川公所 (已結業)

天氣真係好熱但係我最鍾意就係喺冷氣地方食住辣，好過癮又正！食辣嘅話呢間就係我首選💜 🔥重慶豆花烤江團魚其中一道食辣嘅招牌菜梗係要食烤魚，佢哋嘅師傅係即場現烤，超級好味，江團魚淡淡肉，再俾埋啲辣椒湯汁一齊食，好入味😍🔥重慶毛血旺正！ 豬血毛肚等食材熱辣辣鋪煮埋一齊，配埋毛血旺，好好味！ 呢個超好送飯👍🔥麻辣香鍋配菜好好食好好送飯，另外佢嘅蝦都被炒得招脆香口，我自己通常就會連蝦殼一齊食埋，超正！另外我哋一家人仲叫咗口水雞，肥腸等等，超豐盛！全部都好好味！ 佢仲有好多餸菜㗎，下次一於要試埋其他先😍😍😍

今日由一位食齋既朋友帶我揾食🥦本身以為佢會帶我去啲乜乜素食店，但點知佢send咗呢間俾我都shocked😳因為平時去開川菜都肯定係食雞，魚，而串燒都會係食牛或者內臟🥩都無留意原來食齋既都有唔少選擇喎🌶️我哋今次都算早去，又唔係太餓就揀左一款小菜同一款串燒，而當然唔少得白飯啦🍚👉🏻燒茄子(一條)$37👉🏻干煸四季豆$88其實除左以上兩款之外都有唔少齋菜類🥗例如土豆絲，花菜，燒鳳梨等等🍍怪唔得朋友會揀呢間啦！而味道方面都好夠鑊氣🔥另一樣估唔到既係原來燒茄子用黎送飯係咁夾🍆因為茄子on top既香料係精華，超正。

知道係牛頭角有間食川菜舖頭，而除左川菜之外仲包括埋串燒同中菜🥘於是就揀左呢間乜都有得食啲既川公所試試🍢平時都係去串燒店或者居酒屋先有串燒食🏮但呢到就除左小菜川菜外，仲會有得試埋串燒，咁就滿足到我食串燒之餘又唔會怕淨係嗌一碟咁尷尬啦😚今日試左以下呢啲⬇️燒牛舌(兩串)辣子雞軟骨重慶霸王翼尖本身諗住過雞翼尖會好油，但原來唔係🤩係exactly我想食既個款翼尖🍗除左煮到好淋之外仲好入味，價錢仲要平，列為我必食之選而牛舌一碟有兩串，兩串都好彈牙又juicy💦唔會因為燒而變到好乾柴，用埋檸檬調味真係好正🍋仲回味緊同牛牛一齊奔跑🐮

去食川菜除左食小龍蝦之外，我另一樣野會睇既就係有無炸饅頭😂因為依家已經無咩店舖會做炸饅頭🍞反而糍粑就普遍都有，所以見到呢間有我就諗都無諗就book左✅炸小饅頭$48合格既炸饅頭一定係要既炸，而呢到好輕易就過左呢關😎熱辣辣既炸饅頭配埋煉奶真係無得挑剔，而呢到一粒饅頭個size就岩岩好，細細件先可以令煉奶evenly spread on it😌✅麻辣小龍蝦$188✅虎皮尖椒小龍蝦份量都多而且肉質彈牙🦞表示佢地質量都唔錯係新鮮，而另一gimmick係個麻辣汁，剝完都忍唔住要點一點返個汁先食🤣另外嗌咗個虎皮尖椒試吓都唔錯，推介。

今日同朋友去食川菜，兩個人嗌左3樣野，一人都唔洗$150蚊真係勁抵🥳因為原來依家餐廳做緊晚市18:30前埋單離座，就可以享有全單8折優惠😎又揾到一間可以成日去既食堂啦🌶️1️⃣重慶霸王翼尖2️⃣黑糖糍粑 3️⃣辣子雞辣子雞🐥首先一讚既係份量先，之前有試過食辣子雞好似玩尋寶遊戲🥵碟大辣椒多，但雞就少之又少🤣好彩呢到既辣子雞唔洗用放大鏡先睇到🔍件件完整而且份量多另外一樣必食既係黑糖糍粑🍯岩岩炸起既糍粑永遠無得輸，配埋黑糖食真係好邪惡👿但我相信無得抵擋得到而雞翼尖又估佢唔到咁入味，而且都唔算好辣🍗反而蒜味幾出。正👍👍👍

