平昌

營業中

休息中

之前同朋友嚟食大君set覺得幾好，今次我哋再嚟試，揀高一級嘅世子set。食物選擇好多，連醬油蟹都有得叫😋簡單推薦幾款食物畀大家：首先係燒肉配料方面，有生蠔同半殼青口，新鮮嘅海鮮味道真係好鮮甜，每一口都好juicy！仲有辣調味烤牛肉同LA牛排，個個都係牛肉愛好者嘅必試選擇，食落去肉質鮮嫩多汁，好滋味！另外仲有調味牛舌同鰻魚，牛舌軟滑嫩口，鰻魚香口入味，真係一級棒！而熟食方面，無骨原味炸雞同炸紫菜卷都好有驚喜；無骨原味炸雞外脆內嫩，鮮嫩多汁，每一口都好滿足！炸紫菜卷則係個個都愛嘅小食，炸到金黃酥脆，彈牙味道十足，好開胃！整體而言，平昌燒肉嘅食物真係好豐富，職員服務都幾好，上菜同換網都好快手👍🏻

韓國朋友來港旅遊話想試吓香港韓燒，身為香港仔嘅我梗係唔可以失禮，搵間正宗韓國菜比佢食吓🤔，問晒朋友圈，搵埋Open rice，卒之搵到這間👇平昌 Pyeong Chang 位於——旺角西洋菜街1號兆萬中心13樓這間 平昌 Pyeong Chang 不愧是正宗韓國食店，平曰都好多人好熱閙，而且裝修佈置枱凳歌曲都韓國味十足，老闆都係韓國人，正👍首先讚下佢哋服務態度，真係好好，不停換鐵板，又不停更換大豆泡菜，落Order又快到，其次讚是款式又多，除咗鐵板食物外，仲有好多不同韓國特色食物，d食物又好味，讚👍除咗鐵板食物美味外，石鍋拌飯、辣海鮮豆腐湯、韓國辣炒年糕、海鮮蔥餅、豬肉泡菜湯，都係又好味又夠韓國特色風味👍 。仲有其他韓國特色美食如水冷麵/辛辣麵/炒粉絲/牛肉海帶湯/醬油鵪鶉蛋/吉列炸蝦⋯⋯已經飽到食唔落，不能試晒全部真可惜😅飲品又多選擇今餐韓國朋友非常滿意而且盛讚👍，今晚能夠嘗到平昌 Pyeong Chang 這間正宗韓國食店，真係開心🤩日後會常黎😚😚😚😚

呢間餐廳我同唔同嘅朋友久唔久都會去一次😋😋最鍾意佢除咗燒肉仲有唔同嘅韓式料理食👍🏽👍🏽先講裝修好靚 係唔同韓星嘅卡通版 一路食可以一路估下係邊個嚟😂😂要留意今日係平日around 7點就已經全店爆滿 所以記得要book定位先！一嚟到店員就比咗泡菜同芽茶我地仲有爐邊蛋 我會加埋d泡菜入去 更加好食😋😋呢度嘅服務員態度好好 成日都會嚟睇下個燒烤爐有冇黑到 會好快手幫我地換👍🏽 而係個app落完單之後都會好快就送嘢食過嚟 每碟份量啱啱好足夠二人份 唔怕食唔晒👍🏽呢度有好多唔同款嘅肉類 我最鍾意食嘅係LA牛排同牛肋骨肉👍🏽 而比起食肉 我更加鍾意食個d料理 有牛肉海帶湯 水冷麵 海鮮煎餅等等😋😋呢d出去一間韓式餐廳都起碼$65up 所以呢度提供咁多款式嘅韓式料理好吸引～如果突然間好想食韓國菜 又想食放題 呢度的確係個好好嘅選擇👍🏽👍🏽

