川味雞烤魚大王 (隆亨商場) (已結業)

一早起身突然想食烤魚，但係lunch食烤魚真係應該無乜幾多間，search到呢間川味雞烤魚大王有得食烤魚，仲要有個午市烤魚套餐，即管就嚟試吓先！烤魚套餐索價$328，包一條烤魚同三款配料；烤魚可選小邊鯇魚、原條鉗魚或海鱸魚，味道可選剁椒、重慶麻辣、酸菜或泡椒；最後揀左泡淑海爐魚（小辣🌶️）、黑毛豬🐷肉片、田園雜菜同新鮮雜菇。鍋內除左有原條海鱸魚外，仲有幾樣基本配料，分別為薯仔🥔、蘿蔔、黃芽白等瓜菜。海鱸魚表面嘅魚皮煎過，所以食落香口；海鱸魚肉質非常細緻，由一開始食到最後都保持嫩滑！泡椒（小辣）唔會太辣，唔會食到流晒鼻水出晒汗🥵，而且唔會辣到話一定要飲野，譚仔🔟小辣嘅朋友都可以食到～～配料黑毛豬肉片冇羶味又唔會太肥，雜菜雜菇份量足又幾新鮮。餐廳服務唔錯，會勤力主動加湯；原本諗住叫鉗魚，但店員提醒備料需時，識得事先通知食客，避免客人苦等。-💌分享一個食烤魚嘅個人喜好：先食魚尾魚背等較少油脂嘅部位，最後先食較肥美嘅魚腩部份，因為烤魚keep 住煮，油潤嘅部份就算煮耐咗唔會太乾柴。

大圍站一出經行人天橋行大約十分鐘就會到，主打雞煲同烤魚。烤魚有麻辣，泡椒(酸辣)，剁椒，酸菜(唔辣)。魚就有鯇魚，鱸魚，魽魚。有得揀辣度，就曬唔同人口味。🍲🌶️泡椒烤魚(酸辣) 海鱸魚 $268條魚好高質，塊皮夠脆夠香，個肉質就好滑，想食滑嘅一定要揀鱸魚。平時食烤魚最驚就係好鹹，佢酸辣湯就味道鹹度啱啱好，魚鮮味夠曬濃！😋👍🏼👍🏼👍🏼本身有少許拌菜係入面，不過我地都加左碟菜。特級雪花肥牛 細 $108珊瑚蚌 $88牛柏葉 $68基本都要叫返碟牛啦，放心佢呢個價錢質素都有保證，唔會係雪到實又多肥膏。個牛柏葉同珊瑚蚌都新鮮嘅。🍸百香果梳打 $26🍹益力多沙冰 $26打邊爐咁熱，佢好好地有唔同特飲提供，有沙冰同水果梳打類，有芒果,草莓,柚子,百香果..夠曬凍解辣就啱曬。

川味雞烤魚大王大圍同荃灣都有分店，今日去開附近新開嘅商場，所以就嚟大圍分店食烤魚。從餐廳門口走進店內，立刻被充斥著濃郁香辣誘人的氣味所吸引。我哋點了一份海鱸魚的川味烤魚，店嘅招牌菜之一。重慶麻辣烤魚 海鱸魚 $268期待已久的川味烤魚上桌了。一道巨大的鍋子放在桌上，充滿了豐富的辣椒、花椒和各種香料。服務員將火點燃，鍋中的湯汁迅速煮沸，散發出濃郁的麻辣味道。一入口，辣味立即襲來，但並不過分刺激，相反還帶著一絲微妙的甜味。魚肉鮮嫩多汁，完美地吸收了麻辣湯底的風味，好正😋湯汁中的各種配料，如娃娃菜、豆芽和薯仔片等，索左個湯汁，辣味和麻感在口中繚繞，儘管汗水已浸透我哋額頭，但我哋仲係食不停🤣🤣食完條魚都飽飽地，之後再揀多兩樣打邊爐😙酒釀雞子 $78酒釀雞子肉質鮮嫩，配上酒釀的甜味，入口鮮美。鮮蝦雲吞 拼香濃黑松露餃 $68兩款餃也不遑多讓，雲吞皮薄而有彈性，餡料鮮香多汁。而黑松露餃則散發著濃郁的黑松露香氣，一口咬下，充滿濃郁的滋味在口中散開。藍妹啤酒$35冰凍嘅藍妹啤酒完美地平衡了辣椒的刺激又解渴。

