川 (已結業)

深宵食堂🏮 喺元朗呢度就算幾夜都有好野食😋😋 呢間串燒店裝修就好似日本嘅居酒屋 (又要想念家鄉啦🤧)收工想搵地方飲吓酒吹吓水，又想食啲飽肚嘅美食😆😆就要黎呢度啦！全部串燒都即叫即燒😋 熱辣辣！呢度調味咸辣適中，唔會淨得孜然粉味🤪🤪 原汁原味👍🏼👍🏼脆脆鰻魚串 ($32)招牌翼亦串 ($18)白板串 ($18)牛肋串 ($18)厚燒牛舌串 ($18)爽口火雞腎 ($16)肥牛金菇卷串 ($18)燒蒜芯 ($14)翠玉瓜 ($18)粟米 ($25)錫紙金菇 ($26)燒鳯梨 ($20)最驚喜係錫紙金菇，配上自家製湯🤤🤤 鏗魚湯鮮甜味美，飲一啖後停唔到口🤣 難怪枱枱都見到佢另外白板串，即燒豬腩肉都好出色，燒得香脆有肉汁😋油而不膩💕 鰻魚串都肥美肉厚😍 油香滿分其實全部都好高質好好食🤩🤩 價錢都好實惠！實在係CP值爆分💯 食幾多都唔肉赤🤣🤣🤣🤣但大家要有心理準備，因為佢舖仔細細，得兩個人員工，所以都有機會等得耐😅 如果餓住個肚再喺門外聞住啲串燒香真係好難忍嫁🙈 記得要預返啲時間‼️

琴晚約左個朋友食飯，朋友要打拳，等佢到九點先去食，去左呢間叫川，串燒店，朋友食過，我就第一次喺門口等左陣，小店一間，燈光較暗，但格局有串燒味道想食咩食低喺張紙首先最先黎係炸餃子，朋友咬左半啖話好熱好彩我睇完佢食先食正常水準牛肋肉同五花腩，朋友唔食牛，兩個都有水準的，鹹香十足呢個係火雞腎，我冇食，朋友食燒雞翼叫左兩串，都有水準，雞皮脆湯烏冬，正常水準車厘茄煙肉，常見串燒之一燒茄子，好多蒜蓉，略嫌茄子肉較薄燒蝦，蝦殼好鹹香，蝦冇霉，肉彈、鮮脆脆鰻魚串，朋友食左層脆皮，最正就係層皮最後黎嘅係雞泡魚乾，朋友鍾意食，我還好，我覺得冇咩特別我叫左可樂，朋友想飲茶但店冇，其實食串燒最好配啤酒，下次可試下埋單$275，可以接受，食物有質素，值得一試

又去川，雖然不是每月都去，但係食得最多一間食店。始終是一間行仔中小店，門面唔當眼店内容納約20人左右。眼見好多客7:30-8:30嚟到九成都無位，又唔知要等幾耐就走咗。川是一間兩三知己飲吓嘢食吓串燒好地方，集平、味道、静👍👍食過咁多次都寫的原因~除了平時必食的今次食咗D之前從未食過的菜式😉😉

川係每隔幾個月食一次的串燒。呢度的串燒勝在調味好惹味之餘, 上菜都算幾快又性價比高。今次唔逐樣逐樣寫哂，寫啲推介的。最近發現左新開胃菜，就係喺menu 好耐，但一直無試過的梅漬蕃茄，冰冰涼涼，酸酸甜甜，有果汁的清爽甜味保留蕃茄仔的質感，無左鮮茄仔的腥味。值得一試，食得肉多又可以間一間黎清一清肥膩感。然後係雞泡魚乾，點埋法律醬好惹味，一邊咬一邊同friend 吹水一流。另外要推介的係白板串(五花腩)，真係燒得好脆，咸香咸香咁。雞翼，係雞中翼，但外皮燒到脆得好酥化，仲保留到入面的肉汁。燒鰻魚，呢個要寫多少少，因為真係好正。肉厚肥美，而且雪白香滑，外皮乾身咬落香脆，肉質厚，滑，帶油脂感。但食魚無法子就要接受有骨，都係預左嘅。另外牛舌頭亦係必點，厚切的牛舌，咬口豐富，肉質鬆軟。不過今日燒耐左啲，乾左少少。

