彩虹甜品屋 (已搬遷) 新店位置

我一般在彩虹只會買糖水外賣。個人認為清潔度的確係幾差(可能我多數好夜先去),但食物的味道真的那麼差嗎?最愛它的芒果黑珍珠($16),彩虹西米露($20)同楊枝甘露($16)。好足料的,成塊芒果唔切粒架~ 不過,如果一日食唔晒,就算放雪櫃都會"叔"架... 好快壞呢~價錢比滿記平,但係那區來說,應該是偏貴。員工方面, 原來他們有制服的嗎﹖我都見唔到喎,是太夜了嗎(20:30左右)? 但那位太太同亞叔的態度也不是那麼差吧。是在說同一家店嗎﹖在聯和墟的那家吧?!

彩虹甜品屋真係越做越差！！唔信大家可以去試o下！！真係貴字行頭！！傳統糖水味道差到更加難食（唔知係咪轉o左師傅）！豆腐花仲難食（唔同哂以前）味道似足超級市場買個Ｄ＜ｘ福＞咁！仲有D又服務差（Ｄ待應唔識笑～好似末瞓醒咁樣）！總言知焦無論味道，服務，衛生～我真係講真個句得"真係好差o羅"！！呢個老細唔知係咪無錢整制服！仲有我上一次見Ｄ師傅係廚房食煙！！有Ｄ員工以為自己好時髦好有型！！！

o個日去左彩虹食野!!雖然我都有一排無去但我覺得o個到d榶水都ok保持到啦!!都唔係好似d人講得咁差ja!好似花果山o個d就死得啦d西米又林又唔好食!反而去彩虹食佢地o既主題<彩虹>就唔同啦生果又新鮮西米又好食!傳統糖水都唔差呀紅豆沙加豆腐花我就最鍾意食!但就真係貴左d!但無論如何我都會支持你地!

本來我係＜彩虹甜品屋＞o既常客！不過宜家真係越做越差咯！！！！！１）味道再不級以往（唔知係咪轉師傅左！２）環境太光鮮！３）沒有優惠（間直唔抵食）！４）服務差左好多（好似末瞓醒）！５）越做越細（人o地就越做越大！！６）價錢又貴又唔好食（貴字行頭）！！！

剛開始吃的時候都覺得很唔錯０既！之後一來愈做愈差！差過（（許留山））！差過（（花果山））！二來服務又差! 昨天，我同女朋友去食啦！我食完跟著去廁所啦！點知道有兩三個師傅廚房食煙！有兩師傅身材都幾健碩０架！間直絕對令我失望的甜品屋！以後我都唔會再去彩虹甜品屋食０架啦～！！！我行兩三步"龍豐" 有間（（花果山））雖然細D,不過有一定水準, 所以真係可以比下去！

彩虹甜品屋出名0既係借用教會來宣傳　總括來講　一）彩虹一來唔係食傳統糖水0既地方！二）服務態度勁差！　三）衛生欠佳！　四）水準每況越下！　五）愈做愈細！　我昨天同我幾個friend０想去粉嶺彩虹點知白行一趟！原來（（粉嶺個間分店））己經結束營業了可能因為做不住結束營業！人０地愈做大！彩虹就愈做愈細！　點知最後我０地去０左（上水個間分店）！我三個friend叫０左凍豆腐花！０圭！０的豆腐花勁難食！好似係超市買個行貨！簡直一間絕對令你失望的甜品屋！我以後都唔會再去食！！！

同朋友食完壽司，諗住咁耐冇黎過嘛黎食下啦！點知發現的野食貴左好多，又唔好食，下次都係去返松記好過！

我覺得佢地d甜哈都好普通，味道都係一般o者，都唔係講到咁好食...花果山d料足好多!!

果到d野好唔好食係其次最緊要係乾唔乾淨. . .我以前有個fd係到做佢話左好多野比我知佢地d黑珍珠. . 即係好細粒透明裡面黑色果d . . ..佢地先用水焗到變大. . .之後用人手洗. . .又洗唔乾淨. . . .你地可能食果時冇味. . .因為用d糖蓋左. .但其實有陣植物味. . .佢果到都寫話係植物種子. . . 仲有仲有果d師傅成日係廚寄房酊食煙. . 仲要一便煮. . 一便但住枝煙d煙灰就係落左d糖水到. . 仲有間野d登. . .有好多黑珍珠纏住. ..個地下又有. .睇見到唔開胃. .又坐污曹條褲. .最重要係佢地樓上個倉有好多窒同蟑螂. . 因為佢個倉放埋晒d糖. .花生.. 最多就係水果.. . 又點多冇呢. . .我見過有一次係粉嶺果間經過. ..果時上水果間部車送切好左的水果黎. . .一開車尾. . .5兜生果. . .跌晒落馬路. . .竟然用掃把掃返拿去廚房洗出比客人. . .希望你地可以改善一下. . .

