川味美食

營業中

休息中

豬潤豬腸紅薯粉小辣附送酸菜同少量炸醬.紅薯粉應該係煙煙 un un,就算自己屋企煮都係.但呢度就比較淋身,冇左彈牙個感覺.豬潤得四舊,豬腸都淋,但就唔入味.都係得六少舊.附送既酸菜有好多.同埋好多都係個頭.小辣,係唔辣既.湯底話明係豬骨湯,可能炸醬影響,飲唔出.不過食完呢餐後就好口渴.又係味精作怪.好. 講完食物. 我一定要講個服務!落單.未諗好個阿姐已經企係你隔離等你.可能我坐門口張檯,隔離出野食,但阿姐都唔需要同我企得咁近嘛.近到係佢隻手臂痴住我隻手臂喎.我話未諗好轉頭再叫佢.佢依舊企係度痴住我.食野既過程.只見員工們不地傾計.坐最入張檯落單都見唔到,門口等外賣個哥哥仔都忍唔住口出聲.走果陣,我知道舖頭唔係大,撞下唔出奇.但有個哥哥仔成隻腳踩落我度,果陣我係著拖鞋,個哥哥仔一句對唔住,唔好意思都冇.踩完我就直行直過.嘩.依家咩服務態度呀.應該有禮貌都冇點開門做生意.

男朋友食過話幾好味就帶我去試下!叫左一個普通既酸辣紅薯粉加左一個餸,因為我地之前其實食左野架勒!本身無食過紅薯粉,因為覺得呢d咁透明既粉食落口好似好怪咁d味,不過起度一食,e,又幾好味喎,煙煙"un un",好滑!!我就鐘意麻辣既,但係男朋友話佢d辣唔辣,所以叫酸辣會好d,的確辣無近乎零,但係d酸真係好出,我又幾鐘意整體黎講都唔錯架!

睇食評見呢期興食四川小食, 又見呢間食評唔錯! (其實我想去"傷心酸辣粉", 但係企係深水埗街頭搵極都搵唔到!) 咁一於同老公試一試!我點了雞奕尖腐竹豬潤麻小辣紅薯粉, 先望一望湯底已知唔夠麻唔夠辣, 配上預備埋的肉醬芫茜芽菜酸菜等, 吃落都算香口, 可惜真係無乜麻辣味道, 雖然我只點了小辣, 但不代表無麻味嘛! 完全唔係我想像中咁四川風味囉! 置於紅薯粉麵, 我就頗喜歡, 因為很滑很有味!!!! 像我喜歡吃的河粉般, 但這款紅薯粉卻吃得健康得多, 睇到介紹寫多吃有助減低膽固醇喎! .......當真?! 麵底我是喜歡的, 如果湯底稍為做得濃味一點, 多點花椒八角四川味道, 我諗我會多點幫襯吧!!

專誠去食煙煙unun既紅薯粉之前睇荃灣果間食評,已經心郁郁想去不過無奈太遠,之後俾我發現ssp都有,就即去!我要左個冇湯寬紅薯粉行街拎返到屋企途中都聞到d好熟既味碗粉傳出黎好喇~返到屋企,一食,原來係公仔面既湯去洽d粉不過d紅薯粉既質感真係唔錯!食完,有d口渴,一定係味精!

15 May 2009今次去深水埗嘅目的就係食呢間紅薯粉，紅薯粉唔係度度有得食，所以想食都要搵日特登去，因為永遠唔會順路去到深水埗囉！上次試過有湯，今次緊係試吓無湯啦！揀左豬肚、雲耳、蘿蔔、魷魚，大麻辣紅薯寬粉，上次試過中辣，一D都唔辣，今次叫大辣，都係唔多辣..好奇怪...不過好食就算啦，唔辣都無咩所謂嘅，紅薯粉煙煙"un un"，我最鍾意嘅口感，最特別係魷魚，唔係透明果D，係白色果D魷魚酥，又爽又好味，唔係度度有呀...雲耳同豬肚依舊好味，份量都多呀...但係反而蘿蔔少咗D喎！食得開心，又唔知要幾耐之後先會再嚟食lu~

