川公所 (已結業)

今日食左以下呢啲>燒茄子$37@1條>燒生蠔(蒜蓉味/剁椒味)$150@6隻>麻辣小龍蝦$188呢到既調味好好好岩我地食，所以我地今次都係再次回訪，而且6點半前離座仲會有折，所以我同朋友就到時間就會去。我地必嗌既係麻辣小龍蝦，因為2個人傾偈慢慢剝慢慢食岩岩好，而且佢個麻辣味唔會好chur，而係好入味個種，會令人想一食再食。而生蠔都好juicy同時有2款口味揀，可以base翻自己口味去揀番岩既味道，各自食到自己想食既口味。另外燒茄子都好大條同外皮唔會燒到過火，所以keep到入面既茄肉juicy 。

去得食川菜就緊係要嗌酸菜魚做指標啦，呢份魚一大盤價值$248，同普遍坊間既價錢都大同小異🐟而當中可以比較既就當然係味道同份量啦👅呢度既酸菜魚用左海鱸魚💦無咩骨之外都幾滑，中意食魚真係唔可以錯過😋另外仲嗌左兩款小菜試試🫛價錢都好合理，青椒皮蛋價值$42而酸辣萵筍絲就價值$78雖然兩款都係辣，但係辣道可以調整👍🏼所以就就算係小朋友都唔洗擔心👧🏻呢間環境都坐得舒服😌感覺同朋友黎都唔錯👫下次叫埋啲friend黎先

今日係等friend去做gym之前要揾啲野醫下肚仔，又想揾個舒服啲既位坐低慢慢食慢慢等🪑本身都怕餐廳會唔接一人生意😂所以入去個陣都有同餐廳講怕佢有最低消費限額💸但店員都好nice咁話我唔係繁忙時間唔怕，慢慢坐都得🥰好sweet👇👇👇👇👇👇👇👇👇👇👇👇燒雞軟骨(2串)虎皮尖椒☝️☝️☝️☝️☝️☝️☝️☝️☝️☝️☝️☝️雖然試得唔多食物 🥘但係都想因為呢份人情味而俾個like餐廳，個個都好nice同令我感覺好warm🍢令啲野食都好味啲

呢間之前已經食過，知道佢地晚市18:30前埋單離座，就可以享有全單8折🤩而折左既價錢如果2個人share其實好抵，好似今日我地食左一條魚同啲小食都係一人二百蚊落樓唔使😛所以如果同朋友夾到既話真係要係6點半埋單🤣。鮮青椒魚$248臺灣香腸$22*2串大鹹檸七$36大檸樂$36。今日嗌左呢啲都係同之前差唔多，但今次試左佢地既飲品🥤因為見到佢地既飲品真係全部都係King-size👑見到心情都已經好好😂所以嗌一杯飲足一餐都夠哂！

一個人原來都可以盡興😆今次介紹嘅係 川公所 呢間係食四川嘢，平時要食四川嘢一家要叫多幾個朋友先食到，因為必叫嘅麻辣烤魚全部都大大份，無返幾個人都食唔哂。但今次呢間唔同，佢嘅午市套餐竟然有一人麻辣烤魚，可以一個人靜靜地食，唔使次次都一班人。雖然係一人烤魚，但份量一啲都唔少，$78有原條烤魚，加白飯同飲品，好抵食，烤魚除咗麻辣仲有多款口味選擇，我今次揀咗金寶湯酸菜bb辣，上菜時連埋個爐即時加熱，熱辣辣，魚質鮮嫩，幼滑，個底仲有大豆芽同大量酸菜，配白飯一流！另外都叫咗個叫水煮牛，加$8轉寬炒，小辣已經夠哂辣，牛肉都嫩滑，配料有大豆芽，豆皮，萵筍，寬粉煙靭好味，值得推介！辣子雞就普普通通，無咩特別。除咗呢幾樣佢都仲其他選擇，大家都可以去試下😋

