川味美食

營業中

休息中

在這個除夕下午, 能夠與你一起, 就算溫度只得七度, 亦能令我慶合合；感激你, 在這種時間, 亦對我的不離不棄。雖然二十蚊還有找, 但肯定會飽肚 碗底滿是芽菜, 芽菜上就是一層厚厚的幼薯粉, 廚師在薯粉面舖上肉燥、花生及芫荽, 再淋上秘製麻辣汁 撈起來吃, 煙韌的幼薯粉嗦了麻辣汁, 就由原本灰灰白白的顏色改為紅啡色, 頓時引人食慾 幼薯粉煙韌到要咬多兩咬才能把它們分段；在口內咀嚼時, 真是有幾分嚼橡根的口感, 先麻後辣隨即擁上前來...... 麻得來香, 辣亦得透澈, 身體立刻血脈僨張, 成身暖晒花生當造, 顆粒飽滿, 肉身很甜, 它們能令麻與辣中增加甜度, 可以當作我的安慰劑肉燥帶著濃濃黑椒香味, 肉質屬半肥廋, 也能為這碗撈幼薯粉帶來甘香食物令人飽足, 根本就不必付上天價, $16的秘製醬汁撈幼薯粉已道明一切。貪婪 (無語!)

今次第二次食,第一次試豬頸肉撈紅薯粗粉,大大碗好味又平,所以再一次幫襯,今次諗住試下叫個有湯既外賣買比屋企人試下..要左個腩肉豬紅既紅薯粗粉都係$26+1..好快就有位姐姐問我係咪要河粉有得拎啦,我就答佢唔係..幫我落單個姐姐就話我係叫河粉,我話我要紅薯粗粉之後身邊兩位同事異口同聲咁話我自己講完河粉又唔認.明明聽到我問幫我落單果個可唔可以幫我轉,佢話河粉唔會有人叫,搵邊個食,迫我要.最後唯有算數,果碗河粉自己食,去另外一間買比屋企人..態度差幾好食都會扣分,下次都係諗下先再去食

來到美食多多的深水埗，很想要食一碗香辣的湯麵印象中沒有吃過紅薯粉，湊巧經過這家食店便走進去了內裡位子不多，大概可以容納20-30人我們只有兩個人，要跟別人同一張台點菜的時候可跟據喜好而選擇辣的程度我選擇了小辣，男朋友則選擇BB辣我跟他點的是都酸辣炸醬紅薯幼粉，但他額外加了芝士腸、魚皮餃跟生菜 (每樣材料額外加$4)感覺是豐富多了，但對我來說太多了，所以我還是只吃麵罷了不用五分鐘，食物便呈上了，很大碗未吃的時候已聞到那香香的辣味果然是我想像中的麻辣，還不賴的紅薯粉的口感有點像重慶酸辣粉，都是爽爽的，滑滑的但紅薯粉的外表不像重慶酸辣粉般一條條圓形的相反，紅薯粉是一條條扁身的，邊緣不是直的，而是彎彎曲曲的另外，紅薯粉是透明的，而重慶酸辣粉是有點米黃色的紅薯粉吸引我的地方是它的特別口感加起配菜，十分惹味這食店的小辣對我剛剛好而且價錢合理像我一樣只是吃麵的人，不用$20就能捧著肚子離開餐廳現時要吃到這價錢又可以飽肚的食物實在難得

都唔系第一次幫襯btw服務員依然禮貌示人陪朋友再次光臨先order個幼薯粉秘醬撈（唔辣）其實我唔食辣主要陪人fd叫咗秘醬拉麵撈（少辣）好正！薯粉好新鮮花生卜卜脆又香加埋芽菜食口感唔錯秘醬撈薯粉入味拉麵就稍微鹹了些加四蚊各自要咗醬爆丸同埋芝心丸一口咬落去，爆汁....太大意喇！

間中要在深水埗工作, 好多時都o黎依間~!!實在太好味啦...... 正確d講, 係好啱胃口! 通常走酸走辣 + 幼紅薯湯粉~湯放咗好多芫茜, 及少許酸菜, 湯濃味甜, 很有芫茜香味, 吃完也不覺口喝!透明ge紅薯粉有口感, 很有o趙頭, 粉係孿曲的, 而且有彈性, 湯容易附在上面,價格方面唔貴, 一碗紅薯粉兩個餸, 大大碗, $2x, 抵食~!繼續幫襯~!

