彩福國宴 (已結業)

前排去飲唻門面普通最初印象麻麻但食物唔錯冇多影相但賣相味道材料都可以龍蝦伊麵同翅都好充料六頭鮑大隻雞就油咗啲燶咗啲最尾個紅棗糕其實幾驚喜可惜去到甜品已冇咩人食得落於是俾我打包哂 哈哈如果同一舊錢搞場宴會要喺場地同食物取捨我就覺得食物重要啲

附近開咗一間新嘅酒樓, 規模龐大, 食品都唔錯~  見到彩福最近午飯時間等位嘅人少咗, 應該多數都係去咗嗰邊食啦~~可能係呢個原因, 彩福嘅招呼好咗, 食品又好左講番啲嘢食, 呀佢話八月底之前係龍蝦節, 咁我哋就兩個人叫咗一斤龍蝦啦, 叫咗一個炒蝦球啦, 叫咗一個凍嘅乳鴿, 同埋一個陳皮蒸鮑魚嘅龍蝦伊面 - 龍蝦好好食, 咁嘅價錢真係抵嘅! $79 / 斤咋, 想死咩?  但係啲面太林啦, 可能老人家多, 驚佢哋冇牙, 整林啲啦另外乳鴿係用酒做嘅, 即是好似平時醉雞咁樣, 好好味, 好鮮!!!  佢嘅乳鴿亦都幫你去骨, 方便你一口一口咁擺入口....慢慢食!!! 唔錯!!酒味唔係太勁. 唔飲酒嘅朋友應該都可以食得另外有個炒蝦球,  其實我唔記得咗去叫乜嘢名啊, 但係佢個面呢係酸酸甜甜好似千島醬咁樣, 有啲花生咁樣, 好香口, 蝦又好味啦! 成個餸係好開胃嘅講埋隻鮑魚個鮑魚~~我哋由食飯到走都未到佢出場, 原因係話要睇火, 比較麻煩....但係我覺得呢個鮑魚係值得等嘅!!  啱啱好.  個鮑魚整得好dd林, 又有海鮮嘅鮮味, 又有陳皮嘅香味~ 我覺得唔錯!! 可以推介俾大家

尋晚在大埔彩福廳房食了圍半老人家生日晚餐，到最後比錢先知道張咭比人寫咗"每席50元小賬"。其實埋單9千幾的全包宴，比多100蚊都真係唔覺。但我問菜單或者定金單或者任何地方有無寫明，普通經理(收錢嗰個)話定房時有講，寫就無寫，咁lee d 口同鼻拗的情況，我只有比。後來有家人比個同酒樓的定菜whatsapp紀錄我睇，公關小姐從來都無提這"小賬"，定房嗰個又話無聽過，咁就真係爭d。最差的是，我拿個電話去收銀處比普通經理看，我話我可以在internet投訴，旁邊的羅x祥董事總經理話:"算啦，算啦"，我問:"算啦，即係唔收?" 普通經理就話: "要收的" 咁阿羅總經理就比一個咁嘅樣我(attached)。100蚊，唔值大家唔開心，我比。同樣地，如果大埔彩福股東同這位羅總經理無乜私人關係，我諗，都唔值得留佢喺到得失d客。其實成餐飯ok的，只是總經理的手法、態度令人咋舌，希望各食客不要遇上他。

我住大埔，較近的酒樓就是大埔的彩褔酒樓，該酒樓於開開張以來一直有幫襯，食物味道不錯的!不過服務態度睇住佢越來越差!我家人包括BB去飲中午茶，洗杯筷的大兜，洗完叫佢留返卑我，因我BB飲奶食粥好多時要清洗物資，時刻要倒水，有時難免會倒少少粥碎落，個d着黑色衫既阿姐竟然唔卑我倒仲攞走個兜不回頭，語氣亦不客氣，我當然已感不舒服，亦心感無奈，甘有水我要倒去邊？後再刻意觀察大部分職員做野全部面無表情，額頭生在頭頂!埋單更加氣憤 一個黑 色衫阿姐，埋數後走來語氣差劣兼大聲講埋單數字，無任何多謝或唔該的語句，我心中已上火，我簽卡卑左張卡佢亦無出聲，後佢再來還卡簽收，佢竟然聲都唔聲，攞係我面前就要我簽，我有種好似欠佢債的感覺，我亦氣憤簽完伸手要卡走人。（我埋單都有約$200不算多也不置於少到要認受如此服務態度吧？）呢職員在幫她公司倒米，本來我幾欣賞彩褔的食物，但如果飲餐茶要受職員氣，我諗會將此事擺上網，等其他客戶評估以後會唔會再來幫襯!而且網絡發達，人人都是食評家!今天我不寫，它日別人也會寫!服務行業服務很重要!

