御八築地 (已結業)

今日同朋友想食日本野，見到呢間御八築地好多人排隊，一於就試下係咪真係咁好食！我地叫左個蟹子軟殼蟹卷，非常不錯，蟹脆得黎之餘又唔會太硬，抵贊！第二叫左個好多人食既三文魚炒飯，份量好多，又好足料，炒飯亦都夠乾身，不過我個人覺得唔夠調味。好食，推廌！

呢間野日日都好多人排隊架，唔想排隊應該要6點前黎到，同埋佢係齊人先入得既。我今次6點幾到，都排左半個鐘。我地叫左三文魚、三文魚腩同帆立貝刺身、鰻魚壽司、牛油果三文魚卷、燒秋刀魚同粟米蟹籽沙律。佢既刺身都幾厚切同好新鮮。卷物又好足料。燒魚燒得剛好，唔會老左。全部都食完一啖會再想再食呢間唯一既缺點應該係環境。座位比較逼。坐到卡位還好，如果坐其他位就會同其他食客一枱咁，唔太舒服。但最後都要講多次，野食既味道同質素係好既！所以耐不耐我都會黎排下隊。

北區要食有啲質素 價錢比較平民既話上水呢間御八築地都數一數二，星期五八點黎食都要等一陣位入面店面唔大，但都幾多位，所比較迫峽坐得略為不舒服，如果要慢飯食，食完傾下計就差啲睇完菜單用紙落單食物種類選擇算多，有三張落單紙既選擇壽司，卷物，小食，刺身，飯，麵，天婦羅等等都應有盡有 👍🏻蜜桃蟹籽沙律（大）無論沙律同埋蟹籽，份量都okay蟹籽都粒粒分明，食落卜卜聲菜絲同青瓜絲都新鮮，蟹柳量都多最緊要係沙律醬夠，啖啖菜都有沙律醬微酸既沙律醬溝埋清新既青瓜絲爽脆既生菜絲配配埋軟既蟹柳絲蜜桃🍑正常罐頭野，但同成個沙律都夾既基本上黎食日本野都必叫👍🏻平目魚雖在唔係時令，但深愛平目魚既我都叫左碟黎試油脂頗多，帶有魚香，略微炙燒話更加迫出佢既香味但始終未係季節，有些少筋，唔係入口即溶鰻魚壽司比想像中少，因為都$50，以為佢會好似三文魚咁長味道正常，鰻魚滑嫩，燒汁香濃無咩驚喜 符合預期炙燒芝士/京蔥三文魚壽司見到咁大條炙燒三文燒好開心🥰魚香，香油都有，但唔算特別豐富炙燒過有獨特火炙既香味配搭蛋黃醬+芝士/京蔥都好好食味道雖然係好驚喜但都滿足👍🏻係覺得燒得略為熟左啲帶子刺身+三文魚腩刺身三文魚腩睇相都知有質素厚

每次跟住上水嘅朋友黎呢間食日本野都一定要叫活赤貝刺身，但今次竟然無哂唯有試下新野其實咁多食物之中，有唔少係encore，蟹籽沙律足料，蕎麥麵個汁配上果d唔知叫乜名嘅脆脆，清新得黎好有口感，火龍捲一如既往咁出色，好爽口嘅炸蝦同蟹籽，係一整條蝦咁做，所以叫火龍🐲刺身拼盤係新試嘅，每一樣都好新鮮，海膽必食，口感好好又唔腥唔苦，小店有呢個質素真係令人好驚喜！魚刺身切得夠厚，脂肪比例剛剛好，有油香又唔會太林，大推！提示：menu上嘅赤貝刺身唔係我講果種，要另外問架，多得好友告知。入座都等幾個字，入面環境比較暗，坐得有d逼，但值得為左食物再來！

