常滿百家菜

營業中

休息中

今年食過最伏既任食餐廳本來見到有得淨任食點心$100都唔洗👎🏻點知入到座 原來只有$148 點心加火鍋之前試過佢d蝦餃 都好大粒好食 加埋好肚餓 唔理啦照去到坐低落單果時 火鍋餐單大量選擇都話冇左好多餐牌好嘅嘢食 都話冇左 有少少欺騙感覺👎🏻例如冇雞煲 冇魚煲 得番普通麻辣 沙嗲湯我都算啦 我今日重點係黎食點心🤮之後就出事啦 上枱碗碗碟碟 全部癡粒粒🤮仲要全部碗碟 都崩晒 好似好殘舊🤮完全覺得成間餐廳 勁唔衛生到野食上台 點心情況仲嚴重👎🏻蝦餃 一夾就散 勁垃圾👎🏻小籠包 未夾 已經穿哂 完全冇湯汁點心 全部蒸到過哂火唯一 今日食得既係 燒賣評價可以話係直升機級 勁伏伏伏伏伏

今日同朋友去咗荃灣行街 買咗一袋二袋就周圍搵餐廳食飯 見到呢間常滿酒樓 有自助點心加上打邊爐 一次過滿足兩個願望 試問可以去邊搵呀邊爐區應有盡有 肉食蔬菜全部都好新鮮 最值得一提嘅就係竟然有熱維他奶 簡直係搵返童年嘅味道呀點心方面 首先就拎咗一碗足料嘅豬腳薑 豬腳炆得好軟好滑 又富有骨膠原 加上入哂味嘅雞蛋 酸酸甜甜又有少少辣 為呢一餐揭開完美嘅序幕小籠包雖然個皮厚啲 但係入面啲肉 同埋湯汁都好豐富可口蝦餃大大粒 蝦肉爽口彈牙又富有蝦味到點心嘅重頭戲就係炸饅頭 炸得好脆身 點上甜甜嘅煉奶 簡直甜入心跟住到火鍋嘅環節 有牛肉豬肉等等 全部都好新鮮爽口海鮮方面就拎咗啲蝦同魚等等 都幾新鮮

同朋友聚會最好就梗係揀啲任食嘅餐廳啦 大家都啱食 去到荃灣大鴻輝嘅呢間常滿百家菜 入面已經包咗打邊爐同點心 啱曬一眾大胃王餐廳裝修同一般茶樓無異 坐得夠舒服重點係啤酒汽水都任飲任食 仲有支裝維他奶真係十分懷舊一嚟到就梗係食住點心先啦 蝦餃真係大大粒皮薄餡靚 入面仲有兩三粒蝦 一啲都唔孤寒我最愛嘅黃金炸饅頭 點埋滿滿嘅煉奶 外脆內軟又夠香甜有部分嘅火鍋料可以自取 包括丸類 蔬菜 豬粉腸 豬頸肉等等 個人最喜歡豬頸肉 非常入味重頭戲當然係海鮮同肥牛等等 牛肉肉質紅潤肥瘦適中 味道唔錯 絕對對得住價錢

我呀媽好鍾意呢間，我之前都唔知點解，今次終於知，d點心完全唔係稻香個種水平，特別系腐皮卷炸得好脆，入面又足料，成只蝦系入面，外脆內軟好正，而且d姐姐好有人情味，同d茶客有講有笑，成個氛圍好好，感動～

