川粵時光 (已結業)

川粵位於銅鑼灣的The Point 高層，可以眺望到維港海景，環境和美食都不錯，今晚便和愛吃川菜的朋友來晚餐，聚會聊下天。餐廳環境寬落舒適，有落地大玻璃，可以欣賞到維港夜景。青椒皮蛋味道偏辣，麻而香辣，很惹味，皮蛋清甜軟稔，蛋味香濃，和青椒辣味很配搭。蒜泥拍青瓜蒜泥撈得很入味，青瓜爽脆多汁，可以中和一下辣味。酸辣魚皮很創新的菜式，魚皮份量較多，煙韌而彈牙，富有⻣膠原，不帶腥味，酸辣味道重，滲入魚皮中。水煮滑牛肉很大碗，一端上檯香氣撲鼻，麻辣味濃郁，鋪满多款辣椒，惹味香濃。牛肉煮得很軟稔，嫩滑可口，還配有寬粉，萵荀等，味道豐富。黃金南瓜鹹蛋黃味道濃郁，融入南瓜中，南瓜煮得軟稔滑溜，入口即溶，鮮甜而美味。紅糖冰粉吃川菜的特式甜品之一，冰凍可口，冰粉滑溜爽甜，紅糖甜而不膩。蜂蜜檸檬柚子蜜柚子蜜清新香甜，檸檬和蜂蜜的比例剛好，互相配搭。

銅鑼灣登龍街嘅V Point一直都係美食集中地， 今日就嚟到28樓食川菜。 餐廳叫川粤時光， 個名好優雅特別餐廳亦都係行優雅高級格調， 大大嘅落地玻璃睇住維港景色，一路食住美食，十分寫意 。酸辣魚皮， 作為前菜呢個真係好開胃， 酸酸辣辣，配埋爽口帶啲煙韌嘅魚皮十分好食。涼拌秋葵， 爽脆嘅秋葵配埋惹味嘅醬汁, 令人回味, 鍾意食秋葵嘅朋友, 絕對唔可以錯過。口水雞， 麻辣口水雞，雞肉十分嫩滑， 食落亦都唔會太辣， 對於鍾意食辣，但又唔係食得太辣嘅人，呢個絕對可以選擇。黃金椰菜花， 鹹蛋黃醬完美地包圍住椰菜花 ，十分香口，椰菜花亦十分新鮮， 對於鍾意食鹹蛋黃醬嘅朋友，呢個值得推介。青椒開胃清香鱸魚， 作為主菜呢個真係超級好食，青椒湯酸酸辣辣， 鱸魚完美地吸咗湯汁 一啲都唔腥， 最欣賞係佢嘅底層仲有麵線， 麵線索曬所有嘅汁， 食辣一流。幻彩荔枝養生花茶， 顏色十分亮麗， 荔枝味好濃帶住花茶嘅清香，解辣一流。蘋果汁， 不過不失， 十分正常。紅糖冰粉， 作為甜品紅糖冰粉絕對係一個川菜最後完美嘅句號， 好似啫喱一樣彈牙嘅冰粉 配紅糖水同西瓜肉，絕對係完美。

(川粵時光)，顧名思義，主打中國兩大菜系，分別是西部的川菜及南方的粵菜。店舖位於銅鑼灣登龍街18號的V point，V point 是一座摩天銀座式的多用途商廈，入內電梯大堂寬闊且elegant，樓底頗高，給予人們一種舒適愉快的感覺，和銅鑼灣鬧市時有截然不同的感覺，形成強烈對比。站在電梯大堂等候時大概已經感受到低調卻優雅的那份貴氣。透過一排又一排的綠瑪瑙折射出不同強度的光線，使人著迷。店內均以萬物之首的綠色為主調。酸辣魚皮，以新鮮魚皮切片為這道starter的主軸，魚皮之爽彈滑嫩之感實難以筆墨形容，伴似山椒，為鮮香添上一道辣勁，層次感提升。涼拌秋葵，先把秋葵去頭尾不能食用的部份，後把其開邊及切成條狀，務求擴大surface area，以使大部份醬汁滲入秋葵中。口水雞，辛辣而有後勁，後勁主要為椒麻香。雞肉較入面的位置肉貿稍為厚實了一點，有點overcooked ，但不影響整體味道。青椒開胃清香鱸魚，魚肉份量多，切片厚身，可以輕易感受到其爽彈口感。湯底有點似泰式湯底，材料有芫荽、青辣椒丶紅辣椒等等，顏色鮮艷，酸辣度平衡。先把魚吃完後享用一碗紅米米線，再呷一口湯汁，幸福寫意極了。黃金椰菜花，

