常滿百家菜

營業中

休息中

奉觀各位不要被廣告吸引，垃圾到一個點。環境惡劣，入到門口等位已有陣臭味。服務超差，態度惡劣。食物已點到上枱大概1小時(不是任點任食)，全場很多食客投訴食物等得太久，反被服務員鬧。

招牌依舊，食物全非。7\2上店舖食任食点心十小菜，叫了蒸燒賣，蝦交，都蒸到過晒火皮爛的，又叫了碟京葱炒牛肉又沒有味道，炒斑球又沒有落鹽只是打了一層生粉水就是一碟餸，又叫了碟醬茶鴨只是一種臭油煙味，真的好難食，我已前都去食過，不是這樣的，那以後都不會再去食了。

🕖時段-星期四夜晚7:30pm去到已經好多人食緊 訂台穩陣! _▫️火鍋+點心任食任飲套餐 $188/位火鍋同點心都係任食‼️無限時‼️可以6點食到12:30收鋪😂😂_🔸點心有驚喜! 全部一蒸起熱辣辣上 真材實料完全唔hea 蝦餃勁大粒 入面有3隻蝦超足料 小籠包都好高質 任食超抵💰可以話係被火鍋耽誤的點心店！_🔸湯底可以揀雞煲或者其他打邊爐湯底 我地揀左最新既椰子燉雞湯鍋底 飲碗湯之後先打邊爐 雖然打邊爐免費配料既肉選擇唔算太多 不過基本牛豬魚蝦都有齊 另外自助區有好多蔬菜同打邊爐必食既丸同響玲! _🔸飲品竟然有樽裝維他奶！另外仲有汽水 茶 同啤酒 全部都係任飲！

呢間常滿百家菜，晚市有任食點心同火鍋放題大食既你一定唔可以放過重點係佢無寫時限，你可以由6點食到佢收舖都無問題！.一黎到都幾多人不過都好快就入到去.我同朋友們叫左個椰子雞湯底，然後幾乎每樣點心都叫左啲來試。下面為大家推介幾款我覺得好食既點心！！首先係蘿蔔絲酥餅，外層好鬆化，裡面有好多蘿蔔絲，我好鍾意食啲又腍又甜既蘿蔔絲，真係超正。之後就到大大粒蝦餃同叉燒包蝦餃勁大隻，皮薄餡多！！足足有三隻蝦，而且啲豬肉一啲都唔肥，真係超大粒超抵食！！！叫左幾次！叉燒包超級新鮮熱辣辣，因為唔想咁飽先冇係咁狂食，朋友重食到辣親個咀然後就係點心必定會叫既燒賣皮超薄，又大粒，豬肉唔肥，食多粒都唔怕會滯最後就係重頭戲！小！籠！包！佢既小籠包每一隻都係爆湯汁，真係食到不斷encore!真係好正好正！食到咁上下就出左去飲品櫃拎野飲，我竟然係個櫃到見到樽裝維他奶！！！！而且重要任飲，然後當晚我飲左有史以黎一日最多維他奶！之後就一路食點心一路打邊爐一路傾計食到差不多10點。打邊爐的配料以咁平既價錢來說，都非常之唔錯，同埋呢度既重點係樽裝維他奶😂😂😂同埋點心😂😂😂，真係食到非常之滿足😀😀😀

細細個成日同阿婆嚟呢度飲茶次次最記得嘅就係佢啲點心大大隻一盅大大件 蝦餃同燒賣都係必食之選打得多新款集團式邊爐有時想食返啲傳統野今次一行三人嚟到美食天堂大鴻輝試吓常滿百家菜晚市嘅點心任食火鍋！=====================呢度最吸引我嘅係無限時你個肚有位可以由六點打到夜晚12點 任飲任食唔嬲 講嘢又可以大大聲🤣🤣嚟呢度醉翁之意不在火鍋一定要食咗佢嘅點心先我哋數過蝦餃皮薄餡多一隻入邊有三四粒蝦用料有誠意又新鮮非常爽口彈牙燒賣都冇比下去入邊都包左最少一整粒大嘅蝦食完會好有滿足感😝小籠包外觀唔係太靚仔但皮薄同入邊超多汁一食落去好似飲咗一啖肉湯咁！仲有20款左右嘅點心可以比大家選擇煎炸蒸點樣樣齊連排骨鳳爪蒸雞都有所以唔鍾意打邊爐。你喺度當晚市點心放題都係一個好選擇！呢度比我嘅記憶點係大件夾扺食必食點心飲品選擇多仲有其他地方未必有嘅支裝維他奶朋友話喺茶餐廳，要加$8先有得飲㗎🤣🤣🤣仲有六小時無限任打打到你不要不要捧住個肚🤣🤣出邊仲有熟食部，火鍋配料部，碗仔翅糖水等等環境就係中式酒樓係舊式一啲不過唔會覺得污糟呢個價錢您可以食到嘅價值一定係物超所值！我哋三個人7:30入座都坐到10:30