個人最中意食啲香口惹味嘅嘢，今日就同埋個志同道合既朋友一齊去試下呢間淘大商場入面既川公所🌶️齋睇名就知係食川菜，但估唔到連串燒都有，而且仲有啲平時係出面少見既菜式添🤭講下幾款覺得幾好食既菜式：🥓小酥肉$58呢款小菜本身以為得打邊爐先有，可能因為呢到係食烤魚店舖所以都會有呢啲特色邊爐小菜嗌，雖然我無嗌烤魚，但呢個就咁食都好脆口🍖🐓辣子田雞 $128辣子雞就食得多，田雞真係第一次，呢到炸到卜卜脆好香口🍺如果嗌埋啤酒真係一流🍢燒雞軟骨(2串)$26呢個一set 2串，同朋友share就可以試多幾款🧑‍🤝‍🧑呢個就咁食有啲調味已經好正😊

一聽到川菜呢兩個字，個個都以為一定係辣，其實都可以食得唔辣㗎！ 我本身就喺淘大街坊，已經成日食開呢間，就係覺得佢嘅食物保持到一定嘅水準，同埋佢定時定候都會出一啲唔同嘅優惠，都幾正㗎🤣🤣🤣其中一個優惠就係燒生蠔半價，正! 星期一至四就可以食到，咁我哋梗係要享受呢個優惠啦！ 原價係$120，但係叫六隻有半價！ 正，爆抵！ 仲要係好大隻同埋有晒啲料喺上面，抵食指數係五粒星！ 另外仲叫咗啲小菜，蔥爆牛肉，勁大份，好多洋蔥同埋好多牛肉！ 好足料，呢個都好好送飯。跟住我表弟話甜品要食炸饅頭，我心諗咁多澱粉質會肥死㗎喎，但係冇辦法！ 佢嘅炸饅頭真係超好味，點埋煉奶一流！ 啲饅頭好大粒，同埋炸到外面好脆，雖然好邪惡！ 但都冇辦法啦，食完先算😆😆😆😆😆呢間餐廳我覺得佢啲食物質素真係好好！ 同埋性價比好高，快啲過嚟食啦😁

金湯酸菜烤魚(江團魚)💲$348之前我午市時間已經食過佢地既金湯酸菜烤魚對佢地既湯底好深印象，而今日朋友聚會我就自肥一下🎈揀左間又近公司，自己又想食既川公所🤣好彩朋友們都無意見🤙🏻食完仲話覺得都幾唔錯添，因為我地一齊附近收工，所以去到餐廳都早，食埋仲可以嘆到佢地個晚市早鳥優惠都幾好🐥我地都係埋單先知，怪唔得朋友話抵啦！烤茄子(一條)💲$37除左烤魚，我地4個女仔都仲有quota試埋佢地個烤茄子👧🏻佢茄子本身已經有調味，而我地嗌左中辣都handle到，不過佢都可以揀唔辣，照顧埋其他人知道除左有8折之外，店員都有講如果星期一至四幫襯嗌燒生蠔仲有半價優惠🦪可惜遲左知啦，唯有再回訪啦

其實我真係好鍾意食辣到十足嘅川菜，呢一間真係超級好食，味道好正宗，環境又乾淨企理👍👍👍 川菜嚟講梗係要食紅油抄手啦呢度嘅份量十足，外面嘅皮好薄，裏面嘅餡料又好多，香辣嘅紅油味道喺口腔中瀰漫着，好好味一啲都唔油膩。 另外梗係要叫毛血旺，麻麻辣辣食起嚟最過癮，鴨血都係好Q彈，好有咬口。另外重點就係一定要食水煮牛肉，賣相好靚，有我最鍾意嘅香蔥鋪喺面，而且佢份量勁多，牛肉好林，又有牛味，個汁好好味，好香又夠辣。好好餸飯啊。 淘大呢度係有好多嘢食，大大小小連鎖店都有，但係我每次首選都係食呢間，因為佢啲用料好足，餐廳環境又靚，又乾淨又企理，服務又好！ 所以呢間絕對會推介俾身邊嘅朋友👍👍👍👍👍

最近聽到朋友屋企附近有呢一間超美味嘅川菜館，一入門口就俾佢嘅香味吸住，成間餐廳嘅裝修亦都好典雅，嘢食都充滿着驚喜❤️ 推介菜式⭐️辣子雞分量十足！ 雞肉炸得外面好酥脆入面嘅雞肉好嫩滑，配搭着香辣辣嘅辣椒，超級好味⭐️鮮青椒魚片佢哋呢度嘅魚片每一塊嘅肉質都好鮮嫩，唔會有太多骨，而且魚肉吸收晒鮮青椒嘅香味，超好送飯！ ⭐️四川回鍋肉好經典嘅川菜，呢個超級推薦，啲肉完全唔鞋口，尤其是佢仲配搭住有花椒，辣椒，紅辣椒等等嘅食材，令到鮮味更加出，味道好正宗！ 呢個真心推介👍👍👍👍👍

