巧得鍋 (已結業)

好耐冇食過雞煲喇！行完街搵咗附近隱世工廈內這間飯堂，Menu百款食物選擇有客飯、雞煲及火鍋一班人聚著適合不過，而且出品快靚正～仲有自家工場製成品零售🥗每客人先奉上沙津🥒涼拌青瓜$22先來個開胃菜，醃得爽脆醋酸味較重🐔招牌雞煲（半隻）$178 微辣色彩雞煲香氣撲鼻😶‍🌫️～秘製香料吸收雞件內加埋🫑彩椒、香菜等…啖啖肉既雞味道唔會太鹹，極滋味下飯一流！🥬配鮮甜魚湯娃娃菜，奶白濃濃又有營養，仲可以飲埋🌿🌿🌿🌿🌿🍊 柳橙泡茶🍑白桃泡茶手工冷泡果茶，解渴清爽

本身想食佢個招牌雞煲，但琴日食太油膩決定清清地打個邊爐～我地叫咗皮蛋芫茜鍋$78、白膳$108、牛肩胛$128同埋日本廣島蠔$68（都有6隻咁多㗎），好快就上菜～湯底好足料，莞茜同皮蛋呢個組合好清甜～牛肉雖然薄切都有牛味，廣島蠔淥完真係新鮮好食！最令人驚喜嘅係佢地送咗我地涼拌花膠，完全冇收錢，食落膠質滿滿～我地仲試咗佢地嘅熱情果沙冰$35，好解渴～PS佢地同出面一樣，醬油茗茶費要收錢，$18一個人。

今日星期六難得放假，就去左觀塘巧得鍋食雞煲二人餐（$198）雞煲調得好入味，BB辣 岩岩好 好味，份量算大份，連杯野飲都大杯。環境都OK .店舖寬敞，坐位夠多，坐得都舒服。職員服務態度好好，有禮貌，有笑容😊，我果日係星期六上去食，假日人流上菜速度快。整體依間算抵食，雞煲調味出色，份量大，唔洗返大陸都食到平靚正二人雞煲。值得撞介👍🏻推介指數：食物：🌟🌟🌟🌟環境：🌟🌟🌟🌟服務：🌟🌟🌟🌟🌟價錢：🌟🌟🌟🌟

位於工厦雞煲火鍋雞煲好入味趁熱好好食，汁液濃郁加埋配菜好香，令到人食到唔想停口，半隻雞份量都好多，夠哂三個人食，仲要係招牌雞鍋，難怪咁好食食到咁上下加湯就開始淥野，冬菇，冬瓜同皇帝菜都好適合打邊爐食，湯底又入味，推薦食海蝦一隻隻串住放落去淥好快熟，蝦肉好新鮮好易入口，蝦隻每隻都好大隻，日本水飼豬腩片都好鐘意，我都食左唔少，百花釀豆卡其中的餡料好多，蝦肉味道唔錯，又大大粒，魚片頭好香，流心玉米丸里面餡料多又大粒，稻庭鳥冬淥一淥就食得餐前餐後有小食甜品送好貼心，青藤椒涼拌花膠好食，如果你係鐘意小辣既就要試下味道，食完又送荔枝雪米糍，飲品有鮮榨哈蜜瓜汁，好新鮮即飲又大杯，仲有兩杯紙包飲品其實隱藏左係工厦既食肆都唔差，店員都好有禮貌同回應速度十分快，場地都乾淨同位置近地鐵站，幾適合一班朋友聚會

今晚同一位住響東九龍嘅朋友食飯，我就想坐得舒服啲，而佢就想食雞煲，最後我哋就揀咗去觀塘嘅巧得鍋食晚餐。🍗 巧得招牌雞鍋（半隻、小辣） $168個雞鍋超級香，料頭超足，仲有紅椒、黃椒、芫茜、洋蔥等🍲果然真係「巧得👍」雖然係半隻雞，但係肉嘅份量唔算少！等我哋之前仲擔心嗰份量唔夠添🤣🥩 牛肩胛（小碟） $128牛肉新鮮🤤，肉味濃郁！掛曬上去個架度，唔通呢啲就係氣勢😍？擺盤咁靚，打卡一流呀！🐟脆鯇骨腩 $68肉質咬落去好Q彈😍，平時好驚廚師會將啲脆鯇骨腩切得太厚或者太薄，但係呢度就冇呢個問題，個厚度非常完美，所以令到口感變得更加好。絕對係打邊爐首選！九宮格調味料架，令到成餐飯都增加咗唔少質感，加咗唔少分！樣樣都要啲啲，溝埋出嚟嘅豉油就非常好味🤤我哋仲見到水吧嘅師傅不停製作緊沙冰，可惜我哋已經食到太飽，而且仲食咗臨尾送嘅雪米糍，如果唔係都想試下。最後講講環境，餐廳環境舒適，最啱同埋一班嚟朋友聚會，吹下水食個雞煲🥳#巧得鍋 #觀塘美食 #打邊爐好選擇