首先我唔明點解咁多人讚好食先，佐敦尖沙咀求其一間都好食過呢間多多聲。講下佢個燒墨魚丸，寫就寫燒其實就攞去炸，一咬開油淰淰，如果係攞去炸的話餐牌上面建議都係寫返炸墨魚丸，因為我唔會因為個燒字比人呃左$18。然後講下大茄燒，蒜蓉加美極豉油無咩特別，不過好在夠林。錫紙金菇，麵豉湯嘅加蒜蓉就係佢哋嘅自家湯，不過不失。招牌雞翼串，無味，牛肋肉串，好銀呀，除左雞腿肉串有返啲味同個湯烏冬係好食既之後，無野吸引到我再去。好在我醒目每樣嗌一串試左先味道一粒星我係俾個雞腿肉串，個湯烏冬同埋罐可樂

說實話😆食過咁多間串燒店🍢最愛就係呢間❤️亦都食左好多年、真心係出色既👍🏼以前一收工就最仲意同同事黎食宵夜或者假日同好朋友過傾下心事❤️🙆🏼‍♀️呢到最推薦當然係白板（五花腩）又香又脆然後係雞腿肉（超嫩滑）仲有雞腎、雞泡魚乾、翠玉瓜、墨魚丸都係我嘅至愛😋有時唔夠飽仲會叫碗烏冬食🍲無論係一大班同事聚下、定係一兩個朋友傾心事🍻呢到真係一個好好既選擇、老闆又好勤力👍🏼呢到仲有部遊戲機😂有拳王、俄羅斯方塊等既game玩下🐒🐒

一間你食完會上癮嘅居酒屋🏮，白板串燒到香脆重點係有肉汁一D都唔乾淨淨👍🏻👍🏻👍🏻，仲有烏冬，佢個湯係用鰹魚湯底，連湯都飲埋，食完你會心思思想再叫多碗🍜，燒鰻魚肥美，仲要係咁嘅價錢就食到👍🏻👍🏻，燒🍆 滿滿的蒜蓉，炸墨魚丸入面堅係有墨魚🦑，唔係出邊嗰啲普通貨，燒生蠔原隻肥美又不失鮮美，講真啦我真係差唔多晚晚去食，食完真係會上癮，咁嘅價錢，但係有超好嘅質素，性價比高可以晚晚都去食

我有D慚愧，自從食上癮之後，都食過十次八次，平均每個月都去兩次，原來都冇幫 [ 川 ] 寫食評。到底魅力可在 ~ 因 : 內有夢想。真的 ! 雖然 [ 內有夢想 ] 是門上一件飾物，但絶對店主兩位的寫照。會繼續支持。小弟都食過好多日式串燒店，相比 [ 川 ] 的性價比超高，比同區平20%，油尖旺區平50%。食物方面超級推介厚砌牛舌，每次必食 ! 牛舌厚4mm左右外面燒到焦脆灑上味粉，一口咬落去就會感覺到裏面好淋有汁，師傅仔功力盡顯。燒波蘿都是必食，要燒比較長時間建議早D叫。雞翼串、鰻魚串，均是外脆肉嫰有汁大茄燒配上自家蒜蓉醬非常惹味雞腎、牛仔骨、牛肋肉、雞肶菇、雞泡魚肝……都是經常會點食物。一般二人前又飲又食都只是三、四百。低!順帶一提早D去等位

