川婆婆 (東廣場)

營業中

休息中

好耐冇去川婆婆食嘢，尼間以前係觀塘返工，成日都去觀塘廣場食Lunch ，原來係隔離東廣場開咗新店又大間，坐得舒服😌，而家推出好多新菜單 - 川菜麻辣燙/椒麻/特色雞湯/雲南銅鍋雜醬小窩米線/酸菜魚同小食等等系列，有辣有唔辣選擇，梗有一款啱你口味。椒麻招牌豬雜 $88 + 黑毛肚/蘿蔔 $26我就叫咗椒麻招牌豬雜，辣度可以自己揀，我就淨係揀左小辣，再加了蘿蔔同黑毛肚，店員送上枱已聞到麻辣香的味道，同埋估唔到好大碗，豬雜有豬肚、豬潤、豬粉腸、豬心同豬腰，重有大豆芽，百葉、海帶絲同芫荽，真係超級足料。湯底有椒麻味道，有少少辣，食起好又麻又香，最喜歡爽口豬粉腸同豬腰，仲有煙煙韌黑毛肚同又大嚿又甜蘿蔔，寬薯粉又好Q彈。🥢 口水雞 $48 份量都唔少，雞肉都嫩滑配上惹味有少少辣的秘製辣紅油醬+ 芫荽 + 蔥花 + 辣椒+ 蒜蓉 + 花生，底部仲有青瓜，好惹味，食起來特別滋味。 🥤凍檸茶 + $8叫麵餐 + 8 就可以飲凍檸茶@chuan_po_po

搵到間平價川菜小店，味道濃郁，性價比高到爆燈！間店唔大，十幾張枱，裝潢簡單😆 店員好nice！菜單簡單但樣樣經典，平靚正！爆汁台灣香腸（2條） - $28條香腸烤到外皮脆卜卜，一咬爆汁，28蚊真係超值，開胃一流😋腐乳椒絲生菜 - $19生菜爽脆，配指天椒絲同腐乳醬，鹹香開胃，19蚊平到笑，食完好解膩～風味豆豉醬炒涼瓜牛肉飯 - $58涼瓜炒到爽口唔苦，牛肉嫩滑，豆豉醬香到扒飯停唔落，份量夠，58蚊真心抵！🙌🏻白胡椒豬肚雞湯手工麵（加鮮蝦雲吞、魚腐） - $62湯底胡椒味濃，暖胃又香，豬肚爽Q，仲加左兩個餸蝦肉雲吞同魚腐，食完好滿足！

份量多但唔好食，個湯底完全無酸味，純粹係車仔麵湯底煮完兜嘢出嚟再加上酸菜 湯底冇得揀唔辣，因為佢係酸辣菜，淨食酸菜都唔好食。之前喺度食過其他嘢都唔差，但酸菜魚又貴又唔好食，寧願叫返其他野食。

收工去了觀塘東廣場食麵，想暖暖身。一向很喜歡吃牛的我，是牛的都喜歡！火鍋的手切肥牛、漢堡扒、牛扒，到牛肉粉又怎能錯過呢？而這間麵家有一碗「牛魔王」，一於點來試試。一上桌，比平時的麵食份量大一倍，大大碗吃得飽飽的。裏面有多款不同部位的牛，如爽口的牛胸爽、煙靭的牛脷、彈牙的牛丸、刁鑽的吊龍、傘肚、牛排骨、黑毛肚、草肚等等，一碗嘗盡各部位，口感柔軟嫩到彈牙，滿滿牛肉香。而我更選擇了出面比較少有的粉皮，大大片粉皮沾滿了湯汁，相當惹味。另一碗也選擇了店家有名的酸菜魚，酸菜魚性價比高，份量夠足夠大碗，味道酸中大鮮，非常醒胃。如果還不夠滿足，可以加配小食，由於吃了一碗以肉做主角的牛肉粉，所以小食則選擇了素的涼拌豆皮。

好多人都食呢度既酸菜魚，我就唱反調，揀左其他野嚟食。一貫內地餐廳的架步，然後掃QR揀嘢食。可能係天氣凍，大推火鍋，最平都係100蚊，應該幾有競爭力。招牌牛肉粉 (三拼) 牛肉粉可以三拼不同的牛部位，自己就揀咗雪花牛頸脊，吊龍牛肉同埋牛爽腩。最正係三拼之下，牛既份量都冇特別少，令牛肉粉賣相豐富。由於第一次食，招牌麻辣只揀咗最低程度，屬bb級數，下次食可以直接升lv。藥膳黃酒雞米線 配合紅棗杞子同黃酒香，令米線帶有幾香既藥膳味。雞件足料，另加左響鈴卷，吸湯一流；而墨魚味春卷就啖啖肉。上湯娃娃菜平時食麵鍾意叫多碟油菜，今次有得揀娃娃菜，上湯浸過，份外鮮甜。

