川辣仔烤魚雞煲

營業中

休息中

繼續寫佢哋食評🤣🤣因為真係太經常食了…呢一日就叫咗佢哋嘅川味肥牛米線🌶️🌶️🌶️見到個餐牌有三個辣椒圖案我已經好驚好驚但係佢哋話可以小辣或者走辣 🤔🤔🤔所以我就同咗佢哋講話要「🌶️一隻辣椒」當然啦 個個都笑咗出嚟本身我就唔係話好食得辣 所以唔敢食太辣但係如果「川味」冇辣味就等於另一樣嘢了😂米線份量都幾多 同埋順滑牛肉份量真係好多 啲牛肉應該都唔係啲咩好高級嘅牛肉 不過算係咁敷衍啲講句都叫做有少少牛味🤣🤣而且仲有啲雲耳 成碗嘢冇咁悶🤣🤣其實呢個辣度對於我嚟講就唔算好辣嘅不過有幾啖食嘅時候都會濁親 有少少嗆口感覺要即刻飲返兩啖凍檸茶😂 順一順條氣🤣

繼續介紹好味嘅菜式😂😂我一向都好鍾意食乾炒牛河不過唔係間間乾炒牛河都好食冇諗過呢一間嘅乾炒牛河咁好食首先啲牛肉一啲都唔老 所以覺得真係幾好食又香然後啲河粉份量多到不得了🤣🤣🤣🤣我哋好後悔冇叫少粉… 食都食唔曬😂 努力過都唔得 真係好大好大份🐷啲粉都真係好味 口感唔會太淋/太硬😮😮😮色水唔夠深色😂但味道好夠！！ 香得黎又唔會太鹹喎🤣🤣10個同事有8個都揀乾炒牛河🤣 食到人哋要停出牛河..😅

今次評價一下佢哋嘅清湯腩😂 係今個星期嘅恆常菜式之一古法清湯腩😮嘅欣賞呢間餐廳午餐餐牌每個星期都有改變因為附近冇乜餐廳選擇😂所以成日改下個餐牌可以令我地多好多野食選擇又冇咁悶…😂😂個湯底幾香又唔會油😂😂啲腩份量都多架 唔會好韌🐷🐷連埋個飯一齊食真心唔錯 個湯底同飯一齊食好正不過 建議女孩子揀少飯😂因為真係食唔曬🤣🤣🤣🤣🤣凍飲唔使加錢 $55包埋不過最近有啲凍 😅😅 叫咗杯熱華田😂

上星期三都係食咗呢一間餐廳，😂😂😂，佢哋個韓式豬肉大醬湯米線… 有啲搞笑，份量上係OK嘅🤔🤔，而且啲豬肉都幾多下😂😂，所以食完都幾飽。 可以揀少米線不過我驚唔夠飽，不過正常份量原來真係好多🥱🥱，細食嘅女仔可以揀少米，或者轉飯都得，都幾多選擇😂😂不過我就對於佢個大醬湯，真係有一個懷疑嘅態度😂😂，因為個湯底都真係偏鹹🥱🥱🥱，同埋感覺上次係麵豉湯，我估計係用啲麵豉跟住加啲湯或者水？！😂😂

幾乎每次嚟呢度返工 都會嚟呢間餐廳食lunch因為覺得都幾抵食，$55連埋嘢飲，就算有凍飲加埋冰都係同一個價錢，唔使額外加錢，嗌罐汽水加冰底都係唔使加錢，所以真係幾抵食，而且可以免費加飯、加汁上星期四食咗呢一個鮮甜蝦頭湯海鮮米粉我就覺得個蝦頭湯味道都OK，不過略嫌清淡，鍾意重口味嘅朋友仔可以自己加少少辣椒醬落去，至於啲海鮮就正正常常，應該都係啲急凍買返嚟嘅海鮮雜錦包，味道都OK，米粉嘅份量都唔少，所以都幾飽下

今次同大家講嘅，係一間我剛去試過嘅餐廳，個名我兜唔起，但間餐廳弄嘅鍋物我嘗過之後真係覺得要同大家分享吓。腦海中仲記得佢哋嘅「滑雞肥腸鍋」，辣度揀咗小辣㗎，食落去剛剛好，唔會辣過頭，但又能夠令我喊出豪情，正啦！雞肉超級入味，拎上手咬落去時傻左傻右嘅，啖啖肉嗰種感覺真係過癮！肥腸呢，我就更加讚，清潔得嚟超級無敵滑，食落真係無一啲腥味，嘴巴裡邊全係鮮味。🤩最後，落咗啲鍋底，加咗些小料，那個湯吖，滋味噴香，流連舌尖。即刻整得好似打邊爐咁溫馨嘅感覺，喺屋企都可以過到夜。寒冬裡頭，呢個真係滿足到我個貪吃嘅小宇宙呀！❤️😋🏠總之我嘅總評係：好食又抵食，冬天必備良方！落次一定要再去整碗嚟犒賞下自己！

