廟街玉子燒 (已搬遷) 新店位置

今次嚟到油麻地食玉子燒 喺廟街簡直係漆黑中嘅黄色螢火蟲一樣，依間之前已經係美食節已經食過勁正，依家仲要係油麻地開舖可以成日去食喇🤤仲要依家多左好多新野食， 流心芝士玉子燒，無得輸必食😋（10分），一口和牛（8分），鐵板魷魚（8分）， 雞軟骨（7分），大阪燒（9分），仲有其他野都未試，下次再去試埋其他野食🤤繼續支持良心小店👍😍 #好食推介 #食物遺照 #食物殺手 #food #foodie #foodiehk #zaki食評 #hongkongfoodie #hongkongfood #hkfoodie #hkfoodblogger #hkfoodstagram #hkfoodlover #instafood #hkig #ighk #hkigers #yummy #eat #廟街玉子燒 #黄店廟街玉子燒地址：油麻地廟街30-34號地下b4

依家晚上沒有堂食，最啱就係買外賣返屋企食，最近行過油麻地廟街，發覺有一間叫做廟街玉子燒，專做外賣嘅食店，一於來試吓。你會發覺最近做緊特價， $100就有三款食物，咁當然要試吓佢嘅留心芝士玉子燒，同埋一啲鐵板小食，今次就揀咗鐵板魷魚酥和鐵板雞軟骨。因為舖頭只係做外賣，沒有堂食，所以來食嘅時候記住要拎走，或者可能只係喺街頭上面食，因為冇枱櫈。首先講吓個鐵板燒魷魚同埋鐵板燒雞軟骨，因為鐵板燒完後熱辣辣，所以個味都好夠同埋好熱，個醬汁係大阪燒醬汁， 10分夠味。而個玉子燒，整體來說都有流心和芝士的味道，但蟹子的份量略嫌有點少，比起之前其他看到的份量都少，但整體來說都不錯。

當你喺廟街想找好味食物 你一定要嚟到呢間廟街玉子燒呢度啲玉子燒 鐵板燒 即叫即炸 好有鑊氣玉子燒用上新鮮北海道雞蛋 蛋黃味濃郁 即叫即製有流心芝士 配上蟹 很愛惹味醃暗.滑蛋漿整得好嫩滑 入口即溶 芝士可以拉 絲 好煙韌嘢咩 面頭 沈上小小 蟹子 分外惹味 絕對值得推介 廟街掃街必 選之後就愛咗個鐵板魷魚鬚 鐵板魷魚鬚即叫即炒 魷魚大大條 好鬼 肥 美 咬落好鬼 醃暗好重魷魚 味呢度而家做緊特價100蚊有三份 可以選玉子燒 魷魚鬚 章魚小丸子 炸雞軟骨等等好多嘢選擇其實兩個人食三分已經好夠飽 因為呢個份量好大

同朋友約咗係電影中心睇戲🎬買完飛離開戲仲有少少時間就係附近搵食😝今次搵咗廟街玉子燒試一試🤩遠遠都見到大大個黃色招牌✨今次試咗期間限定嘅三權分立餐😎😎$100可以任揀三款食物 超抵🤩同朋友share啱啱好👯‍♀️食物即叫即整🔥新鮮滾熱辣店鋪出面有櫈可以坐住等🤓整好又可以即刻食🥢今次揀咗一口牛🍴落單後店主即刻係鐵板上煎炒😎煎香六面就浸落燒汁道🤤粒粒都比骰仔大🤩食落唔乾柴有咬口另外嗌咗大阪燒🌟加配海膽醬一樣都係新鮮整叫即整🤩食落足料有滿滿嘅椰菜絲😋加埋灑面嘅醬料 柴魚絲 同其他配料🤤口感豐富叫得廟街玉子燒點可以唔試🍳果然冇令人失望😝配料加咗明太子食落甜甜加埋明太子同柴魚片啱啱好🤤🤤入面仲包咗一條蟹柳🦀出色在玉子燒唔會煎得太熟🤩切開有蛋汁👍👍必試🌟🌟

