巧興麵食店

營業中

休息中

土瓜灣有好多好好味的小店，相信呢間係其中一間。佢主打北京水餃，不過我覺得佢嘅擔擔麵更加出色。佢嘅擔擔麵D醬好似麻醬加花生醬，仲有少少花生粒，比其他地方食到的香濃，感覺佢個味好地道。至於佢個麵係幼的上海麵，都幾索味幾入味。至於水餃，放湯同煎都可以，我鍾意香口野，所以揀煎餃，好好味，會再來。

昨晚看完節目已經 10 點多，很少吃宵夜，但有點餓，就來巧興吃麵，可能差不多打烊，只有我們三個人，果然坐下不久，老闆就落閘，開始準備收工，哈哈！兒子最喜歡雞絲涼麵，再點了菜肉雲吞、芥蘭苗及半份煎餃子！謝謝老闆從善如流，為顧客著想，換了新碗 ! 這家老字號的餃子和雲吞真材實料，價格合理，做的是街坊生意 ！喜歡這裡菜肉雲吞的湯底落了蝦皮，鮮甜！雞絲涼麵好大碟哦，配上香味花生醬汁，好吃！芥蘭苗鮮嫩翠綠！不耽誤老闆收工了 ，謝謝哦！

來好幾次了，因為常去高山劇場看節目，它就在附近，好評也寫過2 次，食物是不錯的。很可惜這次特意來支持，就比較失望！一家食肆基本要求，除了食物，衛生都很重要，衛生包括食物、環境及用具，這2 碗上海雲吞，美耐皿碗實在太舊了，佈滿刮痕又變色什麼胃口都沒有了！美耐皿盛盛過熱或酸性食品容易溶出化學物質，留下刮痕不僅會細菌孳生，也比較容易溶出化學物質，這樣子非常不衛生，也可能影響食客健康, 短期內不敢再來了！食肆除了做好食物，也應該有點良心，懇請老闆不要再用這些舊到滿佈刮痕變色的碗

由細食到大！雞絲粉皮 冇得輸！張寶仔都好中意食，夏天一定要食，涼浸浸，個麻醬勁香，一定會清曬全部！每個月最少食一次啊！寶仔好鍾意加個菜食，因為啲菜好新鮮，一定係朝早去街市買嘅，跟住啲湯係可以飲嫁！因為係冇落味精！

平時行開土瓜灣 都係食米線 今日行過見到依間餃子老店 就決定trytry佢🥟店舖裝飾簡約 睇得出係一間經營得耐既小店 牆身貼有以前報紙採訪的報道 餐牌都係貼係牆身 但價錢就不太明確 因為全部都係寫住 HK$xx起 所以價錢方面有些小疑惑🤔🤔🤔叫左碗北京餃子麵食 一碗有5粒 加幾條白菜仔 第一啖咬落去 韭菜香味浸出黎 都幾鮮味😚😚 湯底都係有味的 唔似部份小店咁冇味冇鬼🤔嗌多杯凍豆漿飲 $7 都有豆味 幾好幾好🕺🏻🕺🏻下次會再黎食 試下其他餃子😋

-《巧興麵食店》麻醬拌麵🥰最近狂吃麻醬拌麵的我🤭有情意結啊😯歡迎推薦！🍜雞絲涼麵 （$43）麻醬好濃郁！亦都夠杰身😌配料雞絲，青瓜絲，蘿蔔絲🤝佢呢間嘅麻醬甜甜地之餘有啲酸🤤勁開胃！令人大啖大啖食😤🥟韭菜餃/牛肉餃 各半份（$23）個牛肉餃好鹹🤦🏻‍♀️感覺快要洗腎了韭菜餃正正常常冇乜特別🤷🏻‍♀️🍲牛展麵 （$35）呢個亦冇乜特別😪普普通通不過不失，我冇嘢講喇法官大人🤲🏻總括嚟講其實呢度除咗麻醬拌麵好吃其他也可以無視🤣🤣