講真，今次去呢間茶餐廳，感覺真係好之得㗎！一入門口，就聞到陣陣咖啡香，飄曬成間店，經已嘴饞到不得了。起頭揀咗杯絲襪奶茶，啱啱好既濃郁奶味，啖啖香滑，真心唔講大話，啜一啜心情都跟住好曬！再來份鹹檸七，酸酸地帶點微辣，一飲過癮，解膩得嚟又提神，口感完美攪拌。最正既一定係個豬扒包啦，豬扒煎得外脆內嫩，仲加埋特製醬汁，每啖都滲住肉汁，噴香咬落去真係痴口，咁香咁滑，還有青瓜脆脆哋，清新解膩，真係食到停唔到口！然後嗰個牛油豬柳蛋治，人稱「肥而不膩」，鬆軟嘅包同厚切豬柳蛋，滿滿既牛油味，攞命相擁，流心蛋黄沙沙流出，每一啖都夠哂份量。總括來講，今次食得好滿足，成個飯局輕鬆又開心，真係正到彈！每樣嘢食都做得入味得嚟又有新意，下次一定會再嚟，搵班Friend開心share下！🥪🍋☕

馬鞍山出晒名係美食沙漠 近年來好多連鎖餐廳都入馬鞍山插旗 但係 都一樣meet唔甩沙漠呢名號而大水坑便是這沙漠中的綠洲泰國嘢 茶座 糖水 出品都好優秀講起食烤魚雞煲 首選一定係大水坑間川辣仔雞煲麻辣鮮香 好惹味 每次黎必嗌 仲要加多d芫茜先過癮 食完雞煲可以加湯打邊爐 打邊爐嘅配料都好多選擇 食材新鮮價錢合理最難得係不限時 三五知己 嗌隻凍啤邊食邊傾 輕鬆自在老細同店員服務一流 唯一美中不足就係客多檯少 最好提前預約#这家店回头客超多想吃你就来 #真材实料才能做出好味道 #同城好店推荐

今日同女朋女行街，無意中搵到呢間烤魚店，好食又足料，飲品好好飲並唔係平時飲開個啲死甜，老闆非常nice，二個人食飽到食唔哂甘制，埋單都只係500蚊有找，大件夾抵食！

12月首個最凍既一日梗係要去打邊爐暖下個身~好耐無番馬鞍山食飯既我聽到屋企人介紹呢間唔係開左好耐既小店，細細間但係都feel到黎得呢到食野既都係左鄰右里! 好彩有卜位，如果唔係就要等一陣啦!💙酸菜魚 $368好香酸菜味，好足料，啲魚片都夠曬大舊!老闆都有提醒我地啲魚可以一路滾住食，就算食到最尾都仲係甘滑~配料本身有啲大豆芽,木耳,水晶粉等等💙招牌肥腸 $58一見到招牌呢兩個字知道係必試啦!大大碟，拎黎打邊爐一流呀~肥腸清潔得好好，唔會有怪味，而且好爽口，擺耐小小時間連啲湯汁都吸埋真係超正!!💙萵荀 $48每次食酸菜魚萵荀呢個配料都係必點，因為可以試真啲個湯底咩料! 出色! 呢個萵荀又係大大碟而且好大塊!💙泡椒雞腳 $42其中一款涼拌小食，雖然佢話係泡椒，但係食落去又唔係好辣喎!馬鞍山呢啲小店其實都好出色架，有時間同屋企人黎試埋個雞煲同烤魚先!!!

疫情下，冇得堂食，又凍冰冰，今日試吓買雞煲外賣，由於我試過中午堂食，午餐都好好味，野食又夠熱，仲有湯送，仲好足料，所以決定買一隻雞煲嚟試下。老闆好好人，好積極地叫客人自攜自己個煲去買雞煲，可以慳返外賣盒，又可以環保啲，所以我自己都比佢說服咗，帶自己個煲去買。當我取外賣嘅時候，廚師係即叫即做，拎到返屋企個雞煲仲係熱辣辣，不停散發出香噴噴嘅雞煲味今次我地四個人食，份量好足夠，配菜都好足料，雞煲味夠香夠濃，我叫小辣，辣味啱啱好，一定會再幫襯