一諗起紅薯粉就諗起呢到啦。次次黎都食湯, 今次要突破下, 食撈, 最後要左碗雲e腐竹撈寬粉。$24 大大碗, 佢話個秘制醬汁其實好似d 炸醬咁, 幾好味。但食過寬粉後, 我都係鍾意紅薯粉條多d , 因為寬粉厚身得濟, 有d 難咬, 食左唔夠一半已經覺得好飽雲e腐竹都好多, 不過腐竹陣味仍然怪怪地, 上一次食已經覺得唔好味, 今次俾多次機會都係一樣。+$5 有野飲, 仲有黑豆漿揀tim ar, gdgd!

星期六下午, 男朋友突然想食坤記糕點, 我又要買電腦野所以出黎深水埗, 隔離維記豬潤麵勁多人等位我地就決定去川味美食餐廳內地方細少, 好多人都買外賣走我地唔洗等太耐就有位, 見餐廳入面好多人食撈米線, 撈紅薯寬粉撈紅薯寬粉賣相真係幾吸引, 所以我地都試下 秘制醬汁撈紅薯寬粉 - 雞絲, 腐竹腐竹同紅薯寬粉份量勁多!!!雞絲唔係一絲絲, 係一舊舊, 而且份量不多紅薯寬粉, 夾落去好滑, 食落好煙韌落單要左中麻辣, 原來唔辣, 所以叫侍應拎D麻辣俾我另外, 枱上有辣醬供應酸辣炸醬紅薯寬粉 - 魚腐, 肥牛, 醬爆丸同樣地, 紅薯寬粉份量勁多, 肥牛份量不多酸辣湯只係酸, 辣味不夠, 要另外落辣醬調味一碟油菜六蚊, 十分便宜, 所以沒有意見最後, 我地二人都食唔晒一碗紅薯粉, 因為份量驚人紅薯寬粉真係好飽肚!

星期六放工去黃金睇下野, 去之前更係要食左個lunch. 原本想去食維記可惜大排長龍更係唔會去, 所以去左隔離店食酸辣粉好過.我叫左酸辣醬爆丸米線, 友人就叫左豬腸紅薯粉.一來到就有點嚇人, 份量真係好多, 以今時今日通貨膨漲咁厲害之下這一店真係做到抗通漲.咁當然味道同價錢未必成正比, 這一點只係話叫ok唔算特別好味.2碗都係叫小辣, 不過完完全全係咩酸辣味, 這一點真係有d失望. 至於配料-醬爆丸真係唔多得, 反而友人叫既豬腸都ok好味.不過我覺得友人既紅薯粉好似有d怪怪, 成碗野好似無咩湯水又發脹左既粉咁. 雖然d粉帶點煙un, 但就好似食膠根完完全全係唔能夠將d湯汁帶入d粉麵.

好耐無食, 好掛住, 今日放假特登黎搵佢。3點幾下午茶時間無咩人, 唔洗同人撘枱, gd!今日食左腐皮雲e肉碎紅薯粉條 $23男友食墨ball豆卜撈粉條$21$20幾蚊大大碗, 好抵食啊!每碗另有配料:芽菜,花生,蔥花,芫荌,炸醬。我覺得湯比撈好食。湯底好味, 粉條滑lu lu, 煙煙un un, !但腐皮比平時食個d 硬身, 我鍾意軟身腐皮多d。豆卜吸晒d 湯, 入晒味,

返工係深水埗搵食,見到門外十六蚊有個lo米線,加餸都係3-4蚊姐佢果到既餸選擇唔多,但係想食既都有,好似大腸,豬腩肉咁送到過黎既時間真係眼都大左,好大碗,一個女仔一定食唔晒!叫左小麻spicy, 麻既程度岩岩好,都唔算好spicy而食碗野都不過不失, 餸都唔少係ssp 都算個抵食之選!所以俾個笑你

