座銀

營業中

休息中

本身想去太古新開嘅 Jomo但原來8點就門咗於是近近哋行去隔離食拉麵座銀喺中環同跑馬地都有分店，不過我都係第一次食，比較唔到分店質素。• 雞白湯拉麵•雞沾麵•燻製玉子雞白湯拉麵不過不失，湯底夠濃而且係有層泡沫喺面，幾特別。但味道未去到十分驚喜。碗邊嘅炸牛蒡份量超大，相當脆口唔膩，唔鍾意煎炸口感嘅話，浸湯整返軟再食都得。另外仲配一塊雞肉同豬肉叉燒（個質感類似火腿），雞肉肉質鮮嫩，有嚼勁而唔會太韌。叉燒麻麻哋，有啲乾身，我冇特別鍾意。沾麵醬汁濃得嚟帶芝士味，入面亦有雞塊，係有啲意想不到。個麵係凍嘅，沾暖嘅醬汁食，溫度其實啱啱好。可惜店內冷氣實在太大，啲食物好快凍晒我覺得係特別嘅，整個體驗都舒服，職員態度都好好，只係嘢食唔可以話係十分出眾。

之前食過一次，覺得都唔差，有日夜晚再去食，點知中晒伏，拉麵上嘅時候已經覺得塊叉燒有好多血水，食完覺得唔係好舒服另外服務態度唔掂，問門口齊陰嗰個女侍應可唔可以去上邊坐，當時間舖好吉冇乜人，佢已經黑口黑面，好似得罪咗佢咁，咁嘅服務態度企門口好趕客其實間鋪咁少人幫襯，點解俾啲客坐得舒服啲，上面得一張枱坐左人，跟住全部枱都係空嘅，都要叫你坐走廊位，完全冇位比一袋二袋嘅客人可以擺少少嘢唔平但買到一肚氣😢唔會再有下次幫襯呢間😵‍💫超差嘅體驗

今天和兒子到這間餐廳吃午飯。由於我已經用膳，只是陪兒子進去試試他們的拉麵，我們二人只叫了一客午歺。負責為我們點菜的女侍應已經表現很不高興的樣子。埋單的時候，收銀員更瞪大了眼給我看了一會，又瞪大了眼轉向我的兒子。我真的很驚訝這間餐廳展示這樣不禮貌和看不起顧客的態度。我告訴他，他是我兒子，我已經吃過午餐，所以只叫了一客拉麪，是不是不可以呢？從來沒有在餐廳受過歧視的我，真的對這食店感到很失望。說真的，食物質素並不是超水準，很多地方都可以吃到這樣的品質。但價錢卻比一般拉麵店高出一倍。如果你用善意對待顧客，價錢我是不介意的。但以這樣糟糕的態度款待客人，即使怎樣高質素，我也不會回頭。我想，如果你們不改善，遲早會變得冷清清。

日本大阪人氣拉麵店「座銀」香港都有得食，除左太古，仲有中環、跑馬地三間分店。佢主打特濃雞白湯底，食材全部日本入貨🍜雞白湯拉麵$148★★★★☆拉麵湯底係雞湯，味道幾濃比較上LIGHT啲，湯底超級滾熱辣！拉麵比較幼身，唔算好重麥味！叉燒我覺得正常普通，反而係個雞胸肉超級嫩滑，好味！佢仲會有炸牛蒡，香脆得黎咬落回甘，幾解膩！🍜雞白湯沾麵 $168★★★★☆沾麵基本上同拉麵配料一樣，有牛蒡、叉燒、雞肉。但明顯湯底再更加濃郁，偏向重口味咸身啲，但配麵係一流！我超愛呢個麵底，粗加闊，食落好有咬口，好似烏冬咁！因為個麵底本身係凍上，所以沾麵食好快個湯底會變凍，可以叫店員幫手加熱番。最後仲可以加湯沖淡佢飲！🥚煙熏溏心蛋$18★★★★☆雞蛋入味有木香煙熏味，值得追加。🌟總括：雞白湯沾麵有驚喜，特別係麵底好有咬口！適合重口味人士食嘅拉麵店！