📍川辣仔烤魚雞煲📮馬鞍山大水坑南街85號地舖.呢間小店係一間位於馬鞍山大水坑村新開既火鍋店, 主打雞煲🐔烤魚🐟亦提供一般火鍋既湯底俾食客選擇.最近由於疫情關係無得出街打邊爐, 所以係週中放工回家沿途買個外賣雞煲, 返屋企烚下烚下🍲.滑雞肥腸鍋 小辣 半隻HKD168拎到返屋企倒啲雞件出黎仲係熱辣辣, 好快咁炒一炒興返起啲雞件就可以開始食🥢雞煲醬料濃郁, 花椒辣椒紫洋蔥等等配料齊全, 雖然只係叫左半隻雞, 份量都好足, 雞件嫩滑同有肉地, 味道亦好惹味😌最欣賞係雞煲本身配搭埋肥腸, 而呢度嘅肥腸處理得好乾淨, 無咩肥膏, 好味之餘食落都唔會太有罪惡感食完雞煲當然就要加湯打邊爐, 老闆好好人咁準備左兩大碗雞湯比我地, 非常體貼😙.我地另外準備左一啲match雞煲既火鍋配料, 包括鮑魚, 豆卜, 魚旦, 京蔥, 雲耳, 大豆芽, 冬瓜等等, 最後加埋個烏冬索晒啲雞煲醬汁可以話係毫無破綻😜.希望疫情快啲完結, 可以去呢間小店堂食打邊爐, 試埋佢嘅烤魚嘅質素😎.整體環境：👍🏻👍🏻👍🏻👍🏻食物味道：🤤🤤🤤🤤服務態度：🕺🏼🕺🏼🕺🏼🕺🏼物超所值：💰💰💰💰回頭基率：💨💨💨💨💨.#nonstopeatin

冇得出街食團年飯，呢幾日又凍凍地，諗住買個雞煲回家打邊爐。網上見到原來大水坑站附近村屋有間食烤魚雞煲，仲可以接受電話預訂落單，於是上星期訂定今天外賣自取，近近地支持下小店。餐廳裏面非常整潔乾淨，見到有好幾個街坊攜帶煲來外賣，原來店主一向支持環保，當然他也會提供收費外賣盒。做節就唔打算戒口，叫了滑雞肥腸鍋，份量足一隻，仲有不少芫荽、紫洋蔥，顏色非常靚，而且香噴噴；因為家中小朋友唔食辣，所以麻辣醬料分開裝。雖然汁底走辣，但都不失醬汁嘅惹味，小朋友食到舔舔脷，我和老公就加埋麻辣醬，大家都食到唔停口。雞肉入味嫩滑，腸洗得乾淨唔臭，餐廳仲俾咗一碗湯打邊爐用，自己買咗配菜。餐廳除了晚市，還會提供早餐及午市套餐。店主用心製作，從餐廳整潔度、食材新鮮乾淨、醃料入味、鼓勵顧客支持環保、盼望他能捱得過這個疫市政策。

川辣仔烤魚雞煲 (馬鞍山).又係外賣雞煲🤪無辦法啦無得堂食，男朋友住馬鞍山咁就fit可以去佢屋企食🥰老闆好好人勁有禮貌！.▪️滑雞肥腸鍋▪️.份量都幾多，有好多件肥腸而且最重要係夠乾淨！ 我好怕食啲腸入面好肥，有陣益味真係不了！( ･᷄ὢ･᷅ )雞件切得係比較細件，入面仲有好多椒類調味，老闆知道我地火鍋仲跟埋大大碗湯！.因為我地都好幾個人食，就額外再買左好多配粒，京葱娃娃菜腐皮枝竹豆卜等(⁎⁍̴̛ᴗ⁍̴̛⁎) 個汁好好味所以索埋都好正！住附近嘅人真係可以一試！.📌 川辣仔烤魚雞煲 (馬鞍山)馬鞍山大水坑南街85號地舖環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

晚市又開始禁堂食，每日收工又要傷腦筋諗去邊到買外賣，尤其身為美食沙漠居民，馬鞍山市中心一帶食肆每日都大排長龍，就連大型連鎖都人頭湧湧，真心等外賣都等到攰。最近大水坑朋友報料新開咗一間火鍋雞煲店，提供外賣自取之餘價錢經濟實惠，而且新開張幫襯既人唔算多，今晚就整返個雞煲試一試。雖然我唔係住大水坑，但其實係馬鐵站過去都算近。而今次第一次幫襯所以就Walk in過去，到達後由落單到取餐時間都只不過5分鐘左右，唔想等仲可以打定電話過去落單。等外賣期間順便都參觀埋鋪頭內部裝修，新開張環境都算光鮮企理，座位而４人卡位為主。而餐牌亦見到除咗雞煲之外亦有提供大量火鍋食材，等恢復晚市後再試下堂食先得。介紹之前講樣野俾大家知先，店主非常鼓勵自備器皿盛載雞鍋，因為所用到膠盤都非常之大都幾唔環保，第一次唔知道唯有接受，但下次我會有備而嚟。🌟　滑雞肥腸鍋　(半隻) $168今次點滑雞肥腸鍋小辣。首先香料配料非常豐富，洋蔥、芫茜、唐芹鋪滿哂，而雞件份量亦都相當多，可見店舖所選用嘅滑雞都相當大隻。首先醬汁非常惹味，濃而不咸，花椒及辣椒等香料味道出眾，而且醬汁以雞煲嚟講絕對唔油膩。而雞件入口相當嫩滑，唔會處理得太熟而影