強記飯店

營業中

休息中

今天到伊利沙伯體育館看比賽 之後找個地方吃下午茶見到強記飯店望入去都幾企理而且有下午茶餐我叫了雲吞河加腩汁河粉挺滑但是餛飩呢太實不爽口餐牌寫｢鮮蝦雲呑｣……蝦…………Honey叫芝士三文治一般如果麵包是即烘的話芝士應已半溶……但多士上桌時連｢溫｣都談不上作為茶餐廳最重要最重要的是一杯靚奶茶這裏的奶茶就不太掂茶不夠濃稀裡嘩啦的味道怪怪的我喝了兩口就沒有再喝了奶茶是茶餐廳的主打奶茶搞不好就沒有了賣點

難得有空到灣仔去湊小友下課，更難得的是可以之前先在附近吃一頓後才去接他。本來欲到久違了的"強記美食"吃一碗靚臘味糯米飯的，怎知剛巧碰正她沒有開門口做生意摸了門釘....這性格小店一向如此，往往在毫無預兆底下就不開門的....要裹腹，就唯有要到別處跑。記起之前跟太太說，自己從沒有到過這兒吃燒味飯。今天晩上，就在因緣際會底下給我遇上了...例牌要了一碟燒肉鴨飯。想要身體有多一點菜蔬纖維補充，就添多一小碟蠔油西生菜，但就要多付出十多塊錢，代價真是不菲....飯與燒味餸量不多，但卻要賣至五六十大洋。燒肉皮不鬆脆，其中有一兩件更是"返潮"變得又韌又軟，令人慘不忍睹；燒鴨皮固然不香口不酥脆，就連肉都是又老又硬韌的....西生菜全部都屬碎濕濕的頭頭尾尾部份，吃起來自然令人沒趣....邊食邊在想 :" 此強記和彼強記相比，差天共地也"....

秋風起，食蠟味。但強記的強項首選燉湯與平常的例湯不同，由於將材料原盅來燉，湯清甜而不咸，而且會帶有材料的鮮甜味道。大家可以根據自己當時的需要，按照燉湯的介紹（清潤/下火/止咳等）來選擇，非常方便。我喝過多款都好喝，絕對不會令人失望。由於在餐牌看見有蠟味上市，所以便試試。蠟腸非常大條，但比較多油脂，兩人分著吃會比較好。茄子🍆班球炒河的班球非常大件，味道也足，餸菜與河粉的比例是一比一的，非常抵食🤣🤣

銅鑼灣越開越多燒鵝店，但係我都係會去返強記食燒鵝（如果想食的話）。喺依度已經食咗好多年早餐同午餐，味道冇乜點變過，服務就唔好講啦，佢哋應該冇睇劉德華個廣告，但係我又接受到，真係奇怪。🤪午餐依度都好多人，要搭枱，但唔使等位。今日叫咗個义燒燒鵝套餐，同平時冇乜分別，其實我最鍾意食就係嗰碟甜酸醬，哈哈。不過碟燒鵝都唔差，唔會有蘇味。叉燒又好林，唔會好鞋。仲有一杯野飲。食咁多肉都唔係咁好，都係要食少啲，如果唔係年尾驗身又肥佬啦。

今日同大少回校辦理一些事，陪他返學和食lunch,我說笑話一陣帶你食好野，跟住就帶佢去強記食吓燒味飯【我十多年前印象燒味幾好食】。入內吾使等位，卡位坐底，坐了好耐冇人黎招呼，叫侍應黎，一係冇人穌，一係話等等，個個初四咁樣，黑口黑面咁，後來來了個好似高級些的來落單。**真係吾平**我就點了個燒鵝瀨粉套餐，餐飲比大少飲，我就要了個燉湯， 大少要了個义燒蛋飯。先來了個燉湯，算係正常，味精湯得黎有d料，意料之內。跟手黎個燒鵝瀨粉，燒鵝如果係招牌嘅話，都幾失敗，冇鵝味，甩皮甩骨咁，好一般。再食個瀨粉，頂...真係一句粗口彈出來，啖湯完全係清水來，咩味都冇，要我狂加胡椒粉和豉油，瀨粉又吾知咩瀨粉，正常是透明夾口的，佢係白色的，米線吾似米線，食一半掉一半，咁樣收我68蚊。大少碟义燒蛋吾好得去邊，落單指明肥义，佢吾肥不特止，义燒仲鞋過我腳皮，冇野飲收52蚊，真係大咬。仲有係瀨粉餐係有碟油菜，冇黎，我追返喇，又係叫極冇人應，到有一個應，又係死吓死吓咁，哦完吾知有冇落返單，等咗十分鐘都冇來，大少話要走，最後好嬲地埋單， 154元，人均77元食個lunch,吾會有下次!!!出門見門口有貼住米芝蓮，我頂喇!!

