彩雲大酒樓 (已結業)

今日下午我們去咗彩雲商場嘅「好彩酒樓」飲下午茶！我們叫咗好彩蝦餃皇、韭黃帶子腸、豉汁蒸鳳爪、沙茶牛肉角、菜遠牛肉炒河同陳皮紅豆沙！好彩蝦餃皇嘅餃皮好煙韌彈牙，蝦肉非常爽甜彈牙！韭黃帶子腸嘅腸粉好嫩滑，帶子嘅味道亦好鮮甜！豉汁蒸鳳爪炆得好腍好入味，醬汁亦好惹味！菜遠牛肉炒河炒得鑊氣十足，牛肉嘅份量相當多，肉質亦好嫩滑！陳皮紅豆沙煲到起晒沙，食得出係無加豆粉，味道超香甜，真係真材實料！

記得以前細個覺得呢度既燒味真係特別好味。如今人長大了,試過多地方,食物,總比小時候多。有機會重遊舊地,由於無理由一個人入去坐,所以都係買外賣食飯盒算。我叫左個雞鵝飯,但師傅好似斬左隻燒鴨比我忙中有錯,可以接受,不過總要扣一扣服務分睇到個賣相好似麻麻地但食落依然係正。雞有雞味,仲有份嫩口既油脂味,好難形容。燒鵝(鴨?)D皮好似未夠脆,但連皮帶肉食落依然有一份燒味香。呢間酒樓年紀大過我,裝修未必吸引到人,但我相信只要維護呢個質素,依然會有一班識食之人支持佢

一個悠閒的星期六不午, 又與老爸老媽來了彩雲酒樓飲茶. 酒樓仍然是很旺場, 大部分的枱也坐滿了茶客. 找到個位子坐下來後, 便開始劃點心. 今次從餐牌中, 看到有下午茶燒味優惠, 單併燒味飯只是$14.8! 於是我們點了三種不同的燒味飯, 另加燒賣($14.8)和山竹牛肉($8.8). 燒賣($14.8)和山竹牛肉是水準最穩定的點心, 每次吃都令人滿意, 今次也不例外. 雖然是特價, 但看起來一點也不馬虎, 每碟燒味的份量也不少, 而且還有青菜數條, 起碼算是較均衡的飲食, 不會一味是肉! 燒味是與白飯分開上的, 可以與人一起分享吃! 白飯是一滿碗的, 軟硬適中; 三款燒味: 叉燒,燒鴨和燒肉, 當中以燒肉最佳, 皮脆肉不嚡; 燒鴨也不差, 是鴨肶加骨皮, 皮雖然不脆, 但鴨肉不乾不嚡; 叉燒是半肥瘦的, 一般水準. 雖然不是甚麼上佳貨色, 但起碼是中等水準.以這個價錢來說, 加上$5/位的茶錢, 也只是約廿元, 便可以吃得飽足, 比在快餐店吃還要便宜! 這樣抵吃的食物, 當然要繼續支持, 繼續光顧!

食壽包送全隻小強!! 大家已經食到尾段，唔想多講，只想嘔!!部長回應：換過籠壽包俾你地。或者少收你地籠壽包價錢，48元。或者免費將果盤升級。試問有邊個人叫到隻小強仲有食慾呀，佢竟然咁樣就想了事。我地一圍13人，對此非常失望!! 最後佢都只係將全單二千幾減$100!! 咁既補償真係睇醫生都唔夠!!!所以大家想在彩雲搵野食，都係行遠d好。

上星期六不用上班, 與老爸老媽來了彩雲酒樓飲茶.不知何故, 酒樓坐滿了茶客, 與平常的半滿狀況大有分別! 好不容易才找到個不用搭枱的位子坐下來. 經過好幾次來飲茶的經驗, 今次點了燒賣, 蝦餃, 煎蘿蔔糕, 鮮竹卷, 牛肉, 燒賣和煎腸粉, 還有雞飽仔. 味道一如所料, 沒有特別的驚喜, 但蝦餃的皮卻很易穿, 一夾已經穿了, 十分狼狽! 另外, 煎蘿蔔糕的油太多, 很油膩!其實飲茶最主要是一家人聚在一起, 吃吃東西, 談談天, 至於食物質素, 只要不太差已經可以了. 所以, 縱使這裡的點心不突出, 侍應招呼仍然不成, 環境又不算好, 我們仍然會繼續光顧下去.

早上十一時半到彩雲大酒樓嘆茶, 全場還有很多位, 食客並不多.煎餃子: 樣子有點"殘" 餃子皮看似"梅梅"地, 饀料也不太新鮮.麻蓉包: 把包開半, 麻蓉料沒有澎湃地流出來,沒有流沙的效果, 還乾乾的, 有點失望.豬潤粥: 豬潤煲得太熟了, 肉質很硬! 粥底尚可接受.炸兩: 油炸鬼很明顯是"隔夜" 的, 仲要係比不新鮮既油炸出黎! 非常失望的茶樓.

