平昌

營業中

休息中

訂左2位食夜晚6點30分，去到即時入座，任點任食有分級數，我地叫左每人3百幾嘅餐，加支燒酒，連服務費，$400／1位，即$800埋單。7點半已經被通知last order及提醒用餐時間，除左入門帶位果個態度非常麻麻之外，其他服務員都正常嘅。帶位個果8點走黎叫你埋左張單先，等人攞信用咭都等到唔耐煩，然後搭正8點30分，又係帶位果個即刻黎話夠鐘要交枱，我地應左ok, 其實執返個袋同著返件外套都要少少時間，佢講完2分鐘就行返黎，企正係隔離望實我地，即係要你地即刻離開。講下食物，極之普通，就係唔難食又唔係話好好食，order左嘅食物通常都唔齊，再落多次都未必會有😅其實2個人食$800， 我唔覺得好平或好抵，通常限時食2小時嘅價錢唔洗咁貴，中途又話last order, 又話要埋單先，連夠鐘，5分鐘時間都唔想比你整理好個人，就即刻要你走咁……我覺得2個人$800消費食韓燒，足夠去啲單點食物又唔限時限刻嘅地方食（至少係唔會趕住叫你走先）。唔係好明點解咁多人去食。同埋其他人比嘅負評都真實體會到。真心無下次。👎👎

其中一個男服務員， 肥既， 冇戴眼鏡， 好冇禮貌～ 夠鍾交枱前20分鐘已經埋黎講， ‘埋左張單先’ 用命令式既語氣囉！算， 今日紀念日， 唔同你計！ 點知到比完credit card, 又係呢條友比番張卡我， 佢用兩隻手指夾住我張credit 同單， 就咁隊番張卡比我囉～ 多謝都冇句，其實真係好 rude！雖然$400 一位既晚餐唔係 咩貴價野， 但服務態度可摸以正常番少少呢？ 難怪越黎越多人北上消費！ any肥， 野食就較為重口味， 食完預左要狂飲水， 叫左中間價位既餐， 但叫中間價位先有既野食就會好遲先到， 同埋會漏單，簡單黎講就係，叫平價野食上得快， 叫貴價野食就預左慢慢等啦

晚餐去咗一間韓式任食放題餐廳，叫咗「世子御膳」，可以120分鐘任點任食，有生嘅肉類同埋海鮮，可以點嚟自己燒。另外仲有熟食、炸物、鍋物等等，即叫即食。燒烤爐係韓式嘅，旁邊係芝士，中間係鐵板，好特別，服務員非常貼心，不時會過嚟幫你換新鐵板，鐵板燒黑左都唔怕。生食方面，揀咗牛肋骨、西冷牛扒、牛脷、五花肉、雞翼、雞軟骨串、豬頸肉、半殼焗蠔、原隻鮮蝦、帆立貝、鰻魚等等。自己燒，充滿樂趣。熟悉方面，叫咗韓式炒粉絲、粟米沙律、海帶湯、炸芝士年糕等等，好正。飲品可以自己去雪櫃攞，任飲啤酒汽水，仲有韓國特色罐㗎裝飲品。總結，食材新鮮，價錢合理，120分鐘，慢慢燒，好好玩，食物選擇好多，好豐富，價錢合理，勝價比高。

慶祝節日book左間韓國燒烤慶祝，食世子放題set, 勝在有醬油蝦，醬油蟹任食。入到餐廳裝潢有韓國地道烤肉店特色。我們一坐低就即刻用Qr code掃牛肉同醬油蝦，醬油蟹食。燒汁牛肉，辣汁牛肉都係醃過，燒一燒就食得，仲醃得好入味。最好食既食法應該係叫埋唐生菜，燒肉點一點醬汁在夾住唐生菜食！一流！亦唔會咁易食滯！！醬油蝦同醬油蟹係用左韓國醬油，麻油同芝麻一齊醃。唔會死咸，夠入味，就算就咁食唔送飯都一樣好味！蟹係軟殼既蟹，方便食，唔洗用手剝殼！！👍🏻飲品好多都係韓國飲品，亦可以加錢叫韓國燒酒。如果一大班人一齊食就可以叫下酒開心下啦👍🏻除左燒肉，仲有其他熟食同韓國特色食物，例如年糕、牛骨湯，石鍋飯，冷面。但食燒肉已經食飽左，唯有下次再試👍🏻😋