湯是一件巧妙的事，前幾天得悉一間好的湯麵店結業了，立即就懷念起該店的高湯。香港這幾年也多了好多價錢平民但湯底岀色的好店，是夜不想吃東西只想喝湯，就來到這裏。這裏也算是不少旅遊書介紹過的店，燒味小菜都不便宜，如何是要食飯，大概是不會特意來到，但想喝湯又不想操勞，這裏是我最好的選擇進店後二話不說就落單，要了 黑蒜螺頭湯 和螺頭雞腳湯，兩碗都是甘香美味的燉湯，各有所長，難得來到就不要左想右想，直接要喝吧先來的是黑蒜螺頭，黑蒜是發酵後的大蒜，沒有了辛香味，只有更溫醇的味道，營養價値也高。從前是很抗拒的，但這裏和螺肉同時燉煮，居然又有一種全新的香氣，是日的有微酸，不算是最好表現，但依然美味。再來就是雞腳螺頭湯，其實是一定好喝的，是傳統的溫和美味，入口有雞湯的鮮香和螺頭的海潮味，如果能用作陽春麵的底湯就真是天下無敵了。最近香港好像多了雞湯拉麵，雖然日本雞原料好，但以湯論湯，雞湯這回事就像蒸魚一樣，我還是會投香港一票同煮的雞腳和螺頭充滿湯的氣味，份量十足，第一次來的朋友也不妨一試，比起燒味小菜，這裏的湯才是寶藏其實近年真的多了好多用心做湯的舖頭，由平民小點到高級的廚師發辦都有好湯的踪影，這回介紹了老

真材實料、足料燉湯？我地就純粹為碗湯而來。螺頭鮮雞腳（$40）湯頭好清嘅一款燉湯，雞腳含有豐富骨膠原，能起美顏嘅功效，配合滋陰又清潤嘅螺頭同煲，味道更鮮甜呢！雞腳螺頭生魚蜜棗南北杏西洋菜（$32）西洋菜含豐富葉酸及鐵質，有清熱解毒、潤肺及利尿嘅功效；南北杏則有止咳效用；蜜棗滋補肝腎。配上生魚，滋補美味。而且有落蜜棗嘅關係，呢碗燉湯好甜，味道亦較螺頭鮮雞腳更濃郁。兩碗燉湯各有特色，個人比較喜好濃味少少嘅生魚蜜棗西洋菜湯呢！

又係男人午間的浪漫。 唔知點解幾個麻甩佬好有共識，一諗唔到lunch食咩就會話去食强記，估計大家都係貪佢有碗大大碗既例湯。 大家一埋位就好知自己要點咩， 一定係鴨腿湯飯；燒味飯；而我就叉燒煎蛋飯。 強記既叉燒係偏瘦，但夠蜜汁，甜甜地配番佢個豉油飯，係幾夾。 通常我會叫大陽蛋，可惜今日唔記得。Default係荷包蛋，今日煎得太熟，一d蛋汁都冇。。。。失望。例湯依然大大碗，真材實料，um都有落d味既，哈哈。 以份量黎講，都夠一名正常男士既份量。