叫左沾麵 食落好味既 點知食完口渴左成晚 飲左好多好多杯野都解唔到果隻 唔知係咪落左咩味精呢??????Anyway 好多年前食真係好好食既 而家點解差左咁多?????上次食湯麵直頭鹼水味😮真係令我自己都唔相信自己條舌頭 咩話 點解架?????點解搞成咁架 除左麵仲叫左炸雞既 咁炸雞係幾好食既(終於有樣野讚下)個炸牛蒡印象中都係以前出色好多….雞蛋另外叫 冇乜特別真係 omg🤒結論：又貴又口渴又鹼水 真係no next time!

今日下午，和4位同事一同到太古座銀用餐。店員分別非禮同枱的兩位同事。放餐及收餐時，故意碰到同事的胸部，明明有位可以取餐盤，但不知有心還是無意，有2位同事都被非禮，令人不安。

招牌雞白湯拉麵$148，仲要唔包半熟蛋，煙燻蛋一隻$18拉麵上台，湯夠熱，但飲第一啖唔知點解覺得有一陣雞的腥味，食多幾啖習慣左係ok麵身偏粗，湯頭好濃稠，可以掛上麵雞胸叉燒很嫩，應該是慢煮的，但豬肩肉就一般煙燻蛋生熟程度合格，亦有煙燻味呢間鋪唯一問題係定價，$148一碗拉麵，但用料不見得配合到價錢埋單仲要收加一，一個人食一碗麵加一隻蛋，埋單要＄183我去灣仔出名個幾間食，已經差不多可以食兩次所以試一次就夠，不會再來

座銀係來自大阪既人氣雞白湯拉麵店，其實早已進駐香港，最近第三間分店亦都係太古城開業，lunch一於過黎試下雞白湯拉麵採用日本既雞，把雞的精華用獨門製法提煉出來，湯利用泡沫咖啡打泡法，打出一層層泡沫，白色既雞白湯口感好creamy，麵係偏粗有咬口的，附上一片叉燒同一片雞肉，兩片肉用上真空慢煮法所以都幾鮮嫩，仲有炸牛蒡，整體都幾夾海鮮。雞拉麵以雞拉麵湯底作基礎，加入研磨蝦乾魚乾一起烹調，注入濃厚海鮮鮮味，味道雖然濃郁，但略咸，有點蓋過雞白湯的味道整體味道係不錯的，我個人就偏愛雞白湯拉麵多d，$148再加一，一碗拉麵盛惠$163，呢個價錢絕對係貴，不過香港食拉麵向來都唔平，係咪真係咁值就見仁見智🙂

太古城店在剛開幕的時候 天天午飯時間都要大排長龍 終於等到少咗人排隊去試吓整間店舖除了拉麵沾麵外 另有炸雞同糖心蛋可點 坐低後侍應會問你要熱茶或凍茶.雞白湯拉麵 Hkd148 🍜湯面會打到起泡呈奶白色 外貌吸引 第一啖湯飲落去係好好飲 但始終食到尾都係會覺得膩 拉麵上面嘅炸牛蒡好食 兩塊肉味道正常 沒有驚喜雞沾麵 hkd168 🥢朋友叫了沾麵 面身是較粗的 跟拉麵不同而且整體份量較多 女仔好大機會會食唔晒 沾麵湯底更濃厚 其實會過咸 食完拉麵後會忍唔住飲好多杯茶😅香港始終食拉麵都是偏貴 總括嚟講 呢間都可以一試 但回頭機會唔大