原來川婆婆開咗分店喺東廣場上面。太好啦，呢日經過特登去試吓分店。新店座位較為闊落，鋪面比較大。🌟水煮雪花牛頸脊 $108轉了粉皮，加豬潤，特別豐富，牛肉都有好多，點了小辣，可以食到香辣味同埋牛肉香。水煮牛肉裏面已經好多配料，海帶、豆腐、芽菜，滿滿一大碗‼️🌟小食 - 口水雞 $48口水雞醬夠香夠味，用嚟撈麵都一流。🌟凍檸茶 $8食辣嘢點少得飲凍檸茶，簡直絕配。川婆婆算是貼地價錢，料多味香又好食，附近地鐵站想食都好方便。

川婆婆真係成日食如果想挑戰辣 呢間真係性價比最高都會60幾70蚊一個自選麵辣版既車仔麵🚗🔸酸菜魚配薯粉湯底鮮香撲鼻 魚片滑嫩內有的大豆芽、海帶絲、豆皮和娃娃菜豐富口感不得止 仲索埋辣汁好刺激😬薯粉的Q彈口感，與酸菜魚的湯底完美結合👍🔸三拼牛肉粉 ⭐川婆婆有好多唔同牛既部位俾你揀所以我就揀左呢個牛肉粉雪花牛頸脊的油花分佈均勻 肉質鮮嫩吊龍牛肉的嚼勁十足 好少岀面有得加落自選麵到牛爽腩則口感豐富配上米粉 幾正😀😀👍仲加左兩粒雲吞😍🔸涼拌皮蛋皮蛋晶瑩剔透 作為小食好一流❤️📍川婆婆 📍觀塘開源道68號觀塘廣場地下G24-G25號舖

在此商戶訂了兩個麵食外賣，選擇了麻辣小辣，以往亦有點選過同一間分店同一個辣度既麵食外賣，但這次外賣食店明顯給了比小辣辣很多的辣度，我和太太食完後感到胃部不適，大部分麵食亦沒有食用，向外賣平台和食店反映，食店堅持自己沒有出錯，外賣平台也沒有給予有效的幫助，對於食店出錯，食客卻要無奈承受，十分無奈。之後同外賣平台協商幾次，食店都堅持自己沒有出錯，就是次事情，本人亦向相關部門反應，希望呢間餐廳可以正視自己嘅問題。

今日走咗去觀塘食lunch，突然間好想食四川菜，所以揀咗呢間：🖤涼拌皮蛋 $28皮蛋入口微涼，皮蛋糖心入口即溶，醬汁微辣微酸，仲落咗少少糖，整體口感不錯！🐷新鮮豬雜粉（三拼）$55豬粉腸洗得好乾淨，本身帶少少苦回甘味，質地有口感之餘唔會太煙靭！豬腰同豬潤都無腥味，豬腰帶柔嫩清爽口感，可以一食！🐃涼拌牛舌$38牛舌薄脆，加咗四川辣汁，味道非常惹味，上面加咗少許白芝麻，更香口！🍜蟲草花雞湯米線 $58花膠雞湯入面加咗紅棗同埋杞子仲有蟲草花，所以好滋補，一入口就飲到雞鹹香味，入面仲有小白菜同木耳，整體感覺豐富，雞煮前經過醃製，味道似係小菜當中嘅鹹香雞，雞肉都算幾嫩滑，不錯！✨呢間好抵食，米線份量勁多，搞到我又食唔晒啦，下次想食酸菜魚！ε٩(๑> ₃ <)۶з

冬天當然要食辣啦、之前係TST返工就好鍾意去食【川婆婆】、不過轉左工就好少去食。最近心血來潮就去左觀塘東廣場新開分店食晚飯，地方寬敞明亮。水煮雪花牛頸脊 配響鈴卷、鮮腐竹：雖然話係水煮牛、但個人覺得更加似麻辣燙。小辣唔會好辣、雪花牛頸脊分量都好多。裏面仲有豆皮、蔬菜、芽菜、寬粉同海帶，全部都好入味。分量都好多。如果有D食材唔鍾意食、另外可以自己mix and match、搭配唔同湯底。涼拌腐竹：分量好多、CP值高。不過呢個會偏重口味D、辣同鹹D，不過幾過癮。檸檬茶：叫少甜岩岩好、好解渴解辣。