今晚同朋友上了這裡食點心！平時返工食得匆忙，想座下嘆下都好趕急，放工當然要嘆一下！這裡有雞煲，火鍋，點心，同埋個自助熟食區，又可以任飲汽水啤酒，真心一個價錢絕對超抵！有齊所有想食嘅選擇！地方都算闊落，今晚就係中間位置，一出去就係熟食區，同埋火鍋配配料專區，十分方便！先落單上個麻辣雞煲，雞件非常入味之餘肉質嫩滑，喜歡食雞煲真係唔錯！而熟食區有唔同嘅選擇，有雞翼、咖喱魚蛋、炸薯條等，還有這個辣蟹，超入味，帶點辣十分刺激惹味！而重點嘅點心就有必吃嘅常滿蝦餃皇，煙韌彈牙嘅皮包住大大隻蝦，十分足料！還有鮮蝦燒賣皇一樣都係大大隻蝦夾埋彈牙嘅豬肉一齊，入口口感夠晒爽彈！除此之外還有不同款式嘅點心任點任食，雖然款式同平時酒樓款式比唔算多，但係大路口味一定有，牛肉味濃同彈牙嘅鮮竹牛肉球、皮薄嘅招牌小籠包內裡都充滿肉汁，我就樣樣都有點，因為落單可以按件數，好味就再追加！而火鍋就係加煲內加湯，再追加肥牛，而一般嘅菜同丸丸都係出面自取十分方便！最後取埋甜品桂花糕、芒果布甸、雪糕，真係十分滿足！

見電視廣告介紹得多，今晚就和屋企人去試一次，睇吓食唔食得過先去到大鴻輝中心地下見到好多人排隊等電梯，原來整座都係食店18：30上到去以為時間上早，應該冇乜人，點知入到去已經有幾枱食緊，坐低之後不停有人入座，好快就坐爆晒選完湯底、火鍋配料和點心之後，就即刻出去睇吓有乜熟食、飲品和自助火鍋配料區有乜啱食，睇完都算多選擇，而且熟食區不停更新，源源不絕多到食唔晒雞翼和雞軟骨都係熱辣辣豬紅和豬皮入晒味好腍藥膳雞腳，好濃藥材味聽人講呢間店出名係點心，所以叫左幾款試吓小籠包：皮薄，肉汁美味蝦餃：大大隻，入面有幾隻蝦噤多，好彈牙蟹子燒賣：同樣都係大大隻，肉質唔差，啖啖肉椰子燉雞湯底：可以飲左湯先打邊爐，好香濃椰子味火鍋配料都幾新鮮，花枝片、雞件和魚片都好嫩滑牛肉拼盤：牛展有咬囗，牛脷就爽囗，好香牛味蔬菜都有7-8款，而且唔老又唔殘還有糖水、甜品和雪糕最重要係唔使$200就有任食，而且有肥牛、海蝦和啤酒任飲任食

加班放工天氣凍冰冰，老公話去任食火鍋🍲 男人最緊要食得飽，大鴻輝(荃灣) 地點方便，選擇又多，係我哋每次都會去嘅地方。最後揀咗常滿百家菜，價錢經濟實惠，埋單唔使$200👍🏻任食點心+火鍋🍲絕對係賣點，差唔多八點店舖裏面仍然人頭湧湧，非常有人氣。免費鍋底香辣雞煲，我們點了小辣，辣的味道已經夠晒刺激，十分之惹味，雞件份量都多，肉嫩多汁。火鍋點心餐 兩位起點心類選擇同平時飲茶差唔多，應有盡有，最好就係我哋兩個人可以揀兩件，試多幾款，又唔怕浪費食物。招牌小籠包：美味多肉汁。常滿蝦餃皇：原隻新鮮蝦，大大隻，鮮甜彈牙。鮮蝦燒賣皇：酒樓風味，又係大大粒，點喼汁食真係好滋味。蘿蔔絲酥餅、金勾鹹水角：新鮮熱辣辣炸起，酥脆可口，餡料勁多。豉汁蒸鳳爪：同家人飲茶一盅兩件必食嘅鳳爪，炆得好淋好入味。懷舊馬拉糕、蒙古流沙包：share 食一點甜點，甜甜蜜蜜在心頭。火鍋配料精選肥牛、新鮮本地滑牛，肉質柔軟，牛的味道濃郁，不錯。海生蝦、手打墨魚丸，海鮮類也新鮮，值得一試！大排檔還可以自取多款火鍋配料、蔬菜、小食、甜品🍮 最後品嚐雪糕同埋芒果布甸，大滿足！