住了牛池灣多年, 彩雲邨一直都沒有一間像樣的酒樓, 質素令人搖頭. 所以要飲茶的話, 都會行遠一點到德福或淘大的酒樓. 這間以前叫做"好彩大酒樓"的酒樓, 於幾年前改了名後, 一直都沒有再幫襯過, 如果不是老爸召集要去飲茶的話, 昨天也不會踏足這酒樓, 也沒有這篇食評.昨日早上十時多到達時, 酒樓坐無虛席, 想不到居然這麼多人來這裡飲茶! 行了一圈後, 終於找到一張空枱坐下. 酒樓跟以前未改名前沒甚麼分別, 都是典型的屋村酒樓格局, 唯一不同的是枱與枱之間的距離較闊, 坐得較舒服. 拿起點心紙, 劃了燒賣, 蝦餃, 山竹牛肉, 牛肉腸粉, 淨腸粉, 义燒飽, 咸魚蒸肉餅飯, 馬拉糕和芋頭糕. 燒賣的肥肉不多, 吃起來有豬肉味道; 蝦餃的蝦肉份量不少, 最令老媽滿意的就是蝦肉是沒有黑漆漆的蝦腸! 這個實在難得, 因為大多數酒樓的蝦餃都有或多或少的蝦腸, 看起來實在令人倒胃! 這裡的居然是乾乾淨淨, 而且蝦肉的雪味不重, 餃皮又夠薄, 相當不俗! 山竹牛肉夠滑又有爽口的馬蹄粒, 不過腐皮較少, 美中不足; 牛肉腸粉, 义燒飽, 和芋頭糕的味道一般, 但淨腸粉則強差人意, 腸粉太淋, 未吃已

在彩雲村一直只有2間酒樓彩龍同好彩(係好彩集團第2間開張)以前彩龍平均好少少乾淨一D,甚至10多年前未有將軍澳時電視城D人會專程幫襯彩龍好彩比較低下一點不過自從轉名後,這一間彩雲完全過了頭食物變得好有水準九肚魚很脆身肉亦很入味晚餐又唔貴湯味又濃一湯+一拼盤+3各小菜=$18X幾抵食環境衛生擺設又好了有次我試過一個人單挑下午茶叫了紅綠豆沙各一($3.8) ---->正山竹牛肉+燒包各一($4.8) ---->麻麻地

6月4日,一家人在這裡為老豆慶祝生日,$1988套餐, 食物如下: 乳豬拚盤---普通,味頗鹹龍蝦伊麵---龍蝦'鞋'口鮑參翅肚---啲翅都幾難搵乳鴿---最好青斑---同龍蝦一様其他食物算ok最得意是整晚也沒有人換碗,連最尾的麵和飯也用同一個碗.

昨晚又係一圍人開餐食晚飯，估唔到呢度改名之後比以前進步，無論是服務及食物質素都幾好，試了兩個$206 四菜一湯餐：椰子煲雞湯- 老火足料連湯渣上，有少少味精但整體來說尚算夠味，有十幾碗燒味(叉燒，切雞，燒肉) - 燒肉有d”鞋”口，偏乾d小菜(選擇都幾多)：鹹魚雞粒豆腐煲–幾惹味，夠晒鹹o者o者雞煲–雞肝多過雞肉羅漢齋–唔太似但都勉強可以金銀蛋莧菜–幾清咕嚕肉–一般送水果，好鮮。整體份量都夠。加埋成臺飯埋單5百幾，仲有大電視睇皇馬對北京，不過不失啦。

16-5-2005 1830經過艱辛的旅程及偷雞去沖涼，終於都了食晚飯的時候，據說這裡以前是好彩海鮮酒家，一夜之間成個管理層及員工換曬，當然唔好比的出名如蓮香、鳳城來比啦，因行山之仕都係熟客仔，據說呢度既服務及質素都有進步。別人點了套餐再加散叫，燒肉頗un；蘿蔔牛腩煲除左唔係咁入味外，整體上都不錯；蒸魚係黃花魚，都幾鮮甜，一般中等size；苦瓜煮鱔片份量都幾足，不算太濃味；其他菜式因事隔大耐，都唔記得，總括來講沒有一樣係特別難食；但令我最impressive 既係魚香茄子煲，有魚香味兼好少油，值得一讚。還有糖水及生果奉信。九個人，食左約70蚊，期間都有唔少人幫襯，連細廳都要開埋，以及發覺熟客仔都唔少，侍應有求必應的招呼及禮貌，都令我有少少喜出望外，聽聞其中一位人仕說上之點白粥食，份量只係一小細碗，今次終於有飯碗既份量。以區內又唔想落九龍灣或觀塘食飯，這裡也是不錯的選擇。