今日黎到第一個既感覺就係所有野都好靚！坐落銅鑼灣極佳地段無敵維港景，呢度個裝修同環境係舒適寬敞，豪得黎一啲都唔老土，啱哂傾計飯局。幾個頭盤都已經好有驚喜，包括酸辣魚皮，涼拌秋葵，蒜泥手拍青瓜。魚皮口感十分爽口，辣辣地當零食真係愈食愈過癮。拌秋葵既汁係一種幾特別既酸辣，作為開胃菜一流。手拍青瓜一向都係我至外，入口涼爽，蒜泥香而個汁夠酸辣，好食開胃。夫妻肺片呢度都做得好唔錯，肺片爽口又入味。開胃酸菜青鱸魚係今晚既重心主菜，魚片滑到不得了，直頭係跣住入口咁。伴底既麵線連酸菜湯一齊食都好正，所以就算份量唔細都好快食哂，因為真係正。黃金椰菜花都係一大推介。個蛋黃醬炒落椰菜花好邪惡但超級香口惹味。紅糖冰粉夏天食真係好爽，食完一餐辣野個人出左啲汗，脷又有啲麻既時候食，個人即時涼爽哂。荔枝養生花茶色彩繽紛，味道清新，視覺味覺都照顧到。食物環境氣氛都有，地點方便，傾計飯局又一新選擇。

自從疫情過後好耐冇上過大陸食川菜，成日覺得香港啲川菜食唔番嗰種味.今次朋友介紹咗銅鑼灣一間食川菜嘅舖頭，屬於比較新派而唔係傳統嘅川菜.裝修係屬於比較新穎，如果靠窗邊仲有海景睇值得推介嘅係有包房私密性高.今次就試咗四川豆乾、涼拌秋葵、酸辣魚皮、黃金椰菜花、水煮牛肉、紅糖冰粉值得推薦有四川豆乾、酸辣魚皮、水煮牛肉.四川豆乾食落去好有豆嘅香味.魚皮爽口加且入味水煮滑牛肉真係有驚喜，配料有寬粉、筍、青瓜、大量芽菜。好多四川菜都係只有芽菜做配料.今次真係喜出望外呀.涼拌秋葵感覺一般，味精落得太多，以致秋葵一口落去滿滿味精的感覺.冰粉應該上桌應該最後差不多食完先上，居然同主菜一起上，最後要食的時候已經唔凍了.

川粵時光地址: 銅鑼灣登龍街18號V Point 28樓電話: 39558190=====================打大老時間，食完辣會令人有重新感覺，而超越自己食辣架極限 ，做是k 點，以上是出自手劇激辛道又被男朋友捉去食辣，呢間有靚境四川豆干$66 有花椒粉，豆乾口感似蛋白呀，滑身紮身有股魯水香。野生椒泡鳳爪$76幾開胃，醋帶出酸味又唔會強到嗆口。麻辣小龍蝦 $328一大盤，起勢拆殼啦。啜埋d麻辣汁，有膠手套比，一手拆出肉即接著放入口。服務好細心，有碗比我們放殼。鮑魚雞粒炒飯每粒米上面都有豉油平均分佈。酸辣土豆絲$98,薯仔絲幼長，會沉一沉水沖走多餘澱粉質，簡單快炒體現出爽口口感蜂蜜紅棗茶女仔飲有營架，甜的飲品可解辣，另一杯是蘋果汁 酒糟小丸子 $48，細細粒的糯米丸子，酒糟甘甜得意在有粒橘子肉。辣得滋味有層次，每碟架辣都調得香。

