影片
以上資料只供參考, 請與餐廳確認詳情
招牌菜
新年好意頭緊要大食特食糕糕糕要試下小店舖年糕自從幾年前試過呢款年糕後就每年都要買黎食仲要每次都只有新年會出黎擺檔其他時間就要山長水遠入去布袋澳買架喇今次就去左鑽石山荷里活廣場買下畫去到已經人頭湧湧勁多人所以都係要早D去唔係就賣哂最特別係仲有砵裝年糕賣薑汁年糕(中$58大$100)用水磨糯米口感較粗糙但用柴火蒸有陣香味不過可能轉左機器做近年薑汁無咁濃又無咁有口感勝在成份天然不加防腐劑番到屋企仲要打開蓋等水氣走左咁整起黎食就更好味蘿蔔糕($68)紫米糕($75)都十分足料仲要夠新鮮一星期就要食哂仲有幾日擺檔要買快手店名: 布袋六嬸年糕
繼續閱讀
從網上 & 電視媒體得悉馳名的布袋澳年糕終於在市區可買到...於是決定試一試用柴火蒸的年糕是怎樣風味..去到灣仔的銷售處, 是一個臨時攤位..幾位年青人很熱誠地叫人試吃..對於腸胃極度敏感的我, 本來很怕試吃街邊的食物尤其是凍冰冰的...不過唔試過又唔知好吃否...姑且試一小块..先試紅豆糕...豆淋, 不太甜...ok再試原味年糕, 一吃其實已覺得偏甜而且吃不出蔗糖味..但心想一場來到...反正年糕是六嬸的主打款式..買一底細的才$20, 回到家蒸番熱, 再試真味道吧...各買了一底細的..她尚有蘿蔔糕, 芋頭糕, 薑汁年糕..但我已經訂了其他品牌的..故沒有試也沒有買..細的是半斤裝 $20, 大的$58(1斤裝)細的大約切到5-6件..回到家蒸熱來吃, 評價是:1. 紅豆糕 紅豆非常大粒, 差不多普通豆的兩倍, 很淋有豆味..糕身不會太硬, 適中...唯獨是糕身雖然呈紅豆色, 但紅豆味不太濃..甜味ok...(感覺上早幾年吃的八珍紅豆糕比較濃味, 不知近年質素如何? 當然八珍的價錢貴得令人咋舌)2. 原味年糕質感略帶厚身, 不及東方小祗園的軟糯..味道...唉...真是太甜了....完全蓋過蔗糖味...只能吃到甜味..真係拍得住日本那些甜死人的和菓子.不知是否原居民對甜的接受度很高...sorry...本人不懂欣賞..唯一讚的只是價錢便宜, 服務好...
繼續閱讀