後宮 (已結業)

中秋節快樂🥮約左幾個親戚一齊打邊爐，呢間餐廳係地庫，要樓梯落一層～湯底正材料新鮮，而家仲有得唱K玩通宵，勁岩一大班人gathering ✨胡椒豬肚雞鍋雞湯好香濃，豬肚爽口，黑胡椒味慢慢越煲越出味，但又唔會辣～鴛鴦湯底配半隻雞，雞件新鮮嫩滑✨四川重慶麻辣鍋麻辣湯底入邊有好多香料，有花椒、辣椒、蔥段等等香濃麻辣度，入面仲有鴨血都好鮮味～✨本地牛頸脊、特級封門柳牛頸脊肉質柔軟兼多肉汁，只係滾幾秒就食得，咬落軟淋有牛味封門柳一樣樣滾幾秒就可以，比較爽口用料新鮮，唔係冷藏牛肉✨墨汁墨魚丸有多款自家製丸類餃類，特別叫咗呢款墨汁墨魚丸試吓！幾彈牙幾好食～