土瓜灣不嬲都係隔涉之地，入左去又唔識出番黎果隻，但今日特登都同個Frd食。之前約左佢食巧興，撞正佢禮拜二休息，摸門釘食不了。 (大家要食留意了)今日大家都放假，突登帶佢去多次食巧興。巧興真係好好食，係我以前係附近做野發現既，Lunchtime真係坐滿晒。佢Menu痴左係牆，有淨叫水餃同麵食。我叫左我最愛既牛肉麵，朋友叫左京式水餃麵，另外我好想食三鮮餃，都叫左半份Share。牛肉麵: 個牛肉係薄切，肉同脂肪比例係7:3左右，好好食，係鮮肉無雪味。京式水餃麵: 水餃係好多九菜既餃子，皮薄好多Filling，真係好好食，如果鍾意食湯餃可以試依個。兩碗麵都係用牛湯+粗麵+白菜，份量好多，我朋友食左半碗就投降了。另外佢麵底同潮州麵鋪係唔同，佢種粗麵可以吸番牛湯底，好Match。煎三鮮餃: 其實佢煎餃係炸完再煎，如果鍾意香口野一定要食，佢個皮有少脆，咬落去就淋，之後就食到好味既Filling。我最鍾意食巧興既三鮮餃，入面有蝦、豬肉、九黃，好少地方會整依種京式餃子，好好食呀!總結，巧興抵食，平靚正呀，果然係土瓜灣名物! 遲D開左土瓜灣站，個站好近佢門口，第日唔知會唔會因為加租無得食，依加有得食既話，

以前細個喺附近高山劇場玩合唱團, 上完堂, 婆婆好多時都會帶我嚟呢度食餃子, 搬左屋之後, 就好少再嚟啦🙈最近我見到原來間舖仲喺度, 就同男朋友一齊嚟食過一次, 味道依然同以前一樣。我同閨蜜介紹過呢度嘅餃子, 佢同我一樣好中意食餃子, 有機會帶佢去試下。今年佢生日話好想去試, 我就帶左佢嚟食啦~呢度有咁多口味嘅餃子, 又有得揀煎或者放湯, 兩個有選擇困難症嘅人揀左好耐, 終於揀到三款餃子啦~ 揀左韭菜餃, 煎牛肉餃同冬菇豬肉餃😍韭菜餃好多韭菜, 好多餡, 韭菜味好新鮮😍冬菇豬肉餃,好香冬菇味, 菜好爽脆😋牛肉餃煎得好香脆, 牛肉味好香濃, 煎餃一啲都唔會乾, 仲保留到肉汁😋😋除左餃子, 呢度仲有好多麵食, 下次一定要試雞絲涼麵🤤🤤🤤呢度嘅豆漿都好好飲, 豆味好濃😋😋😋

巧興實在已光顧超過25年，最愛他的擔擔麵、韮菜餃、菜肉雲吞、北京粗炒及雞絲涼麵。擔擔麵香港最有名的可能是當年大磡村那家老店，不知是否心理作用，個人覺得入了店之後兩家的擔擔麵也變得略遜一籌。至於巧興的擔擔麵，由麵質到湯底，跟那兩家老店與及一般市面上食到的大有不同，而我卻甚是喜歡。餃子方面，我最愛韮菜餃及三鮮餃，放湯或煎的都不錯；另外我亦喜歡他的菜肉雲吞。近年少見了老闆和老闆娘，卻換成了他們的同鄉(個人猜測)及一個似是太子爺的後生仔，不過他們都是北方人，所以感覺上也蠻地道的。

成日喺網上面推介呢間位於土瓜灣安徽街嘅餃子店，因為喺附近返工所以決定行黎試下，遲啲嚟呢到應該好方便，因為隔離有個沙中線地鐵😅出口～店舖細細，枱亦都唔多，佢菱形咁擺有啲搞笑。我自己唔鐘意食餃子🥟，所以次次都係食佢個雞絲涼麵，配凍豆漿。同行友人就叫餃子。個涼麵好大好多料下，唔算超級凍，好多雞絲(條)，青瓜絲同籮白絲，仲有啲芝麻係面，佢個醬比較厚比較濃，唔似麻醬，反而係花生醬？🧐但又唔完全係，比較特別！個麵質都幾彈牙較粗，食完真係超級飽，其實我咁大細都試過食唔哂。🙈建議同朋友share會好啲，試埋其他嘢食。但涼麵都好食嘅。有朋友食擔擔麵，個麵質好淋，而且好似太多花生味，有啲奇怪，我自己麻麻。餃子就無食了。整體來説都算平，但環境就一般啦，可以一試。