御八築地係我一年前既時候就食過，咁個陣我真係覺得幾好食，份量夠多夠豐富，食材新鮮等，咁今次就想食多次就約左朋友食。咁一如以往依間鋪頭本身就好多人食，本身鋪頭本身就唔大，所以有時就要坐逼d。咁我本身就食左少少野，所以我就唔係食好多，我就叫左個刺身同埋花之戀就算啦。花之戀 ($62，兩件)咁依個花之戀上面既蟹籽都多而且都幾大舊，入面既沙律醬岩岩好，所以依個食落都幾好食，就算我覺得三文魚麻麻地都好。甜蝦刺身，三文魚刺身，吞拿魚刺身，帶子 ($255)首先先講好既，甜蝦係好食既，夠鮮甜。帶子只可以講ok黎形容，好淡，點完wasabi都突出唔到個味。去到三文魚同吞拿魚真係災難，三文魚食落去個味好怪，個感覺好似擺左好耐變左味一樣，而吞拿魚食落好腥，係去到接受唔到黎形容，同我上次黎食完全係差好遠，完全估唔到，食完之後都已經食唔落其他野了，只可以用失望黎形容。

晚上放工, 去了區內這間經常幫襯的日式餐廳. 九點正, 可能有點夜, 想叫嘅刺身拼盤,裡面三文魚腩同活赤貝都買晒, 於是侍應提議散叫魚生. 好, 直管試吓. 再睇餐牌, 之前食過劍魚腩, 都幾好. 諗住再試. 叫咗110 元八片劍魚腩, 再加啲其他嘢. 問題出現了. 一陣間, 侍應過來, 話劍魚腩得番4片, 不如用4片油甘魚代替. 見咁夜, 就敢啦! 之前亦都食過油甘魚, 不過今次冇咁新鮮!埋單時, 發現個蝶110 元八片劍魚腩冇咗, 代替嘅係4片劍魚腩78元, 再加4片78元油甘魚, 總數加埋係 ... ! 之前亦食過油甘魚, 100元8片. 於是問侍應, 佢話電腦入單, 係咁架喇.大佬, 係你話冇咁多劍魚腩, 我先至用差啲油甘魚, 點之食咗反宜俾更貴!咁都得... 雖然冇影底張單, 但全屬實情, 夠膽可以同我再對質. 不過, 以後幫襯否, 要再諗諗!嬲

出咗bonus梗係要去食餐好嘢，喺上水住咁耐都未去食呢間御八築地，聽就聽得多，食就第一次喇😍夜晚差唔多8點先到等咗幾分鐘就有位啦，入面睇落好似好逼，不過坐個位都不會逼。今次就叫咗火龍卷，八爪魚，中華沙律，野菌炒雜菜，帶子壽司，鰻魚壽司，火炙芝士三文魚壽司，串燒牛舌😍上菜嘅速度都算快👍🏻八爪魚🐙同中華沙律🥗份量都幾多下🤩咁就可以過足口癮🤤最鍾意食火龍卷，夠爽口彈牙，啲飯有加咗紫菜碎，超好味🤤😍可以自己食一條😂必試菜式之一啊😉另外都一定要叫燒牛舌，大大塊，燒得啱啱好，唔乾身，‘鞋’口。而其他壽司都唔差，帶子夠肥美，鮮甜，鰻魚壽司條鰻魚醬汁一流，成舊食似食緊鰻魚飯😆火炙三文魚🍣好大塊，肥美，唔會有燶味，正👍🏻對得起個價錢。健康飲食一定會叫碟菜😉野菌炒雜菜夠大碟，唔會炒得好乾，不過有啲啲油，食落味道OK👌🏻叫嘅嘢唔算多，但食得超飽，仲要食唔曬🙈份量好足夠👍🏻咁價錢都合理。等下次出bonus又黎食過🤤