近排經常嚟登龍街搵食，繼早前到訪了永光中心地下嗰間新開嘅冰室後，這晚又再次出動，而今次嘅目標就係 V Point 28 樓嘅「川粵時光」。其實 bookmark 咗呢間川粵菜館好耐，餐廳嘅景觀真係好正，不但坐擁維港全海景，而且仲可以遠眺對岸尖沙咀萬家燈火的繁華景象，環境優雅舒適。難得今晚有人自動請纓，話要負責點菜，我當然樂得清閒。先嚟幾款前菜， 平時出街食飯好少會食到呢種酸辣魚皮，估唔到咁爽脆，入口涼浸浸，爽中帶滑，滑中帶香，滋味難忘。蒜泥拍青瓜味道亦唔錯，清新爽甜，口感好 fresh，用來做涼拌菜就最適合不過，十分開胃。另外呢客青椒皮蛋亦挺得人歡心，青椒鮮嫩翠綠，入口辣勁十足；皮蛋晶瑩剔透，加上半凝固的溏心蛋黃，非常美味。接著上桌的黃金南瓜，亦好值得推介，色澤鮮豔，很討喜，加上每一件都沾滿了濃郁起沙嘅咸蛋黃，入口鹹香惹味。主菜點咗客水煮滑牛肉，牛肉非常新鮮，肉質嫩滑帶嚼勁。至於湯底則加入了辣椒、花椒、八角及薑蔥等熬煮而成，入口極之香辣惹味，除了牛肉外，其實鍋內還有寬粉、豬紅、芽菜等，全部吸盡了湯汁的精華，辣得相當過癮！飲品點咗蜂蜜檸檬柚子蜜 同 可樂，柚子蜜甜度啱啱好，清潤解膩，入口

平時同朋友出街食飯多數都係食日本菜或者西餐，會陪我食中菜嘅朋友唔多🙈今次難得約到朋友食四川野，當然要好好刷一餐😋川粵時光位於銅鑼灣V point嘅28樓，可以望到部分維港海景，景色非常唔錯。餐廳嘅裝修以綠色為主，成個感覺既摩登又豪華。✨蒜泥拍青瓜（$66）我經常都會點嘅一道開胃涼菜，味道屬於正常發揮。青瓜清新爽口，再加埋蒜泥同酥去涼拌，非常消暑。✨酸辣魚皮（$92）呢款涼菜我係第一次食，感覺較為新鮮。同樣加左醋去涼拌，味道酸酸辣辣；魚皮嘅口感彈牙，味道唔錯。✨涼拌秋葵（$88）秋葵我平時好少食，但今次朋友話想食，就一齊試下。呢款涼菜比起前兩款味道更重，食落味道同樣帶點酸辣；秋葵本身有種滑溜嘅口感，成個感覺都幾得意。✨水煮滑牛肉（$268）呢個價錢係例牌嘅份量，但絕對係落足料，份量比想像中多。水煮牛入面除左牛肉外，仲加左荀、芽菜、青瓜同寛粉等嘅配料。牛肉方面用左處理過嘅滑牛，口感非常嫩滑，完全唔需要費力去咬。湯底麻辣度十足，配埋煙煙靭靭嘅寛粉去食，令人停唔到口。✨黃金南瓜（$108）以前去北京exchange 嘅時候食過非常好食嘅黃金南瓜，番到香港一直想搵番同一種味道，但好多餐廳都冇呢道