今晚食韓燒，餐廳枱椅佈置極富韓風，尤如身處韓式烤肉店一樣；加上牆身不同漫畫家嘅畫作，使整體氣氛輕鬆、開心。 揀呢度食韓燒，係鍾意呢度選擇多，肉類有豬、牛、雞；每種肉類仲有不同部位同調味可以揀。烤肉除左肉仲有少量海鮮同蔬菜可供選擇。另一吸引之處係熟食都有好多選擇，湯、石鍋飯、炒年糕、炸物、沙律、連醬油蟹都有，所以一早已留定肚，今晚一定要盡情食。 未講主食，先講配菜，鍾意呢度嘅泡菜，濃味得嚟唔會勁酸勁辣，就算空口食都好滋味；而點肉嘅汁料首推燒汁，微酸帶甜，點肉食一流。 呢度嘅烤肉都幾ok，特別推介豬皮，除左因為燒豬皮有韓國特色外，欣賞呢度嘅豬皮幾軟彈，而且入口完全無肥膩感。炒年糕、辣海鮮豆腐湯、牛骨湯都係必點嘅熟食推介。炒年糕醬汁夠地道，而年糕又夠煙韌。兩個熱湯非常足料，豆腐湯有好濃嘅海鮮味；而牛骨湯則重蘿蔔味，蘿蔔好甜又無渣，真係好正。最後，呢度服務真係好抵讚，職員會主動收碟、仲會主動換燒烤盤，我地食左兩個鐘，就幫我地換左三次燒烤盤，服務真係算幾好。

好少食餐廳會特登開篇食評話間餐廳幾劣以警世，但係依間認真伏。雖然charge過600蚊per person，今次食完覺得自己交左智商稅，不論係服務、環境，或者even 係食物質素，分分鐘差過漢和。有兩點想特別mention:第一，就係依間個服務態度。食燒肉連醬都無俾真係好誇張，要個客特登行去提，加埋好多時換網仲要特登行出去叫人。入座帶位個staff 同埋賣單時候個manager，好少會遇到咁無禮貌，好似當個客無度，語氣差態度差。第二，肉品質素依個價位黎講真係有啲離譜，所有牛肉出曬事，無肉味。啲肉攞出黎擺到明未解凍，肉切得厚到傻。唯一覺得好食係個醬油蟹同個辛辣麵，都幾可悲。

朋友介紹我黎旺角兆萬中心13樓既平昌韓燒放題店聚會🤭 鐘意食野既我梗係唔放過啦🤭🤭平日晚市去到，成間餐廳全院滿座，好彩我地有預先訂位，晚市任食韓燒套餐分大君、世子和大王御膳三款套餐，我當日同朋友就叫咗世子放題，貪佢有唔少海鮮選擇好似虎蝦、半殻青蠔和半殼扇貝😊😊 我地都叫咗唔少肉類😙😙 大多數都好好味🤓🤓🤓牛肉方面，當中的LA牛排係最吸引😝😝辣味肥牛片和牛肋骨肉亦都唔錯👍🏻豬肉方面，我最愛辣味薄切五花腩片和辣調味豬梅頭片，朋友就最喜歡豬頸肉😃😃我地仲有叫芝士腸、醬油蟹等等，呢餐食得非常滿足😛😛😛 飲品都有好多選擇😍😍平昌 (旺角)旺角西洋菜南街1N號兆萬中心13樓

味道-👎🏻老實講我唔覺得佢配得起韓國最好食餐廳第三名，有高估咗。以烤肉來講，肉質亦都唔係好出眾個批，味道調味有啲過咗龍，有啲肉得個咸字而喪失左原本應有嘅肉味🐖🐓🐂👍🏻但你話套餐多唔多嘢食？係唔錯嘅，我哋叫嘅係大君套餐，都算唔會食厭（除咗雞肉嘅款有啲少）味道都ok咁（呢方面就唔多作評價，可能係因為個人冇咁偏好韓式烤肉）態度-👍🏻普遍姨姨同埋其他店員態度好ok，都體諒佢哋嘅辛苦👎🏻一位後生店員態度唔耐煩，應該見我哋係學生，一句冇覆就開始翻白眼，影響用餐體驗環境：👍🏻都幾好睇，有好濃烈嘅韓國氣息，包括音樂壁紙，座位較寬敞，店舖空間都算大👎🏻烤肉後半場嘅時候開始悶熱，流汗，影響用餐體驗-補充：服務費定唔知乜費要成$66係幾誇張下👎🏻（無進行加點）不喜勿diu ，來自學生哥嘅真實感受