由韓國人主理既良心燒肉店！位於旺角平昌就將正宗韓燒體驗帶比客人🇰🇷電梯一打開就見到汽油桶式既燒肉檯同埋油罐椅，好多當地味道🌟價位大君御膳、世子御膳同埋最高級既國王御膳，頂級既國王御膳$588/人，包咗過百款韓燒肉類、海鮮、前菜、炸物同埋傳統韓式料理🥘🌟醬油蟹估唔到醬油蟹竟然有得任食🤤雖然用既蟹種就細d，不過味道正宗惹味，如果想試大隻版都係$168超級爆膏勁有鮮味😍可以先單食融化入口既蟹肉，再擠出黎撈紫菜飯食更加昇華🌟牛肉有好多M5和牛同埋安格斯牛，由肉眼、排骨、翼板同板腱肉都應有盡有，而LA牛排骨更加係韓國人尤為鍾愛既部份必試🤩M5和牛肉眼雪花紋理有如大理石，兩面煎香稍作resting就做到外焦內嫩多肉汁既效果😬🌟海鮮試咗香草牛油扇貝、小章魚同天使紅蝦等等，小章魚口感彈牙有咬口🐙食落都幾香同鮮，天使紅蝦就解凍得幾好，一拎黎就燒最好🌟韓式料理醬油食品仲有蝦、鮑魚同扇貝，韓式小食仲有炸雞、煎餅同芝士過下口癮😋生菜同泡菜都幾解膩開胃，食足2小時都冇問題🌟飲品甜品任飲既種類大部份啤酒、汽水同水都係韓國出品，甜品方面有平時多見既Melona果味雪條同埋兩款甜筒店員好勤力留意周圍每一檯，及時更換烤

平昌今次呢間韓國菜好多人識，名叫「平昌」，超多人鍾意食，果晚我上到13樓全場幾乎爆場，老闆要我我等一等，安排一個好方便坐嘅位置，最後足足等咗大約20分鐘先有位坐，一坐低已經見到加咗蛋漿喺爐邊，仲有3碟配菜，有泡菜、生菜同芽菜，食完仲可以任添！我哋叫咗世子Set，每位$338，仲有醬油蟹同醬油蝦叫， 我腸胃唔得，所以無叫！餐廳有好多壁畫，之前睇過電視節目記得好似係本地畫畫師畫出嚟，不過兆萬中心排隊個𨋢位唔係幾方便輪椅，我都係緊緊夠位轉入去，好心就拆鬼咗去啦！我哋叫咗好多野食，印象中叫咗以下野食：1.炒年糕（8/10）辣辣地，好入味，好煙韌！2.炸忌廉蟹肉薯餅（10/10）炸得好脆，食到有蟹味，好有薯味！3.吉列炸蝦（10/10）炸得好脆，蝦好新鮮彈牙！4.脆炸一口芝士（8/10）炸得好脆，芝士少咗一d！5.M5和牛西冷（8/10）有牛味，韌咗少少！6.牛前胸腹肉（8/10）有牛味，韌咗少少！7.牛舌（6/10）非常韌，好難咬！8.牛肋骨肉（10/10）呢個牛仔骨必叫，超好食，牛肉唔韌！9.辣汁肥牛片（8/10）辣辣地，有牛味，韌咗少少！10.肥牛片（8/10）唔知點解好夠肥，但係韌咗少少

伏！伏！伏！一定唔會再幫襯！每次落單冇一次係上齊，次次都係落5樣嚟得3樣嘢，想叫人嚟refill啲泡菜同蛋，叫晒唔該舉咗10分鐘手都冇人應。以一間餐廳嚟講質素係十分之差，完全唔捨得比人食

《平昌 · 韓燒放題 · 旺角》-𝐅𝐨𝐨𝐝 𝐑𝐞𝐯𝐢𝐞𝐰 食評 🍽️ 國王御膳 套餐 $568120分鐘任食高質韓牛、醬油蝦、蟹同鮑魚，仲有一系列串燒、海鮮，料理等等✨ 國王御膳每日限量供應，想任食醬油蟹記得要預約🙈 而家逢星期一、二仲會送韓牛肉眼加醬油蟹添！勁推薦大家來喔🧡-🔸 M5韓牛肉眼韓牛肉味非常重，唔小心燒耐左少少，咬落依然好多肉汁，而且食落唔會好韌，推薦✨-🔹 韓牛小排牛小排雪花分佈好平均，入口即溶，包埋生菜一齊食可以減輕油膩感🌟-🔸 醬油蟹必食醬油蟹，超多膏，唔會死咸，食落仲偏甜添，好岩香港人口味✨名副其實嘅白飯小偷啊😂-🔹 醬油蝦、沙白醬油蝦醬汁同醬油蟹差唔多，蝦肉彈牙爽口✨ 沙白好大粒，燒緊既時候海水不斷湧出，充滿海水味🌟-🔸 天使紅蝦天使紅蝦好大隻，蝦頭好多蝦膏，蝦肉偏淋，但係食落好鮮，推薦‼️-🔹 五花腩有好多唔同醃製方法，任君選擇✨-🔸 辛辣麵辛辣麵煮得岩岩好！麵質保持彈牙，仲包埋一隻蛋添🙆🏻‍♀️-📍 平昌 (旺角)@pyeongchangkoreanbbq 旺角西洋菜南街1N號兆萬中心13樓-環境：🌸🌸🌸🌸🌸味道：🌸🌸🌸🌸🌸服務：🌸🌸🌸🌸🌸衛生：🌸🌸🌸🌸🌸性價比：