食左2次。總結是: 戴著川菜面具的粵菜。第1次 : 美好回憶。其實是參考這裡食評的人叫菜的。好喜歡酸辣魚皮，好爽脆，酸度適中，不會太辣 。干燒肥腸，的確夠脆，不會羶，炸得夠乾身，現在肯同你炸到咁脆豬腸很少人做，也不算很辣，even食埋辣椒都，都不覺辣得辛苦，因為佢用左只香不辣的干椒。干煸四季豆，似乎無乜走油，不會太鹹，普通水準，當有碟菜食OK。整體上第一次感覺是滿足的，樣樣都好食，酸辣魚皮最令入回味，干燒肥腸都不錯。因為在食評見到照片都是計辣椒，就認住是間川菜館，我自己本身食得辣，雖然這裡不是辣得過癮那種，但有時少辣都滋味，所以2星期後再來。第1次 : 夫妻肺片，很爽口，我自己略嫌太薄片，太over，失口感，sauce不是不好吃，但感覺像是超市老x媽+自己磨蒜蓉薑蓉調出來，而且最大問題是好難handle咁大片，成日驚d汁整污糟衫，好就住食，同埋無鐵匙，要用中式湯瓷畢汁，好難畢，真係樣靚無用，無考慮到食時唔方便問題。食川菜必叫辣子雞，第一次來無食，點都想試，但成日食雞，難得這裡有做田雞，不多店做，預左田雞雪藏無味，但調味炸功好希望可補，中伏，個人最不同意辣子雞用蛋漿炸，一般是醃味後就咁走

Great View🏙💙🌊 Taste of Chuan & Yue🌶🌶🌶🥢..銅鑼灣食飯，其中之一我會諗起V Piont, 一個食肆林立既Building。位於高樓更可以眺望繁華維港景致，迷人既夜景🌃 確會令一頓晚餐生色不少呢。今次黎到位於28/F 高層既中菜廳🥢，一間主打經典粵菜 & 川菜既川粵時光💫。精緻典雅既風格，寧靜舒適既環境，確係用餐 聚會既好地方。前菜分別點選左：ll、ll、ll、ll，集咸香`麻辣`清爽，為味蕾打開序幕。主菜方面，川菜當然不能不吃辣吧。ll 貴為經典菜式，魚肉夠嫩滑，加上麻香 & 辣味不能少吧。另外加配既主食： l[🦀蟹肉炆伊麵]l，就不太建議點選了。蟹肉欠奉 (唔見有🙈)，似係普通款乾燒伊麵，而且麵質偏淋，確係有點失望。大概$268 有其他更好既選擇呢。最後既甜品：ll 冰凍口感中，混合紅糖`芝麻`花生`西瓜粒🍉，食完辣 來一碗味道確係清爽。飲品方面，就點選左 ll 潤一潤吧。..×××××ש銅鑼灣登龍街18號V Point 28樓..

銅鑼灣主打川菜嘅中餐廳，環境舒適之餘仲有夜景睇! 因為餐廳用咗落地玻璃，感覺好開揚好舒服先嗌左幾個頭盤開下胃先四川豆腐乾 彈牙爽口 食到少少嘅滷水味道仲可以點埋辣粉酸辣土豆絲 唔會太過辣 土豆爽脆 野生椒泡鳳爪 作為頭盤真係合適不過 真係越食越辣 食到咀都麻左! 但係都會keep住繼續食，辣到飲咗兩杯嘢飲😂呢個荔枝特飲都幾好味鮑魚汁雞粒炒飯呢個雞粒炒飯好出色!!好足料，加咗火鴨粒更加惹味，炒到粒粒分明麻辣小龍蝦餐廳好貼心咁樣提供左手套同埋濕紙巾，咁就唔怕食到隻手污糟晒啦，都係第一次食呢道菜，小龍蝦好入味，好多膏，夠麻夠辣酒釀丸子最後梗係要食返個甜品啦，最鍾意就係食酒釀丸子，唔會太甜加埋煙韌既丸子啱啱好！

成日都聽人講食川菜😋 今日係銅鑼灣俾我搵到這間 「川粵時光」，今次同爸爸食好川🤣😂🤣🤣「蒜泥拍青瓜」好爽口，一定是新鮮造成😋「酸菜鱸魚-微辣」份量充足！ 魚肉滑脆，酸辣度剛好，因為係微辣🤣😂🤣😂👍🏻👍🏻「酸辣魚皮」脆口爽魚皮，每條都透明酸辣，yummy🥰「黃金椰菜花」用上咸蛋黃炒上椰菜花，好野味😍「涼拌海蜇雲耳」涼拌菜必有的🤣「紅糖冰粉」好特別的甜品😊有點話梅味道配上粒狀的涼皮備註：🔺裝修華麗，優靜適合朋友傾偈好地方🥂🔺員工nice👍🏻🔺我見到有窗邊位，下次訂位注明先🤩