親戚來香港，她喜歡吃辣，於是帶她吃烤魚。餐廳位於屋邨商場，走大眾化路線，設計採用竹木家具，感覺粗礦，很有「盡情去吃吧」的感覺。 沒想過這間屋邨不顯眼的小店，竟然讓我們一邊吃一邊讚。我們點了重慶麻辣烤魚，上面撒了很多辣椒和香料，賣相已經讓人食指大動。表皮香脆，肉有口感嚼勁，香辣惹味，但不油膩，忍不住脫口說出「隱士餐廳，名不虛傳」。另外我們還點了牛肉、豬肝、蔬菜等，吸收了麻辣的精華，超爽！整體來說，這裡服務態度殷勤，價錢相宜，啤酒不算貴，坐得舒服，冷氣夠涼，適合一家大細一齊食。

最近人人都講大圍新商場The Wai。入開去既朋友不防行遠啲啲試埋呢間烤魚，好大份好惹味🤤 兩個人食到超級飽，牛丸同魚皮都推介，好好食👍🏻🔸海爐魚-重慶麻辣小辣 $268呢款魚少啲細骨，容易食👍🏻魚肉會實淨啲，但唔會鞋口，啖啖魚肉好正👍🏻 個重慶麻辣唔會好辣，但好香，忍唔住要一啖接住一啖咁食🔸爆汁牛丸 $58🔸鮮魚卜 $48🔸闊薯粉 $30🔸涼拌川辣魚皮 $78🔸涼拌海蜇 $48------------------------------🌟回頭指數：8/10屋村附近有間咁正嘅烤魚好驚喜，經過大圍嘅你一定要試吓😋🐟📍地址：川味雞烤魚大王 (隆亨商場) (大圍)大圍田心街1號隆亨商場地下隆亨街市H86號舖/ 喜歡我食評的朋友，記得follow IG @yumyumyummy.tummy 🩵 /

想食烤魚但又怕多骨，最好就係食大魚啦！今次去咗川味雞烤魚大王食近年好流行嘅烤魚，因為係兩個人食所以只係細半，如果大半的話就會有埋魚尾添！其實當中仲有不同伴碟配菜，如莞茜、白蘿蔔、芽菜、酸菜、椰菜...湯底麻香味濃，算上不錯～魚肉唔會一夾就散開！魚皮煎得香脆，喜歡脆口帶有少少咬口嘅朋友就要係魚皮未沾上湯就要食一口～雖然是大魚，但魚肉沒有泥味，魚味不腥，怕食魚的朋友可以一試。因為大魚魚骨都易挑出，入口可以啖啖魚肉。

估唔到大圍屋村仔有間咁出色嘅舖頭，舖仔細細座位都坐得幾舒服，叫條烤魚嚟食，仲可以打邊爐，佢個薯粉都好好食，小朋友至愛，服務態度都好好，我成日帶返小朋友去食亂巴閉，佢哋都會過嚟同啲小朋友傾吓計，整跌咗啲碗筷即時會有人送上乾淨既器具，好滿意

