康樂茶冰廳

營業中

休息中

住左係荃灣大約有6年時間, 成日行經呢間冰廳, 可能門口不是很起眼, 有種很舊的感覺, 不過當日因為趕時間, 就求其搵間有位嘅餐廳填飽個肚就萛. 一入去, 找到個吉嘅卡位坐下, 好有懷舊嘅感覺, 再加埋格仔地板和近門口的西餅玻璃櫃,令我回憶起小時候和媽媽住在九龍城去冰室的日子.一開始唔知叫乜野食, 個侍應已經企左係我旁邊問我食乜, 希好可能佢見我生面口所以冇吹我落單, 開頭仲以為呢D老臣子侍應一定好串, 原來都幾nice.  佢地有當日碟頭午飯餐, 印象中好似要35蚊, 不過因為唔搭我胃口, 所以就點左個常餐種類嘅午餐, 就係叉燒通粉,火腿煎蛋配牛油餐包, 熱檸茶, 價值33蚊.火腿煎蛋 - 都不過不失, 下次會試下佢嘅太陽蛋, 因為見到好多人叫.牛油餐包 - 好好味, 就係呢個牛油餐包帶比我很多小時候和媽媽到冰廳食Tea嘅回憶,我諗真係有30幾年冇食過呢果牛油包. 不過真係非常飽肚, 搞到我幾乎食唔落個叉燒通, 唔怪之得我見到大部份人都係叫多士"漢"低啦.叉燒通粉 - 叉燒有點兒太乾總括來講, 食物質素, 服務及價錢萛唔錯, 最重要係佢地保留到果種香港情懷, 下次都會帶埋媽咪來感受

康樂茶冰廳是我的一個中學回憶，我在荃灣讀了五年中學，記得那些年偶然會與同學仔光顧康樂，當時最愛就是吃那些「特餐」、「常餐」之類。在葵涌區住的我，經常會經過康樂，但也沒有再次走進去。我想，我已有十幾年沒有幫襯康樂了。這個星期三下課後，與朋友再次光臨，因為想再次回味香港冰室獨有的回憶。在路德圍，很容易就會看到一間門面很老很舊的冰室。門面還是有一格格玻璃窗，放著是中西柔合風格的懷舊糕點，例如蛋糕卷、椰撻、酥皮蛋撻、沙翁、蝴蝶酥等等。推開門，甫一走進冰室，就是左右兩邊的卡位，地下舖上格子地板，直望是開放式的廚房，一定可以看到的是汽水機，這大概是舊式冰室的風格，十多年都沒有改變。基本上大部份人一入茶餐廳想找個卡位坐，我也不例外，我們坐了在蛋糕窗櫃後，接近收銀機的一個卡位。枱上有兩份餐牌，一個大餐牌是打直的，都是飯、意粉、三文治、甜品、飲品類，而另一個較小的餐牌是麵類，有我最喜歡的常餐類。午餐，不要以為只是下午才可以點選，因為它是上午十一時後就可以供應，沒有時段的限制，於是我在晚上十時多，點了個「午餐」，但因為叉燒已賣光了，所以轉了做沙嗲牛肉意粉，朋友則選了同等價錢的麵餐。在等候我的點餐上枱時，看

今(19-10-2013 Sat)朝同男友起身去食早餐,由於佢要去銀行,咁落荃灣啦.整好後唔知去邊o度食早餐好,佢話路德圍好多o野食.我答係,但多數都開好晏.我o地行到o黎,見到o係o度成30幾年o既呢間,就入去啦.我o地坐到最後同最入o個張卡位,男友要$31.00o既茄汁雞髀飯,加$2.00要凍奶茶.我要$31.00o既午餐,有叉燒湯意粉,火腿庵列同牛油餐包,同樣加$2.00要凍奶茶.好快,兩杯凍奶茶o黎到,未飲已經嗅到奶茶香,飲吓先,味道夠濃同唔o鞋,OKo既.然後係我o既叉燒湯意粉,火腿庵列同牛油餐包都到o黎,再加一兜男友茄汁雞髀飯o既茄汁.不過我睇睇張單,點解寫38同33o既?唔係兩個都係33咩?問問侍應,佢答茄汁雞髀飯要凍飲加$7.00. menu明明寫住凍飲加$2.00.雞髀飯到o黎喇,隻雞髀好細隻,而且切開o左,男友點餐時,侍應問佢切唔切開?佢答唔切,點知o黎到係切開o左,但又唔係切斷,攪咩?先唔理所有o野,我食我o既火腿庵列同牛油餐包,牛油餐包大大個,牛油塗得唔算好多,餐包鬆軟同甜甜地o既.火腿庵列呢,叉開睇睇,內裡有蛋汁,但火腿極少,食落,呢啲冇問題啦.而叉燒湯意粉