最鍾意食小菜，呢一間已經係第二次過嚟試啦，之前食咗烤魚同埋啲川菜，食過返尋味，就係因為太好味所以要返兜🤣屋企人叫咗鹹蛋王土豆絲，呢個配搭第一次試，覺得幾特別～好健康呀，又好味，食多多都唔怕😁另外叫咗個虎皮尖椒，好惹味，少少辣，啱晒我呢個唔係太可以太食得辣嘅朋友。 呢碟少少食上癮👍另外仲有一道小菜係五花肉，呢個真心有驚喜喎，佢啲汁好惹味，五花肉好肥美，難得出嚟食飯，唔緊要啦一於食好啲。食完先再減肥🤣🤣🤣

其實我真係超級鍾意食川菜，聽朋友講九龍灣淘大有一間川菜舖頭，作為川菜粉絲嘅我，梗係要即刻去試吓啦。 叫咗一個金湯酸菜烤魚，揀咗江團魚，正！ 啖啖肉，我最鍾意，佢嗰個金湯酸菜超級好味，好入味，有好多配菜，勁好送飯，一流。 另外梗係要叫多啲小食啦，叫咗個蒜蓉燒鮑魚，呢個超級正，我勁鍾意食蒜蓉，個鮑魚又大大隻，超級好食😍😍😍😍😍 呢個真係要俾五粒星佢。 甜品方面梗係要食我最愛嘅黑糖糍粑，又係正，好熱辣辣，皮又薄，入面啲黑糖流晒出嚟，正到喊😭 但係由於個肚嘅容量有限，下次要再嚟試埋其他💪💪💪

其實我唔係可以太食得辣，雖然一直都好想挑戰，但係始終香港人嘅口味，食唔到太辣。但呢一間餐廳好啱我，因為佢好多嘢食都唔係辣嘅。 朋友們揀咗烤魚，多謝佢就我可以小辣，烤魚好好味呀。 另外我都叫咗好多小食，例如有燒生蠔，啲醬汁好惹味，好啱我，食咗好多隻🤣味道十分惹味，值得一試同埋有叫咗紅燒茄子同埋蒜蓉燒鮑魚，正，送飯一流，呢度真係超啱我，想食辣又可以揀辣度，唔食辣嘅話都可以有好多小菜甜品㨂！ 下次要再嚟食😍🫶

Weekday 放工約左朋友去九龍灣食飯，無意間發現呢間餐廳有烤魚食就去試試朋友鍾意食毛血旺，見到menu有就試試佢味道係唔錯嘅，可惜血同芽菜就好多，牛柏葉有啲少😥另外仲叫左條重慶豆花江團魚，好好肉👍🏻啖啖肉，3-4個人都夠食 不過如果都得自選烤魚配料就好啦 烤魚鍋底淨係得芽菜，豆皮稍微有啲寡🥲星期一至四仲有唔同小食做半價我地叫左個蒜蓉烤生蠔 $60/6 隻好抵食啲蠔都幾肥美，好夠蒜蓉好惹味🫶🏻好味指數：💛💛💛🖤🖤抵食指數：💛💛💛🖤🖤回頭指數：💛💛💛🖤🖤

呢間舖頭開咗一段時間，本身係街坊，淘大好多唔同餐廳，真係食都食唔切，住響附近，所有人都好有口福，今次同朋友試川公所，坐位寬倘，枱面大張，三五知己去飲飲食食，都好舒服。今次點咗口水雞、四川回鍋肉、麻辣大腸、鐵板孜然牛肉、炸小饅頭同青瓜特飲。味道比預期好，份量都大碟，服務亦非常好，好着緊每個客人，可以一試無坊。店舖用手機落單，揀餸、飲品都.可以響備注寫要求，例如：炸饅頭想要多D煉奶，（飲品可以要求少冰……………………等等）成個點餸過程簡單同方便。