去過荃灣四坡坊的川味美食,吃過數次,知道深水埗也有川味美食便去幫襯一次.在荃灣四坡坊,一碗無湯熱拌寛紅薯粉只需十三元,這裡卻要十五元,看見餐牌上寫著除了深水埗這店鋪外,還有一間在荃灣昌寧商場,沒有寫有四坡坊這間店鋪.除了價錢有差別外,食物總類亦有些不同.今次我亦點了無湯熱拌寛紅薯粉和一個餸-海帶,但不好吃,四坡坊好吃很多,有點後悔來了這裡吃,以後到深水埗還是去劉森記吃竹昇麵穩陣些,要吃寛紅薯粉,以後都係去番四坡坊那間好了.

食過好多次~~次次都覺得好食~~推介大家都去食下~~有時仲會因為想食而去深水(土步)買~~基本上都係分 有湯 同 無湯這店出名的是紅薯粉 有粗 有幼 好似好少地方有紅薯粉~~咁無理由仲食米線 河粉~~所以我次次來都係食紅薯粉~~ 粗好煙"un"~~ 幼都好煙"un"~~不過2者的口感係唔同的 我都唔識得形容~~同埋呢到又有一樣我係其他店好少見到的配料 魷魚 牛柏葉~~呢間舖d豬大腸 豬肚都好好食~~可能係因為我比較喜歡食內臟份量方面 我覺得都幾多~~ 我比較其他的店舖~~因為個份量係夠我食的~~ d配料都唔少~~講講味道先~~有湯 酸得好開胃~~愈食愈想食~~無湯 撈的 都好夠味~~不過一定要襯熱食 凍左無咁好食~~唔同有湯個d 凍左都好好食~~如果要落配料 我見議大家 食有湯就落魷魚 牛柏葉~~魷魚 牛柏葉本身無咩味 所以要浸下d湯d味~~食無湯就落豬大腸 豬肚~~豬大腸 豬肚本身夠咪就唔好浸湯 搞到無咁好味~~我本身係一個唔係太食得辣的人~~所以我無叫辣~~因為我係呢間舖 試過一次小辣 都覺得好辣 所以以後都無叫辣~~價錢抵呀~~ 有湯的紅薯粉18蚊 無湯的紅薯粉15蚊 所有配料

呢間食店近期成為我的至愛, 皆因好食又抵食. 第一次試過佢既酸辣紅寬薯粉小辣($16), 透明的, 感覺烟un, 幾得意, 好味過米線. 第二次試下無湯麻辣紅寬薯粉小辣, 無酸菜, 無湯, 但換上花生, 嘩!正呀!!! 之後都淨係食無湯個隻($15), 大大碗, $3一個餸, 加$3一罐可口可樂, 邊度搵?? 同埋佢地d阿姐好nice架, 唔會好似隔呢維記咁黑口黑面.對面既譚仔同其他米線店我一早已經唔幚襯, 因為真係唔好食, 冇特色. 而呢間亦越黎越多人食.

本想去食腸粉或油渣麵，舉棋不定之際，看見四川麻辣...紅薯粉...毫無考慮下雙腳已走了入店內。入店後看見"川味"，又看看牌照有點熟悉，原來是荃灣川味，估不到在深水步開了分店。我要雞絲、豬潤涼伴寬薯粉，雞絲撕得一絲絲的很幼細，豬潤雖不是起黃沙，亦有粉嫩感覺；反且我喜愛的寬薯粉，不算煙韌、彈牙滑溜。食過荃灣的大麻辣十分刺激，今次轉食中麻辣，這個中辣是沒有難度，口腔沒有發麻、辣得鼻水長流，最重要是沒有花椒的麻香。試了老公的清湯底，味道很濃稠，相信味精不少。我每次在荃灣店食到停不到口，將整大碗食清光...，但無理由兩間店來貨不同。