今日去左廟街食間幾出名既玉子燒😋😋一口牛粒 （$40/一款）去食鐵板燒又點少得一口牛粒呢！啲牛係用咗啲燒汁去整，加上用鐵板燒整出嚟，食落好有風味。整體來講好好食！魷魚鬚（$40/一款）除咗牛粒之外，魷魚燒都係唔少得既😋魷魚燒有啲牛油味，再加上同牛粒差唔多嘅一啲燒汁，食落唔太油膩，好食！明太子玉子燒（$30/一份）食完小食之後我哋嗌左玉子燒當主食！係上面既明太子係超級香，玉子燒入邊係流心嘅，入口好滑身，值得推介！三式芝士玉子燒 （$30/一份）呢隻三色芝士玉子燒入邊嘅蛋係有啲酒香味，好特別，配合起黎又唔會有食芝士嘅油膩！亦都好值得推介！

放工夜媽媽食咩好😌買d玉子燒同小食,番去加d飯就夠食！仲要比我見到$100/3款！姐係可以$100/3條玉子燒😂咁我梗係配其他野啦！揀左玉子燒，魷魚鬚，同雞軟骨～玉子燒好黃，睇個蛋汁🥚都覺得好好食，睇住師傅加芝士🧀既亳不留情，見到都好興奮！真係好多芝士，入面仲有明太子醬，勁好食！另外魷魚鬚大大條🐙炒緊果陣勁香！可以加辣架～最後再加埋d燒汁，送飯送酒一流！發覺廟街多左好多小食店，下次行過再試其他，但呢間是必須encore的😚

疫情關係，大家都對油麻地避之側吉我哋兩公婆反而嚟個快閃，即買即閃⚡️我男人好鍾意食玉子燒，今次係慕名而來，快閃拍拖去買嘢，順路掃個街先返去湊仔地點就絕對唔叫方便，但我哋駕車人士就覺得幾好喎，疫情下停車絕絕方便，買完又可以上車食一開始都爭扎點配搭好麻雀雖小但五臟俱全好熟手，好知道幾時反蛋未落單，聞到上手叫果個唔知咩鐵板乜乜已經覺得好香好吸引，所以我都忍唔住叫咗個套餐嚟試吓開頭睇以為乾爭爭咁但食落原來好Juicy gaaaaaa愈食愈多汁汁咁 不過雞軟骨略兼未夠香口，可能鐵板燒嘅關係，同平時啲炸雞軟骨唔同... 不過都好好味主角嚟喇 蟹籽 豚肉玉子燒芝士流心豚肉蟹籽不過略嫌芝士量未夠滿足，我呢啲重口味人士，下次可能要叫Triple cheese先得到「大滿足」不過佢嘅芝士都好香，流心程度算係剛好，半熟但又唔會水流流咁整體嚟講好滿意，不過套餐一個人食應該會有啲多，我哋兩公婆孖份就剛剛好喇

三權分立餐$100 任選三款餐牌上的食物🔸流心芝士玉子燒💯😋見着店員即叫即整，芝士同蛋真係完美嘅配搭，完全冇得輸😝啲蛋汁一切開就流出嚟，中間仲加咗明太子，好有鹹香味。加埋面頭嘅木魚碎同埋蛋黃醬好好食，比想像中大份，所以如果就咁叫玉子燒我覺得都幾抵！🔸魷魚鬚🦑我最鍾意的街頭小食之一，加咗照燒汁炒得好香😋🔸雞軟骨🐥雞軟骨份量都幾多，有啲椒鹽味，不過我覺得比較油。食咗三樣食物，最好食係玉子燒，覺得下次可以再食😋

