川莊

營業中

休息中

《20磅超巨型桂花魚酸菜魚！》#eatwithpeach中菜講到川菜，位於旺角朗豪坊12樓嘅川莊一定冇得輸，敢講係全香港最好食嘅平民川菜餐廳之一！餐廳主打各色各樣嘅超大碗麻辣水煮魚同酸菜魚，每枱至少都會見到1-2兜。作為麻辣菜關注組成員，係門口等候入座時聞到川菜嘅麻辣辣香已經垂延三尺🤤🌟餐廳分為室內同室外兩個部分。室內樓底高，地方寬敞，十分舒適，坐窗邊位仲可飽覽角夜景；室外嘅天花頂係朗豪坊嘅頂部，樓底比室內更高，地方比室內窄少少，夜晚燈光較室內暗，氛圍較浪漫。💁🏻‍♀️招牌南充特色酸菜魚---桂花魚（無辣）$468餐廳所有水煮食物都有兩種份量，包括珍寶(大)同例牌(小)。而呢道菜我地揀左珍寶。菜式份量非常巨型，瓦碗直徑14寸，連湯帶魚同碗一共共有20磅，係20磅！！！桂花魚連帶魚皮，滑得來仍然保留魚肉紋理，絕不糊爛，加上肉質豐滿，肥美彈牙，且細骨極少，真係值得一讚！配菜方面，酸菜鹹酸度足夠，莖部爽脆。另外，嗌一碗水煮食物可以揀4款配料，而我地揀左好煙韌嘅木薯粉、好爽口嘅金針菇同牛排、同爆芝嘅脆皮芝士腸。整體而言，食物烹調水平同質素非常好。💁🏻‍♀️成都水煮鮮魚片（辣度：3個辣椒）  $26

旺角川莊 都食過幾次唔錯，今次就試咗 酸菜泡椒 小辣小麻，因朋友不太吃辣就來到時拿走不少辣椒，味道剛好，變成微辣。魚叫了江團魚，肉質口感不錯又唔會好散又夠滑身，份量都幾大條，入面配菜都要有不少，酸菜開胃而金菇入晒味。配菜方面選擇唔少，食烤魚當然要有水晶粉皮，來到時熱呼呼差唔多半熟，再放入湯煲多陣食得，口感彈牙份量2人都夠食。午餐肉當然要叫吸辣岩晒。豆花第一次這樣食，類似凍豆腐但偏滑身。茶都幾特別，幾香仲有些菊花岩晒食川菜飲。坐得舒服空間感不錯。

《川莊 - 旺角》記得以前喺朗豪坊番工果陣，lunch time成日都會想食呢間川菜既水煮魚或煮烤魚，但耐何得自己一個人食唔到咁多野，而且計落都無咁多時間慢慢食烤魚😂所以次次都只係得個望，今次又黎番朗豪坊呢邊行街，順便捉埋我朋友陪我去食川菜😋兩個人就可以share多啲野食啦💁🏻‍♀️香辣金蒜烤魚(小辣小麻) 另加土豆片/寛粉/豆皮烤魚即叫即整，但都好快就上菜，我都傾下計飲下茶應該等左十分鐘左右就有得食啦，一條魚既份量其實都幾多，今次我地揀左相對無咁多骨既江團魚，食落都幾嫩滑，經過烤煮後條魚會越煮越入味，識食既一定要食佢近魚鰭果個位置，咬落脆脆的好香口，而且相對多膠原👍🏻我地另外仲叫多左三個配菜，土豆片我個人喜歡食爽脆既質感，煮5-7分鐘左右就差不多，而寛粉我個人覺得都係必點既item😋煙煙韌韌既質感又嗦左辣湯，食落好滋味🥰💁🏻‍♀️甜奶迷你小饅頭除左烤魚，我地仲點左個甜食作總結，平時出面多數都係大大件既炸饅頭，小饅頭真係比較少見到，一啖一粒都幾方便架，我地兩個喪點佢個煉奶，點到最後都仲有淨，呢點抵讚呀👍🏻個人覺得食炸饅頭一定要落重煉奶的食到最後我哋其實都係食唔晒條魚同啲配菜，其實個人覺得要