今日入左大圍食野，哩間餐廳係屋村小店，入面有卡位及大圓桌，座位亦闊落舒適。除左烤魚及雞煲，亦有川式小菜可以選擇～🔥🐟烤魚👉🏻海鱸魚 $268烤魚有四款唔同口味可以選擇，包括重慶麻辣、泡椒、剁椒及酸菜，頭三款湯底仲可以揀大辣、中辣及BB辣。我地就揀左泡椒烤魚，係酸辣口味，入面既烤魚大大條，魚肉嫩滑，仲有少許芽菜、芫荽、酸菜、娃娃菜及白蘿蔔，重點係個湯會越滾越辣，特別係蔬菜類會非常吸辣，真係越食越過癮🌶️🤣🦑鮮魷魚 $88鮮魷魚份量都幾多，而且夠曬新鮮，入口爽彈，好食推介👍🏻🥬娃娃菜 $33娃娃菜吸曬啲酸辣湯汁，好入味～

前排跟Daddy朋友去大圍龍享村呢間烤魚大王食晚飯，佢話佢住開嗰頭，有咩好嘢食佢都知道晒，總之跟住佢就掂啦！😆我還是第一次食烤魚，對我來說蠻新奇的，就像把煎好的魚再放上盛上了湯的盆子上。本身諗住煎好的魚肉質會很硬，但這個食落竟然是軟身的，不過這次這個有點辣，我吃不了太多。🥺估唔到，原來吃完烤魚後，還可以用湯底加餸打邊爐😝就像食雞煲。肥牛、各式丸都有，佢仲有大雞子，Daddy朋友最鍾意食㗎啦～🌝我就唔鍾意食啦😤放返幾張相俾大家參考下☺️

好耐無食烤魚朋友就推介佢屋企附近「川味雞」呢度烤魚味道可選剁椒🌶️酸菜、泡椒及重慶麻辣味😋另外亦有雞煲及多款火鍋配料☺️佐酒小食提供‼️午市套餐可選一款烤魚或雞煲😬及一份肉類加兩份蔬菜🥬我地就選了泡椒烤鉗魚😬 集辛辣咸香及微甜味道比較濃郁🤗師傅將醃製好嘅鉗魚烤至皮帶焦香😬魚肉比較鮮嫩結實☺️泡椒味道酸辣微甜😎提升鉗魚既口感和味道‼️配料選了有一定的甜味和嫩爽清脆口既感萵筍☺️🐷黑毛豬片肉質鮮嫩，味道鮮美🤗搭配泡椒鍋底特別好食😊最後食埋加柔軟又帶彈性既幼薯粉都幾飽下😂

難得同老公撐枱腳，又想食辣又想食魚又想打邊爐🍲最好就係食烤魚🐟咁岩老公係大圍返工，接佢收工就搵左附近一間烤魚。店面寫住川味雞烤魚，除左烤魚仲有雞煲🐔多樣選擇👍🏻▫️烤魚套餐成個烤魚套餐包括：一條魚+配料3樣魚類有3種：大邊鯇魚/原條鉗魚/海鱸魚味道有4種：剁椒/重慶麻辣/酸菜/泡椒我揀左重慶麻辣海鱸魚🐟，等左10分鐘就上魚啦。見到條魚勁大條，麻辣味好足，勁香，海鱸魚出名唔多骨，舊舊肉，條魚都好新鮮。佢地用左薯仔🥔同白蘿蔔墊底，本人覺得個白蘿蔔勁出色😋👍🏻👍🏻爽口

大圍隆亨邨的川味雞烤魚是一家提供正宗四川風味料理的餐廳，他們的午市烤魚套餐是該餐廳的招牌之一。最近我們專程到了這家餐廳品嚐了烤魚套餐（$328），該套餐中有三款魚可供選擇，包括鯇魚、海鱸魚及鉗魚，我們今天就選擇了海鱸魚。上枱前，魚肉會經過簡單的處理，用炭火燒烤至金黃色，表皮酥脆，肉質鮮嫩多汁，配上四川特有的泡椒醬汁，味道香辣可口，令人食指大動。如果你不吃辣，也可以選擇酸菜口味，或是喜歡重口味的朋友可以嘗試重慶麻辣或剁椒烤魚口味。另外，湯底也是可以選擇的，分為大、中及bb辣三種辣度，讓客人可以按照自己的口味來選擇。湯底以雞湯為基礎，加入了蔬菜和香料，味道鮮美清爽。另外套餐中包三款打邊爐食材，讓客人可以根據自己的口味和喜好來搭配，我們選了肥牛、豆腐及響鈴，豆腐及響鈴浸透了湯，十分惹味。整體來說，熱辣辣的烤魚很美味，而且份量也很足，非常適合和朋友家人一起分享，再點枝啤酒邊吃邊喝呢！後記：除了堂食，也可以外賣！