訂左2位食夜晚6點30分，去到即時入座，任點任食有分級數，我地叫左每人3百幾嘅餐，加支燒酒，連服務費，$400／1位，即$800埋單。7點半已經被通知last order及提醒用餐時間，除左入門帶位果個態度非常麻麻之外，其他服務員都正常嘅。帶位個果8點走黎叫你埋左張單先，等人攞信用咭都等到唔耐煩，然後搭正8點30分，又係帶位果個即刻黎話夠鐘要交枱，我地應左ok, 其實執返個袋同著返件外套都要少少時間，佢講完2分鐘就行返黎，企正係隔離望實我地，即係要你地即刻離開。講下食物，極之普通，就係唔難食又唔係話好好食，order左嘅食物通常都唔齊，再落多次都未必會有😅其實2個人食$800， 我唔覺得好平或好抵，通常限時食2小時嘅價錢唔洗咁貴，中途又話last order, 又話要埋單先，連夠鐘，5分鐘時間都唔想比你整理好個人，就即刻要你走咁……我覺得2個人$800消費食韓燒，足夠去啲單點食物又唔限時限刻嘅地方食（至少係唔會趕住叫你走先）。唔係好明點解咁多人去食。同埋其他人比嘅負評都真實體會到。真心無下次。👎👎

其中一個男服務員， 肥既， 冇戴眼鏡， 好冇禮貌～ 夠鍾交枱前20分鐘已經埋黎講， ‘埋左張單先’ 用命令式既語氣囉！算， 今日紀念日， 唔同你計！ 點知到比完credit card, 又係呢條友比番張卡我， 佢用兩隻手指夾住我張credit 同單， 就咁隊番張卡比我囉～ 多謝都冇句，其實真係好 rude！雖然$400 一位既晚餐唔係 咩貴價野， 但服務態度可摸以正常番少少呢？ 難怪越黎越多人北上消費！ any肥， 野食就較為重口味， 食完預左要狂飲水， 叫左中間價位既餐， 但叫中間價位先有既野食就會好遲先到， 同埋會漏單，簡單黎講就係，叫平價野食上得快， 叫貴價野食就預左慢慢等啦

晚餐去咗一間韓式任食放題餐廳，叫咗「世子御膳」，可以120分鐘任點任食，有生嘅肉類同埋海鮮，可以點嚟自己燒。另外仲有熟食、炸物、鍋物等等，即叫即食。燒烤爐係韓式嘅，旁邊係芝士，中間係鐵板，好特別，服務員非常貼心，不時會過嚟幫你換新鐵板，鐵板燒黑左都唔怕。生食方面，揀咗牛肋骨、西冷牛扒、牛脷、五花肉、雞翼、雞軟骨串、豬頸肉、半殼焗蠔、原隻鮮蝦、帆立貝、鰻魚等等。自己燒，充滿樂趣。熟悉方面，叫咗韓式炒粉絲、粟米沙律、海帶湯、炸芝士年糕等等，好正。飲品可以自己去雪櫃攞，任飲啤酒汽水，仲有韓國特色罐㗎裝飲品。總結，食材新鮮，價錢合理，120分鐘，慢慢燒，好好玩，食物選擇好多，好豐富，價錢合理，勝價比高。

慶祝節日book左間韓國燒烤慶祝，食世子放題set, 勝在有醬油蝦，醬油蟹任食。入到餐廳裝潢有韓國地道烤肉店特色。我們一坐低就即刻用Qr code掃牛肉同醬油蝦，醬油蟹食。燒汁牛肉，辣汁牛肉都係醃過，燒一燒就食得，仲醃得好入味。最好食既食法應該係叫埋唐生菜，燒肉點一點醬汁在夾住唐生菜食！一流！亦唔會咁易食滯！！醬油蝦同醬油蟹係用左韓國醬油，麻油同芝麻一齊醃。唔會死咸，夠入味，就算就咁食唔送飯都一樣好味！蟹係軟殼既蟹，方便食，唔洗用手剝殼！！👍🏻飲品好多都係韓國飲品，亦可以加錢叫韓國燒酒。如果一大班人一齊食就可以叫下酒開心下啦👍🏻除左燒肉，仲有其他熟食同韓國特色食物，例如年糕、牛骨湯，石鍋飯，冷面。但食燒肉已經食飽左，唯有下次再試👍🏻😋