脆卜卜皮薄嘅餃子🥟店舖懷舊的感覺令我覺得質數有一定的保障😂..半份韭菜餃 $24 （+$2:煎底） 熱辣辣脆卜卜的餃子好吸引，咬落去好脆又唔會太焦👍🏻皮厚薄適中😗入面亦有肉汁😆唔會好乾😋..再叫左牛腩麵同雞絲涼麵，覺得冇咩特別但好味嘅😛..📍：巧興麵食店 (土瓜灣)土瓜灣安徽街7號嘉信大廈地下

耐唔耐會來食一次, 今次試左三鮮煎餃,原來入面係蝦, 蛋同九黃, 又幾特別,唔使成日食九菜/白菜豬肉。煎得好脆, 皮唔會太厚, 餡足料, 10隻餃子SIZE 唔大唔細, 好香口。另外叫左炸醬麵, 好多醬, 入面都好多豬肉, 佢地GE炸醬係偏甜的, 好似食緊甜醬。,麵條比出面的粗, 好飽肚。不過坐就迫少少, 但平靚正就無咩要求LA。

自從多了來高山劇場看節目，到附近找食肆已經成為看節目前的指定樂趣！昨晚好特別，一晚連續去 2 間食肆：味來車仔麵、北京水餃 ！！所以今日連續寫 2 個食評 ！剛去試咗一家車仔麵，真係滿口都係味精，未食完車仔麵，就草草埋單！！為免影響看節目心情，馬上再來附近既北京水餃，老公叫一碗菜肉餛飩，我就叫咗牛肉麵 ！再加一碗白菜，係一碗，唔係一碟，份量十足！食這碗牛肉麵太滿足啦！唔多講啦！食青光 ！！！老公同我都搖頭嘆息！價格差不多 ！食品質素簡直高下立見 ！一家良心溫馨小店，怪不得食客絡繹不絕！多謝北京水餃！讓我帶著好心情去看節目!下次再來！

在家附近， 所以常常幫襯呢間水餃店。 個人覺得幾種食物都好好味, 包括冬菇餃， 酸辣湯， 雞絲涼麵， 煎韭菜餃。 酸辣湯如果太遲先至買可能會沽清。 另外仲有一啲幾特別嘅面， 包括素鴨麵， 係齋嚟嘅，裏面都係蔬菜，外面就係腐皮 ，新鮮炸起， 脆卜卜。 亦有自製豆漿， 豆味濃厚。 老闆都係北方人, 一聽啲口音就知道， 雖然買嘅 嘢食好似上海菜， 但係有少少分別。 水餃就係地道北方餃子， 皮比較厚， 可以食十隻當飯食那種。 冬天食飽肚又溫暖， 加埋一碗酸辣湯， 內有豐富材料， 包括豆腐、 豬紅、 火腿、 紅蘿蔔等等。 價錢亦十分實惠。

一向都無寫食評既習慣，突然傻咗，竟然連續有呢個興趣，可能呢個興趣突然消失，想寫就寫啦！去高山劇場看節目之前都要食嘢，泊好車，隨口請教大堂職員，她好好人話，附近好多嘢食，呢度樓上都有，有粥、有茶餐廳、有水餃。。。我一聽到水餃，就即刻問邊度呀？於是就按指示來到巧興，細細間，唔係新裝修，但係乾乾淨淨，簡單一眼見嗮，點咗豆漿、牛肉麵、油菜、菜肉雲吞、涼拌雞絲，半份煎餃。全部交足功課，油菜唔係用碟裝，係用碗裝，所以份量都幾多！最愛涼拌雞絲，醬汁出奇好味，雞肉嫩，但係唔記得影相；煎餃比較油膩，不是煎，應該話係炸，哈！菜肉雲吞肉汁多；牛肉麵牛肉麵湯汁好香，好好食！食得飽飽慢慢步行上高山, 一樂也 ！：)