呢間野真係由細食都大都係依然咁好食同咁抵食👍🏻👍🏻今次同朋友黎叫左個火龍卷share，圖到見到其實入面就係蝦卷黎，上面仲放滿左蟹籽食落超級滿足🤤🤤一份8件share一流因爲係各有各食所以結果叫左兩個飯😂我再m左d試下，首先係雞軟骨飯，好奇心下好想知雞軟骨炒飯會係點就叫左黎食，估唔到又幾好食🤤雞軟骨有咬口得黎又唔會太硬，同埋切細粒左所以唔會話好似平時食雞軟骨咁起勢咬，但同時有野咬下既炒飯都幾過癮🤤味道方面就主要係個燒汁既味，都調得岩岩好唔會話好濃味，總之就幾好食😂朋友就叫左個幔魚炒飯，呢個飯個汁就相對濃d，似平時食幔魚飯黑色個隻燒汁，幔魚份量都唔少起碼每啖都有食到，面頭木魚碎就令到食落冇咁滯配合得都幾好🤤順帶一提兩個飯既份量都幾多，夾硬食先食得哂（仲有share壽司）所以細食既朋友就再要諗下點嗌野食啦🙈

同三個朋友打完波過嚟呢度食飯，夜晚walk in 都唔使點等位，10-15分鐘可以入座。朋友本身話打完波好熱冇乜胃口同唔肚餓，有個就話減肥，於是唔嗌咁多野，只係嗌左火龍卷 、鰻魚炒飯同埋一系列壽司。？但壽司依家野，食下又一件食下又一件，最後都係會忍唔住一啖接一啖咁食哂全枱野。呢度d野真係幾新鮮，所以價錢都唔係特別平！生蝦帶子三文魚就基本必嗌！另外個海膽都唔錯！鰻魚炒飯炒得粒粒分明！如果入開上水不妨試吓，住開上水嘅更加要食啦！

🍣《經過、行過，千祈唔好錯過！》.-【上水築地】都有啲歷史，已經轉過舖位，難得既係味道質素食材都仲係維持咁高質，刺身非常新鮮，而且仲好抵食。我同屋企人為咗慶祝母親節都嚟咗呢間餐廳，叫左個四人餐，d野多到食極都食唔哂！刺身、麵豉湯、仼選六件壽司、牛油金菇、炸軟殼蟹，火龍卷，三文魚炒飯，埋單$500有找！一家四口食到勁飽都只係每人百零蚊！平時食呢間餐廳都唔算話等好耐，但由於今日係母親節，所以等候時間稍為長少少。另外呢間餐廳係不設訂座，所以weekend/節日可能大家都要walk-in等等喇。其實北區有好多餐廳都味道唔錯，只係可能爭啲特色/ gimmick，所以唔追求打卡嘅話好多地方都好食，笨非美食沙洲！—#foodiehk #hkfoods #hkfoodshare #hkfoodblogger #hongkongfoodie #hkfoodlover #topcitybiteshk #hkeats #asmr #hkfood #hkrestaurant #hkfoodblog #hkfoodporn #hkdessert #dessert #相機食先 #吃貨 #食評 #香港美食 #fo

星期日lunch竟然唔駛等位🙈🙈🙈平日就算lunch都起碼等45分鐘 入到去坐低梗係揀火龍卷食啦仲嗌左三文魚長嗰款壽司、同埋嗌左吉列豬扒拉麵火龍卷唔係度度都有得食 佢係一啲壽司飯包住炸蝦上邊鋪滿左孩子蟹子蟹子嘅份量超多每夾一嚿火龍卷都會令到啲蟹子跌左d出嚟 可見蟹子分量超多 炸蝦都炸得好脆 就算比壽司飯包住都好，都食得出好脆三文魚新鮮 啲紋好清晰 賣點係超長😂😂55蚊一個吉列豬扒拉麵都有十嚿炸豬扒，個炸粉唔係好厚 食落卜卜脆 55蚊拉麵黎講算係唔錯

