺啲雞上面😋真係會一舊接一舊咁食😹服務嚟講，我係外賣試唔出環境就偷望咗一眼，好似有啲窄，不過唔肯定總結補充：越打越餓🫠好想食食物：🌕🌕🌕🌖🌑環境：外賣店不適用服務：網上落單不適用語言：廣東話是次消費地址：灣仔聯發街13號莊士敦大樓地下C2號舖#食後感 #飲食分享 #香港飲食 #foodiehk #hongkongfoodie #hkigfood #hkeats #hkfoodlover #hkfoodstagram #hkfoodblog #香港美食 #hkfood #hkfoodblogger#我燒飲食實錄#我燒SHOULDTRY#我燒SHOULDTRY灣仔是次食評基於當天體驗，如有出入請見諒

記得以前返第一份工嗰陣時，有個好鍾意食辣嘅同事帶我嚟食呢間小店，初頭見佢環境都頹頹地(嗰陣仲係舊舖)，不過新人冇say照食囉，點知由嗰日開始，呢間小店成為左我嘅川菜之愛❤️❤️❤️🤣🤣🤣✨招牌二人套餐 $188🐔川亭口水雞 4/5佢嘅口水雞醬汁簡直係我至愛，紅油麻香且超級足料(花椒辣椒碎)，花椒味突出。雞肉偏嫩滑，就算雞胸肉都唔會諧霎霎👏🏿🍜重慶涼薯粉 3.5/5好足料(滿滿青瓜絲+炸黃豆+肉碎)粉條質感適中易咬，唔會太淋又唔會太硬，掛汁力強令到每條薯粉都感受到佢嘅香辣味👅✨紅油牛肚 3.5/5薄切容易咬，質感爽口，配合香辣汁，辣得嚟好惹味😋手拍青瓜(蒜泥) 3.5/5青瓜爽脆開胃🙋🏿‍♀️滿滿蒜泥(而且味道超濃)令到青瓜完全好入味🐷解辣一流👏🏿

午飯時段要等位，地方位置狹窄，4人一台，冇多餘位放小手袋，要抱住食。但好在吃完後不會立即要客人離坐的那一款。食物質素份量好足好大碗，質素更是入味！先說份量，魚肉最少八九大片，酸菜又多又大塊，配料（芽菜之類）是一束又一束。米線份量更是比別的米線店更多。味道方面我選了微辣，很適合怕辣但喜歡吃辣的朋友。而且不是死酸或死辣的那種，大概是先吃時你感到有點酸，到喉嚨位置開始感到辣。值得回味。最後更把湯底全碗喝完。

灣仔價錢非常親民的四川菜，缺點係店鋪太細，可以坐既位唔多，堂食大機會要同其他人同檯叫左一個口水雞配米線，仲加左$13追加手拍青瓜，口水雞上面有一層類似辣椒醬既汁，雞肉好嫩滑，如果可能變無骨口水雞會更好。另外，仲叫左一份四川擔擔面，分量十足，叫左個大辣，開始食時無乜感覺，但食下食下就真係辣。湯比較偏鹹一些，所以不建議喝湯。

呢間餐廳好有特色，佢哋嘅菜式都係四川風味。我哋試咗佢哋嘅正宗重慶酸辣粉同埋香油鹽水雞，真係好好味啊！啲麵條夠彈牙，醬汁又夠酸夠辣，令我啲味蕾好滿足。而啲雞肉就嫩滑多汁，一啖就入口化。另外，佢哋嘅粉麵同米線都好出色，值得一試。不過，要提醒大家嘅係，呢度嘅菜式有啲都幾辣，所以唔好嚇到啦。不過佢哋嘅服務好親切，有問必答，令人感到好舒服。餐廳環境就唔需要講啦，好乾淨整潔，令人有食得安心嘅感覺。

川亭最出名既就係佢既正宗重慶酸辣粉～鍾意佢既辣味唔會好過火位（小辣唔會食到流哂鼻水咁，係舒服既辣度），同埋最緊要係唔會成碗都係紅油滿滿，所以食落感覺會比較輕盈啲。酸同辣既比例恰到好處，好開胃～薯粉入味而有彈性～整體協調得唔錯～麻辣口水雞食過好多次，今次想清少少轉下新口味要左香油鹽水雞～比口水雞更加食到雞既原味。個雞望落好似甩皮甩骨咁，但係份量十足而且又好食架喎，同埋都係雞髀位所以好夠滑～麵加雞加飲品先收60蚊，喺灣仔lunch 嚟講性價比真係唔錯～所以每次 lunch time 到勁多人幫襯～要食又唔想排隊就要趁早啦～

🌸小編經常食既餐廳之一，佢支持好多外賣平台，之後同餐廳待餐傾偈先知openrice外賣係最抵，我之後就成日經openrice買，真係好抵啊👍🏻👍🏻-𝐅𝐨𝐨𝐝 𝐑𝐞𝐯𝐢𝐞𝐰 食評 🐤川亭口水雞雞好滑，辣度剛好，薯粉好掛湯，好有川味，食落辣得黎幾過癮👍🏻👍🏻-加左份小食 沙薑雞腳 $25，好入味好好食，雞腳好有咬口，又唔會過韌👍🏻-紅油牛肚 $40覺得呢道菜還好，牛肚有少韌，味道都唔係我預期既味道，不過可能係小編個人口味，有興趣都可以試下📍川亭灣仔聯發街13號地舖環境：🌸🌸🌸味道：🌸🌸🌸🌸服務：🌸🌸🌸衛生：🌸🌸🌸性價比：🌸🌸🌸🌸

呢間啲水準好浮動，次次我叫嘅野都一樣已經食過好多次無寫食評。呢次又寫係因為砂礓雞腳大進步好惹味🤤 而且酸菜魚多咗酸菜仲新加左大片大片嘅菇，啲料好足多過之前好多✔️✔️✔️可能配料唔同左味道好似無咁正宗，我記得正宗會有「芽菜、豆卜過湯，放碗底，再加蔥花及乾辣椒」，anyways 湯底都仍然好酸菜魚，都唔錯👌🏻最勁係天氣咁凍外賣送到上門仲係熱辣辣，打開外賣蓋每兜都仲係冒緊煙嗰隻💯所以我影啲相張張都檬檬地😆

▪️口 水 雞 招 牌 套 餐 $63𝑺𝒂𝒍𝒊𝒗𝒂 𝑪𝒉𝒊𝒄𝒌𝒆𝒏 𝑺𝒆𝒕 𝑴𝒆𝒂𝒍.Their special chili sauce is always good that they blended the Sichuan pepper, dried chili and other spices so well and topped with a bit of sesame. It actually makes you mouth-watering with its sweet, savory and spicy flavors. The chicken is tender and not too fat. Matching well with the sour and spicy noodle.A drink is included in this set. I always pick the big bottle of soymilk to reduce the heat that builds up during the course.---▪️重 慶 酸 辣 粉 𝑪𝒉𝒐𝒏𝒈𝒒𝒊