朋友一直都有介紹呢間串燒店對佢讚口不絕, 終於有機會可以試試佢！因為朋友係熟客關係, 一去到佢就送左個小食---蕃茄比我地雖然我唔食蕃茄, 但佢既香味太吸引我啦！我都忍唔住試一粒！跟住就叫左一連串既食物啦！第一個係雞泡魚干, 燒得好乾身, 好脆好好食, 價錢又抵食！呢個一落食一落送酒一流呀！下一個係韭菜, 呢個菜燒得剛剛好！一d都唔會乾, 仲好有水份！白板串都應該算係佢地的必食！雖然睇落好似好肥, 但食落好脆好香口好好味呢次係我第一次食燒蒜芯, 好似食緊菜心咁好好食呀！燒得剛剛好唔會老！鯖魚就應該係食串燒的傳統菜式, 比起其他食物, 呢個就還好啦我最愛的燒茄子呀！仲有好多蒜係個面呀！真係好好食呀！所有菜類食物都燒得剛剛好, 唔會乾！呢度既墨魚丸真係有墨魚架！真材實料架！好彈牙好正！最後就係呢個燒牛仔骨啦！好易咬, 充滿左肉汁！好juicy! 一d都唔乾架！！呢間真係又抵食又好食！！不過就比較少位, 可能晚餐時間大家去到都要等等啦！

剛開張時黎過，覺得好食，之後再黎都好多人排隊，今日黎到難得有位，即刻入去食。好用心，即叫即燒，野食上枱時熱辣辣，所以超級好食，特別推薦燒五花腩同火雞腎。而且串燒黎講，價錢唔貴，服務唔錯。

好高質既串燒 毛豆、鰻魚、生蠔、菠蘿、煙肉蕃茄好值得推薦 真心好食！而且店鋪位於小巷內 成個氣氛都好正 有一種講唔出但好舒服既感覺👍🏻👍🏻👍🏻👍🏻👍🏻👍🏻十個like呀第一次係OpenRice 留言 因為今日想再去食 但無開 睇Google顯示巳結業 唔知係咪真 好可惜😳 希望有機會可以再食到

食物味道是不錯的，尤其是豬腩肉和鴨胸肉，都好好食，燒既時間啱啱好，再配埋啤酒真係一流既享受。但服務態度就好差，落單個個冇咩禮貌，張單整跌左落地下見到都唔執反，唯獨是收錢個下好少少

一入到去 見爆場坐吧枱 係唔舒服咖啦 不過無所謂啦爆場 咁坐左十五分鐘黎左啲前菜見個場都吉 吉左半個場 唸住坐翻落枱啦佢埋黎話叫我坐翻上去 話留左俾人咁都算啦 我以為佢留左兩張4人枱俾8個人啦點知過左一陣 有walk-in 兩個入黎 施施然坐左我真係。。即係人地兩個就係人 我地兩個就唔係人呢一刻個場係仲有4人枱吉既本身想再叫嘢食 但都係個啲啦舉左兩個字手都冇人理唔講以為呢間嘢唔洗收我錢以後唔會再黎

自從男朋友帶我黎之後成日都心思思想食，就算要排隊等位個身又臭都想食，因為呢到啲串燒真係高質一定要介紹白板串，佢係五花腩肉黎，師傅燒到外面脆內面油脂仲保留到，好好食燒鰻魚又係必食，厚肉又唔乾，燒得好香另外牛舌都係推介，外乾裡面好軟滑，係我係香港食過好食既牛舌因為係即叫即燒，所以會等得比較耐，趕時間就唔好黎啦

元朗有間串燒感覺幾似日本嘅深夜食堂,雖然款式唔算太多,燒完只係簡單調味,就已經好好味,同D朋友飲杯啤酒,食幾串串燒,是一個不錯的選擇😊必推:鰻魚，烏冬，白板串， 雞泡魚乾，翠玉瓜😋👉鰻魚:燒到皮脆肉嫩，十分香口💲22👉烏冬:湯底也十分好喝，自家製不是味精湯💲25👉白板串:燒到好脆， 咬落去又唔會韌💲13👉雞泡魚乾:超好吃😂越食越想食💲35👉翠玉瓜:加上自家製蒜蓉，食落去超多汁💲13食物賣相📸：⭐⭐⭐3.5粒星好味指數😋：⭐⭐⭐⭐ 4粒星抵食程度💲：⭐⭐⭐⭐ 4粒星