見到星期一至四部份餐牌做緊半價優惠所以趁呢個機會試下🥰試左燒茄子，炸饅頭，大腸串燒，辣子雞軟骨，五花腩包菜，蒜蓉燒生蠔燒茄子: 調味好正，而且都幾大條炸饅頭:外脆內軟，加埋煉奶超正💕大腸串燒:超級脆卜卜！雖然好邪惡，但好正！辣子雞軟骨:半價左之後50幾蚊，但一大盤超多雞軟骨！送飯一流！五花腩包菜: 好多五花腩。。。多到要打包😂一樣好好食好送飯！蒜蓉燒生蠔: 半價左之後$60/6隻，隻隻都大大隻，而且無沙！抵到爛🤤🤤🤤我地2個人食，餐廳主動將2張枱合埋，等我地多d位擺野，舒服d，抵讚！

今日去咗九龍灣做嘢，收工後經過淘大花園見到一間開業左一段時間嘅川菜店，佢哋餐牌好吸引價錢優惠 舖頭嘅坐位都算幾舒適 今日點咗佢哋嘅烤鮑魚 蒜蓉味，冇覆蓋鮑魚嘅鮮味 好彈牙，好新鮮！另外叫咗佢哋嘅虎皮尖椒，真係辣得好過癮，店長仲同我哋尖椒係越籌皮就越辣佢哋呢個精心挑選過，另外試埋佢哋嘅燒雞中翼 孜然粉嘅口味好突出 好好食真係冇得頂呀！餐廳用料新鮮，用心經營，真係對得住呢個價錢 鍾意食辣嘅朋友，一定要去試吓啦！冇介紹錯㗎

今日比我發現咗一間喺九龍灣淘大花園嘅川菜料理食店，舖頭裝修好有中國風味，好有格調，呢度主打食烤魚，但係我哋今日胃口唔算太靚仔，所以叫咗啲小食試吓 估唔到又有驚喜喎 佢哋嘅麻辣皮蛋味道突出辣度適中份量都幾多，用嚟撈飯都幾正😆佢哋呢度嘅串燒都幾多選擇 即叫即整 好有街邊食串燒嘅味道 今次我哋叫咗小香腸👅師傅燒到外脆內軟，熱辣辣真係幾美味！配埋啤酒真係一流 最後嚟多個甜品！成餐嚟講真係冇得彈，冇挑剔！好快會再返嚟🥰

朋友鍾意食辣嘢，所以今日帶咗佢去九龍灣淘大花園第一間川菜餐廳度食晚飯 聽啲街坊講 佢哋嘅辣 係拍得住四川 但又唔會太辣 岩返香港人嘅口味 今日我哋特別叫咗一個辣子雞 主菜嘅面頭佈滿咗好多嘅辣椒 🌶️未送到埋嚟已經聞到陣陣嘅辣椒香 另外叫咗一個辣子蝦 賣相同辣子雞差唔多 食落去嘅口味真係冇得頂呀！聽講辣到都可以選擇㗎 食到辣嘅朋友仲可以同餐廳講叫佢放多兩粒辣椒添 後尾我哋見到隔籬枱 叫咗一個麻辣小龍蝦賣相非常出色 我哋都叫咗一份試吓 小龍蝦好友麻香椒絲味道 食完真係忍唔住再叫多份！真係好正，好出色啊 食完呢一餐真係忍唔住介紹身邊嘅朋友再嚟試下

九龍灣必食川菜餐館我本身係因為烤魚控 最鍾意食到滑溜溜嘅烤魚 仲可以加入配菜 打埋個邊爐 就係最滿足之選 香港地呢排都出咗好多唔同各式各樣嘅烤魚 今日就去左喺九龍灣淘大花園嘅川菜餐廳 聽講佢哋嘅烤魚非常出色 今日一於去試試佢首先嚟個至尊麻辣烤江團魚，條魚真係好滑 啖啖肉冇乜骨 大人小朋友食都啱晒 唔食得辣，仲有其他唔同嘅口味揀 例如金湯酸菜魚蕃茄湯等等⋯呢個烤魚好味指數5分 份量都唔少！三四個人食大家都可以食得好滿足好飽另外我哋叫咗一個酸辣土豆絲，土豆絲份量都幾多 整得好入味 用嚟撈飯就一流啦！仲有一個小蘇肉 肉炸得好脆 好有街邊食小食嘅風味呀 大家如果睇完我嘅食評所得，有興趣就快啲book枱試吓佢啦！