今晚食韓燒，餐廳枱椅佈置極富韓風，尤如身處韓式烤肉店一樣；加上牆身不同漫畫家嘅畫作，使整體氣氛輕鬆、開心。 揀呢度食韓燒，係鍾意呢度選擇多，肉類有豬、牛、雞；每種肉類仲有不同部位同調味可以揀。烤肉除左肉仲有少量海鮮同蔬菜可供選擇。另一吸引之處係熟食都有好多選擇，湯、石鍋飯、炒年糕、炸物、沙律、連醬油蟹都有，所以一早已留定肚，今晚一定要盡情食。 未講主食，先講配菜，鍾意呢度嘅泡菜，濃味得嚟唔會勁酸勁辣，就算空口食都好滋味；而點肉嘅汁料首推燒汁，微酸帶甜，點肉食一流。 呢度嘅烤肉都幾ok，特別推介豬皮，除左因為燒豬皮有韓國特色外，欣賞呢度嘅豬皮幾軟彈，而且入口完全無肥膩感。炒年糕、辣海鮮豆腐湯、牛骨湯都係必點嘅熟食推介。炒年糕醬汁夠地道，而年糕又夠煙韌。兩個熱湯非常足料，豆腐湯有好濃嘅海鮮味；而牛骨湯則重蘿蔔味，蘿蔔好甜又無渣，真係好正。最後，呢度服務真係好抵讚，職員會主動收碟、仲會主動換燒烤盤，我地食左兩個鐘，就幫我地換左三次燒烤盤，服務真係算幾好。

好少食餐廳會特登開篇食評話間餐廳幾劣以警世，但係依間認真伏。雖然charge過600蚊per person，今次食完覺得自己交左智商稅，不論係服務、環境，或者even 係食物質素，分分鐘差過漢和。有兩點想特別mention:第一，就係依間個服務態度。食燒肉連醬都無俾真係好誇張，要個客特登行去提，加埋好多時換網仲要特登行出去叫人。入座帶位個staff 同埋賣單時候個manager，好少會遇到咁無禮貌，好似當個客無度，語氣差態度差。第二，肉品質素依個價位黎講真係有啲離譜，所有牛肉出曬事，無肉味。啲肉攞出黎擺到明未解凍，肉切得厚到傻。唯一覺得好食係個醬油蟹同個辛辣麵，都幾可悲。

朋友介紹我黎旺角兆萬中心13樓既平昌韓燒放題店聚會🤭 鐘意食野既我梗係唔放過啦🤭🤭平日晚市去到，成間餐廳全院滿座，好彩我地有預先訂位，晚市任食韓燒套餐分大君、世子和大王御膳三款套餐，我當日同朋友就叫咗世子放題，貪佢有唔少海鮮選擇好似虎蝦、半殻青蠔和半殼扇貝😊😊 我地都叫咗唔少肉類😙😙 大多數都好好味🤓🤓🤓牛肉方面，當中的LA牛排係最吸引😝😝辣味肥牛片和牛肋骨肉亦都唔錯👍🏻豬肉方面，我最愛辣味薄切五花腩片和辣調味豬梅頭片，朋友就最喜歡豬頸肉😃😃我地仲有叫芝士腸、醬油蟹等等，呢餐食得非常滿足😛😛😛 飲品都有好多選擇😍😍平昌 (旺角)旺角西洋菜南街1N號兆萬中心13樓

味道-👎🏻老實講我唔覺得佢配得起韓國最好食餐廳第三名，有高估咗。以烤肉來講，肉質亦都唔係好出眾個批，味道調味有啲過咗龍，有啲肉得個咸字而喪失左原本應有嘅肉味🐖🐓🐂👍🏻但你話套餐多唔多嘢食？係唔錯嘅，我哋叫嘅係大君套餐，都算唔會食厭（除咗雞肉嘅款有啲少）味道都ok咁（呢方面就唔多作評價，可能係因為個人冇咁偏好韓式烤肉）態度-👍🏻普遍姨姨同埋其他店員態度好ok，都體諒佢哋嘅辛苦👎🏻一位後生店員態度唔耐煩，應該見我哋係學生，一句冇覆就開始翻白眼，影響用餐體驗環境：👍🏻都幾好睇，有好濃烈嘅韓國氣息，包括音樂壁紙，座位較寬敞，店舖空間都算大👎🏻烤肉後半場嘅時候開始悶熱，流汗，影響用餐體驗-補充：服務費定唔知乜費要成$66係幾誇張下👎🏻（無進行加點）不喜勿diu ，來自學生哥嘅真實感受