川婆婆👵🏻地道親民小店，裝修簡單價錢合理😆食物種類選擇多，有火鍋🍲、豬雜、牛肉粉、花膠雞麵總有一款適合😆💫花膠雞湯米粉加牛爽腩🍜花膠雞湯清清地好開胃，湯底帶有雞肉的鮮香，米粉吸了湯汁的精華，口感滑順👅牛爽腩十分嫩滑爽口，肉質鮮美，滋補養生湯麵👍🏾💫蟲草花雞湯手工麵🍜面鋪滿蟲草花好吸引🤩湯底鮮香四溢，蟲草花的獨特風味為湯增添了層次感✌🏾手工麵的口感彈牙與雞湯非常搭配，好適合冬天❄️養生💕💫上湯皇帝菜🥬新鮮的皇帝菜搭配上湯煮熟而成，菜上面加了炸蒜蓉更鮮美，皇帝菜脆嫩加上清湯令口感更為豐富，健康之選👍🏾

路過東廣場，見上面1樓有個新開嘅美食廣場，午餐時間唔知食咩好，望到餐牌見到性價比好高嘅川婆婆，就入咗去食啦🩷花膠雞湯米線🍜配料十足仲好養生，有蟲草花、雞肉、木耳、花膠、杞子，仲加配咗萵筍，花膠好爽口，有豐富膠原蛋白。雞肉好滑，雞湯好濃郁，配上彈牙嘅米線，值得推介🥰🍖胡椒豬肚雞湯米線🍜胡椒豬肚湯第一啖梗係要飲下個湯先啦，一入口就係濃濃嘅胡椒香，而且有一定嘅胡椒辣度，冬天食真係啱哂！加左軟腍嘅腐竹索埋個湯超級好食，但係食哂成碗點解都搵唔到有豬肚嘅🥲蒜泥白肉🍲毫不吝嗇嘅蒜泥堆，腩肉片切得夠薄，連埋蒜泥同辣油非常惹味🔥店員服務態度好好，雖然係QR code 落單，但係佢地都好滿足倒客人需要，例如我地想要牙簽，佢地即刻就回應所需🥰

自己比錢我哋嗌咗車仔麵，佢嘅車仔麵都有好多唔同類型嘅款式面類俾我嘅任揀我哋嗌咗闊嘅薯粉同埋嗌咗手工上海麵份量都幾足夠。我哋嗌咗芝士腸同埋牛丸亦都嗌咗牛腩同埋手工水餃我覺得幾好食價錢合理份量十足，我哋亦都嗌咗小食嗌咗紅油炒手都有六粒大約$50亦都有嘢飲俾大家揀環境適中算係平嘅車仔麵店唔需要排隊唔係好多人所以OK嘅一點完菜式就已經好快有得食，所以唔使等咁耐性比較都幾好嘅如果大家鍾意食辣嘢嘅話都不妨嚟呢間試吓我哋就嗌咗豬骨湯底

觀塘好吃之選～👍🏻花膠雞湯米線濃郁的雞湯搭配上彈牙的米線，非常令人滿意。雞湯的鮮美帶出了花膠的獨特口感，讓人每一口都感受到滿滿的膠原蛋白，對於喜愛滋補湯水的人來說是個不錯的選擇。自家雲吞肉餡飽滿而嫩滑，配上薄而彈的雲吞皮，讓每一口都能感受到手工的溫度和鮮美。豬魔王餐米粉（招牌麻辣）麻辣的程度恰到好處，不會喧賓奪主地蓋過豬肉的香味，而是完美融合，帶來一種令人上癮的風味。米粉吸收了麻辣湯的精華，讓每一口都充滿了刺激感和令人滿足的辣味。豆漿豆漿清甜可口，真的很適合搭配重口味的主菜作為中和。在餐後飲用不僅可以清爽口腔，亦有助於消化。

除咗打邊爐，食返啲「熱辣辣」嘅嘢都係唔錯嘅選擇，䪚䪚又辣辣🌶️。今次就嚟到觀塘食呢間川婆婆，呢度嘅裝修好寬敞明亮💡。雖然唔係唯一一間，不過每次見到好似以前霓虹燈嘅設計都係想打個卡📸。無設時限嘅餐廳就係可以慢慢諗慢慢點。當然，啱啱收工覺得餓嘅我都係睇咗陣就快快手落單啦。其實我係有啲怕辣嘅，但有時就係忍唔住想食吓辣刺激又暖胃，有見及此，我同友人都有叫嘢飲🥤。不過我極度懷疑其實支飲筒係跟可樂嘅，因為佢短，啱啱矮過個樽大概半厘米（圖文不符——抽起咗少少支飲筒影相)，但友人表示一定係我枝豆漿嘅🥛。上完嘢飲之後，嘢食都陸續上齊。想試唔同嘢嘅我哋嗌咗酸菜魚同水煮雪花牛頸脊各一份分享分享，跟餐叫咗飯🍲。如果唔怕辣叫麵其實都唔錯，會非常入味。尤其係魚，酸酸地好開胃，牛就有咬口之餘又唔會太韌，兩個都非常好送飯。我咃重嗌咗蒜泥白肉同上湯白菜仔🥬，白肉都係有啲辣，有碟菜睇落好似畫面均衡好多又減少罪惡感，一舉兩得。