平昌

營業中

休息中

book 左一行五人8:00食飯，入到餐廳坐低左後，因為我哋有兩個係小朋友，咁我哋就想問清楚幾多歲先計小童價錢，點知個侍應問返我「你哋個小朋友幾多歲」，我就再問「你哋幾多歲先至算小童價錢？因為我哋有一大一細 」，個侍應就再講 「咁佢幾多歲？」如是者呢個問題竟然重複咗三四次！其實小童計幾多歲又唔係咩秘密，間間餐廳都係會講，得呢間問來問去都唔答你。直到再有另一個侍應行埋嚟，我都係問返同一個問題，佢話「十歲以上，我哋都寫咗出嚟㗎喇貼晒出嚟，自己睇下啦。」成個對話我係問得好客氣仲笑住，但佢哋就西口西面。 ok ，本身都算，返正都坐低左，最緊要朋友開開心心食飯啫。食物質素普普通通，冇話難食但一定算不上好食。出食物速度係快既。 點知到埋單果陣，佢哋就咁掉低張單在上菜枱，我哋見唔到，侍應過黎催單，話已經擺左好耐要我哋快啲埋左張單！俾完錢又就咁掉返左信用卡落枱！ 再到食完既時候，佢話要投票先可以拎雪糕，咁我就照做啦，小朋友想食哄下佢哋，咁投票登入各樣都整左一陣，到拎完雪糕返埋位坐低食既時候佢話要執枱，我哋就話「冇問題呀，你哋照執啦，我哋食埋雪糕

今晚去了旺角平昌食晚飯，訂了18:30雖然限時兩小時20:30交枱但我哋叫食物每次都燒曬到了大约19:45分我哋又叫食物，已經有職員過來提醒我們20:30要交枱，我哋落完單之後仲我地埋單又再一次講20:30交枱，食到已經嬲嬲地，其實我哋都未夠鏱你地使唔使講咁多次20:30要交始，之後我哋都執緊嘢準備離開，又有兩三個職員講20:30要交枱呢餐飯都食到嬲嬲地，使唔使講咁多次話20:30要交枱真係好離譜。

近呢幾年唔少人叫兆萬中心做劣食之塔，所以我都好耐冇嚟食嘢，廢事中伏~ 今日朋友話想試吓呢間，我本身都驚會中伏，不過佢話間餐廳由韓國oppa 主理，加上價錢都幾相宜，又見佢Openrice 都有幾多好評，所以就想試一次雖然我都唔係好想，不過見佢咁想試就陪佢食一次啦，唔會肚痛就得~ 響無抱著任何期望兼有d淆底嘅我，最終都係踏進咗呢個鼎鼎大名嘅劣食之塔~嗰日明明係閑日夜晚七點幾，不過響餐廳門口已經見到座無虛席，好彩我哋得兩位先勉強有枱俾我地~呢個時候我都放心啲，咁多人食應該差極有限~ 好彩食物質素真係唔錯，我哋食嗰個餐雖然大部份嘅肉都係預先用醃料醃咗，味道偏甜，但依然保留到肉味，唔會用粉整到冇晒味~另外都有啲冇醃嘅牛同埋海鮮，質素唔錯，我地都叫咗好幾碟~ 仲有各式各樣嘅前菜同主菜，食完之後我哋兩個都捧腹而回~ 以放題黎講，味道，價錢，食物選擇同上菜速度都令我十分滿意，絕對稱不上劣食~ 大家下次嚟到旺角又諗唔到食咩都不妨試吓!

全埸沒有坐滿 店員人數眾多 意思每人服務一台都足足有餘 由坐位到 舉手落野 下下舉到手都攰 佢哋系圍住傾計 食品一般 服務態度有好有壞 食完啲碟五收 推住上菜 可以話請都吾會再幫襯 劣評

$248/2小時 兆萬韓燒今日晏咗起身，去咗旺角食個快靚正韓燒任食，二百零蚊一個人，都有唔少款式揀，有牛雞豬有海鮮有熟嘢食。涼拌菜鹹咗少少，其他肉類正常發揮。飲品任飲。呢個價錢OK啦👍🏻不過佢點嘢食，係計人頭，就算你話要五碟，佢都係俾兩嚿你，要自己逐次逐次叫。😂設計韓式，另有一番風味。😋推薦度（10👍🏻滿）：8👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：8⭐️賣相（10⭐️滿）：7⭐️味道（10⭐️滿）：8⭐️價錢（10⭐️滿）：8⭐️服務（10⭐️滿）：8⭐️地點（10⭐️滿）：8⭐［平昌 (旺角)］📍旺角西洋菜街1號兆萬中心13樓#晚餐#晚市 #食飯 #推介 #美食 #美食推薦 #美食日記 #堂食 #食好西 #吃貨 #hkfoodpic #hkfood #topcitybiteshk #香港美食 #美食推薦 #食評分享 #美食博客 #美食分享 #美食しい #食左先講 #852ig #foodiegram #instagood #winsomelai

