康樂茶冰廳

營業中

休息中

麵餐 $35依間茶餐廳一睇落去就知係舊式茶記, 入到去好似返返七八十年代咁,嗰時唔係太肚餓所以就叫個左麵餐, 有沙嗲牛麵火腿蛋同餐包, 跟埋凍飲就加多$2. 但以麵餐嚟講價錢都算貴首先講下個沙嗲牛麵, 普通啦. 牛肉唔算太差, 麵底都夠, 軟硬啱啱好. 不過不失. 火腿蛋就特別啲, 比其他地方嘅火腿蛋都算高質, 隻蛋生熟啱啱好, 蛋黃唔熟加上少少生蛋白, 再加埋火腿, 我好鐘意. 餐包都好好, 軟熟, 為成個麵餐加多分飽肚感覺. 奶茶都好好飲, 名乎其實茶餐廳奶茶.整體嚟講啦, 入嚟主要都係食環境同氣氛, 配埋食品好有懷舊感覺, 係價錢略為貴, 不過都可以接受

睇鋪面就知係傳統茶餐廳，同連所式個啲好唔同，陣懷舊風味散發到每個角落坐低睇餐牌，選擇唔多好快就揀好，驚喜嘅係，伙記叔叔唔似大部分茶餐廳咁快急惡，態度仲好好吉列炸豬扒飯跟咖哩汁，仲有洋蔥汁揀，個人唔中意洋蔥汁，結果冇揀錯，個汁係重點，好creamy,唔太辣，仲有薯仔，夠撈多碗飯食！個飯唔似普通嘅飯，有少少似珍珠米，好好咬口，不過嫌有啲少，因為個汁太惹味吉列豬扒炸得啱啱好，外脆內juicy,份量多，個略嫌油膩加7蚊叫杯凍檸茶，好好味，但冰太多了，好快飲哂總括黎講，成個飯係意外嘅好食嘅值得一試嘅！

星期天訓到自然醒，已經係11:00了，肚已經開始嘰咕，想到很久沒有吃康樂，午餐就去啦～叫左個鮮茄雞脾飯加太陽蛋，凍檸茶，他就叫左午餐-叉燒意粉，火腿奄烈加多士。先來杯凍檸茶，檸檬有五片，實在慷慨，沒有澀味; 隨後飯都到，鮮茄汁係以鐵兜分開上，有鮮茄，洋蔥，味道甚好！倒入飯面上，飯軟熟，又多，雞脾炸過，不鞋口，已斬件，方便進食，另外加的太陽蛋，幾生喎，唯有用茄汁既熱度整熟少少，再混合蛋汁一同進食，好好味！而午餐既多士有塗上牛油，脆但是不夠熱，奄烈比較油，有不少火腿，叉燒不算肥，湯屬清淡之選。我喜歡這些老店，又便，又好味，會繼續支持

入到去既環境 唔同其他茶餐廳 佢舊得黎又唔會太亂同 污糟睇下個餐牌 價錢真係算抵 仲要晚餐食 真係幾滿意叫左個茄汁牛肉飯上到黎個飯既份量岩我咁大食既人睇下個汁同牛肉 叫果陣都估唔到有真蕃茄喺入面令到佢既茄汁同 其他快餐店既汁唔同 感覺更加新鮮而牛肉又唔會太硬而且 相對其他餐廳牛肉既份量好多飯多牛肉多都幾抵食之後叫杯菜蜜 就正正常常 甜甜地 冇咩特別總括黎講 呢個價錢食到咁既質素同份量都幾抵 同埋唔似其他打着茶餐廳旗號收到咁貴既餐廳 呢間真係幾正!

年初四的下午，沒甚吃過早午餐，但又又甚肚餓，但始終都要吃點東西呢！於是一個人走到荃灣，求其找一間食店醫肚。康樂茶冰廳雖然是在下一直過門而不入的餐廳，而且從不提起勁來，走入去吃東西，但是在下並非非常肚餓那種，於是走了入去來一簡簡單單的下午餐。菠蘿包。這裡的菠蘿包，色澤較為深色，脆皮也不是那麼的淺色。吃一口，脆皮和麵包卻不是想像的柔軟和鬆脆，略為硬了一點。話雖如此，但並非卻又硬到不脆吧，只是硬了一點吧。熱咖啡。或許這是在下例必的一杯，雖不是那麼強烈擁有濃香的一杯咖啡，但是一杯咖啡到肚，似乎滿足了每一杯咖啡的需要。康槳或是真的是老店，沒有現代化的裝修，只有保留了舊有的裝修，伙計們只是感受到一如既往的服務吧。