星期日瞓到日上三竿，瞓醒就去一盅兩件。彩福一直都係我大埔飲茶首選，除左個場靚之外就係要食流沙包🤤。㩒飛仔等位，企左約半個鐘就入坐，洗好杯碟就夠鐘入紙下午茶。-----飲茶都係呢幾味，呢間點心質素好穩定地好食。呢個浮誇嘅 旋風黃金流沙包-$30 係必食！包要趁熱食！一扯開，溶化左嘅奶黃就咇出黎！流沙涵濃稠度剛好，一手一啖，仲食到鹹蛋黃香。點心紙標明係得獎作品，食過覺得佢都名符其實。-----另外仲有好浮誇點心例如鮑魚仔燒賣（當然浮誇嘢價錢都浮誇啲），我都係偏愛街坊平實點心。-----八婆雜誌餸點心，愉快下午茶❤

每次經過彩福國宴，門口的人潮都驅使我想找機會品嚐一下。適逢星期六放假，便提早一小時取票飲早茶。（特別留意的是：酒樓不設搭檯啊～對於想跟親朋戚友高談闊論的我，當然是十分貼心。但趕時間的人就建議預早取票了）第一次食，必定要試試獲奬點心！腸粉賣相吸引，味道跟外面蝦米腸相若。又是得獎的點心，潮州蒸粉果。薄皮、也足料！另外，值得一讚的是胡椒豬肚湯。份量算多，胡椒湯底濃郁，愛吃辣的我也愈食愈滋味！雖然等候時間較長，但可跟自己人同檯飲茶，加上點心質素有水準，值得再試！

我去了大埔一田shopping 兼且去噗孖寶下午茶， 一舉兩得 ！ 彩福真係好抵 ！味道又唔錯 ！👍👍👍腩仔拼素鵝+ 彩福燒賣 （$39） 半肥瘦腩仔好正， 肉質美味 ， 外皮脆卜卜 素鵝脆口配入紅蘿蔔， 鮮菇， 又脆又爽口潮式蘿蔔燒排骨煲+山煎梅菜叉燒包（$39）蘿蔔鮮甜入味，但排骨就乾咗少少， 無乜肉味！ 山煎包入口香脆，即叫即煎， 味道適中！ 環境寬闊，光線充足， 不用等位 ！ 可以一試再試 ！真係有抵又好味 ！ 一個孖寶$39，真係十分超值 ！

母親節慶祝飯局，㨂左呢間彩福，鍾意它夠新、裝修夠grand，梗係grand，for結婚既場，全場閃閃令，坐得舒服，食好野、配靚環境，阿媽實無投訴。。瑤柱蛋白炒飯 $118好大碟，足料，飯粒分明，炒得好好味。試過係其他地食到炒得勁鹹既瑤柱飯，但呢度幾好，唔會一味得個鹹字，仲夠哂大碟，每人分到2碗。😄。龍鳳金粟泡時蔬 $90即係沙巴龍躉、雞粒、時菜+粟米。以為所謂既沙巴龍躉粒會細細粒、好少，點知又唔係啵，每粒有手指頭咁大，size算大、還有唔少👍🏻；雞粒都多，鋪滿一碟無難度。底下既白菜仔好甜、好淋，一定要食多兩啖。。咖哩秋葵牛肋煲 $95我只食秋葵同薯仔，好味，秋葵只過水無煮熟新加入去，保留營養之餘，亦送上最佳口感。但今晚食完龍蝦已7成飽，呢個咖啡最後打包，隔日用咖哩汁送飯，一流！。清蒸西星斑 $580呢條約2斤重既斑，無野講，一個字：滑！識食呢個size都大左少少，但全缸最細係呢條，唯有揀它。煮得啱啱好，滑一滑，鮮甜魚味，連配菜葱都唔放過😆。帶子海鮮上菜煲 $128今日好似變成海鮮主題，乜鮮都叫，呢個海鮮雜燴，主角帶子大粒、厚肉，仲有蝦仁，不過帶子加埋蝦仁得4、5粒。呢個菜都幾好，清清地

提早慶祝母親節，所以就一家人黎到大埔彩福國宴酒樓用晚膳，6:30就到左所以唔洗等位，太好喇！一年一度既母親節緊係要食好少少啦，果然仰Keep到個水準，對上一次黎食晚飯都係大約半年前，都係好味丫ｄ菜式，而且我又鍾意酒樓內的環境，又夠哂光線，坐位都好舒服，感覺又乾淨！今次想推介其中兩味菜式我個人覺得極好味的！真係唔好講笑，哩味芝士龍蝦加伊麵底真係食完都好回味，個芝士味好香濃而且最正真係隻龍蝦，好新鮮，肉又好鮮甜好爽口，完全食到停唔到口，太正啦！秋葵咖哩牛腩煲，個咖哩味好正，用黎撈飯食一流，牛腩都好新鮮，整體都好入味！

