平記咖啡冰室

營業中

休息中

平時見好多人排隊, 成日聽人講依間好好食~今日終於有機會試下呢間茶餐廳~ 因為平日所以唔洗等, 但現場都係滿座! 我哋叫咗兩個蕃茄濃湯早餐~ 一個鮮牛肉蕃茄湯米粉同一個紫菜墨魚餅米線! 鮮牛肉係唔鞋~ 唔係嗰啲乸到滑潺潺嘅牛肉! 牛肉嘅份量都幾多, 有5-6片, 但冇乜牛肉味~ 米粉就正正常常! 紫菜墨魚餅得兩舊, 比較較少~ 雖然唔係好抵, 但魚肉味好重, 真係好多紫菜喺入邊, 幾特別!但係蕃茄濃湯底有啲失望～ 好似滾水咁冇乜味道, 只係有啲蕃茄碎喺湯～而且滑蛋一啲都唔滑, 同腸仔都好普通, 完全冇咩特別, 唔明點解咁多人排隊…多士係一啲都唔脆, 同埋好薄, 個人認為敏華更加好食~ 好失望! 嘢飲方面兩杯嘢飲都好淡! 做唔到茶餐廳基本嘅奶茶同鴛鴦

已經好耐冇寫食評!今次一定要評一評!行过路过，有D餓，乾脆入去茶記食D野， 單看裝修 完全沒有期望， 諗住飽肚便算， 点知充滿驚喜!1.多士火腿炒蛋多士外脆內軟，非常鬆化，还厚塗了牛油煉奶，正!2.雜菌素菜麵今時今日居然可以在茶記吃到一碗多菜，有木耳，豆腐，雜菌麵太感人!而且麵底是爽身!正!雞湯底有鮮味5O元有埋凍飲而且吃得健康，一定会再回頭!

【九龍城區】【平記咖啡冰室】尋日係我生日，一起身玩咗一整日咁滯，分別有不同嘅 parties 各自同我慶祝。喺呢個以自利為終極打算配合以解決問題…吖唔係…以「清零」為目標嘅社會，格外珍貴。借呢度好好多謝每一位，多謝每一位嘅祝福。大家見我平時耐唔時會貼李克勤歌曲嘅歌詞就知我對於送禮同收禮都有一定嘅了解，過年都送咗啲禮出去，希望朋友唔好將其遺留在更衣室。而我自己都收到啲禮物，嘉頓什餅真係少不免，不過對方平時對我好好我就唔講咩。寫咗兩段同今日呢間餐廳完全冇關嘅嘢，都係時候強行將個話題拉返入正題。不過講呢間餐廳都要多謝某餐廳話事人，係佢介紹呢間餐廳畀我，話佢幾好食，不過以我嘅作息習慣好難喺六點前食到佢，因為佢係收六點嘅。適逢疫情之下嘅堂食限聚令，係唔係都要六點架啦，咁所以反而令我真係的起心肝咁去食。平時都係紅磡站行去嗰頭，原來何文田站行過去仲近，幾好喎，食完行去紅館都不遠，可以寫埋落 1am紅館 系列度喎，正，又一篇。我去到呢啲餐廳就忍唔住叫個「常餐」先，主菜「金菇鮮牛肉麵」又幾好食喎，清清哋又唔會好寡，幾好 feel。而配菜「火腿炒滑蛋」正常，「奶油厚多士」都唔錯，加埋杯「熱奶茶」收 $46

十年如一日冇裝潢做街坊生意都過得去略嫌有點吹捧過籠普通到唔普通既雞粉味精水配粉麵配料都只係d白淖既牛肉雞肉腩肉 魚旦墨魚柳純性價比黎講 你求其一間超市都買到煮到簡單d講就係俾佢呃過一次算數冇返頭

經過紅磡有啲肚餓是但入咗間茶餐廳點知揀到間正既，環境舒服乾淨，冷氣充足，啲座位一啲都唔迫，店員好快就安排到入座。下午茶2點開始，今日紅日都有，$27奶油脆豬仲要包杯嘢飲，價錢算抵，另一個餐叫o茶少冰少甜，我好少見茶餐廳真係俾咁大杯野飲唔係一半都係冰同糖水👍唔小心倒瀉左杯水，店員完全冇黑面，冇鬧我地，仲即刻幫我哋抹枱執野問我有冇整親，講真真係好少見茶餐廳嘅店員咁有禮貌！下次去依區絕對會再去幫襯的！