平價任食火鍋店性價比來講佢真係叫比較高，因為佢有得任飲任食點心、火鍋以前中學嗰時成日都會去食，因為冇乜錢，但價錢有咁低可以食好多嘢聽日返去再回味下$168就可以任點點心同埋火鍋，仲唔係平價之選！今日叫咗佢個鴛鴦鍋，分別有沙嗲湯底，同埋豬骨湯佢個豬骨湯都真係有好大舊豬骨火鍋料都係嗰啲啦，肥牛個份量都幾多，而且唔會話太瘦。佢嘅魚都爽口嘅之後呢就要推薦一下佢個點心，最鍾意係食佢嗰炸饅頭。夠趣，而且加埋啲面奶味道非常之好。

樓上地道火鍋店如果想搵一間任飲任食又抵食嘅火鍋店，一定要嚟喺荃灣大鴻輝廣場上面嘅常滿呢間以點心為主打嘅餐廳，無論係星期日定星期日都係咁多人我今日星期日去已經係去到八點，一樣要等一陣先有位冇計啦，因為佢真係好抵食嘅。平日$168 就可以任點佢嘅點心誠心推介佢個燒賣，因為太大粒而且口感非常之好。另外，佢個小籠包好好食。小籠包勁多汁，所以食嘅時候真係要小心啲另外，出邊都有好多小食可以拎，例如豬紅薯角等等，不過食埋嗰啲就太飽，所以我都冇真係食太多火鍋就正正常常啦 點心比較出色

朋友同我講左好耐好多次想試呢間食店，今日噤啱大家在附近做完嘢，就一齊過去食返餐試吓先18：30去到已經有人入座，而且陸陸續續越來越多人坐低睇餐單都幾多點心款式和火鍋配料任點任食，點心就選左我至愛嘅：蝦餃、燒賣、小籠包，火鍋湯底就選左佢哋新推出嘅椰子燉雞湯，選完後就出去自助bar睇吓有d乜嘢熟食、點心、火鍋配料、糖水甜品和飲品啱先鮮蝦腸粉：新鮮出籠，大大碟，腸粉內有好多隻大蝦，入囗彈牙蝦餃、燒賣、小籠包：同樣熱辣辣出爐，大大粒，好好味椰子燉雞湯底：好香濃椰子味，飲落口好清新鮮甜海蝦：可以任點，新鮮彈牙，入囗唔梅菜苗餃：好足料，內裏全部都係菜牛肉拼盤：牛展和牛脷，有咬口，牛味濃魚頭、魚件、鮮雞件：嫩滑可口，新鮮美味今晚真係食到飽飽，唔使$200有牛、海蝦和啤酒，任飲任食，一個字低

點心方面認真一般 比起其他我食過既酒樓質素完全唔掂 例如 炸饅頭唔夠脆 有D點心嘅貌相一舊舊爛晒咁 睇見都唔安樂火鍋方面 我叫嘅係雞煲 我冇食過完全冇汁嘅雞煲 今次係第一次 另外，火鍋料得一行 唔多選擇 D料全部都要點醬先有味熟食方面 又係唔好食 有啲又油又鹹 有啲就冇乜味只有嘢飲同埋雪糕好飲好食 因為係買返黎😂火鍋+點心本來就唔夾 重要嘅係 兩樣都唔好食先係問題價錢黎講百幾蚊唔係好貴 但係都唔想食啲咁嘅嘢曬錢Aaaaaaaaaa