朋友介紹去朗豪坊川莊食烤魚好好食，仲話中午唔使排咁耐隊，我梗係去試下啦。我覺得酸菜泡椒烤魚好食， 魚可以簡江團魚或者海鱸魚，我喜歡江團魚冇乜骨。原條江團魚放係爐上面煮， 非常大條，一口一啖完全冇骨， 入口魚味，辣味，鮮味一次過出現。 酸菜泡椒有層次，先酸甜後香辣！個魚湯咁正唔好浪費，加咗三款配菜每款都係$25。魚加配菜一齊煮，識食呢！有牛肚、凍豆腐同埋鮮腐竹，凍豆腐同埋鮮腐竹吸晒啲湯汁，一啖入口，酸辣滿分。朋友話牛肚一定要叫，因為鹵得非常好食，又夠淋。川莊嘅茶好足料，玄米，菊花，冰糖、紅棗，茶葉鋪滿杯底，沖泡出嚟嘅茶非常好飲，仲可以清下口中的酸辣。

辣椒愛好者嘅天堂😍😍今日朋友一同到川莊食午餐！朋友吾係好食得辣🤭所以全部都點小辣小麻，對於佢嚟講已經好辣但可以接受到！酸菜泡椒江團魚$328，酸菜泡椒味十足，小辣已經不得了，江團魚肉質嫩滑！加配三款配菜，鴨血、蓮藕、豬皮，豬皮簡直一流，放落煲煮一煮索晒啲汁，超濃味！燒生蠔新鮮，粒粒都一樣肥美，一上桌就散髮出誘人的香氣，加上店家特製的調料，好抵食！📍川莊 (旺角)旺角亞皆老街8號朗豪坊12樓12號舖

由於身邊嘅都唔食辣，其實一直我都未食過烤魚🤣🤣機緣巧合之下，終於同朋友食到川莊嘅烤魚坐低就包每人一杯百寶茶甘甘甜甜仲可以保護腸胃同解辣我哋點咗酸菜泡椒江團魚配木薯粉，窩筍條同鴨血原條魚配上勁足料嘅酸菜湯，十分惹味湯底好濃，酸酸辣辣好醒胃層次豐富平時鱸魚就食得多江團魚都係第一次食魚肉好嫩滑鮮味配上濃湯一齊食好滋味木薯粉又同湯底好夾夠哂惹味同飽肚窩筍爽脆清甜鴨血嫩滑鮮味朋友果然冇介紹錯值得再去試埋其他口味

香辣蒜香烤魚（江團魚）我哋兩個唔係好食得辣，如果真係一D唔食得辣既朋友，可以叫酸菜泡椒烤魚走辣。但食烤魚唔食辣唔過癮，所以就嗌咗呢個蒜香烤魚小辣，湯底的確蒜香濃郁，但就有D鹹。越煮越辣，越辣越好食！魚肉粉嫩嫩滑，分量夠，啖啖肉，好滿足我地再叫埋娃娃菜，雞比菇同水晶粉皮，推薦大家食娃娃菜好吸汁，好味呀！而如果嗜辣既你覺得唔夠辣，仲可以有4款辣粉俾你加辣！最後忍唔住叫杯水果茶降溫。熱食同凍飲真係絕配！總結黎講，呢間餐廳位置寬躺，坐得舒服，好適合慢慢坐慢慢食