今日放工同老公去荃灣食晚飯, 因為我極度掛住呢間餐廳, 所以又再一次試其他的食物.  今次老公試傳統咖哩雞脾飯, 而我試茄汁豬扒會意粉.咖哩雞脾飯雞脾都好大隻, 先用滷水汁煮雞脾, 然後再炸, 味道外皮炸到香脆, 而肉質鮮嫩帶有滷水味道.  另一方面咖哩汁另外盛載著, 咖哩汁味道非常香濃, 裡面配有爽甜洋蔥, 這個咖哩汁用來伴飯或沾雞脾都好好味.茄汁豬扒會意粉豬扒肉質都好爽, 爽中帶有煙煙靭靭, 配柔柔軟軟既意大利麵條和好濃郁的蕃茄汁, 非常好好味!

星期日同老公去荃灣行街, 順道向荃灣食埋晚餐再返屋企.  行到荃興徑時, 我見到呢間冰廳.  呢間冰廳的感覺無論外部和內部的裝修都十分有懷舊的感覺, 令我突然間回想起以前細個的回憶.  入到去坐低, 望望四周的裝修和枱櫈, 都係同以前細個記憶中的情景一樣, 心裡突然間有種變回小孩子的感覺.  餐具都是十分懷舊, 用以前舊款碟, 仲有飲品仲保持用緊以前舊式玻璃杯, 非常有懷舊感覺.  老公order左沙嗲牛肉米餐配太陽蛋火腿多士, 而我order左茄汁雞脾飯.  沙嗲牛肉米餐配太陽蛋火腿多士~  多士 - 厚切加已焗底, 哄到十分香脆, 夾埋半生熟太陽蛋好好味.  沙嗲牛肉米 - 牛肉入口鬆化, 肉質十分柔軟, 配了香味十足的沙嗲湯底, 無論是香味和味道都是十分滿足十分好好味.茄汁雞脾飯 ~ 首先個茄汁跟平日的茄汁不同, 呢個汁的味道很像會意粉的汁一樣, 將汁倒在熱哄哄飯面上好好味, 而且裡面有很多蕃茄料, 整個汁充滿了新鮮又濃郁的蕃茄味十分香口, 而個雞脾係滷水雞脾, 配埋新鮮又濃郁的茄汁, 簡直一流, 味道十分好好味. 

昨天同朋友去左荃灣,食個LUNCH先,我地經過呢度見到都幾抵食,我叫左一個特餐,炸菜肉絲配雞亦通粉,飲茶走,朋友食沙嗲牛肉配太陽蛋米粉,飲凍咖啡,朋友老公則叫左一碟菜遠肉片飯,飲凍奶茶.好快就嚟,份量都唔少呀,味道都好味呀,我的炸菜幾香,唔會好咸,雞亦係煎過的,好香好惹味,通粉都好味喎,唔硬. 奶茶走好重奶味,幾香幾滑呀.朋友的沙嗲牛肉煎太陽蛋賣相都GOOD,佢都話好味同埋杯咖啡都得. 另一碟菜遠肉片飯都好大碟,好清的樣子,我諗都好味因成碟食晒.

我只係食過呢度既早餐沙嗲牛麵, 雪菜肉絲米d料比一般茶餐廳少早餐既煎蛋火腿勁油基本上每次黎都係為左杯咖啡, 早餐野食真係普通過普通

晨早到銀行辦事,當然先吃個早餐才回公司,這就是外出工作的好處,銀行附近的路德圍選擇多的是,第一選擇是這家極有歷史的康樂茶冰廳,在附近如雨後春筍般出現的新餐廳中,這家門面較陳舊的老冰廳實在別樹一幟。 數十年前還在對面官立小學就讀時,我家大人已帶我和細佬在這邊吃鮮茄牛肉燴意粉,這家也應有來過,附近還有一家早已結業的泉香園都是我們的落腳地,今天我又舊地重遊了。早上九時多仍有很多食客在吃早餐,客路又以叔伯輩為主,女客只佔當中少數,環境就是舊式茶餐廳那種氣氛,還有開放式水吧設計,夠懷舊了吧。早餐基本有六款選擇,是日覺得吃火腿通粉太淡口,改為選了重口味的沙爹牛肉麵,可能近日都需要一點火氣。 首先送來的是火腿煎蛋,兩片粉紅色洋火腿完全沒有煎過,冷冷的放在碟底就像用來墊著煎蛋似的;自己又忘了要求炒蛋了,不過錯有錯著,反蛋煎得蛋白微焦還有一點脆邊,中間的蛋黃卻是全生,慢流蛋黃黏著舌頭的感覺真妙,比連蛋白也煎得死實的煎蛋好吃好多!沙牛麵的牛肉片蠻夠多,將其跟麵條拌勻後本來淡白的湯底即時變啡,可是湯底味道卻沒有因而變得濃郁,原來沙爹汁並不如想像中濃郁夠味,都是只有深色而沒有什麼味道的配方,以應濃香沙爹汁味道