好今日諗住食好少少 點知超中伏囉 強記反店 平時行開都叫到啲燒味 好似好靚 價錢仲靚 貴嘛 哈 今日諗住一試 叫左一個午餐 佢啲午餐每樣都貴咖 但咁貴應該ok ga 好試下啦 到啦 嘩 依個馳名海南雞 真心唔好食 雞俾唒啲骨位囉 雞又*鞋* 份量又少 反又少重要超多油 只係個燉湯可以接受 仲要$88超貴(但都可能係番熱 因為等左好耐 正常燉湯應該好快)啲侍應態度又差 同佢講等陣先 佢就企定定係你隔離 唉 乜真係好趕時間咩？最後竟然個燉湯用雞頸燉囉 搞錯呀 你唔好用雞頭

尚有三天才到週末，先餵飽個胃先有動力再戰下半場！灣仔既強記好味過北角既分店多多多聲！🍵黑蒜螺頭湯：味道好濃郁😋，之前既黑蒜熱依家已經銷聲匿跡...😂湯渣都煲到稔曬，有一大粒單子黑蒜、螺頭粒、🐷肉...識食一定食埋湯渣😆🍵螺頭雞腳湯：完全另一回事，湯好清，但都留有肉香和雞腳螺頭既鮮甜，不錯！👍🏻👍🏻鍾意清淡既朋友應該會欣賞！燒味最正係燒肉，塊皮燒到脆卜卜，又無燶！中間有幾層薄薄既脂肪，咬落無會實的的，係有口感又香（從來美食都係邪惡的😈）套餐：燒味雙拼+燉湯+白飯+菜或茶

本人第一次入店光顧，芝士火腿飛碟收22元，來到造型飛碟唔似飛碟，普通一杯凍檸茶，飲落口味道好似用水喉水沖，沒有茶味，總括兩樣出品外型及味道超難食，以後不會再次光顧！

阿爺話夜晚晚飯想食燒鵝加料，我呢個乖孫就梗係四處去物色啦，其實燒鵝呢樣野呢週圍都有，出名既好似合鏞記丫金牌丫一樂丫裕記等等都有試過，但坦白講都係不外如是，或者呢D名店都係留晒D好野比熟客，我地呢D一年頂多幫襯一次半次既只係食埋D下欄貨式唔忿氣既我，今次就去左又係以燒鵝做招牌菜既強記去斬半邊燒鵝加料。燒鵝食落去無甚驚喜，咬落去並冇一種預期中既爆汁juicy感覺，而且肉質諧烚烚，以差唔多三百蚊既價錢真係食番燒鴨好過，結語係可一不可再。

今日係灣仔搵嘢食！所以去咗宜間試吓！叫咗個黑醋骨外脆內軟😋😋😋，雙拼-叉燒同燒鵝，叉燒肉質鬆軟😋😋😋😋,燒鵝食唔到有八角味道😔，雲吞麵有蝦子,味道只係屬於一般😔(都係永華麵家同新大光燈好食D)，食麵一定要辣椒油點綴吓，佢哋D辣椒油夠辣😋😋😋！雪耳豬𦟌無花果海底椰湯,一啖冇味噌嘅湯😋😋😋,內有一舊豬肉,一舊雪耳,兩舊魷魚咁嘅海底椰, 咬落去有D似魷魚＋蒟蒻感覺，一啲苦澀味都冇嘅暖暖絲襪奶茶👍🏻👍🏻👍🏻👍🏻👍🏻,我冇加到糖都好好味,又香又滑😋😋😋😋😋！黑醋骨雙拼--叉燒同燒鵝 雲吞麵 雪耳豬𦟌肉冇花果海底椰湯絲襪奶茶 舖面

去過長沙灣店食覺得好正，再試灣仔簡直係天同地比。長沙灣叉燒軟甜，灣仔硬。60幾蚊食雙並飯加野飲真係唔太抵。下次唔會再來依間！個人覺得去長沙灣試試會帶比大家有驚喜！

周星驰在“食神”裡令他重新爬起来就是碗义燒煎蛋飯。其實這碗飯的精髓不是义燒，而是蛋和豉油。燶邊蛋一定要保留蛋黃不熟，蛋黃槳流出來與煮過的豉油撈上熱騰騰的白飯，一口吃下，蛋香豉油味加上白米甜味糊成一片，囗感豐满。例湯水準也不错呢！