廟街玉子燒主打流心芝士玉子燒，可以額外加明太子、蟹醬、魚皮等，仲有大阪燒、鐵板小食，非常吸引🥰當晚去都好多客人幫襯買外賣，都等左約10-15分鐘期間限定三權分立餐，$100任揀三款食物，仲可以免費加一種配料，相當抵食－－－－－－1. 鐵板魷魚鬚拼雞軟骨 $40 7/10 魷魚鬚有點焦香，size幾大條，厚肉口感彈牙🤤有嚼勁但唔會好韌，食落惹味，不過黑椒味過重，而雞軟骨幾大粒，香脆有口感，仲加左蜜糖去炒，但整體唔太熱，微溫2. 流心芝士玉子燒 $30 8/10即叫即整玉子燒👍🏻見住店員計時去製作，過程都幾快，熱辣辣送上，上面加左木魚醉同蟹籽，增添口感同滋味😋一叉開真係有蛋汁流出，一拉起就有半融既拉絲芝士，玉子好軟綿綿，口感嫩滑，仲有不能缺少沙律醬，好好食☺️

因為停止晚市堂食嘅原因，習慣咗買外賣嘅日子。離遠見到「廟街玉子燒」黃gum gum嘅舖面，仲有支黃旗掛喺門外，非常搶眼💛  原來主要賣玉子燒同鐵板小食嘅，一於試吓 🤔每份玉子燒都係即叫即製，需要耐心等候喔 🙆🏻‍♀️  店員翻炒鐵板上嘅魷魚，鐵板吱吱嘅聲音，實在令我無法抗拒🤤  唔能夠去旅行嘅時候，幫襯小食店帶來逛台灣夜市嘅感覺～=========================【海膽醬芝士玉子燒】＄45玉子燒嘅配料可以用海量嚟形容，十分足料👍  面頭舖滿蟹子、郁郁下木魚碎，內藏原條4吋長嘅蟹柳同明太子，保證每啖都有餡料！玉子燒熱辣辣，食落厚實，咬一啖半熟蛋漿就流出💦  蛋香濃郁唔腥，好怕有蛋嘅腥味🙊 嫩滑雞蛋、粒粒蟹子，加上明太子鹹香，整體味道鮮甜，口感層次豐富😋  芝士份量略嫌唔算多，味道俾其他配料蓋過咗，唔能夠拉絲 🥺【鐵板魷魚鬚+雞軟骨】＄40 魷魚鬚烤到表面微焦，飽滿紮實，非常彈牙😯  雞軟骨咯咯脆又香口，一食停唔到口👅 秘製醬汁同埋辣粉辛香惹味，送酒一流～=========================廟街玉子燒📍油麻地廟街30-34號地下B4號舖📌 #FoodLocker

多謝政府抗疫有功，繼續禁晚市堂食。是晚遲收工，就以街頭小食作晚飯吧~武漢肺炎肆虐下，廟街變得非常冷清。除了小食店外，街上的人少得誇張。在廟街煲仔飯附近的玉子燒，人氣不俗，就試試看。小店以外賣為主，禁堂食的最好選擇。期間限定的三權分立餐：$100/3樣，抵食之選。鐵板魷魚鬚 + 雞軟骨先來試試魷魚鬚和雞軟骨~ 店舖歡迎自備食物盒，為環保出一分力。魷魚鬚非常彈牙、帶點焦香，加上香辣粉，更加惹味。雞軟骨香脆之餘，還有點蜜糖味，很有BBQ之感。流心芝士玉子燒主角玉子燒出場，是芝士流心的呢。賣相超吸引，還有我喜愛的木魚片，為玉子燒增添鮮味。玉子燒層層分明，口感嫩滑。天氣太凍了，流心芝士很快凝結成濃濃的芝士醬，別有一番風味。這晚的小食當晚餐，份量不少。而且每樣都好吃，實在滿足。除了旺角，下次可到廟街一趟，嘗嘗街頭小食。餐廳資料：廟街玉子燒地址: 油麻地廟街30-34號地下B4號舖電話: 59666989