前日去食糖水同男友慶祝生日, 一入門口見到個board就即刻想掉頭走, "懶" 有聖誕氣氛咁, 又畫得唔靚, 個board又唔乾靜, 幾驚有粉筆粉跌落黎要我食埋粉筆好彩D野食算係咁啦, D waitress 又幾好人, 唔係既真係要我再黎都難

我上次夜晚去彩虹道食野... 咁o岩坐o左係佢地出糖水o個位....點知俾我見到o的好噁心o既事lor....我見到o的服務生用""手""去整粒湯丸....唔知係咪佢地見到有o的污糟野係o個粒湯丸道la.....見到之後令我好不安lor...因為我都叫o左個雷沙湯丸....勁驚佢又會出""手""係碟野道lor...仲有ar...個地下同張枱又污糟wor...見到咁俾你都唔想再去食la...

都幫趁0左有一段時間, 其實甜品款式間間都係咁上下, 最緊要係材料質素同服務好, 坐0向裡面都食得有氣氛0的. 我就幾鍾意糖黐豆, 好多豆豆跟芒果汁一齊食好特別, 又有大西米煙煙韌韌, 同個名配到絕. 新彩虹裡面0既廬會椰果配搭都好清新爽口, 當然又有我最鍾意0既大西米啦.俾得咁0既價錢坐得0向裡面食, 當然氣氛服務都好緊要啦. 以前都唔覺有乜特別好壞, 不過近月多0左個幾靚笑得好得意0既女仔, 後來仲多0左個"正過港男" 0既男仔, 絕配呀! 佢0地都會好好心機咁解釋0下0的甜品, 最緊要唔係用超市快餐0個0的生硬"機械聲", 而係久違0左0既親切"人聲", 好難得, 最好笑係個男仔個型猛得0黎原來講0野好親切好溫柔, 我0地都估佢係咪"姑媽" 所以先破例請個男0既XD. 就係咁呢排我0地都少0左買外賣多0左坐入去食, 下次去要"mark 住" 呢兩個呀.不過去洗手間0個邊地面依然係好濕滑, 大煞0左"風景" :-(

我又唔覺得花果山好過佢喎, 花果山o既甜品款式極之普通, 周街都有o既貨式, 冇一樣可以講得上係代表作!但彩虹甜品屋o既甜品都設計得好有心思, 好特別, 好多款都係出面搵唔到o既, 起碼食完之後, 我會好開心咁同人講返我o係彩虹甜品食過d 乜o野~ 你去完花果山, 你會咁做嘛?座位方面, 亦見舒適, 唔係好迫o既枱櫈佈置試了「愛心甜品」同埋「紫晴湯圓」, 前者真係好特別, 好好味(好香椰青味, 從未食過呢種味道), 內裡餡料配搭得好好~「紫晴湯圓」就都唔錯啦, 不過有d 漏

食過幾次都冇咩o野好感, 都係貪佢有地方, 食物比自己係超市買都有一段距離, 咁作為一間舖你又叫人點令人再去;行兩步"龍豐" 有間"花果山", 雖然細d, 但就有一定水準, 所以真係比下去

之前都去過大埔店食過紫晴湯圓,覺得幾好味,當知道上水開左就非常開心,不過因離屋企比較遠,又少行開果頭,所以都唔會成日幫襯.呢次除左叫紫晴湯圓外,仲叫左彩虹,湯圓真係得,個皮煙"un",D奶皇餡又正,好味道.個彩虹都好食,D西米又係好煙"un",生果都ok新鮮,雖然有人話佢學松記,但甜品都係咁上下架啦,最緊要係質素,同埋有時我哋D上水人想"落街"食甜品,都唔係出到九龍食,咁攪笑呀~食過唔少甜品店,如滿記,滿屋,B仔涼粉,甜姐兒,石磨坊,芝麻綠豆....等等,當中有好有壞,亦都有D係有出色嘅甜品,之不過每個人口味唔同,要求唔同,所以大家有唔同評語,但我想講--彩虹食品真係唔差,不過服務再好D就very good喇!