雖然話地道港式冰廳執吓執吓買少見少，但係香港仲有唔少呢類具備濃厚香港風情嘅食肆得以保留，多數情況係歸功於家族式多年奮鬥，早就買落個舖，從而得以無懼加租，巍然屹立市井之中。唔講你可能唔知，「冰室」係要比「茶餐廳」更為古老嘅香港早期中高檔食肆。响冷凍設備仲未普及至家家戶戶嘅年代，大熱天時去「冰室」嘆杯冰係何其時髦又威水嘅呢！第一次嚟，就試吓午餐。半夜三更叫午餐，感覺好鬼搞笑。叉燒湯意以薄切燶瘦叉燒為主調，配以烚得稔爽度適中嘅意粉，湯底用上傳統冰室嘅淡口湯底，大叔阿伯所謂識食就係要自己落鹽同埋胡椒粉，鹹淡隨意調味。留意呢種扁平闊面似碟又係碗嘅餐具，雖然外觀貌似老土，其實佢有極其合理嘅實用性—快速散熱！滾熱辣嘅湯粉狀物體放置得越係平坦，散熱就越快，因此用呢種餐具食湯粉，入口嘅温度就剛剛恰到好處。睇吓近鏡。傳統港式火腿奄列係脆邊全熟蛋，口感類似芙蓉蛋飯果一種蛋。現在流行嘅半生熟加奶油滑蛋，舊時唔興。呢度嘅方包口感好得意。睇吓近鏡。識飲一定係飲熱奶茶啦！茶香奶滑温度fit，合格收貨。寫食評，影埋單。完整，收工。

諗住搵個下午茶食, 見有冰室就入去試下. 客路明顯係主力舊區街坊, 下午茶比較多老人家嘆茶.- 熱奶茶 ($14) :唔夠熱, 但好滑口又香茶味濃. 味道岩岩好. 都係茶餐廳/冰室既奶茶最好飲.- 鮮牛油菠蘿包 ($9) : 個包到上枱前焗熱, 都好貼心, 唔會慳功夫. 不過因為太熱啦, 塊鮮牛油溶哂, 我咬唔到鮮牛油既質感.- 西多士 ($19) :熱辣辣送埋黎, 我地立即塗勻牛油加糖醬. 夠甜夠油, 但唔夠脆口. 個邊都仲有少少脆, 中間直頭太淋太濕.雖然中間吸哂糖醬會又甜又軟綿綿, 但淋到爛甘. 所以未如理想.

相約一班朋友到荃灣打保齡，出發前一行7人先快快吃個簡便的晚飯，想起在食街附近的一間舊式茶餐廳，7個人可圍在一起，又夠快，又無需等位，就直接走進去了來到港式茶餐廳或冰室，總愛點選他們的常餐/快餐，感覺有好幾款野食，這次就選擇了全日供應的午餐，當中包括了：牛油餐包、火腿奄列、叉燒意粉及餐茶午餐 $35［評分：6/10］說好的餐包不見了. . . 換成了牛油方包，感覺相差很遠呢. . . 而火腿奄列份量頗多，餡料也不少，但油份超多，而且煎得比較老，已沒有蛋汁在內，入口比較粗糙呢. . . 叉燒意粉［評分：6/10］湯底較淡，導致粗身的意粉同樣淡味呢，入口帶點韌力，不算太淋，但較為粉質，而叉燒則比較粗糙，肉質較韌，加上浸在湯內一段時間，令叉燒同樣變得淡味. . . 整個套餐味道也只屬一般呢. . . 康樂茶冰廳 (荃灣)荃灣荃興徑21號地下荃發大廈D座～～～～～～～～～～～～～總消費：$ 35味道：5/10環境：6/10服務：6/10衛生 : 6/10抵食 : 8/10

如果不想駛多過40蚊填飽個肚, 冰室最好選擇!本人今次吃咖哩豬扒飯, 咖哩汁香味特別濃郁，而且分開上, 熱沸沸豬扒條(不會骨多肉少，肥肉少)+白飯夠熱, 叫杯潤喉熱菜蜜, 都係$38元.冰室吃飯能帶給人有不同回憶.就如"吃得是福"一樣有歷史價值.

想寫康樂許久了，因為我從來不明白為何要在荃灣，排一個半個鐘等吃自己也煑到(而不油淋淋)、用八隻蛋炒的牛肉奄列，康樂才是我心中荃灣殿堂級的茶餐廳，是由小吃到大去荃灣定必朝聖之地。康樂最好味是A餐，最純粹的港式早餐，腿通蛋治奶茶，太耐沒來，餐牌的A餐是羅列各種配麵的餸，榨菜肉絲紅腸餐肉...早餐無法吃這麼濃味，火腿通粉清淡見真吃，從前是火腿絲，今天變了火腿片，一抹胡椒粉，熱辣辣的湯和通心粉，仍吃得很窩心。菜牌沒寫可改蛋治，熟客才識叫，這裡的蛋治是必吃的，那方包不是尋常的白方包，是用梳打發的，甚至用自家麵種做的，發得特鬆，有特別的麵包香，夾着炒蛋吃，妙品。近年無福消受奶茶，嘆檸茶時，瞥見門外坐在外面的煙民飄着一圈圈的煙，陽光映照，光影流動，有點奇幻。

沒記錯的話,第一次到來接近二十年前了....康樂冰室,熟識的名字.依舊點了沙嗲牛肉麵餐,改蛋治,凍啡.不同的,現在35元了,以前印象中十多元 ...味道依舊的,麵比較淋,沙嗲牛肉濃味,湯底依然是沒味的,要自已加味...識得食,一定由煎蛋加餐包改做蛋治,不用加錢,麵包滿佈牛油,蛋味濃,真心推介,好味.景物依舊的,人面也依舊,回味一番.