今日放假跟朋友出旺角逛街，行到攰攰哋，有點肚餓 ，朋友話好耐冇食韓燒，不如喺旺角搵間韓燒食，朋友介紹間樓上舖喎一，佢話這間韓燒店都唔錯㗎，以前食過，好有韓國嘅感覺，因為這店有一半啲職員都係韓國人。 侍應服務態度非常好親切嘅笑容 服務一流有賓至如歸的感覺。地方好大，裝修亦都好韓流，好舒服。而且呢度啲套餐唔係太貴，價錢經濟，真係一個好嘅選擇。韓式嘅選食物亦都有好多個選擇，有豬頸肉、雞翼、雞串、炒粉絲、仲有好味的鰻魚。肉亦都好多選擇，有辣汁、照燒味和沒 醃製嘅肉。有肥牛片 、五花腩片，夠薄快熟。豬頸肉和牛舌好爽口、好正。海鮮方面有蝦、青口、扇貝仔。好新鮮，好鮮甜。飲品方面亦有好多個選擇，有韓國汽水和飲品，中國茶和啤酒 。自由選擇喜歡嘅飲品。

終於到咗唔使帶口罩日子，可以更輕鬆約朋友出外吃飯，大家講開都好耐無一齊食過韓燒任食了，所以決定上去OpenRice 揾一揾食，係旺角揾到呢間人氣好像不錯的，就book位來試試吧。朋友到先，已經開始了點餐，朋友都好瘋狂地先點肉類，來嘅速度都算快，辣海鮮豆腐湯， 唔錯，唔會好辣，飲完會再想飲，有啲海鮮碎係入面，有咬口。 肉類，牛舌最好食，原味，有味都好味，其他肉類就比較有咬口，可以鍛練一下牙交肌肉。另外都叫左啲海鮮，帶子還可以，來到幾靚仔，仲有蠔叫潻，可以燒下蠔仔，不過要小心彈蠔殼，不過蝦新鮮度就不足啦。 還有好多小食可以邊燒邊食住先，小食都ok, 如果能夠再熱啲就好。 飲品種類不算多，不過都夠選擇，見圖，還有啤酒任飲。 最後還有甜品，雪條任選擇。 不過到最後時間到爐頭已經被關了，本想不浪費食埋桌上的食物，就被職員趕了，可能要準備收工吧，當時並沒有下台客等中。

在旺角逛逛，想吃韓燒，提前在OpenRice 上做了功課，選擇了這家，清明節兩位walk-in ，6點幾入座，話八點鐘之前結束，後又來位服務員話係唔係七點半結束，真是無語，同先生選了每人三百幾的套餐，蝦，貝類都是不新鮮的，肥牛和牛舌一般，無功與過，其他的東西都不太可以，沒到七點鐘先生就表示很難吃打算離開，夜晚返到屋企再叫外賣吃。總而言之，算上晚餐加一服務費，兩位一起700+，用餐時間不到45分鐘，環境不太好，抽油煙筒還會往下滴油，食材不新鮮，不會再去

生菜入面有烏蠅‼️‼️‼️生菜入面有毛髮‼️‼️‼️refill左幾次生菜，第一次refill嘅生菜有毛髮，最後一次refill嘅生菜發現烏蠅😅舉手示意職員，之後來嘅係韓國老闆。佢見到生菜入面有隻烏蠅後，只係攞走嗰一塊生菜，事後沒有任何抱歉嘅意思。食物質素麻麻，下次唔會再幫襯🥲

同朋友聚會因為旺角就腳，就隨便揀咗一間燒肉店試。先講少少失望位抽風做得一般，一入到餐廳門口勁大油煙，同埋地方唔算大，如6-8人就會坐得好迫，另外一開始飲完第一轉飲品，出去再拎飲品基本上係冇哂選擇，呢個位覺得有d差。一開始會有前菜、調味醬料&生菜幾款調味料都唔錯今次揀嘅大君御膳的確係幾抵食，餐點都算幾多選擇。但係每次想叫少少都無辦法，因為每次上菜都係以人頭計算，所以每碟都會勁大份。韓式炒粉絲好好食👍🏻