老公話為咗慶祝日本🇯🇵⚽️隊小組首名出線，決定帶我去食佢最鍾意嘅火鍋慶祝一下！🥳🥳呢間常滿百家菜係一間好傳統嘅港式火鍋格局，C9我近依幾年都係食開日式台式火鍋嗰啲，真係好耐冇食過呢啲咁傳統嘅港式火鍋啦😆😆一踏入呢間餐廳就有一種好親切好熟悉嘅感覺。除咗環境感覺上親切之外，最重要價錢都係好親民！我哋呢個任食都係講緊$188，除咗有一般嘅火鍋料之外，竟然夜晚都可以食到港式點心仲都係要係任食嘅😱外面自助區仲有超過10款熟食，汽水維他奶啤酒都係任飲嘅！不得不提一樣嘢，佢啲汽水全部都係玻璃樽嘅，真係好難得可以自己開玻璃樽可樂，亦都可以飲到夠😆成餐飯最滿足就係我老公，因為佢提左呢間餐廳好多次我都係第一次同佢去食咋😛總括而言今次體驗都唔錯👍🏻

一路打邊爐一路食點心仲要任食，你試過未？今日喺荃灣見到大鴻輝勁多人排隊上去食嘢，我都唔執輸搵吓有冇啲平靚正野食🤪🤪🤪🤪竟然比我發現咗「常滿百家菜」，有筍嘅嘢，$188 任食點心+火鍋😲😲仲以為自己錯價錢，問完真係咁平喎🤭即管試一試叫咗個椰子雞湯底，湯底滾之後，已經聞到好大陣椰子嘅香味，今日咁凍，梗係第一時間飲碗熱辣辣嘅湯先🤤🤤之後就落配料打邊爐，湯底都比較清淡，食起上嚟唔會好油膩嘅感覺🤗🤗🤗出面仲有其他嘅熟食，可以任你拎，最surprise嘅係連豬腳薑都有🤭🤭🤭重點其實係食佢點心，佢嘅好處就係你可以，食幾多粒要幾多粒，無論係燒賣或者蝦餃，都非常足料，覺得食點心已經值回票價🤭🤭🤭當然仲有汽水啤酒雪糕任食任飲任食☺️

食物好似好多款式但平平無奇, 更說不上服務, 無希望就不會失望, 啱晒對食物冇要求志在俾最少$有收獲嘅食客, 最啱幾年冇見嘅三叔公六姨婆大聲喧嘩, 拍得住街市大排檔嘅環境, 包嘈到你頭痛.

朋友很久沒見，相約聚舊，喜歡無拘無束吹水打邊爐，當然最好是任飲任食。朋友是荃灣地膽，建議常滿百家菜。看到價錢，$188晚市點心火鍋不限時任飲任食，彷彿時光倒流，重回舊香港輝煌時光。最開心見到大量蔬菜，任意選取。更有多款肉丸腐竹等，各適其式的火鍋配料。湯底椰子雞鍋，椰子味清甜。加入大量蔬菜菇菌後，頓成一客雜菜鍋。火鍋必備的肥牛亦當然隆重登場！整個魚頭亦為鍋底增添鮮味。蔬菜的選擇很豐富。點心亦是任點任食。蝦餃燒賣的餡料豐富，蝦亦很大隻。香港的80-90年代，街頭小食風行。港人亦時有「掃街當一餐」之舉；林林總總的小食帶來無限回憶。個人覺得以前打邊爐，飲品要一勺勺的點，兼且價格不菲，令人卻步。現今任飲任食的飲品選擇包羅萬有，實為經濟實惠之選。飲品選擇可謂老幼咸宜，除有經典70年代港式忌廉溝鮮奶，更有熱維他奶！連啤酒也是隨取隨飲，難怪場中甚多酒量不凡，觥籌交錯的豪邁食客。以香港本土出產雪糕作結，本土情懷無限。

