影片
以上資料只供參考, 請與餐廳確認詳情
原本想食愛群確如店名炸髀,不過又俾我哋發現呢間幾好粉麵茶餐廳,門面睇落應該係八九十年代嘅產物.一個舖位係茶餐廳,另一個就係麵包店,呢種模式嘅食肆晌未徹底重建嘅舊式公共屋邨都幾常見.入面啲裝修陳設就幾新淨.唔知係唔係曾經翻新過?餐牌上有唔少插畫,都幾得意,但定價以公共屋邨嚟講唔算平,感覺唔太大眾化.檯號唔係用數字編排,而係由英文字母A開始嘅人名,冇留意係唔係由A到Z,不過佢哋啲檯的確唔少,我哋呢檯係Christy,真係好得意.朋友叫咗叉燒燒鵝飯,佢話叉燒係半肥瘦嘅,燒鵝亦皮脆肉香.我就係下午茶嘅法式西多士,以一整片厚身白方麵包蘸蛋漿炸成.中間冇其他餡料,不過油份適中,牛油夠香,未知係唔係因為自設麵包店嘅關係,貨源較新鮮,好似比平日茶餐廳食到嘅軟熟,配上糖漿感覺唔錯.餐飲方面朋友揀咗凍檸茶,佢話紅茶茶味幾甘香濃郁.我就叫咗晌茶餐廳比較少見嘅薑汁紅棗薏米水,跟下午茶餐都唔洗額外加錢. 薑汁味恰好唔辛辣,入面有兩大粒完整嘅紅棗,我將佢哋搗爛再拌勻,飲落就更香甜,薏米嘅份量非常多,煮得腍中帶嚼勁,飲完後既暖胃又美顏,好養生嘅感覺.雖然定價唔算大眾化,不過食物質素確如店名咁"幾好".
繼續閱讀
每個地區，每個屋邨都有集體回憶。而我大部份回憶都是與我的靚太一起丶一起吃喝玩樂。食…是最重要的一環。今天週日氣温低，在被窩內睡到日上三竿才鑽出來，準備待到晚上才食一餐，小活動丶少食量是我長久以來的計劃。其實有智慧也未必有恆心。我決定找家幾好的餐廳來個下午茶，而這家名叫“幾好”的茶餐廳包羅萬有，中式丶西式丶燒味丶鹵味和小炒。我打開菜牌已不知所措，最後都係選擇下午茶餐內的燒味米粉，睇來睇去就點了燒鵝和叉燒，燒鵝在此店最為出名，皮脆肉甘香，脂肪豐富但不肥膩，與米粉就變成濃淡雙佩，天衣無逢，而我再三提醒樓面叔叔，我要肥丶肥叉燒呀！肥的佔三分一，真是黃金比例。燒鵝肥叉燒米粉，包飲品 $42餐飲選的是港式奶茶，外觀不知功夫到達那個層次，只有用手觸碰到杯子，那個水吧師傅的功力就傳到我心深處，港式丶港式，我的真愛。
繼續閱讀
我就住順利嘅 幾好一直喺我心目中又貴又難食啲野一味得個多字同屋企人去食 次次都出事 一次比一次差 次次覺得佢會改 點知愈來愈失望六十幾蚊個腐乳通菜 可以0鑊氣 同烚菜冇分別 啲嘢求其到不行 價錢同我去酒樓叫小菜又差唔多 食物質數就差十萬八千里碟頭野就中下貨仔 但係5，60蚊碟 份量就多到可以兩個人食燒味飯嗰啲 我上去上面名舫食唔好 質數差唔多 價錢平一截唯一叫做可以食得過嘅 就係牛腩同牛雜喺呢間野度食 有人應你就當咗有服務態度㗎啦
繼續閱讀
勁嬲，今日買燒鵝點知成盒都係皮，脂肪同骨頭，用左百幾蚊黎買脂肪，有無搞錯呀！ 仲話出名燒鵝？！堂食就話有得睇姐，外賣要拎返屋企先睇得到，夾下夾下，愈夾愈吾對路，點解舊舊都係皮架呢⋯⋯以後都吾會再食呀⋯⋯差到嘔
繼續閱讀
適逢三點三，又是下午茶的時間。今次去吃的是茶餐廳的招牌「奶醬厚多」，厚薄適中的多士塗上香濃帶花生碎粒的花生醬加上煉奶，一拍即合，的確是下午茶的好選擇。另外，餐廳的茶是紅茶，中和了多士的甜度，令整個下午茶的層次有提升的作用，亦有飽肚之感！服務方面仍然有待改善，如待應的手指浸在茶杯內，是很多茶餐廳常見之事，但的確令人食慾大減。
繼續閱讀