聽朋友推介朗豪坊「川莊」酸菜魚幾好食😋於是今晚睇戲前就去食～6點入座，完全唔洗排隊，直接入座。一坐低已經有泡茶準備好，我地兩個人食，叫左酸菜魚（Regular)同雞絲粉皮，另外仲叫左兩杯飲品，法國香梨冰茶同芒果香桃沙冰。酸菜魚叫左小辣，但都好夠辣🌶️呢個辣度岩岩好呀！魚肉好厚，夠嫩滑，薯粉好多😂美中不足係冇萵筍🤣但呢個份量絕對係夠兩個人食，剩係食薯粉都夠🤣最後兩個人埋單食左500幾蚊，原來個泡茶係收30蚊茶錢～下次飲茶可以了🤣唔洗叫野飲

平時好少食辣嘢，因為成家人個個都唔食得辣，得我一個食，今次難得有朋友陪我食辣，梗係正啦🥰我哋一行2人叫咗個「傳統酸辣鴨血江團魚」，一上枱超巨型，仲怕2個人食唔哂，另外可以揀三款配料，我最愛薯粉😅⋯⋯今次真係夠哂飽。本身我都唔係好食鴨血，但呢個鴨血又真係好好食😋，我朋友真係冇介紹錯。

一入到餐廳，每人一杯八寶茶，茶味幾特別，有冰糖、甘草、菊花、龍眼乾、陳皮、杞子、紅棗、玄米茶🍽水煮麻辣豆花烤魚 $328 +$20 ❤️4.5/5熱賣烤魚可以揀2種魚，今次揀左江團魚，魚皮及魚身好幼滑，吾會太多骨，都幾大條，2個人食岩岩好🥵🥵辣度同麻度有4款，今次食中辣中麻，食落香口，小編唔太食得辣都覺得好上癮，配合埋其他配料，食幾多都得🤤可以加$25選擇一款配菜，份量好大份🙈土豆片一片一片的、份量十足🙈午餐肉配合麻辣湯底、味道特別🙈木薯粉條一整盤的份量多，好煙韌🤤🍹特大新鮮果茶 700ml $58 ❤️4.7/5食完一大堆辣野，一定要叫尼杯特大新鮮果茶，簡直係解辣既大法寶！吾會太甜，水果種類仲好有誠意，有5種水味，包括有檸檬橙，火龍果等等，推介！

無辣不歡嘅我點可以唔嚟呢間川莊試食佢哋新出嘅烤魚四川風味，初時喺網上睇廣告已經好吸引，初時以為食物盒咁大，點知原來真係好大份，因為多數都係酸菜魚一款口味，不過佢用咗烤爐將條魚上枱，同埋可以自由配搭選擇佢哋嘅辣度，麻度同魚類品種，口味仲有：濃郁蒜香嘅香辣金蒜烤魚，傳統風味酸辣鴨血烤魚，酸辣層次豐富嘅酸菜泡椒烤魚，辣得夠過癮嘅水煮麻辣豆花烤魚，四種口味選擇。佢哋提供嘅茶🍵品仲係百寶茶消滯又解渴。我就選擇咗用「江團魚」煮嘅酸辣層次豐富酸菜泡椒烤魚再加鴨血同木薯粉條配菜酸味香濃，酸中帶辣，一聞到已經非常之開胃，再煲埋滑溜嘅「江團魚」，魚肉細嫩，簡直回味無窮，唇齒留香，食魚嘅同時，仲可以將配菜鴨血同木薯粉浸喺湯底度，食魚後就已經可以即刻享用。

旺角酸菜魚，地理位置好找，又能抵停車費！先前吃過幾次，前期還不錯但現在感覺口味已走味，魚變的非常腥，甚至有所謂的土味！但礙於聚餐大家時間跟地點方便在給他一次機會….生在旺角商圈，吃飯前逛完街肯定大包小包甚至有逛街前買的手提飲料，一坐下來服務人員馬上湊過來說裡面不準外食，餐廳有賣飲料禁外食人之常情客人都知道！溫馨提醒肯定沒問題，但好像一副客人會偷喝一樣，難不成要我把喝一半的飲料丟了？甚至還衝忙的跑去拿一個袋子堅持要幫我包起來還打蝴蝶結…..也太誇張了！ 圖一 白色那包…飲料蝴蝶結