叔叔嬸嬸都友善和藹可親，招呼殷勤有禮兼親切，服務有熱誠，感覺溫暖舒服，肥叔叔及四眼叔叔最友善最寬容。服務排名磅肥叔叔、四眼叔叔、肥嬸嬸，包尾四眼阿姐及四眼瘦姐。四眼瘦姐是否天生西面呢？感覺不良好。我食完還有時間可以慢慢嘆埋杯凍齋啡，又唔係無位比剛來的食客，係我面前行來行去眼超超，貌似不耐煩不高興！熱即磨咖啡，堅濃郁還可以，質地有點厚有點粗鞋。熱奶茶，茶香濃而幼滑，茶味豐富跟淡奶比例恰到好處，互相輝映，中上的品質飲得過。焗菠蘿油，叔叔推介加 $4 蚊有焗菠蘿油，我地 3 個分享那怕食唔晒，而且叔叔稱會幫我地切埋呢。見您誠意權權，一試無妨，我還以為會細心到切三份細添，都係兩刀打十字四件，諗多左咯。微暖菠蘿包連牛油都未能溶化得到，一心期待著熱辣辣焗包，失望！唯有用自己口腔溫度溶化吧，成塊牛油硬崩崩地塞入口，寒意使到打個凍震。略脆外皮非常熟識的味道，不是一般的菠蘿包，混種來的！思考幾分鐘，係您喇！加左雞尾包甜甜椰絲餡呢，味道真係唔錯，只不過凍包就大打折扣，嘥料！墨魚角腸仔番茄濃湯米粉，墨魚角有點咸，味道香口似魚片頭，充滿彈性。番茄濃湯屋企家常滾湯味道，足料合格，鮮茄味清爽香甜。雜菌腸仔蕃茄濃湯

嚟紅磡，最常嘅就喺有白事要出席，今次喺老友嘅爸爸過身，做兄弟嘅梗喺要幫手。小弟獲分配坐門口接待處，由於老友家人決定以傳統嘅道教儀式進行，所以，要5:00pm坐到9:00pm。故此，到殯儀館前整個下午茶打打底，從網上搵到「平記」，因為見風評好似幾好。一入門口，估唔到近乎滿座，只喺得對搭枱卡位，而餐廳環境都幾逼吓，用啲大大小小嘅膠板做間隔，其實，對防疫都喺做個樣而已。而小弟坐晌卡位，有部份卡位專登加多塊膠板晌枱中間隔開兩邊，喺方便搭枱做多少少生意，其實，我覺得都OK嘅。本來，一心一意嚟嘆個菠蘿油，晌鋪面貼晌玻璃窗嘅下午茶餐，都有標有菠蘿油供應，但坐低後睇睇下午茶餐牌，竟然無咗，有點錯愕，既來之，則安之，就食份西多士。而其他時段，餐廳仲有啲咩食物供應？兩頁外賣紙貼埋出嚟就一眼睇晒。餐具放晌枱邊櫃桶，差不多已然成為標準，之前晌其他食評都講過，呢個做法晌疫情期間就唔太好，唯有自行洗洗消毒，但更需留意嘅喺，就算唔喺疫情，個櫃桶就咁搵啲紙皮墊底，仲有唔少黑點同污漬，呢個就……！西多士 $27西多煎得有點焦香，而糖膠以膠樽成支咁上，落多落少可自行安排。依家出面好多做西多都喺夾有花生醬餡，但呢度就無嘅，

今日終於記起決定去試吓早餐 = 蕃茄鮮牛墨魚餅公仔麵丶奶油多士煎腸仔伴炒蛋丶熱華田… 勁好味丶足晒料丶價錢平丶好滿足丶無口渴，平凡外表，內藏實力，喜出望外。 繼續加油呀！

納入狠狠懲罰系列原因 - 網友提供店員良心言論其實我好鍾意食茶餐廳早餐，自從屋企附近好多無得幫襯之後就少左食，見有網友報話呢間有良心言論，於是番工前專登行去咬番個早餐。店舖都唔少位不過真係超多街坊食，好彩我一個人易有位，之後見到有一家大細黎食都要等位，仲要係平日朝早時間就知幾旺場。《蕃茄濃湯早餐》($32)：有成八款料可以揀，我就揀左紫菜墨魚餅，呢個幾有驚喜，大塊得黎又彈牙墨魚滑味都幾濃，蕃茄湯好多蕃茄好足料，飲落稍為淡左少少，應該少落茄膏調色調味，跟多士滿滿牛油，炒蛋就略為熟左少少。店名：平記咖啡冰室地址：紅磡蕪湖街78號地下餐牌

平記其實好近我家，每次經過都見佢拉龍等位，心諗有冇咁威呀~咪又係茶記！今日早起，未夠9:00就走落街揾食，冇人等就即管試下，我叫茄濃湯五香肉丁面，太太叫什菌湯鲜牛面，跟厚多士腸仔炒旦，凍奶茶，茶走。除左茶走分數中上之外，其他的食品只係普通質素。面，cheap cheap 即食面，冇嘢講。什菌清湯，咪就係幾粒什菌加Ｄ清水咁清嘅湯，冇味，鮮牛，極淡色極淋極冇味。茄湯，咪就係咩都唔使諗切—堆蕃茄滾個湯，冇技巧可言，好彩我叫五香肉丁，带Ｄ味比佢。厚多士，無厘神氣，淋。腸仔，全個街市每平嗰隻。炒蛋，見有食評話正，吹得就吹，老麥都好過去。其實今朝去到，見茶記有面早餐但冇沙爹牛就知出事。

