彩福喜宴

營業中

休息中

今日冬至,一時忘記訂位.12:30到達,要等到12:50先有位,我只得2個,人多會易d有位,酒樓將d轉晒大.今日可能人多,d質數都差.叉燒飽,一路食d皮一路變硬.蝦餃個樣唔係幾靚.蒜蓉蒸鮮魷少得可僯,得4舊.鳳爪ok,燒買幾好.白灼西生菜都ok(夠少油).甜品-豆腐花,好滑但冇豆味.芒果布丁,味道有d假.不過我都幾欣賞d服務員,人客這麼多,依然笑容滿面,抵讚!

家人無意中發現這間酒樓的套餐同優惠食品好抵，因此週末便陪他們去食晚飯，試過後發覺果然係價廉物美。我們點了一條石斑，一碟雞同一窩雞煲翅。條魚蒸得好，肉鮮而嫩；雞則很滑，皮亦不油膩；而煲翅亦落足材料，每人可以分到兩碗。吃飽後再叫糖水，楊枝甘露才八元一碗，真的很多酒樓連午市也不會這麼平，最重要是味道也很好。這間食肆環境同服務都不俗，地點雖然略為吊腳，但駕車去有一小時免費泊車，實在值得推介。

今日係阿麻生日，一家大細食晚飯（８個大人，１個細路，１個小B），所以就只係叫左半席既＜彩宴餐＞：－１）紅透半邊天：乳豬，好脆．２）喜灼生海蝦：好鮮甜．３）醬皇鴛鴦蝆：鴛鴦蝆和西芹一起炒，好爽．４）玉環瑤柱脯５）沙蔘玉竹燉石頭魚：哩個湯好清甜．６）清蒸海虎斑７）翡翠金錢鮑片：白菜，冬菇，鮑片，好味道啊！８）脆皮風沙雞：果然好脆喎．．．９）健怡紅米飯：蛋白，帶子，芥菜粒，淡淡地，都唔錯．１０）歡聚彩福：蓮子紅豆沙１１）笑口常開：生果盤－西瓜＆橙．加左三樣食物：－１２）干燒伊麵１３）海鮮卷一打：阿麻的最愛．１４）壽包一打送一揸鮮搾橙汁，四罐汽水，埋單HKD1,100．