.今晚朋友帶左我去V point食精緻川菜，環境非常舒適優雅。.先點了前菜- 四川豆干滷豆干切成薄片，就咁食會品嚐到淡香滷水味，然後仲可以沾下辣椒味粉，又係另一種風味。.野生椒泡鳳爪鳳爪用泡椒醃製得好入味，呢款小食真心辣得惹味又刺激，越食越想食。.酸辣土豆絲呢款小食係四川菜中常見既，呢間餐廳炒得好有鑊氣，土豆絲既酸辣度適中，而且口感非常爽脆。.麻辣小龍蝦疫情前好鍾意係深圳食小龍蝦，依家係呢度都食到。用麻辣醬汁煮小龍蝦，剝殼時不忘吸啜醬汁，然後小龍蝦大大隻肉又新鮮彈牙，讚。.鮑汁雞粒炒飯嗌左咁多樣辣野，都係叫番樣唔辣既炒飯中和下。睇炒飯顏色就知充滿鮑汁味，再加上雞肉粒、蝦仁粒及燒鴨粒，足料。.紅糖冰粉食川菜又點少得冰粉甜品呢！呢間餐廳仲加埋西瓜粒，好消暑。.食辣野點可以唔飲杯凍野，餐廳有兩款健康飲品，我地都一人點左一杯黎飲。蜂蜜檸檬柚子蜜 及 幻彩荔枝養生花茶兩杯都唔算甜，前者著普通；後者有蝶豆花及荔枝肉粒，清甜。

本身都好鐘意食辣野, 今日終於約到個同樣都係食辣既朋友,黎到呢間川粵時光,上到去環境唔錯, 坐得舒服,傾計一流!睇MENU真係9成既菜式都有辣椒, 睇到都好興奮!食左幾樣野, 特別推介以下:<酸辣魚皮>平時食魚皮都係炸既,估唔到呢個前菜食涼伴既魚皮,酸酸辣辣好開胃, 而且魚皮好彈牙, 好似食海哲咁既口感, 好得意又好食!<黃金椰菜花>好鐘意食咸蛋黃既菜式, 呢個咸蛋椰菜花1D都唔油,但係咸蛋味好香,仲有D沙沙感,好食!<青椒開胃清香魚>重點就係呢個酸菜魚!!真係必叫!! 其實份量夠3-4人食, 但係我同朋友都好鐘意食魚, 所以輕鬆KO! 魚片好彈牙好新鮮, 個湯底酸得黎唔會太辣,好岩我地,而且佢既薯粉係黑色既, 本身以為係麵線咁,好Q彈, 索埋湯真係超好食!食得太辣叫左杯蜂蜜紅棗茶, 解辣一流!平過飲汽水!

好耐無同老婆食過川菜，今日就帶佢食好少少，黎左銅鑼灣呢間川粵時光，環境十分舒服。口水雞，鮮嫩嘅雞肉加上麻辣嘅醬汁，每一口都食到雞肉嘅香味，同埋辣得好過癮！酸辣魚皮，爽脆嘅魚皮，酸辣嘅口味，真係好醒胃~涼拌秋葵，麻辣黑醋加埋新鮮又爽嘅秋葵，正！青椒開胃清香鱸魚，呢個酸菜魚真心正，鱸魚全部去骨同埋好嫩滑，筍片超嫩，下低仲有麵底，真係好滿足~黃金椰菜花，每一舊椰菜花都沾滿咗鹹蛋黃的香味，好邪惡但係勁好味！紅糖冰粉，冰粉口感似果凍，上面有西瓜粒、花生、芝麻點綴，解辣一流~幻彩荔枝養生花茶，又係一個解辣之選，清香嘅荔枝味，甜而不漏嘅香甜味，估唔到同麻辣嘅食物又幾夾！呢一餐我同老婆都好滿意，不過仲有好多好似好好味嘅粵菜都無試，下次有機會再返嚟試佢嘅粵菜！