川辣仔烤魚雞煲

營業中

休息中

疫症期間夜晚又冇得去食飯，一向我好鍾意食雞煲，朋友同我講大水坑呢一間雞煲唔錯，早兩日我就叫老公放工去叫外賣，店員即叫即整，相當用心，我哋叫咗個小辣嘅麻辣雞煲，雖然係半隻，但係份量都好多，我哋兩公婆都食都好飽，另外仲有墨魚滑，應該係自己新鮮手打，味道唔錯，黑柏葉，同埋炸魚皮，外賣仲有九折，會再幫襯。聽朋友講如果烤魚都唔錯，下次我又要再買，馬鞍山區其實都有好多好嘢食，感覺店員好細心，小店經營，良心之作！支持！

.大水坑❣️雞煲外賣晚上六點後禁堂食，又有咩好怕喎😎連出名美食沙漠既馬鞍山都有非常出色既外賣選擇！心血來潮想食啲辣野，凍冰冰又岩哂打邊爐，仲唔係雞煲🤪餐廳係正大水坑村最當眼既位置，見到停車場望入村就會見到川辣仔🌶既蹤影！六點後禁堂食，見到老闆貼哂一張張外賣係牆到，相信大家都發現左哩間雞煲外賣🤭唔好睇見老闆黑黑實實，其實好健談同貼心，會問你食辣既程度之外，如果擔心太辣/唔夠辣，會額外跟個雞煲醬比你返去再自己調辣度😍🔸肥腸辣雞煲（半隻）老闆介紹最主打既肥腸雞煲😎用上新鮮既肥腸，處理肥腸係非常考功夫！要洗得乾乾淨淨之餘仲要炒到入哂味，師父既功架果然唔可以睇少！主角…雞都好有要求，必定要用上龍崗雞🐥勝在肉質夠厚，啖啖都係肉！加埋香料、辣椒、蒜頭爆開同秘製雞煲醬👍🏻返到屋企一炒就香到全屋每一個角落都有雞煲味🥰老闆仲好貼心會問你之後會唔會用埋黎打邊爐，會既話就會跟埋個豬骨湯底比你！其他打邊爐配料因為禁堂食既原因就未必可以係川辣仔🌶一次過訂喇！溫馨提示🤍想試就預早打去訂，每日優質靚雞都限量發售，賣完就無嫁喇？P.S. 其他打邊爐配料都係係沙田街市額外買🤭好味指數：9.5/10川辣仔烤魚雞煲 馬鞍山大水

最近爆發第五波，晚市又禁堂食。天氣漸凍，叫外賣來到都涼左，好想食D熱辣辣嘢食。畀我搵到 呢間川辣仔， 佢哋主打烤魚雞煲 仲可以外賣。如果早啲同佢哋講仲有得借埋烤魚板，同辣雞煲用嘅大鐵煲。 今晚佢哋生意唔錯，我遲咗叫，冇曬大鐵煲借。外賣一啲都唔馬虎。 啲雞爆香曬配埋洋蔥芫茜 蒜頭同所有香料， 自己加熱即刻香噴噴。佢哋好細心。配埋上湯送俾你。食完個雞煲，衹要加湯就可以用嚟打邊爐。加自己鍾意食嘅麵呀菜呀牛肉呀咩都得。味道好惹味，簡單公仔麵都變上菜。忍吾住加支啤酒，very good!份量好多。兩人食吾哂。留起左一半，第日加又嚟加粉絲同大白菜(可惜冇豆卜)，又Ko一餐中午啦。佢哋另一主打係烤魚，不過師傅話兩個人應該食唔曬。一於試下團年飯叫番隻烤魚年年有餘。 今次要早啲落單同埋叫佢預留這個烤魚板畀我先。順便一提， 雖然佢就喺大水坑停車場側，不過個停車場好爆，排長龍等泊車。 如果呢就同佢哋早啲溝通 ， 攞我咪就唔使排隊泊車啦。

疫情搞到無得堂食，好慘夜晚無得出去食飯，突然好想食雞煲，諗起屋企附近新開左間雞煲火鍋，可以買返屋企整個雞煲加火鍋。叫左個小辣，雞煲份量足，醬料味濃好惹味，麻麻辣辣，味道有層次，雞肉嫩滑，本身好怕食到鞋身嘅雞肉又或者骨多肉少，但哩個雞煲舊舊都大大件，啖啖肉。外賣會連埋一碗豬骨湯，十分窩心，可以加湯打邊爐，味道香濃，加料落去都唔洗點豉油。另外加$9有兩罐啤酒, 加埋都係百幾蚊，價錢算抵食。 除左雞煲，仲有烤魚可以order, 有得食江團魚，啖啖肉，既然雞煲都咁靠得住，我諗烤魚都應該唔錯，下次可以再黎幫襯烤魚。