復活節假期最後一日，同媽咪細佬去彩福飲茶！呢度曾經係我地嘅飯堂，老豆比較鍾意係到食晚飯， 老豆走左比較少泥喇！ 今日飲茶以為好多人，點知等十五分鐘就已經有位！ 知客入座已經安排左茶，所以都冇乜問題。服務方面不過不失，可能d呀姐吊頸都要抖下氣，吹水位比較多，不過可以接受！食物方面三個人，叫左六碟點心。牛肉，蝦餃，燒賣，鹹水角，蘿蔔糕……仲有唔知咩义燒包 蝦餃個皮比較厚，一般！燒賣好好味！牛肉好大粒，大粒到爆炸！叉燒包熱辣辣出爐，好新鮮好好味，不過唔係成日有！總括，裝修左之後既彩福係大埔一間好好味嘅酒樓，必去

尋晚一家人到彩福吃晚飯，好彩我地6點幾早去，如果唔係都無位。一如以往，全家6人，一人叫一菜。燒腩仔，外皮鬆脆，腩肉少少肥，入口溶化，口感十足。鹵水豬腳仔，鹵水汁的花椒八角味十分香，豬腳仔亦夠入味，如果再燘淋D會更好食其它什菜煲，什菇炒雞柳，涼瓜炒蛋，水準之作，好食但不會有太大驚喜。不得不提的就是這味客家燘豬肉, 見餐牌推介這味菜是今年的炆豬肉大賽的金獎作品，於是便試一試，豬肉用的是五花腩, 有膽固純超標的媽媽開初也因為外觀太肥而不敢食，但我們全家人一致讚好下，佢都試食左少少，佢話食落去又唔會覺得好肥, 蚊得好淋，好好味。腌過的雪菜加上薑蔥蒜，十分野味，送飯食一流，連小學一年班的侄仔都要添飯。用石窩上，可以保持溫度，而且份量亦不少，好似食極都重有咁，絕對值得推介。 

六月二十二日 (星期日)小丸子家族的生日宴，大部份親戚也家住大埔區，所以就選了大埔的彩福國宴一早訂了蛋糕與親戚一同慶祝，原來姑姐也親手做了蛋糕，好事成雙與裝修前比，左邊大廳比較光猛，坐得亦相對舒適特別餐牌，當中有好幾款挺吸引，懶得再看其他餐牌了，就從中選菜香茅野菌醬油雞無論賣相與味道也是如假包換的豉油雞味道帶少少甜，雞肉算嫰滑，預期一樣，雞沒雞味荷葉竹笙海皇冬瓜盅餐牌上寫是供四至六位用的，最初還怕不夠最後一行九人每人也分到兩碗用料豐富，竹笙,蝦仁樣樣齊湯品味道清甜，尚算不錯潔蒸沙巴龍躉斑雖然較細條，但挺鮮味的加上蒸的時間控制合宜，肉質還算鮮嫰喜歡吃蒸魚的比利也覺不錯~客家風味燜豬肉滿是既邪惡又美味的肥豬肉燜得軟腍豐腴，偶爾一吃也不錯藍莓芝麻咕嚕雞球本想吃咕嚕肉，但見到這咕嚕雞球，更吸引還在想像藍莓芝麻咕嚕雞的味道會怎樣吃落其實與一般的咕嚕雞球無異，只是配料中多了藍莓和芝麻，對味道產生不了什麼作用雞球吃落也挺乾身，味道也一般帶子鮮竹涼瓜煎蛋煎蛋太過薄身，配料也散了出來如果厚身一點，質感應會更好雲勝豆卜炆頭腩煲頭腩肉質挺新鮮惹味，燒肉也帶咸香豆腐卜吸收了惹味的醬汁，必吃!金柱蒜子泡夏蔬多道

彩福點心 平時得閒都會同屋企人 family day前先飲個茶，今次去大埔彩福海鮮酒家，e間野都算中上啦，今次叫左鮮蝦春卷，蝦餃， 鳳爪，蝦腸，由於本人十分愛食蝦餃，所以基本上，樣樣野都有蝦。但今次都無失望既，春卷係睇得出岩岩炸出黎，好脆，口感好好，而蝦餃都尚算ok,皮薄，蝦都有小小既鮮味，但其中有一兩粒比較熟，賣相一般，食落都算可以接受。另外想講既係,環境好舒服, 一家人去都舒服架,值得推薦!