巴蜀烤全魚 (已結業)

講到食辣又怎可少了四川菜，九龍城食肆林立，配合最近剛通車的屯馬線宋皇臺站，在B3出口便直達九龍城市中心，非常方便！今次找來在獅子石道的一間平靚正的 “巴蜀烤全魚” ～正宗四川風味。店內裝修簡單企理，店員招呼友善親切！小店主打多款特色烤魚，小妹當然首選了正宗香辣烤魚(辣味分大、中、小)，店員細心提示他們是正宗川味，相對會比較辣，最後點選了小辣小邊爐魚。 小邊爐魚熱騰騰的濃郁湯底，香噴噴四川辣味， 醬汁及京蔥半浸泡全部魚身，更能提升了魚身的鮮味。二人份量剛剛好，烤魚辣味恰到好處， 魚肉滑溜又鮮甜，鮮味無比，果然是烤魚專門店！ 除了主菜烤魚，配菜選擇繁多，較受歡迎有爽嫩合時的萵筍$28、厚切午餐肉$38及至愛的肥牛$40。肥牛有驚喜，牛味濃郁，份量十足，性價比高！香辣烤魚＋$20有枝大啤，perfect match

明天和朋友相約一同前往九龍城，全因為地鐵站剛剛開通， 餐廳距離地鐵站還十分相近，由宋皇臺站 的B3 出口出發，直行就到衙前圍道，轉左直行，就到達獅子石道，往九龍城廣場方向直行， 餐廳就在左手面的舖位。食物方面，餐廳主打的就是烤全魚，我們也點選了小邊， 分量也不錯，味道也十分適中，不太鹹，絕對適合大眾化。另外，我們還加配了魚腐，這間餐廳令我最驚喜的就是他的魚湯，無味精，無添加，自然的就是不一樣，辣度也分為多種， 魚腐分量十足，絕對是性價比之選。

屯馬開通真的好興奮，梗係要試搭啦。網上shortlist左間餐廳就出發。喺宋王臺站B3出口直行到最盡，見到九龍城廣場正門嗰條大街就係獅子石道啦。間鋪比較近商場門口，都幾易搵。我大推呢度嘅川式串燒，出色嘅地方係燒得乾身，孜然味好出，好有係大陸食嘅風味。大推黑椒牛仔粒、秘製雞肉串同孜然雞中翼，全部都正。另外叫左爐魚，呢度可以原條叫又可以叫小邊（即係細份d)，就算兩個人食都唔怕叫咗魚太飽食唔落其他嘢。我叫左香麻辣味烤鱸魚，略嫌唔夠辣，食得辣嘅可以叫大辣涼拌麻辣大腸肚絲同埋泡椒雞腳都好掂。我食飯嗰日，人流不斷好多人入嚟食飯，未夠七點已經坐爆曬。

今日約咗朋友飯聚，行經九龍城買咗條外賣烤魚。估唔到好方便喎，條外賣烤魚被錫紙外賣兜裝住，隨盒附送燃料及鋁架，一攞返屋企只要將個外賣錫紙兜放在鋁架上之后點火就食得。魚面上鋪滿左大蒽、辣椒同香料，我叫咗小辣，老闆推介嘅魚肉係一疏疏的，冇乜細骨而且味道鮮甜，啱晒唔識𦧲骨嘅我👍🏼，加上味道香辣惹味😋😋😋大家都食到停唔到咀，最後我哋仲將啲辣汁加埋魚湯煮咗韓式拉麵，正式完美結束我哋今日嘅美食gathering。Yummy Yummy😘

第一次亦都係最後一次去食食飯時間唔洗等位就入得餐牌上有多種味道選擇 想叫職員介紹時職員都好似唔多想理我地🙄最後叫左個酸辣豆角烤鱸魚食落第一啖 只有鹹味 完全食唔岀酸辣味豆角就有酸味 辣味就好似失左蹤條魚愈食愈鹹 好似食緊鹹魚咁🤢食左幾啖 都已經飲左半枝野飲愈食愈唔對路 忍唔住要問下職員職員只解釋鱸魚係海魚 係鹹啲嫁都係加下啲水淡味啲其實加左水都分別不大 都係咁鹹🤐魚又鹹 湯又鹹 真係搞唔掂 點食到 無食哂就要轉場🥴

今日係九龍城行街，咁岩想食烤魚就入左呢間舖叫左個烤魚,叫左個麻辣烤魚煲,最後條魚咸到好似食咸魚咁,員工無禮貌,絕對唔會再去食第一次食烤魚食到咁痛苦 痛苦的一晚,希望大家唔會中伏

不經不覺幫襯把蜀烤全魚已經10年，剛剛搬了新鋪到九龍城， 地方比在紅磡更寬闊更舒服， 而烤魚仍然保持一貫水準，其他小食也很出色， 特別是串燒。 老闆娘好客健談，服務員態度也很好，常常帶著微笑，感覺很貼心。每次來到必食香麻辣味烤魚，那濃濃的麻辣味再加上炸豆鼓，味道簡直一絕。另外這里的串燒真的非常好味，配上濃濃的孜然粉，很有大漠風味。還有必食的泡椒鳳爪， 喜歡辣的朋友一定試。這裡的魚湯泡飯也非常非常的好食，即使不吃烤魚，這裡的魚湯飯也能滿足你的口福。

其實 這一間我由佐敦開始去到紅磡再去到九龍城 我都覺得佢係一間 可以選擇嘅一間 好食的一間 烤魚餐廳， 我平時對食都有要求 其實我覺得佢嘅串燒 好有香味但一定要趁熱食， 佢嘅羊肉好有內蒙燒嗰種感覺， 烤魚雖然有少少鹹但係 味道非常之好！ 我覺得值得推介， 總括嚟講呢間餐廳我會畀到85分

之前行經九龍城發覺有間烤魚好多人吃，今晚終於等到位一試，好失望。我們兩人點了個麻辣烤鱸，薯粉、肥牛。个湯底同條魚咸到離哂譜，而且吾新鲜，吾知以為一夜干，我哋要不停加白开水再煑，其他食材質數也不好。肥牛差不多是白色的，薯粉冇咬口，很久没有吃过这么難吃的東西，只可以用劣食來形容，浪費了一餐，就算價錢吾貴也不會再去。唯一可取是店員態度，還是很幫忙。其實佢之前舊舖有吃過，印象中很好，如今水準跌了那麼多，實在可惜。