荃灣眾安街55號大鴻輝(荃灣)中心12樓12/F, Emperor Plaza, 55 Chung On Street, Tsuen Wan打邊爐+ 點心+雞煲任食,  大人$178 收費, 有2個HOURS時間任食。入到去人頭湧湧, 丟剔完點心就出去自助區拎熟食小食, 佢架點心是即叫即蒸, 食住等點心蒸好。點心、自助區及打邊爐野食, 加起來有近百款。點心點了常滿蝦餃皇、鮮蝦燒賣皇、小籠包。蝦餃賣皇大粒飽滿, 好呎餡架, 而且熱辣辣蒜起。懷舊馬拉糕、蒙古流沙包包點香甜鬆軟好好食。炸饅頭、蘿蔔絲酥餅、鹹水角, 炸至金黃色食入口脆卜卜同埋唔油膩。唔好忘記仲有雞煲同火鍋。小辣雞煲, 之後再點了菜同肉片, 食到超級飽呀。熟食都有數十樣美食, 麻辣青瓜、豬皮豬紅、咖哩魚蛋紅、口水雞、牛雜、酸辣湯, 真係每樣拎一口來試味都已經飩上心口。汽水雪糕甜品,有玻璃樽裝汽水同維他奶,見到雙眼發光 好懷念呀, 飲了2枝維他奶回憶。

常滿百家菜荃灣眾安街55號大鴻輝(荃灣)中心12樓12/F, Emperor Plaza, 55 Chung On Street, Tsuen Wan我真係好鐘意食點心架, 連去打邊爐都要搵間有點心食先夠過癮。平日星期一至5 $178 一位大人, 加埋一服務費都是$200左右, 超值。點心是師傅即叫即製,小籠包、懷舊馬拉糕、常滿蝦餃皇、鮮蝦燒賣皇、蒙古流沙包、鮮竹牛肉球、芋絲炸春卷、炸饅頭、蘿蔔絲酥餅、豉汁蒸鳳爪、鹹水角。都是現炸, 香脆好食。只係計今餐食架點心, 我已經回了本啦。另外仲有雞煲同火鍋都係任食架。要了個湯底。之後再點了止菜同肉片, 食到超級飽呀。更有熟食自助區,汽水雪糕甜品都係任拎任食，我最鍾意芒果布甸，雞翼，麻辣青瓜口水雞、豬皮豬紅、牛雜、酸辣湯, 水準都不錯, 好有細個係街頭掃小食的風味。佢價錢好抵, 門口都排滿曬人等入坐, 一定要訂位哦, 佢好FULL的。

夜深回家，無聊的開着電視機，重複又重複的聽到，常滿百家菜-荃灣大鴻輝中心12樓，今天終於有空過來涮一次！😂😂😂基本都是任飲任食，今期餐廳推介的是點心火鍋，鍋底揀咗椰子燉雞湯，餐廳建議先飲湯再火鍋的有味湯底！湯底味道尚可，加入火鍋食材後，整鍋生色不少！火鍋的主角，人見人愛的雪花肥牛，紅白有致，一滾即食，加點沙嗲醬，味道更佳！另一款鮮滑牛，雖吸睛度不及雪花肥牛，但都不嚡不韌，總算有驚喜！從自取櫃拿來的鮮雞件、鮮魚柳，還有豬肉貢丸！自取的蔬菜櫃，不同種類的基本食材都有一些，食客們都無拘無束的自由選取，甚是自在！小妹都輕量拿了一些，蔬菜新鮮，有喜愛的皇帝菜，有驚喜！支竹亦是大愛的火鍋料，吸滿湯汁後，質感軟綿，好味道！餐廳重點推介的點心火鍋，怎能缺少了點心這個重要主角，蝦餃燒賣小籠包，打邊爐又得，即食又得，得左！😂😂😂登、登、登、櫈！燒賣火鍋來了！湯煮過仍不失燒賣味道，味道始終如一！凍櫃任取，包括酒品類，喜歡飲番杯的，實在又超值，又抵食！小朋友都有熱維他，懷舊貼心！2公升大瓶果汁都有，一圍人一枝就啱啱好 😂😂久違了的樽裝可樂，自己動手用凍櫃邊的開瓶器，很有那些年在士多買汽水的回憶！ 🥰🥰甜品取了