專誠但揸車黎到上水呢間御八築地食日本野朋友介紹一定環食饅魚飯 黎呢間可以話系為左呢個饅果然不負所望 真系炒得好香 佢既飯唔會痴埋一塊塊 飯米又夠乾身 米身都好有咬口雖然饅魚唔多個系佢饅魚醬配木魚香味真系忍唔住食完一啖又一啖所以真系整力推介鐘意食日式炒飯既朋友們蟹籽沙律🥗叫左大碗 份量都唔小 有一大碗滿滿的佢有蟹柳 生菜絲 青瓜絲仲有大量蟹籽沙律醬加得岩岩好 唔會太濃味食呢個前菜真系好開胃海膽三文魚卷仲有火炙三文魚三文魚 海膽都新鮮夾埋黎食好有滿足感！牛肉鍋材料都好豐富有菜 芋絲 東菇 烏冬 豆腐 肥牛 洋蔥等等佢既湯底好濃好濃最後仲差唔多飲哂d湯底！軟殻蟹三文魚卷好香口入而既軟殻蟹唔會只得粉漿夾烏入而既軟殻蟹份量都抵食！天婦羅卷真系好好食！面頭粉漿又香又酥食落暖暖地 入面既三文魚米熟 香味四溢

呢間日本餐廳喺上水差不多日日都要排隊，其實有冇話特別好食嘅，只不過上水就冇太多選擇，但係以呢個價錢嘅食材算係上等野，可以話係平靚正，但呢度最唔好嘅就係等候時間實在太長啊，平日早少少就可以唔使等咁耐，大家要食就要早啲啦！

-Lunch喺上水搵嘢食，行行下見到有間門口好有日式風嘅餐廳，即管入去試下啦。 間舖頭唔算好大，都係十張枱左右， 加上又係lunch時間，坐得都算迫。 我同我嗰friend都叫咗 「月見牛肉石頭鍋飯」， 配三文魚刺身2件 + 麵豉湯（$55）。其中一份餐，將三文魚刺身轉咗加州卷試下。 前菜方面不過不失。 麵豉湯太鹹了，飲幾啖就算數。上菜啦！！ 上菜啦！！！ 我哋見到個石鍋飯都打過突，真係好大碗，飯面鋪咗好多牛肉。 牛肉汁亦都比得夠多， 石頭鍋夠曬熱，所以個飯底好多飯焦。 雖然係好大碗， 正因為實在太好食啦！！所以全部食曬**** 不過，衛生方面我覺得有待改善， 因為佢畀我嗰個飯羹好大陣漂白水味， 食第一啖我都聞到一大陣怪味，再食第二啖，再諗.....冇理由呢個飯有問題架？？？ 再聞一聞， 係飯羹出事！！！ 點可能食具上面有一大浸嘅漂白水味！！！ 就算嘢食幾好食，呢個point真係接受唔到！！**** 真心希望呢間餐廳會改善啦,如果唔係就 糟蹋咗廚師煮得咁好味。 __________地址：上水符興街10號A座地下

上水要搵好食日本野其實都幾難哩間餐廳會係其中一個好選擇哩間餐廳已經開左好耐架喇由中學食到大學再宜家做緊野就算佢唔係咩頂尖既日本菜 耐唔耐都會掛住想食下食既唔單止係食物既味道 仲有回憶玉子依然係咁厚新鮮熱辣辣既餃子 外脆內爆新鮮肉汁軟殻蟹手卷！ 彈牙 不過可以少d飯火炙三文魚 入口即溶仲要我最愛既左口魚 鰻魚保持一貫水準始終都鍾意叫d有熱湯既食物暖下胃牛肉鍋入面 好驚喜地都有好多蔬菜 有健康既感覺！最緊要d娃娃菜都浸得夠林 係我鐘意既口感仲有滑蛋雞扒飯去到哩個位 我已經唔係好食得落另外想特別推介栗米沙津我係一個唔鐘意沙津既人 但都覺得好好食一次試過之後就次次都會叫好新鮮 d配料配搭完唔係話得青草味健康得黎又好食 真係好推介食完真係飽到爆 我覺得我真係要改下我既眼闊肚窄