在芸芸餐廳中想食到又平又好食的雞煲亦不容易，觀塘真係好多好嘢食 ，美食小店大多隱藏於工業大廈，除咗著名美食集中地嘅駱陀漆大廈之外，附近啲工業大廈其實都臥虎藏龍 放假瞓醒已經點幾鐘 ， 突然好想食雞煲 ， 一個人又點食雞煲呢梗係搵埋個朋友一齊去😅諗起觀塘呢間雞煲雞煲非常惹味，朋友仔雖然吾食得spicy,但都好入味， 份量也多，雞件肉質肥美，圓潤有肉地，醬汁的香料味濃郁，未食都聞到好香，蒜蓉娃娃菜好惹味有鑊氣~ 正不得不提，藍草莓冰上面仲有新鮮菠蘿同火龍果

觀塘入面好有驚喜嘅雞煲午餐，座位寬敞坐得舒服，仲有wifi同差電位，服務態度又超好，性價比十分高。上坐低就送上好濃郁嘅玄米茶同沙律🥗。揀左招牌雞煲二人餐 $168招牌雞煲(半隻）辣度揀咗BB辣，整個雞煲花椒八角洋蔥等配料落到足，醬汁味道濃郁惹味，辣辣哋又帶少少麻，雞肉口感夠滑而且入晒味超正，醬汁拎嚟撈飯食一流。蒜蓉娃娃菜大大碟夠晒兩個人食，蒜蓉味道夠香濃，娃娃菜夠新鮮食落夠鮮甜。檸檬青蘋果特飲（跟餐+15）第一杯特飲由青蘋果蓉、檸檬、薄荷葉調製，味道鮮甜帶有檸檬同青蘋果嘅微酸，爽度十足。鮮果特飲（跟餐+15）第二杯就用奇異果蓉、鮮雜果、薄荷葉調製，果味濃郁，仲有粒粒雜果肉，香甜美味。

今日中午想食個簡單的午餐，去咗觀塘巧得鍋食午飯，雖然喺攻下入邊未必咁容易搵到，但入邊又有好多嘢選擇喎！有飯有粉，又有雞煲等等。🥰🥰🥰🥰我哋叫咗一個花膠燉雞湯飯，好清甜嘅雞湯味，又真係見到有好大隻花加喺入邊，連埋湯飯一齊吃，滋潤好味又有營養！👍🏻👍🏻👍🏻另外我哋叫咗一個牛腩飯，牛腩煮出嚟好夠腍，亦夠入味，送飯一流！👍🏻👍🏻👍🏻❤️❤️如果下次有時間，真係好想試吓個雞煲！🥰🥰🥰

前2晚去咗觀塘食烤魚，餐廳位於觀塘工業區，不過唔算好隱蔽，由地鐵站行過嚟都只係5分鐘左右。餐廳環境好大，平日晚上都唔駛等位。兩個人我哋叫咗：🐟招牌烤魚鍋（BB辣）$198湯底即使叫BB辣味道都非常惹味，好適合怕辣人士。而且煲裏面仲有埋芽菜、蓮藕、豆卜、娃娃菜、木耳，配料都幾豐富。🐮掛架安格斯牛頸脊（小）$188擺盤幾特別，份量都唔少兩個人食剛剛好，油花都唔錯！🥬其他配料都有好多選擇，仲可以加幾蚊轉雙拼，咁樣就算人少少，都唔駛擔心樣樣叫一大份食唔晒。我地嗌咗竹笙同埋響鈴，響鈴上枱嘅時候係脆卜卜嘅，浸一下湯好好味。整體服務都唔錯，店員好主動加湯，餐廳嘅小食幾好食，尤其花膠，食落口感好好，滿滿骨膠原😋係一間值得支持的小店👍🏻