早上吃完一頓豐盛的早餐，但到中午漸感肚餓，走著走著，甫下天橋，便見到這間康樂茶冰廳。每次經過路德圍，都會看到這間擁有舊式門面的冰廳，最深刻印象可謂其擺放著各種中式西餅及麵包的玻璃櫥窗，在香港已甚為罕有了！是日心血來潮，突然想試試這間舊式冰廳。只有藍色和紅色字的餐牌相當舊式，很久很久沒有見過這種兒時常見的茶餐廳餐牌了，很懷念～我點了一份法蘭西多士（＄１７）。有些食物就是知道有多不有益仍會吃的，西多士絕對是其中之一～炸得金黃的多士上放有一片超邪惡的大牛油，送上時店員嬸嬸還給了糖漿。塗勻牛油及糖漿後將西多士切成細份是指定動作，西多士炸得香脆，有濃厚的蛋香味，口感軟腍，很夠味，是小時候的茶記味道～baka則點了特餐的沙爹牛肉配榨菜肉絲米（＄３１）。跟餐飲品則選了凍奶茶。吃著吃著，見到有位叔叔從廚房捧出一盆盆新鮮出爐的菠蘿包及蛋撻，甚為吸引，不禁點了件酥皮蛋撻（＄４）！望著櫥窗上的懷舊西餅，有種說不出的懷舊感覺。新鮮的酥皮蛋撻迅即送上，外層的酥皮烤得鬆脆、鬆化，內裡的熱辣蛋餡質地幼滑，具濃郁的蛋香味，經典茶記風味，推介！整體食物是不俗的茶記水準，難言有特別之處，但對於一群捧場多年的街坊食客來說，

到荃灣晚飯後，經過一間舊式餐廳，門口放著數款舊懷西餅，當中有一款是小時候經常吃的朱古力夾口曲奇～現在已很少出現在麵包店～所以就上前選了3種回家吃～於門前選好後就入店內購買，即使當時已是10時多，但店內人流也非常爆滿由於沒有菜牌，不知名字及價錢，只好指著要那款，3件糕餅最後索價$12，平得有點意外呢！朱古力夾餅外表曲面非當光滑，頭尾及中間位置也有少許朱古力，記得小時候有吃過一種是夾著果占的，搣開兩半，質感比較腍身，入口鬆軟，但沒有香脆的感覺，帶少許牛油香，但略嫌朱古力較少，未能滿足愛朱古力的我，但比起其他地方，質素算是不錯蝴蝶酥大大隻的蝴蝶，只是大約$4，比起大部份西式餅店平很多呢，但口感差別較大，只有外層比較香脆，而內裹實在比較結實，帶點沺膩感，加上沒有加入太多糖份，所以整體較淡，只能吃得出淡淡的牛油香合桃蛋糕四四方方厚身一片，上面有數顆合桃粒為蛋糕增加口感，但蛋糕可能放得耐了，口感較為乾及粗糙，而且不似一般充滿著牛油的香及比較濕潤，幸好合桃粒沒有變（行），但這件蛋糕是3件中比較令我失望的一款

第一次試食，特餐不過不失，味道中上，賣相一般。茄汁飯餐有驚喜，汁同飯分開上，餸菜無因為汁而變"林"，今次要吉列朱排，朱排炸得金黃香脆，茄汁唔會過分甜，仲有二舊鮮茄係入邊，容易入口之餘十分惹味！值得再來試食其他！

不知從何時開始, 荃灣路德圍成為了食肆臨立的地方.因為當天差不多六點才吃完下午茶, 所以到八點也不是很餓.八點的路德圍充滿了食客, 但在這炎熱的天氣下實在不想在戶外等位.  兜了一圈, 看到了這家茶餐廳.  不如試一下吧.餐牌就是典型港式茶餐廳提供的食物.我們點了兩個特餐.紅腸雞翼通 - 份量算是ok.紅腸 - 煎過了火.  差點變成紅腸乾.雞翼 - 正常.  也算入味沙嗲牛肉腸仔通 - 份量也是ok腸仔 - 當然吃不出是什麼牌仔. 不過不是很鹹的那牌子, 也不是吃起來很軟的那牌子.  沙嗲牛肉 - 沙嗲的味道不錯, 但牛肉已經沒什麼味了.  在這炎熱的夏天, 凍檸檬茶加$2是必須的!就是吃完也感受不到它的特色, 它能否繼續在這個食肆臨立的路德圍生存嗎?