2009年04月06日，17:10我的世界肯定在變，五分鐘前才吃完蛇羹，竟又在這店吃酸辣薯粉。到了褔榮街，一定要食…食…食要了最基本的酸辣粉，級數是中麻辣，配料有酸菜、炸醬、生菜。湯底：中麻辣，辣中帶點麻，不算勁；我在忘記帶紙巾下，不會出洋相(汗如雨下)配料：正常地酸菜帶點甜蜜素、炸醬食味被麻和辣遮蓋、香菜(茜)等。紅薯粉：要了寬條，口感奇佳，滑一滑、彈幾彈，絕對要試。阿姐們非常有禮貌，我衹要了好基本的薯粉，竟多謝前、多謝後這店的笑臉80%給予寬條薯粉的

悶悶哋，放工決定趁早去深水埗一試呢間嘅紅薯寛粉，我本身未食過荃灣果間架，因為太遠喇，我又唔識路，所以上次同大嚿經過呢度見到呢間新開，再上嚟openrice睇吓，知道係同一間，咁我就決定嚟一試喇！我本身好鍾意食D煙"UN"嘅嘢架，所以好鍾意食紅薯粉，可惜唔係度度都有得食丫，但係而家都叫common咗架喇講返D嘢食先，去到坐低就睇吓要點揀，都好易明，有湯/無湯，我揀咗有湯麻中辣紅薯寛粉($18)，加腩肉($3)、雲耳($3)同豬肚($3)！飲品全部$5，罐裝架，好抵呢！腩肉唔太肥，夠入味，豬肚都係好食，雲耳就正常囉，不過麻中辣嘅湯底相比起譚仔，就完全唔辣lu，但係味道不錯架！紅薯粉無令我失望，好食呀！如果下次有機會我都會再食，睇吓大嚿有無興趣啦，我可以帶佢嚟食嘅呢度唔太辣，而且有好多餸揀，所以我覺得佢都要嚟試吓啦！

最喜歡他們的乾撈中辣紅薯粉加腩肉, 基本上是每次在荃灣川味的必然選擇, 今次也一樣, 一入口那辣味即湧入喉嚨, 好味. 之後加入點點的醋, 酸酸辣辣的, 不一會一碗乾撈紅薯粉即消化掉, 不過今次的紅薯粉比較淋, 影響了一點口感.荃灣的川味美食進軍深水埗, 在競爭厲害的深水埗應該能站得住腳, 因為味道還是一樣的好.

很久沒寫食評,令我提得起勁的原因是這裏實在值得推介,但光顧的人不算多。6:30到，有三兩個人光顧。第一次來，點了酸辣幼薯粉($18)+雞肉($3)和魚皮餃($3)(走辣)本來擔心沒有辣，味道會寡一點。但事實不然，酸得很開胃(我不太喜歡酸的食物)，薯粉的份量很足，薯粉有米線的粗幼度，透明的，而且很煙"UN"。吃到一半的時候，我心裏已決定一定會再來的。=_=+配菜有酸菜，炸醬，莞西葱(我走了莞西葱)，炸醬的味道也不錯。雞肉和魚皮餃都是一般，我還是喜歡吃譚仔的雞肉多點，這兒的好un,很難咬開。魚皮餃大概是凍肉店的貨色，沒特別。但在這裏我最期望的是薯粉的和調味，兩樣都做得很好。吃完很滿足，而且服務員都算有禮，埋單$24元。抵食又夠飽，薯粉又好吃，這間店大概會成為我的飯堂~~^__^

$18酸辣炸醬紅紅薯粉條：炸醬、芽菜、生菜、酸菜、芫茜。其實這類粉麵應配有花生，可是花生和芽菜卻要另加錢。薯粉份量不少，十分彈牙爽口，夠晒煙un ，口感十足。湯底味道清得來又帶點酸味，調較得很好，十分惹味開胃，而辣方面中辣仍覺普通，可是酸味卻很不錯呢！此店除粉條外，還有寬粉和米線共三種供選擇，而寬粉顧名思義就是的較寬身，像半透河粉，紅薯寬粉並非隨處可吃，薯粉含有大量纖維，既健康又好味！由於新開不久，環境企理整潔，店內雖小，座置不多，但店員阿姐都頗友善待客！