🌕青椒滕涼拌花膠 驚喜之作🤩！估你唔到店家奉送嘅前菜會係咁矜貴咁高質！花膠厚度有返咁上下，食落即刻感受到滿滿嘅膠質，睇返Menu正價要$108，呢個質素絕對對得住售價！🌗巧得招牌烤魚鍋 $198魚皮香脆，魚肉嫩滑，烤魚嘅size偏小，適合二人撐枱腳。🌖掛架安格斯牛頸脊 （小）$188牛頸脊有一定厚度，唔會切得太薄，肉質柔嫩，又唔會太油膩。🌖手打芝心三色丸 $118三色丸分別為蝦丸、墨魚丸、黑墨魚丸，每款三粒，粒粒新鮮彈牙，除咗蝦滑/墨魚滑之外，仲食到粒粒蝦肉同墨魚肉，夠晒真材實料；不過芝士部份唔多，建議叫返原味就夠。🌖百花油炸鬼 $58蝦膠釀入油炸鬼中，再油炸上碟，香脆可口；蘸醬呈紅色，以為類似一般炸雲吞嘅酸甜醬，但竟然係配上士多啤梨醬！士多啤梨醬嘅酸甜味，減輕咗油炸鬼嘅油膩感，呢個配搭唔錯唔錯👍🏻～

。巧得花膠雞鍋$278呢度嘅雞煲有好多唔同嘅選擇，包括有我最鍾意食嘅花膠，仲有鮑魚同埋普通雞煲可以選擇，如果淨係想打邊爐嘅朋友都可以選擇佢嘅湯底，都有好多唔同嘅花款！今日揀嘅花膠雞煲真係超級好味！性價比極高，啲雞全部啖啖肉，又滑又Juicy❤️。日本廣島蠔（6隻） $68作為海鮮愛好者我哋又點樣可以唔嗌生蠔呢？呢度簡直係徹底㗎從來未見過咁平嘅日本廣島蠔。最重要嘅係佢每一隻都有手掌咁大㗎！煮完都唔會縮水，真係抵食！。自家太極墨魚釀冬茹$88呢個係佢哋嘅招牌菜式，睇圖片都知幾咁過癮，喺冬菇包住佢哋自家製嘅墨魚滑，又有黑色又有白色，真係非常鬼馬！上面仲有蟹籽作點綴，煮完出嚟一啖冬菇，一啖墨魚真係非常之爽！。檸檬青蘋果$32呢度嘅嘢飲都幾特，見到杯嘢都知道佢花咗幾多心思，真係好靚呀！佢嘅味道都係清新嘅檸檬味，食完火鍋最開心就係可以飲到清甜開胃嘅青蘋果汁🧃！。士多啤梨沙冰$35呢個士多啤梨真係超級大杯啊！冇諗到呢度嘅士多啤梨沙冰都係即叫即整，仲要用新鮮水果製成，$35一杯真係好抵玩！巧得鍋 (觀塘)觀塘成業街15-17號成運工業大廈1樓12-14號舖

{巧得鍋 x 牛響度麵館 - $160}在觀塘鬧市之中要食好嘢一定要走入工業大廈，呢間巧得鍋食雞煲打邊爐好味唔需要多講，原來佢仲同牛響度麵館聯乘，午市除咗有得食雞煲，仲有成30款麵俾你揀，全部都可以轉成熱拌刀削麵！真心花多眼亂喔！♦️沙茶牛三寶熱拌刀削麵入面有金錢肚、牛筋、鹵牛面頰！一次過滿足三個願望，仲唔使叫有好多芫荽同埋青瓜絲，撈起來特別惹味！♦️手工去皮炸雞髀扒熱拌刀削麵女士有時最怕就係雞皮，呢度用嘅炸雞髀真係手工幫你貼心咁樣去埋雞皮，炸起嚟卜卜脆，同樣配熱拌刀削麵特別好味！♦️熱情果沙冰加凍檸茶跟餐除咗可以配普通嘅凍檸茶，仲有唔同款式嘅沙冰可以俾你揀，熱情果沙冰，濃濃嘅熱情果味再加軟綿綿嘅沙冰，真心係正美味程度：😋😋😋😋環境指數：🎇🎇🎇🎇番食機會：🦍🦍🦍🦍📍 #巧得鍋 (觀塘)觀塘成業街15-17號成運工業大廈1樓12-14號舖#foodie #hkfoodie #hkfoodlover #foodism #hkfood #foodoftheday #hkrestaurant #loveeating #食評 #吃貨 #吃貨日常 #食好西 #香港美食 #美食#手機食