喜歡食雞煲既我，之前同朋友在屋企附近食過一次之後，又發現原來馬鞍山仲有另一間可以雞煲打邊爐，但基於宜家無得晚市堂食，就唯有買個外賣雞煲，然後自己買其他嘢打邊爐！呢間鋪位於村屋裡面，都近馬鐵站唔會難揾，雞煲有辣和唔辣，由於預埋小朋友食所以揀咗唔辣的「醬香雞鍋」，半隻雞$168價錢合理，即叫即整，都唔使等好耐，就pack好盒比我！佢知道我會打邊爐仲送埋兜湯比我用，非常貼心！店員叫我回到家倒落鍋煮多2分鐘，我相信係為咗避免煮熟哂d雞之後等到食嗰下就over咗，跟指引做果然無錯，d雞剛剛好，而且醬香味真係超香呀！半隻雞的份量都不少，還有洋蔥、蒜頭、芫荽等配料，味道好夠，所以食完啲雞即刻到埋個湯底落嚟，就可以打邊爐啦，十分方便！個湯底白白地色，估計係豬骨湯。

大水坑村內，有家非常新的雞煲店，就開在村屋旁。疫情影響下只能做外賣，但價格不貴，很值得一試老闆非常友善，外表粗獷內心善良，很喜歡分享飲食心得外賣湯盒，聽老闆說特意使用比較環保的紙盒，可環保降解，雖然成本比較高但為大自然著想的心令人敬佩雞煲半隻 外賣（168+10）好吃！帶回家微微加熱也不會變鞋，洋蒽 莞茜 大蒜一應俱全，調味一流！還可以殺菌雞煲醬底非常濃味，加上店家願意分醬，把自家調配的醬汁分開裝，加入慢炒，有夠惹味！另附一碗火鍋湯，吃完雞煲加湯打邊爐也可以喔～這用心煑的雞煲，祝願他們熬過疫情吧

疫情第五波爆發，夜晚禁左堂食，但又想食雞煲，所以唯有叫外賣啦。 雞煲我今次就揀咗唔辣，想食下原汁原味的咩味既，雞件嘅份量睇落都好多，而且好入味，仲有好多紫洋蔥同蒜頭的配搭。 醬汁豐富， 濃味色香味俱全。 食完雞煲一定係唔會少得要打邊爐， 呢間餐廳係包埋打邊爐既湯底， 應該就同出面普通餐廳用既雞湯底一樣， 咁樣自己再買火鍋配料就可以了。 值得一讚既係呢間餐廳外賣盒所用既都係一些用環保物料所製成的，務求為環保出一分力

馬鞍山一直係美食沙漠！聽住喺附近嘅朋友講，佢屋企附近開左間專食烤魚雞煲嘅餐廳，中意食辣嘢嘅我當然要去試下啦！專程揸車入馬鞍山一探究竟。位置喺富安花園巴士站隔離，招牌好搶眼唔難搵架！餐廳出面仲有空地可以泊車，好方便！雖然疫情嚴峻嘅關係,政府規定冇六點後冇堂食，但係仍然無阻我試新店，食好西嘅心情！一去到店員好熱心好客，同我地推介有咩招牌菜式。我同友人嗌左個中辣醬香雞煲番屋企慢慢嘆。揸車番屋企途中，個雞煲嘅香味已經喺袋外賣到滲哂出尼，只係一心想可以極速番到去開餐！終於番到去可以開動喇！一打開個蓋見到有好多配料有芫荽、蒜頭、紫洋蔥同芹菜，落足配料，難怪咁香。除左配料同雞，雞煲嘅靈魂就係喺啲醬到！個醬不得了，超級惹味！夠哂香之餘又辣得過癮！啲雞夠嫩滑，雞皮又爽脆！之前食過好多雞煲，個醬汁都係偏死咸；川辣仔嘅雞煲調味調得啱啱好，唔會蓋過隻雞嘅鮮味！應該係啲雞夠新鮮，所以就唔需要啲死咸嘅醬尼掩蓋啲雪味！真係食過翻尋味呀，下次一定要試埋佢個烤魚至得！川辣仔簡直係馬鞍山美食沙漠之中嘅綠州！希望馬鞍山會有更多好似川辣仔呢啲有質素嘅小店進駐啦！

聽日又唔比堂食啦，今日最後一日堂食，當然走去屋企附近食雞煲啦！幾個朋友仔都話呢間新開雞煲唔錯，原先嗰間試過，實屬一般！見到餐牌有肥腸雞煲，一定要試下啦！我地叫咗一隻雞，中辣，兩個人食！老細話裝雞煲嘅煲借咗出去，唯有攞烤魚個煲來裝！咁無法啦！應該唔影響嘅～肥腸雞煲來啦！！顏色靚仔、味道偏鹹，雞唔算醃得好入味，豬腸好肥美，辣味適中，豬腸都多豬腸好肥美！差不多個個都大大舊咁！老細同員工會周不時行過來睇下個火，呢樣幾細心！會擔心你啲雞老得濟唔好食！講返隻雞，好大隻，肥腸比想像中多好多，食極都有😂😂我一早飽咗 ，但覺得唔再叫啲嘢食好似哂咗🤣嗌咗個牛頸脊！一啖落去，爽！唔算肥美但有牛味！還可以～薄薄地～唔喜歡太肥嘅可以叫～個人覺得可以嘅！額外叫咗兩個素菜呢兩個無咩特別啦～正常嘢！但份量真係好足！豆腐都係$20，抵嘅～最後埋單$653～係抵食嘅！ 會再返轉頭食個肥腸😋😋