老式冰廳如果到現在都能站得住腳，必定有一兩道板斧的。這次來這裡吃一個早餐，也是要了沙嗲牛肉米加火腿蛋和凍鴛鴦少甜。沙嗲牛肉米份量不算多，米粉也有點碎濕濕的，但沙嗲牛肉味道不錯。煎蛋也有流心蛋黃，火腿則一般啦。凍鴛鴦少甜的奶茶和咖啡配合得不錯，值得一讚的。$25，笑面是給凍鴛鴦和沙嗲牛肉的。

在香港雖然好多唔同種類的食店選擇...但講起最有感情的都可算是港式茶餐廳...即是在外國唐人街的所謂茶餐廳也比不上本土的來得有特色...今日來到呢間康樂茶冰廳...特別有懷舊feel...叫得做冰廳都有番咁上下歷史...果然入內真的很古舊...而且很多人...唯有捱熱坐出面...點了四處都有的沙爹牛肉麵和通粉配以火腿蛋... 半生熟煎蛋最好味...蛋漿流出來更突出蛋味...沙爹牛也是夠味 而且份量合適...至於更要讚的係奶茶...香滑得來味道好像係口中打圈...價錢也不是貴...雖然對我來說有點遠 但絕對值得一試...但真的很熱... x_x"

繼大仔後，23:30與靚仔night ride四處飛，飛飛吓到荃灣找找夜宵。見呢間茶室很旺，入去一試。Honey的常餐沙牛麵無甚特別，多士烘得不夠，但煎蛋很滑很靚，火腿也香。杏仁奶糊很幼滑，但只售熱的。最大問題是全場滿座但只有一個侍應，難免做到踢哂腳好辛苦及有漏單情況，人手不足，是與最低工資有關嗎? 好了，繼續night ride 去。

嘩，呢間嘢由細食到大居然得8個笑面，有無搞錯？呢間整體嚟講係我最鍾意去0既茶餐廳，尤其個煎雙蛋絕對係我至愛。麥兜常餐午餐快餐味道一流，間舖夠大，雖然好好食，有時又人迫，但多數唔使等位。不過建議大家一定揀返麥兜餐，你望下全店都係叫緊呢個餐你就知咩事啦，千祈唔好懶醒走去叫揚州炒飯諸如此類，正如你去壽司店係要點烏冬，就唔好嫌人地唔好食囉。

是日星期六，看完唐山，大熱天時不想食飯，選了這間茶餐廳醫肚。黎到呢類茶餐廳，選擇不多，如無特別要求，都是午餐常餐快餐特餐。又，其實午餐常餐快餐特餐都是差不多的東西，只是配搭的藝術，麥兜就深明此道了。跟老婆叫了一個午餐一個特餐，午餐是叉燒湯意粉、火腿奄列、牛油餐飽。叉燒湯意粉的意粉過腍，用叉卷起隻叉仲留有意粉係隻叉度。叉燒尚算合格，當然叉燒湯意中的叉燒的要求不會太高。牛油餐飽很有以前茶餐廳感覺，牛油不多，但我喜歡多一點牛油，下單時可選方包，但我覺得餐包更有特色。火腿奄列很細件，中間火腿像配及一樣，還好味道尚好。特餐是火腿午餐肉通粉，火腿三塊餐肉兩塊還有兩條菜，湯底不是很夠味，但其實細個就係咁，食通粉一定狂加胡椒粉，加到夠味為止。火腿不是切絲，老婆話切絲會好味ｄ，我十分同意，一匙有通粉有火腿絲有湯會好味好多。但同樣價錢的話，感覺午餐比特餐抵食。餐飲的熱檸蜜＆凍好立克，好立克多奶，正是我所好，用碎冰更是皇道，不錯。凍飲還沿用玻璃杯，現在很多地方都變膠杯啦。熱檸蜜我無飲，因為溝埋痾硬，哈哈。其實兩個餐的味道只是合格，不難食也不十分出色，記得朋友話飯類不錯，有機會再試吧。其實呢間茶餐廳屹立左係荃

豬排炸得很香口, 又林又大塊, 好好味, 茶餐廳有此水準已不錯, good.咖哩汁另上, 香濃的咖哩, not spicy, 份量多, 可惜薯仔不夠多, 得2件.

差唔多隔一段日子(say..一個星期)就想黎食,好似飯堂.例牌食面餐, 我地一人一個~康樂的多士好正,又重又濕又多牛油.個面亦好有水準.奶茶又濃又香~