平昌（旺角）菜式豐富，食物有返咁上下質素，當日過去服務不錯，店員有諸多幫我地換gas，價格也實惠，叫了世子御膳套餐，人均300，海鮮都幾好味～加上呢度嘅抽風做得好好，食完身上無乜油煙味！可以encore!特別食法推薦生菜+燒肉+蒜片／泡菜+燒汁韓式海鮮燒餅放上去燒一燒，更加脆口，更好味爐邊燒蛋加入泡菜，更加好味！鍾意可以叫埋炸芝士加入去！叫個麻醬沙拉，加入燒牛肉，自製牛肉salad bowl基本上食物都無伏，叫左以下食物都推薦：薄切牛舌、醬油醃牛肉，醃過之後肉質更嫩、雞軟骨、一串串食有feel~熱辣辣的炸忌廉蟹肉薯餅、烤海鮮，包括烤魷魚／扇貝／油蛤／帶子，全部都好味，魷魚扇貝口感彈牙，油蛤有海水味，呢個價錢，海鮮都有鮮味，抵啊！五花腩都好味，肉質好，無騷味，又juicy飲品可以自助任喝，基本的cream soda,啤酒，無糖茶，檸檬茶，呢D 都有。燒酒要加錢飲。烤蔬菜容易太乾身，記得要在旁邊烤肉，順便帶點油份上去茄子同菇！燒到一半可以蘸上一點燒汁調味茄子，增加茄子的風味，而且會更加juicy。

之前都食過某幾間韓燒，今次試下平昌，網上見都知道多人，所以早兩日訂位 ，但都只能安排晚上8點後。星期一晚都見唔滿，我地選了世子御膳，都好多肉類選擇，我地所有肉類都選取試下，味道都唔錯，海鮮我地都有選擇，但發覺蠔用韓燒方法，感覺不太適合。牛吞好食，都好推介，五花腩都好食。值得一讚係上菜速度好快，員工收碟都速度都好快 ，基本上都好食，會再來。

由於經常要喺旺角附近工作所以經常要喺旺角區覓食今日喺兆萬中心搵到見到呢間任食韓式燒肉餐廳環境都幾內舒適枱與枱之間都有足夠嘅空位唔會覺得好迫每次去食韓燒呢類型嘅餐廳都好驚成間餐廳充滿油煙不得不讚揚佢哋嘅抽風都做得幾好部份店員似係韓國人不過都係可以溝通到嘅我哋揀咗世子Set佢哋嘅落單都係非常簡單會有塊牌喺度你寫低想order嘅食物嘅編號就可以蛋漿可以Refill 一坐低佢已經擺放一啲前菜芽菜、泡菜同埋生菜作為牛魔王既我十分滿足超級推介牛舌、牛味濃郁我覺得唔需要調味已經好好食係要狂Encore的肉眼扒都好好食勁大塊咁燒😂豬腩片都係韓燒必食配埋生菜除左牛豬雞之外重有好多海鮮類同熟食還有任飲的飲品同埋雪條～

平平地想食性價比燒肉，就諗起呢間。之前同朋友都食過，今次再食睇吓有冇保持到質素先😬揀咗中價位嘅餐，都ok呀！難怪平日夜晚都勁full要排隊~入面裝修都幾特別，好多韓國人物，大家又認到幾多個？先嚟前菜，就係泡菜同芽菜，食太多肉解膩一流，仲有得任食生菜，可以包肉😍。中價位餐嘅肉都多選擇，個人覺得冇汁都好夠味，男朋友就覺得要嗌辣汁或者照燒汁嘅肉先夠🤣肥牛片同五花腩片夠薄，又快熟，同油份夠，開頭嗌就啱喇。牛舌同豬頸肉都好爽口。海鮮仲有蝦、青口同埋扇貝仔，都幾快熟，等佢熟嘅同時可以嗌啲熟食：炸蝦、炒年糕、豆腐泡菜湯都唔錯~200幾有咁多選擇真係好抵！炒粉絲必嗌😜😜驚唔夠飽，仲有辛辣麵同埋韓式拌飯🍜仲有食到咁上下，啲蛋就熟咗，好正😍😍嘢飲方面都有韓式油塘同無糖嘢飲，菠蘿Instagram仲有無限雪條任食，隻韓國朱古力雪條幾好食👍🏻👍🏻現場環境氣氛一流，朋友聚會幾好👍🏻👍🏻

今日好開心同屋企人去咗旺角兆萬中心嘅一間韓式燒烤，呢一間韓燒真係頂呱呱，去咗一次，真係會食過返尋味，真係值得推介，響旺角附近嘅朋友，一定要嚟兆萬中心試呢一間平昌餐廳呀，首先呢一間餐廳位置於旺角，可達到高，行大約2分鐘，就會到達呢一間韓式燒烤，食物選擇多，而且侍應服務態度非常好，親切嘅笑容，服務態度一流，有賓至如歸的感覺，而且佢哋嘅韓式選擇好多，有豬頸肉，雞翼，雞串，炒粉絲，特別要讚賞的，就是佢㗎鰻魚，大象湯，都係超級好飲，同埋海帶牛肉湯，都係超級好飲，全部都好好食，我叫咗超多粉絲，因為真係好有韓國嘅風味，而且佢哋嘅環境都好書房，冷氣足夠，地方又大，每張枱，都加設一張桌子，比客人放食物，真係好體貼客人，🙌🏻🙌🏻而且呢度裝修都幾好，好舒服，適合一家大細嚟食飯，而且佢呢個套餐唔太貴，價錢經濟，真係一個好選擇！