🧀同🥚真係絕配！之前喺美食節試過呢間玉子燒，留意到佢哋近排開咗小食店，將我嘅兩樣最最最愛結合，今日經過油麻地廟街，一於試吓～ 黃色嘅舖面非常搶眼，仲有支玉子燒嘅旗掛喺門外，襯哂呢間黃店💛！仲有擺放左文宣!餐牌主要分為玉子燒同鐵板小食兩種。期間限定仲有「三權分立餐」，$100蚊任選餐牌3款食物。咁啱黎到見到店員係鐵板燒緊雞軟骨同魷魚，拼埋流心芝士玉子燒岩岩好！ =========================流心芝士玉子燒 $30玉子燒上有層沙律醬，然後舖滿蟹子同木魚碎，切開仲有原條蟹柳同明太子，非常足料！玉子燒半熟程度啱啱好，食落又軟滑又濕潤，保留到半熟蛋汁。蛋香濃郁唔腥，相信用咗日本蛋（好怕有啲蛋有腥味🙊）！鐵板小食雙拼 魷魚酥+雞軟骨 $40一路食住玉子燒已經聞到鐵板越炒越香，店員係炒好魷魚酥同雞軟骨後加上秘製醬汁同淋上辣粉。魷魚酥好大條，炒得爽口唔過火夠哂惹味；雞軟骨夠咬口，配埋啤酒就一流！ 廟街玉子燒📍油麻地廟街30-34號地下B4號舖

今日夜晚同朋友去完廟街睇占卜開始肚餓，行返地鐵站嘅時候經過見到好多人排隊就行過去啦，一路行過去都聞到好香，係好嘢味嗰隻行夜市果啲油脂味！特別係啲燒魷魚🥺🥺然後就俾佢吸引咗過嚟啦🤤🤤其實自己都好鍾意食玉子燒不過成日都煎得唔靚，所以就順便睇吓佢呢啲收錢嘅係咩料啦！不過因為疫情所以就外賣自取拎咗返屋企咁當然就係點晒啲我覺得香嘅嘢啦佢有個餐$100包曬咁我就直接點左嗰個啦有雞軟骨燒魷魚同埋玉子燒玉子燒好好食中間仲有蟹柳雞軟骨都好多汁好香！同埋份量好多😋魷魚因為拎咗返嚟凍咗比較煙韌不過真係好入味好好食見佢都炒咗好耐😍下次經過一定會再買！

今日放工去咗搵街食疫情之後廟街真係靜咗好多攤檔依然喺度但係人流真係好少行行下見到街上嘅一點黃 都幾搶眼㗎同埋陸續都見到有人買咁多人買即係味道都唔錯啦最後買咗期間限定嘅海膽醬玉子燒燒魷魚同埋雞軟骨幾樣小食加埋真係可以當一餐了先講佢的招牌菜玉子燒上面嘅木魚絲郁吓郁吓🤪玉子同啲沙律醬真係好夾入邊夾住海膽醬同蟹柳 配合埋蟹籽 口感真係好豐富😋燒魷魚同雞軟骨都做得好好佢唔係炸㗎係喺你面前炒嘅😍我就好鍾意呀因為我又怕肥又為食😂炒嘅油點都少過炸嘅配合返黑椒同蜜糖 當然就風味十足啦！

經過油麻地,聞到香香嘅鐵板燒味😋見到呢間玉子燒幾吸引😍就買返屋企食～呢間小店係一間黃店🤩仲有文宣同埋卡片派，任客人攞👍🏻好值得同路人支持💪🏻鐵板小食細盒$40係雙拼小食，有鐵板魷魚酥同埋雞軟骨😆好香好濃郁嘅魷魚酥☺️而且好大條魷魚🤩雞軟骨幾有咬口🤣煙煙韌韌，幾正👍🏻流心芝士玉子燒$30好大件嘅玉子燒😍有好濃郁嘅蛋香味☺️而且仲有流心嘅效果🥰食得出佢嘅芝士味好香😋唔錯～食完覺得好飽🤣