之前未裝修前都有食開,大件+抵食裝修後第一次再來幫襯,地方比之前乾淨同寬敞左好多~今日太肚餓,所以叫左個撈米線米線滑的,有彈口佢地d餸加$3,4蚊,但好鬼多....份量極多,最後都係食唔曬....其實,佢地既炸醬先至係我回味既地方,入口好香,冇味精的感覺(因為食完唔飲野都ok)p.s 第一次食的話,要試下佢地個紅薯寬粉,煙煙un un,好似河粉咁粗,但咬口好相反

懷著沉重心情往長沙灣看醫生途中，先到福榮街吃些四川野刺激下心情先！好在還有一個鐘才到Lunch Hour，店內只有3-4個人幫襯，我一個人可獨霸整張大檯。還可對著大電視呢！點了秘製醬汁撈紅薯粉條配冬菇腐皮(小辣)，半年前到過荃灣分店吃撈紅寬粉(大辣)，印象十分好，只是大辣實在太辣，用了半包紙巾才吃完，是次還是點小辣來回味。粉的份量如以往一樣大大碗，粉上的辣肉碎因是小辣關係份量相對少很多，似乎不夠撈勻整碗粉。先吃冬菇，大隻厚肉得黎質地又軟稔，但就不夠味道，淡淡的。腐皮是略為硬身那重，本人比較喜愛軟身腐皮，因吃落比較滑及索味。紅薯粉條滑溜彈牙，聽說紅薯粉含多種礦物質維他命及豐富纖維，是飽肚便宜又高營養的食品。相比的粗身紅薯粉條，本人更愛勁掛汁的扁身紅薯寬粉。而辣肉碎依舊惹味，但拌勻粉條後對本人來說是不夠辣，要狂落檯上的潮州辣椒油加辣。下次記住還是吃中辣好了 。最後見豆漿大大支都是$5，就叫支凍黑豆漿來解渴，看包裝還以為是大陸造，在無甚麼期望下想不到又幾好飲，黑豆味又幾濃郁，真係估佢唔到，細看下原來是香港製的，真是不可以貌取物！阿姐服務幾好，效率又快，食物OK，都可給個笑臉的！吃飽飽後是時候

除左其他米線,喱間不防一試, 特別係肚餓既時間, 大大碗我就食得夠飽. 湯味同配料都好好味,味道豐富. 配料好多選擇,一的其他鋪未必有既來喱度可能可以搵到. 野飲都係+$5. SPICY度都可以,你係自己要幾多就比幾SPICY你. 仲有紅薯粉. 幾多選擇. 同埋好多時都唔使等位,應該試下

黃金商場後面的福榮街, 算是少有的粉麵食品激戰區. 短短的一段卻有不少食店駐紮, 如維記和劉森記; 要經濟的又有大家食和車仔麵, 還有譚仔和清湯腩等, 真是令人花多眼亂. 而在比較靠後尚有一間不太起眼的-川味美食.店家主打的紅薯粉, 介紹說是綠色食品, 有助消化云云. 其中有分寬粉和幼粉條兩種, 我個人比較喜歡寬粉, 因為薯粉很滑粉條會很難夾; 另可選擇放湯或乾撈.這次叫了乾撈紅薯寬粉, 走辣走花生加大腸和豬潤. 紅薯粉滑雪雪, 食落口煙煙韌韌. 但他本身沒什麼味道, 只得靠和湯汁一齊食. 配菜大腸幾好, 滷得入味, 而豬潤就一般. 再加上爽口的芽菜和濃味的炸醬等配料, 好豐富的感覺呢. 雖然算不上十分好食, 但特別的紅薯粉也為此街增加一個唔錯的選擇.最後想提醒唔食得辣最好就走辣, 他們的小辣辣度也十分強. 我都聽過人地落單果陣講小辣好辣, 又聽過人叫左小辣後抱怨.