前排食完烤魚之後就一直物色緊啲川菜館🌶️一直回味緊條麻辣魚，今日夜晚去食先知原來有午市烤魚一人套餐，有6種口味揀，有辣有唔辣，都只係$78仲唔洗加一🍚連白飯同熱飲真係好抵仲好飽🤣因為佢話條魚around 350g真係好多，不過可惜我係晚飯時段去就試唔到佢個套餐🥣🐟重慶豆花烤魚(清江魚)$308🥔酸辣士豆絲$78🐖干鍋肥腸$128今次一行4人嗌左一個烤魚，兩個小菜食，全部都係我平時川菜必嗌菜品😍而呢到價錢都同出面差唔多，普遍都係呢啲價重慶豆花烤魚除左可以揀辣道之外，仲有得揀魚🐟而今次就揀左清江魚，下次都會想試埋江團魚，因為諗到佢配個烤魚湯都好match。

雖然係川菜館，但都有唔辣嘅菜式選擇，而且味道不錯，午市的套餐價錢相宜，有小菜、有飯仲有嘢飲，幾抵食。涼瓜炒牛肉幾有鍋氣、酸菜魚連辣度都有得揀，適合不同人嘅口味。

今日九龍灣覓食 見到有一人烤魚套餐 一於試一試佢🤓一人烤魚套餐 $78 本人揀左香辣味 小辣 條魚望落都可以 一人份量 多肉 海鱸魚 肉質偏滑 略嫌多骨 魚有落孜然粉 本人唔太喜愛 但呢個系食川菜 所以都正常 配菜都多 有配飯同野飲 未見過有一人烤魚賣 本人覺得性價比好高 野飲系備註寫要少甜走甜都真系有🤣 值得下次再試酸菜魚$62 呢個份量都多 有成10幾舊 魚滑又大舊 兩款都多芽菜多配菜 不過湯唔太夠酸同辣 可能系BB辣既關係 呢間魚既質素都偏高 滑又足料 兩個人食差唔多$150埋單 性價比高 值得回頭

朋友介紹呢一間嘅烤魚好足料，一試之下果然冇介紹錯！我見到佢嘅烤魚有好多唔同味道嘅，例如鮮青椒，金湯酸菜，蕃茄都有，有辣有唔辣，好吸引呀😍😍😍喺咁多選擇之中我哋就揀咗呢個至尊麻辣烤魚，成大盤嘅烤魚超級足料，佢側邊仲有好多鮑魚同埋蝦等等嘅配料，吸晒啲汁，好好味！同埋啲鮑魚超級大隻，跟住我朋友睇到原來佢哋啲烤魚係即場烤，正👍👍👍另外我哋仲叫咗啲小食，呢碟麻辣金錢肚好有驚喜，分量十足，而且啲相執好惹味，值得一讚👍❤️另外仲叫咗個口水雞，個汁較得好好，啲雞肉又好嫩滑，上面仲有住我最愛嘅芝麻，好香，帶比味蕾另一種享受！ 👍👍👍同埋呢間餐廳嘅環境裝修都好好，侍應啲服務態度都好好！ 值得比5** ⭐️⭐️⭐️⭐️⭐️👍

話食川菜我以前好抗拒嘅，因為覺得清一色都係辣，但係朋友迫我越食越多，我就越食越上癮，同埋發現其實川菜都唔一定剩係得辣，都有好多唔辣嘅嘢，都好好味~我哋叫咗一個毛血旺，你都川菜一定要食啦呢個，用料超級豐富，充滿着紅油嘅香氣，配搭住午餐肉，毛肚，鴨血，鵪鶉蛋等等，超豐富！ 另外有個水煮牛肉片，好好送飯，正，個汁超好味，肉片都好嫩滑！ 一流！ 另外我哋嗌咗個菠蘿咕嚕肉，呢個係我出街食飯一定要食嘅餸菜，酸酸甜甜超級開胃！我最欣賞呢一間嘅係佢嘅肉係好大舊，勁大份，上面仲有我最愛嘅芝麻！ 正！ 呢個醬汁超好味！ 好鍾意食呢個！ 大大推介🔥🔥