呢間嘢不嬲出名即蒸點心同火鍋放題，有火鍋放題、點心放題、甚至小菜放題，又平又免茶芥又無限時，平到眼都突埋，不過我自己就食圍餐多，都係又大碟又好食，要打包。灼蝦，肉厚實彈牙，算大隻，雖然睇落好多膏咁但唔腥西蘭花花枝片中間成堆花枝片成20塊，同西蘭花數量有得揮。花枝片爽口好食，西蘭花都好爽口唔淋燒味拼盤，賣相好靚，都好大碟中間係凍嘅醉雞，酒嘅分量適中，香又唔苦。叉燒偏瘦但都唔係太鞋。燒鴨還好，都係瘦肉偏多。唔知牛栢葉定牛肚，爽口濃味青瓜就冇乜汁冇乜味，清咗啲炸墨魚餅可以話係我最愛嘅菜式外面好脆，入面墨魚肉就又滑又彈牙，好香翅，少少稀但味道唔錯炸雞啲雞皮超脆又香，唔食雞皮嘅我都忍唔住食咗2舊，雞肉都嫩蒸魚大條，多肉，滑生菜蠔豉蛋白炒飯睇落白雪雪以為冇乜味，點知都幾咸入面配料主要蛋白、蝦、菜炒得幾乾身甜品紅豆沙賣晒，得翻海底椰，都ok不過偏甜最後都好多食淨要打包，嘢食大碟，味道唔錯，人均300左右。另外啲店員呀姐態度好，服務好，又應得快。

如果唔奢求好高質素同平平穩穩又一餐，呢個係一個好嘅選擇。裝修同環境就一般，感覺上就係屋村酒樓格局。食物類型又唔係特別多，但係都夠食。首先先講點心，全部都大大件又熱辣辣。任食點心有齊蝦餃燒賣，無限量供應，總之你食到就任你食，即叫即蒸果款。小籠包有驚喜，皮薄多汁。因為一般酒樓啲小籠包嘅皮都係又厚又乾，呢間又薄又多汁收貨啦。我個人會比較喜歡小籠包多於蝦餃燒賣。呢度啲炸物點心都唔差㗎。建議淺嘗叫點心一件起兩件止就好了，因為真係好大件㗎。至於邊爐，湯底正常，食物都正常。肥牛唔係得肥膏無瘦肉果啲平價肥牛，叫咗幾次啲牛都係差不多樣。當然唔係話超級好好食，不過以呢個價錢都收貨了。仲有啲海中蝦，食得出係新鮮貨，同行朋友都叫咗幾次。假期收費$188蚊再加一，$206.8可以任食任飲點心同火鍋，都無乜好投訴，啱晒大胃王去食。

今晚去完街，醒起荃灣有間常滿有得火鍋，又有得食點心。加上之前食過點心+小菜都ok,所以就去再試。搭𨋢已經奇，層層都爆，一到12樓，咁吉既...........去到見到有維他奶，啱哂小朋友。坐低叫個雞煲，一黎就知中伏，得幾舊雞，無醬汁的，呢個應叫煎雞。加水打邊爐，水黎既，一d味都無，打邊爐湯底有幾緊要，吾係吾知呀！出去攞丸，吾同既丸撈埋一堆，感覺似係垃圾堆搵食一樣，簡直覺得貼錢買難受。一路打同老婆一路後悔，早知上多幾層。唯一係食左幾款點心，燒賣，蝦餃，牛肉，呢d算係正常飲茶水準，吾係靠點心係吾會飽。出去再望下d糖水，無蓋掩住，都吾係太敢食.....再想講下，d伙計都係不知所謂，未食既點心，佢話我吾食，話收走......咩態度！總括而言，不知所謂，一家幾口食成7百幾，食了不知所謂的一餐。女女提我要講，d蝦片吾脆架