大圍其實有好多美食選擇，今日去咗隆亨嗰度搵嘢食。食咗間重慶火鍋，十分惹味好吃🤤🤤🤩剁椒烤魚海鱸魚外觀非常吸引，金黃色的魚皮散發出誘人的香氣，搭配上剁椒和各種調味料，讓整道菜看起來非常有食欲。仲好細心比客人選擇辣度。入口後，魚肉鮮嫩多汁，口感十分豐富，剁椒的辣味和魚肉的鮮味融合在一起，令人回味無窮🥰🥰🥰🤩黑毛豬肉片肥瘦適中，口感極佳，搭配上醬汁更是美味可口👍👍👍🤩萵筍鮮嫩爽口，清爽可口，中和番辣度十足嘅湯底🥒🥒🥒🤩闊薯粉Q彈有嚼勁，加埋湯底，非常好吃，惹味😝😝😝

今日同老公去左隆亨邨探朋友，探完朋友，帶左我哋食一間朋友推介既雞煲😍餐廳位於隆亨商場外圍，容易揾到👍🏻餐廳環境都坐得幾舒適，仲有大電視，整體黎講都好唔錯。餐廳以食雞煲同烤魚為主，而午市以食套餐為主，可選烤魚同雞煲，我哋點左$328既雞煲套餐（另有半隻雞既套餐可選），有幾款味道既雞煲選擇，重慶麻辣雞煲/藥膳雞煲/花雕雞煲/椰子雞煲，我哋揀左椰子雞煲，一上枱就係滿滿既椰子肉同湯底，先飲一啖湯，勁香椰子味🌸好清甜雞我哋揀左一隻，一隻雞件份量都唔少，加埋肥牛，新鮮雜菇同幼薯粉等配菜，其實2人份量都幾飽🫶🏻🫶🏻如果唔愛牛肉，可以點選其他配菜（A選一款，B選2款）選擇，選擇性都幾高架👍🏻👍🏻店員亦好細心幫我哋控制火力，免得雞煮得太熟而變鞋👍🏻雞件斬得大細適中，而且好嫩滑，雞味都好濃，整得好好食👍🏻我哋食完雞後先再食肥牛同其他配菜，肥牛油脂分布好靚，呢個價錢黎講性價比算幾高，而且味道都好濃，牛肉吸埋雞汁，味道更提昇👍🏻本來想再追加其他配菜，但2人套餐份量都好充，食完都勁飽，下次再來想試一試烤魚👍🏻👍🏻👍🏻唔錯既選擇呢

📍大圍 川味雞烤魚大王 📍嚟開隆亨邨，一定要試下呢到嘅美食，高手在民間！發現到呢間川味雞烤魚大王 ，有雞煲有烤魚，一入到去已經聞到好香嘅辣味同花椒味，而且幾乎坐滿，一定係深受街坊歡迎！嗌咗一條重慶麻辣烤魽魚，魽魚就本身肉多骨少，魚味香濃，配埋超香麻嘅重慶麻辣，食到Lam Lam脷！呢次叫咗中辣，都幾夠辣，辣得過癮😆😆！另外加咗啲配料：竹苼、萵筍、闊薯粉，每樣野都同個烤魚好夾，吸味吸湯，啖啖都係麻辣湯嘅精華，正。飲品叫咗一杯芒果梳打，一杯柚子梳打，解辣解辣，好痛快！