今個下午只吃魚不吃肉，終於約咗好咗期待已久嘅📍旺角朗豪坊川莊水煮魚🐟，對身邊嗜辣嘅朋友大家都感興奮🤩！呢間餐廳🍴以紅、黑、木色為主調，樓底高富空間感大，並設有戶外座位，柔和燈光感令人舒服🍵店員安排坐位時先奉上一壺熱水及兩隻杯子…功夫茶杯內已配好八寶茶配方眼見有胎菊、杞子、紅棗、圓玉、玄米茶、冰糖等…茶味互相配合，甘甜解辣止渴又養生，停不了多飲幾杯🥘揀咗個辣度及麻度⭐️/4星，傳統酸辣鴨血江團魚💲3️⃣4️⃣8️⃣及加💲揀咗3️⃣款配菜（萵筍、海帶結、薯粉）個人覺得食水煮魚必少得。特式烤盆擁有獨一無二嘅多種調味料及滿滿乾辣椒熱著大豆芽，鮮嫩軟滑鴨血及烤好的江團魚同以上☝🏻3️⃣款配菜真係份外豐富惹味，整條江團魚一條骨過，口感比較細嫩啖啖肉😋

之前淨係喺呢間食過酸菜魚，估唔到原來佢有烤魚食😆😆😆，今次朋友唔係好食得辣，所以我哋揀咗香辣金蒜烤魚既小辣小麻。🔅香辣金蒜烤魚（$3️⃣2️⃣8️⃣）江團魚就比較貴，因為佢比較少骨，啱我哋啲懶人🤣。佢個湯汁比出面嗰啲烤魚杰好多同濃味啲，所以就算我哋加咗水都唔會好淡味😆。條魚本身炸過，咁樣好食好多。🔅配料（$2️⃣5️⃣）每一款配料都係$25，強烈推薦要揀水晶粉皮！😃我本身以為係雞絲粉皮嗰隻粉皮，但原來唔係！佢似係好煙韌嘅紅薯粉🥹，就算煮得耐咗都唔驚。另外午餐肉同埋腐皮都好啱配烤魚😆，呢餐超滿足！

位於朗豪坊戲院旁邊的川莊，是一家四川菜餐廳。喜歡吃香喝辣的我當然要去試一下。烤魚是一道典型的四川菜餚，以辣味和麻味為主要特點，口感鮮美，受到了廣泛的歡迎。水煮麻辣豆花烤魚是其中的一種變體，將傳統的烤魚和水煮豆花兩道菜餚融合在一起，加入了四川式的麻辣味道，口感非常獨特。烤魚雖然有很多濃味的湯底，但其實對魚的質素也很講究，這次要了江團魚，江團魚是一種肉質鮮嫩的淡水魚。辣度選擇了中辣和中麻，口味適中，可以讓人感受到四川菜餚的麻辣味道，但不會過於刺激。烤魚看上去非常誘人，魚身上的醬料均勻地塗滿，讓人垂涎欲滴。在品嚐的瞬間，麻辣的味道瞬間襲上味蕾，熱辣的感覺讓人口齒生香。而江團魚的肉質非常嫩滑，讓人忍不住一次次夾起一口。除了江團魚的鮮美口感，配料也非常地精选和豐富。木薯粉條煮得軟嫩可口，鴨血和牛肚也都很入味，營養豐富。特別是鴨血，口感非常Q彈有嚼勁，而且沒有腥味，真是令人驚喜。這些食材的口感與烤魚的麻辣味道相得益彰，營養豐富，是這道菜餚不可或缺的組成部分。這道水煮麻辣豆花烤魚非常值得一嚐，辣味和麻味的完美融合，加上精選的江團魚和豐富的配料，令人食慾大開，讓人流連忘返。如果你喜歡四川風味的菜餚，不