今日同朋友黎到荃灣食點心火鍋放題。自助區有少量熟食和多款火鍋配料, 配料包括豬紅, 魷魚, 鯇魚, 鵝腸等等及各款蔬菜入座的時候, 經理話呢度主打點心, 所以我地就先食點心後食火鍋雖然點心的款式唔算多, 但勝在即叫即蒸。我地試左蝦餃, 燒賣, 小籠包同蘿蔔絲酥餅。蝦餃的賣相雖然唔好, 但size就超級大, 有四指闊, 蝦肉爽口彈牙燒賣就正常同有冬菇味小籠包尚算湯汁飽滿, 正正常常至於蘿蔔絲酥餅蘿蔔絲算甜, 唔會苦, 但略嫌太大件同外皮太厚, 會有油膩感點心方面整體都算唔錯。火鍋方面, 湯底叫左沙爹湯, 味道個人覺得麻麻, 唔係平常食開的沙爹味而食材款式亦不多肥牛肥瘦適中手打墨魚丸墨魚質感彈牙火鍋整體就不過不失啦, 以呢個價錢來計, 性價比都算中上, 如果大家有興趣任食平價點心火鍋都不妨一試

之前同朋友嚟咗荃灣大鴻輝打邊爐 搵到一間任食又抵食仲有點心放題嘅餐廳👍🏼火鍋晚市都係$168 仲有唔少湯底選擇 任食點心選擇亦好多 提一提有啲點心係一件件咁點 可以因返份量嚟點點心叫咗必點蒸燒賣 首先賣相已經唔錯 大大料好豐富 咬落一啲都唔散 豬肉同蝦味突出蝦餃嘅大細同平時茶樓見到嘅蝦餃比較係非常大粒 但佢嘅皮都唔會太厚大粉 反而係落足蝦肉係入面蒸小籠包都好食！小龍包入面熱辣辣的 配埋啲湯好食 而且小籠包皮都係唔會好厚 火鍋方面 出面有自助火鍋配料同飲品攞 款式好多 有水魷 豬紅 蓮藕 各種丸類蔬菜類（例如生菜、白菜、娃娃菜）等等 仲有一啲熟食例如鳳爪 炸物可以食 非常豐富 味道亦不錯湯底叫咗沙爹湯底 味道則唔算太濃 叫咗打邊爐必點肥牛同牛肉拼盤 上菜一啲都唔吝嗇 起碼有十多片肥牛係碟上 而且肥牛都唔算太多肥膏 肥瘦適中 唔錯牛肉拼盤則有牛脷 牛展 同肥牛 牛肉味道出 亦唔會太韌多根 總結嚟講呢間餐廳嘅任食邊爐好抵食 仲有好多款式比你選擇👍🏼

在Open rice 搜尋到一間火鍋店，營業時間至00:30，於是在綱上booked 10:30，段估食到00:00走，都有個半鐘，點知一到酒樓，已經心知不妙，伙記已收拾一切，自助櫃檯，已經執緊返厨房，但整體上，他們都安排我坐低，係有招呼我們。但係唔夠15分鐘，就叫我埋單，因為收工，但都可接受，佢叫我有什麼想吃，就落最後一張單，慢慢食。我都唔介意，明白嘅! 揾食唧，最緊要開心，免人難做。到11:00，又有個女伙記，走來問我枱上食物仲要唔要，話11:30關門，驚我無時間食，伸手想收嘢😡我問佢唔係00:30收舖咩！佢話唔係呀! 好心就唔好係Openrice個綱整到咁夜仲可以book枱啦! 一係就通知客人，咁夜唔做生意。免得一場去幫襯你，攪到客人一肚氣😡😡😡

其實我真係超鍾意食點心㗎，今次嚟到荃灣，唔單止可以任食打邊爐，仲有點心食，仲要超平！點可以唔係呀！佢既點心真係要讚，超足料！我最鍾意嘅係燒賣同蝦餃，隻蝦簡直大大隻蝦餃入邊有兩隻蝦！超爽彈，食返幾籠都已經夠晒回本！當然唔可以淨係識佢啦，牛肉拼盤都超正，打邊爐一流，脆肉鯇魚都唔錯，夠晒脆！另外，手打丸都係必食嘅推介，我自己最鍾意食蝦丸，每一粒都咁彈牙，我都覺得有蝦味！仲有最特別嘅係，竟然又熱維他奶，連隔離枱都問我哋喺邊度拎！睇嚟維他奶都係一大賣點