終於食到呢間人龍店，太古城”座銀”。雞白湯非常濃，可以說是香港最濃的雞白湯。雞肉都好嫩，有雞味。但有兩個問題。一是冷氣太凍，直頭是趕客級的溫度。第二是太貴，一個麵，連加一，足足163😱 。午餐都可以吃3 course了。

這餐廳開了好幾個月，剛開時有很多人排隊，今次仍見到餐廳坐滿人，但未見到人龍，只須等一會，所以入去試試，在等候處，服務員會先向客人遞上餐牌讓客人先看要點甚麼。食物的選擇不多，只有幾款，他們應該對出品很專注吧。This restaurant has opened over several months. It has been a long queue. I try this time as there is no queue though the restaurant was still full. The waiter greeted and showed us the menu for ordering first when we were waiting the table. There are only a few menu choices. They might be very focusing on their food quality. ******************************🥢 海鮮雞拉麵Seafood and Chicken Soba 👍🏻 麵質煙韌

Zagin 定 Ginza話飛就飛都不夠及時，有乜嘢仲好得過開心食餐，係 Zagin 好 Ginza 也好，呢間號稱最佳拉麵店過江，再開店到太古城，中午飯時間排隊就故然之，不過又唔會失望，餐具、溫度、味道配搭都令人滿意，即使價錢同附近餐廳和心目中稍稍高，而且份量則稍稍少，佢嘅質素就相當有保證，用炸牛蒡拌麵都幾特別，用餐流轉快所以食完都唔會坐太耐，要識得「讓座」其他客人，有機會一定要親自去東京銀座總店體驗一次。

突然其來嘅感覺好想食日本拉麵，雖然見到評論好似唔係太好，但係我見係新開嘅不如去試一試。自問唔係日本拉麵專家，不過嗰一刻好想食日本拉麵，又係太古城附近，所以去咗呢度試吓度試。地方好新好舒適，入去叫我坐好大張枱。我最終唔好意思都係坐返張二人枱就算啦。我覺得服務態度幾好。咖啡本身係要外賣，都唔介意我買完之後坐返喺度飲。嘢食方面，我覺得食材好新鮮，拉麵我直程覺得好好食，炸雞有肉汁，食材救新鮮已經勝於一切。我自己就會再去食多次

因為昨天晚上光顧時，受到令人極度不安的對待，我覺得有必要在這裡分享一下今天晚上到太古城新分店光顧時，排隊時已有一列三人母子在店外狂咳，本來是沒有什麼關係的，因為真係唔關我事。然後我被安排bar 台那邊坐，食物點了上了炸雞，茶又不上（無記錯此店跑馬地鋪是會上茶前先問客人要凍還是熱茶，唔問都算仲要客人在上菜之後先有茶此舉好奇怪）之後那位職員禮貌要求我轉個位讓比三位客人坐，（就是在外面狂咳的三母子）不過人是會病的，我唔好彩要對住佢地食麪而又好多手位我都明但會唔會轉左我位之後唔轉我張單，佢地將碗麵上左比個母子（一分鐘有得食），個小朋友狂咳之後，該店員仲會想將客人掂過同咳過既拉麪上比其他人？已經忍受住佢地無口罩會傳染比我既風險，見到我坐到側哂又比人搶走左碗麪，當下都無即時比返一碗我仲要我從新等多15分鐘+去收返隔離位點個碗麪，我已經好無奈，搞到好似我做錯左事一樣雖然係一位可能未必比個三位狂咳母子客人總消費額咁多但都食左200幾蚊既野而唔係無比錢我就因為消費唔夠三位多要忍受以下1）轉了我位又唔轉返張單2）差點比碗比陌生人咳過既麪我食3）你地出錯時間就要我去受返該店員既錯4）個女士仲要對住個冷氣狂咳

總體菜品偏鹹，炸雞真的挺油炸的，也略鹹。服務禮貌而周到，waiter還在training中。新開店中午排隊有些長，晚上還可以，週一晚上突然想去吃，7點多以後到，在門口排隊大概十分鐘。