同好姊妹即興約會，我哋都想食烤肉即刻諗起附近旺角平昌，好有氣氛嘅正宗韓燒店。我哋揀咗🌟世子御膳🌟任食套餐，性價比高一次過可以試好多款食物。燒烤配料除咗各款牛肉、豬肉、雞肉，仲包左海鮮類有蝦、扇貝、帶子、石蠔🦪、青口、魷魚、鰻魚等。仲包埋醬油蝦、醬油蟹、多款韓式熱食料理、沙律🥗、小食等。飲品也可以自助取任飲。特別推介必叫：💫T骨牛排 （調味好食）💫雞軟骨串（我可以食5 串😂）💫五花肉 （包生菜食一流）💫虎蝦 🦐（海鮮類裡我哋encore得最多）💫北寄貝片沙律 （個柚子沙律汁好正）💫牛肉海帶湯 （呢個湯真係好好飲）值得一讚店員服務好好，又會常常幫我地換塊新燒板，用QR code 落單方便，落單後好快上菜冇漏單👍🏻

勁鍾意呢一間韓燒放題可以食埋醬油蝦同埋醬油蟹。而且仲係包喺個放題裏邊，大家可以任食任叫！平時食醬油蝦同埋醬油蟹都要百幾蚊啦依家二百幾蚊嘅放題包埋食兩轉已經抵晒！仲要醬油蝦同埋蟹整得好好味。個醬汁還原到好高！而且蝦好彈牙，蟹亦都好入味。叫埋紫菜白飯不得了，非常送飯。除咗韓燒之外，餐廳都提供好多種韓式小食。有紫菜粉絲、炸天婦羅、一口芝士等等。食小食同埋肉之餘仲可以叫主食。有非常多種嘅韓國飯或者係麵。餐廳內部裝修都好有特色牆上面會有韓國主題嘅油畫公仔，而一度食一路聽住大熱，韓國組合歌曲好有feel 。

位於旺角嘅平昌，一間韓式燒烤餐廳，提供一系列嘅高質素燒烤選擇。我最近夜晚去嗰度，試咗佢哋嘅大君御膳套餐。.首先，呢個套餐包含咗多款牛、豬、雞肉、海鮮同蔬菜，加上一啲熱食料理，種類豐富得嚟質素一流。特別值得一讚嘅係佢哋嘅LA牛排、牛舌同牛肋骨肉。呢啲肉質料烤得剛好，外焦內嫩，保持咗肉嘅原汁原味，每一啖都充滿咗肉嘅香味同口感。.調味豬梅頭片嘅味道濃郁，烤得外脆內軟，豬肉嘅甜味同調料嘅香味完美結合。雞腿肉同雞翼都非常多汁，肉質鮮嫩，韓式烤肉嘅特有風味令人回味無窮。.至於熱食料理，海鮮豆腐湯絕對係湯品嘅極品，湯底鮮甜而且豐富，蟹肉嘅新鮮度更係令人讚不絕口。炒粉絲同牛肉海帶湯都係必試之選。炒粉絲味道豐富，口感滑溜。而牛肉海帶湯則鮮美暖胃，湯底香濃，配料豐富，係品嘗完燒烤後嘅最佳選擇。.飲品選擇亦同樣豐富，無論係想飲凍啤酒定係健康啲嘅無糖飲品，平昌都能夠滿足你嘅需要。而且，佢哋嘅環境同氛圍都好舒服，光線適中，空間寬敞，好適合同屋企人或者朋友一齊享受燒烤嘅樂趣。.平昌嘅環境舒適，服務人員態度好好，令整個用餐體驗更加加分。如果你想同朋友或者家人一齊享受一頓豐盛嘅韓式燒烤，旺角嘅平昌絕對係個好選擇。.

今日又去咗平昌韓式燒肉，心情興奮到爆～我哋點咗世子套餐嚟食。肉控朋友，你哋有福啦，因為呢度嘅肉，真係無得頂！牛肉薄切到透光，一燒就曬，入口即溶嘎！烤牛肉香到出晒嚟，個牛舌口感又彈牙又滑，一啖咬落去足夠刺激味蕾。豬肉方面，我最鍾意嗰個豬五花，岩岩好，肥瘦相間嘅層次感啊...咬落去咁多汁，真係話咁滑！而家講到個扇貝，大細正好，燒得啖啖肉，鮮甜得嚟，口感彈牙勁正！平昌啲海鮮都好夠水準，無敵鮮甜～打邊爐嘅選擇都好多樣化架，有嗰個海鮮蔥餅，一啖香辣辣，完全將我食得津津有味。咦，仲有我大愛嘅海帶牛肉湯，辛辣嘅味道，雖然只係配菜，但喺寒冷嘅天氣底下，簡直係暖笠笠嘅血液呀！食晒之後，肚子一百二十嘅飽，心情一百三十嘅爽！你話食嘢唔係擺喺啲咁，我定必要再嗌多轉！🍖🔥🎉