喺附近拜完觀音娘娘之後， 到了這裏吃個下午茶，其實經常都會來這裏的。 店內雖然坐位不算太多， 但每一張卡位都有空間感， 食物質素唔錯，最緊要平靚正又方便。 今次點了兩個下午茶餐，鹹牛肉煎蛋三文治配茶走$25，西多士配奶茶$25。 鹹牛肉煎蛋好足料， 除了份量多之外，味道也很好， 鹹牛肉配蛋是很夾的， 蛋的質地滑身， 再用鹹牛肉來調味。 西多士是沒有花生醬的，我最喜歡這一種，現在很多茶餐廳的西多士都配花生醬，個人感覺不太喜歡。 飲品方面就普普通通啦！

午餐肉炒蛋牛油厚多士，嫩滑炒蛋有生命，不是一味大火熟到成塊薄餅般，又老又起晒豆皮，諗起都毛管洞啊！用溫和慢火兜炒而成，香噴噴鬆軟棉滑附著蛋汁，搭上厚切餐肉躺在牛油厚多士之上，狠狠地擘盡嘴仔塞入去！味道渾然天成，毫不吝嗇地塗上大量牛油，牛油已完全溶化滲入多士之中，多士外香脆內軟塾，午餐肉鬆軟泛著濃郁咸香。百味交雜，質地多變，食得津津有味，無可挑剔。腩肉出前一丁配雜菌清雞湯，從未試過平記煮的出前一丁，比次機會您啦！沒有將出前一丁湯粉混入雜菌清湯？湯底異常淡，淡如水又吃不出雜菌味來。有雞髀菇、雲耳、啡菇，三種都爽口清甜菇味。，腩肉如來係五花腩，薄切咸豬肉，鬆化膠滑嚥韌有齊，好味喎！我仲幻想係炆牛腩或客家炆豬腩肉或糖醋或醬油炆，依個好野黎呀。出前一丁真係好難煮得唔好食，但居然要成碗放棄，真係入唔到口呀。部份快餐店會預先沖過水讓麵條放涼變腍，縮短烹煮時間。發脹麵條帶著水喉水味，外暖內凍，時光倒流溶到回復麵粉口感，非常可怕！頂左兩啖，都係要成碗放棄，太難食，不是食丁麵的地方！剛巧搭檯阿叔又係叫丁麵，見我成碗掉底唔食埋單，一臉茫然用疑惑的眼神目送我離開。

每逢經過呢頭，必會光顧下愛上呢度嘅早餐平、靚、正！蕃茄生滾牛米線，配滑蛋多士茄茸有茄味、牛肉鮮嫩、湯香濃 蛋滑身、感覺實在，絶唔係蛋水即磨咖啡都相當ok早餐話曬係每日第一餐，絕對唔可以求其呢度地方雖不大，但食材同烹煮都絕對用心而且服務態度亦好好，店員都好有禮貎，唔會感覺到想你快D落order快D食完快D走早餐食得好味又開心，成個人頓覺醒神無論價錢、食物質素、服務態度絶對比連鎖式快餐店優勝很多，會繼續支持小店

冒住返工會遲到的危機都要入去坐底食個早餐先開工雞絲番茄湯底米配腸仔炒蛋厚多士雞絲番茄米線:整碗送上來的是雞件，淡淡薑汁味，雞肉滑嫩，米線爽滑，真才實料番茄湯底，食落很實在滿足。腸仔蛋厚多士:炒滑蛋全無欺場有蛋汁，美中不足的是厚多士，可能最後才食放耐咗，多士淋了!冰室內大多是附近街坊光顧，店員與食客都很熟絡，感到一份人情味

 就在個人多次在平記吃早餐、午餐的經驗，都係推薦平記的早餐最抵食。點解？以附近同區的茶餐廳為例，$28 有同等價錢的茶餐廳都無佢咁大份量。平記有一大湯碗的蕃茄湯底的粉，蕃茄蓉很多，蕃茄蓉湯可當湯咁飲，唔覺口渴。粉亦份量大，一個女士吃完粉時，再吃半塊牛油厚多士同炒蛋香腸，你可想像飽的程度。仲有什菌湯底選，有唔少什菌，啲什菌唔係淨係白灼，而是先調味的，很好吃。蕃茄或什菌湯底，再加自選一種餸，好似食緊兩餸咁。選餸中有大大件的紫菜墨魚柳條，很少在其他車仔麫餸中可找到的。而炒蛋香腸中，香腸是一般的腸仔，唔鐘意可隨你配搭，自由度很大。至於半塊牛油厚多士，可轉奶醬多，只需加一蚊，不過要轉牛油以外的味道，如只是醬多都是要加一蚊的，咁幾大都兩種味啦！如果你仲驚唔夠飽，加一蚊要整整一塊奶醬多都得。茶方面，如熱檸水都有4塊檸檬，絕無欺場。唯一缺點是早餐時段，舖細人迫，4個成人坐狹窄的卡位，食物一齊嚟都幾乎無位放，所以可以就食完才叫茶會鬆動啲。