前排同朋友響觀塘發現既抵食雞煲！😋👍👍 巧得鍋主打多款特式鍋底，有牛腩鍋、海鮮鍋、酸菜魚鍋、邪惡牛雜鍋、招牌烤魚鍋等，睇落都好吸引🤩 店員服務都有禮同快手，入座後好快遞上熱茶、前菜。重有一盤九宮格配料比客人自己調醬汁，炸蒜粒，辣椒，麻醬，辣醬，沙爹醬等多款選擇👍我同朋友就揀咗巧得set，有齊前菜、鍋物、主食配料、蔬菜、飲品😍😍 🔸送 青藤椒涼拌花膠🫑 青藤椒個味好出但又唔太刺激，清爽開胃，花膠夠腍，質地滑嫩🫶🫶 🔸前菜 - 惹味青瓜，口感好爽脆🥒🥒🔸巧得招牌雞鍋（半隻）🐔🐔 見佢有招牌雞煲緊係要試下啦🤩辣度有得揀，我地就揀咗BB辣。雞件份量真係多，雞煲嘅醬汁醬汁香濃味道啱啱好，入面重加咗芫茜、三色椒、紫洋蔥配料，全部煮到入哂味🤤🤤食完又唔會口渴。雞件嫩滑入味 ，每舊雞件都沾滿醬汁，滋味🥹❣️❣️❣️ 🔸巧得牛肉拼盤🐮🥩🥩🥩擺盤賣相吸引，牛肉都肉質鮮嫩多汁，肥瘦均勻，牛味濃郁好好食👍👍👍份量都足 🔸巧得大拼盤🥘🥘 拼盤包帆立貝，刀貝，蠔，蟹柳，蜂巢豆腐，蝦丸，墨丸，韭菜牛肉餃，鮮蝦餃🤩✨✨ 特別鐘意佢既韭菜牛肉餃，大大隻皮薄爆餡，而且味道配搭十分夾 好味❣️❣️ 三色丸及自家鮮蝦水餃的水準也佳，

呢間餐廳位於工廠大廈入面入面好多座位仲見到好多食物既相片貼左响餐廳門外面，呢間餐廳入面有打邊爐，烤魚同埋雞煲食，我地坐低左職員仲俾左碟花膠青瓜前菜俾我地食，醬料選擇都有好多有莞茜，炸蒜，辣椒，生蒜，xo醬，花生醬，沙嗲醬等等配料，花膠都幾彈牙配埋青瓜好有骨膠原，叫左條烤魚好香已經炸香左既脆皮外皮入面既魚肉都幾嫩滑，加左一碟手切牛肉切至薄片，好軟淋同juicy，肉既花紋紋理清晰好多，甘多片都幾抵食。

巧得鍋今次要介紹觀塘成運工業大廈入面嘅好好味雞煲，喺香港周圍都有好多任食邊爐，做得散叫緊係唔錯啦，不過今次只係叫雞煲，下次約多d朋友先再叫其他野食啦！輪椅人士入到呢間「巧得鍋」都算闊落，個工廈又易搵，不過餐廳個枱面爐底比較厚，埋枱時記得要睇住自己個「菠蘿蓋」，以免撞傷自己！爐底邊仲有一個USB充電插位，比食客完全可以安心慢慢食，咁樣唔洗驚食到自己手機無電打卡啦！1.招牌雞煲（半隻）（小辣）配蒜蓉娃娃菜+白飯兩碗$178（8.5/10）呢個雞煲份量真係多，絕對夠半隻，大約有25舊雞肉，雞肉肉質超嫩滑，入面仲加咗有芫茜、黃椒、紅椒、紫洋蔥等，全部煮到入哂味，索哂汁，唔會死辣。今次叫咗小辣，唔算好辣，想食幾辣都可以揀，任君選擇！蒜蓉娃娃菜：蒜蓉味夠香，娃娃菜煮得夠爽口，唔會好淋身！白飯：如果轉其他牌子嘅米就更好！2.鮮果特飲 （跟餐$15）（9/10）呢杯鮮果特飲如果散叫就$32，依家跟餐就$15，入面有好多水果，有火龍果、檸檬、菠蘿、薄荷葉等，唔會好甜！3.洛神花茶（跟餐$12）（9/10）呢杯洛神花茶如果散叫就$18，依家跟餐就$12，飲落就少少酸！2人總共價錢$205個人口味總評分：8