平昌位於人流多的兆萬中心，一直都想食韓燒，但朋友就話有好推介，就帶我來兆萬中心搭𨋢直接上去，一上到去就有好香的燒肉味撲鼻而來，聞到都流口水，同職員講了訂檯，即刻幫我們安排位置入座，一入座就會係爐邊倒入蛋漿，餐廳係用QR code落單，落完單，食物都好快上檯。當日食的套餐係大君餐LV3，肉類的選擇也比較多，好驚喜的是海鮮味道也是不錯，整體來說是有驚喜的，而且肉質也不會好粗糙。再加上職員換爐的速度迅速。值得一讚而且吉列炸蝦也是即叫即炸。味道不錯整體來說我會再來Encore

呢間高質韓燒放題喺兆萬中心上面，一直人氣爆棚，平日晚市去到，都全場滿座，客人一輪接一輪，要試一定要book位！有大君、世子同大王御膳三個套餐，一個價錢任食120分鐘，肉類款式好多，主食都有唔少，食物質素整體都唔錯，食肉獸必試！------------------------------☄️◖世子御膳◗ $318呢個套餐有多款肉類選擇，牛肉、豬肉、雞肉都有，仲有海鮮同多款韓式料理，食材用料幾新鮮，超豐富！呢個套餐仲可以任食醬油蟹同醬油蝦，再配返一碗紫菜飯，超正，絕對係回本之選！/肉類🥓佢雞、牛、豬都有齊，個人鍾意佢嘅汁醃肉類。牛肉必試佢嘅LA牛排，好似細細嚿牛仔骨咁，連筋膜一齊特別有咬口；調味烤牛肉肥瘦均勻，帶有牛香，燒完有少少焦脆；牛肉眼肉味香濃，食落啖啖肉，可以輕輕調一點佢嘅燒肉汁，超香！其他覺得豬梅頭片、護心肉同五花肉都值得一試，encore咗幾轉！/海鮮類🦐海鮮選擇唔算太多，除咗有蝦、帶子，竟然仲有扇貝生蠔呢啲，都幾新鮮鮮甜，但要燒得耐啲，可以試一試但不太推薦叫太多～/韓式料理🍘有好多小食同主食類，有韓式大醬湯、燉牛肋骨嗰啲鍋物料理，仲有石鍋飯、冷麵呢啲傳統韓式主食！仲有一啲小食類

約朋友去旺角潮流聖地行街，朋友肚餓話想食韓國菜，咁梗系去番潮人集中地『Pyeong Chang 』食野啦！地址: 旺角西洋菜街1號兆萬中心13一入去以為6點咁早，仲未有食客🤭😳點知😳，房已經有幾枱食客，嘩6點咁早都有咁多人🫢坐低之後不停有客入嚟，冇半個鐘已經坐滿，厲害👍喺呢度食韓燒，真係好似身處韓國，地方有特色，韓國老闆又好好人，我地細食冇一個鐘已經飽到食唔落，但係食咁少時間都換咗三次鐵板，又不停同我地更換大豆泡菜生菜，真係服務態度好好，讚👍落Order又快到，d食物又好味，款式又超多，我哋除咗食鐵板外，仲食咗好多韓國特色食物🤗鐵板d野食好好味呀😜辣海鮮豆腐湯，韓國味道😋正好正宗嘅韓國辣炒年糕，同我去韓國旅行嘅時候食嘅一模一樣🤩海鮮蔥餅又係韓國特色小食之一👍豬肉泡菜湯，又係好韓國特色風味👍食得開心食得過癮又有氣氛，讚讚讚讚讚🫰可惜我哋肚仔容量實在吾多大，食唔落了😂😂😂仲有好多想食想試，好似水冷麵/石鍋拌飯/辛辣麵/炒粉絲/牛肉海帶湯/醬油鵪鶉蛋/吉列炸蝦⋯⋯過二日再嚟食過🤭🤭🤭🤭🤭