御前上茶 (已結業)

北江。妹系非常之中意食雪糕嘅難得出左一送一promotion 點可以miss ?!就系甘，北江。妹 買左兩杯培茶味嘅雪糕等左陣就有得食食第一啖，就覺得系壽司舖啲綠茶粉既味道，但又好食喎，因為雪糕入面加左啲甜甜地嘅燕麥，應該系佢地嘅特色泥同埋加左日本人最愛嘅丸子，幾煙un 下總括泥講，系好食既，但如果要四十幾蚊一杯就有d貴希望快啲再有買一送一啦

又有一間甜品店做買一送一優惠, 但御前上茶就無好似其他買一送一既既店舖咁大排長龍, Vi同朋友等左5分鐘就有得食, 尖沙咀呢間分店o係誠品入面, 仲有堂食座位, 除左雪糕, 我地仲叫左抹茶燉蛋白試下~ 呢度既抹茶雪糕唔稱得上出色, 但抹茶味頗濃, 雪糕冰感偏重, 唔夠奶滑, 不過半價左之後係幾抵食, 而個筒亦好香口脆身, 但如果正價就未必會食~而呢個抹茶燉蛋白睇落幾吸引咁, 但一食入口, 表面既抹茶粉好苦, 入面既蛋白唔夠滑, 而且太甜, 有一陣忌廉味, 裡面完全無抹茶成份, 只有燉蛋白再灑上左抹茶粉, 唔推介比大家

之前誠品剛開時食過一次冰 。今次見佢做週年推廣 放工和同事約好去試 係附近返工真好，6點半到沒太多人排幾位已可買。等一會就有得羅 今次叫了培茶和豆腐味食第一口豆腐味好重，再試一口培茶甘甘的很不錯，可是我比較喜愛滑一點的雪糕這個食的感覺有點沙冰的感覺奶味少點。

每次看到抹茶製品都會異常興奮的我家那位，用「抹茶控」形容她最不為過。但經過這天之後，似乎「控」已不足形容她了。這天約了朋友交收的她表示朋友還有一段時間才到，就在海港城渾噩之際，我家那位毅然提出往誠品。還以為她變了文青，提出的卻原來是邊吃抹茶邊等！雖然經常與她周圍吃抹茶，但御前上茶還是第一次去 (明明她自己去了幾遍)。藏身於誠品之中，即便也是抹茶甜品及飲品，加添了幾分書味也看似高級了點。幸運地周末下午也能在座位不多的用餐區裡找到一席，大概是大部份人也希望邊喝/吃邊看書吧。雙色霜淇淋 $36在回暖天氣最需要的就是降溫，稍為溫度高一點也超不爽的我自然選了雪糕吧。吃甜品就要嘴饞，選雙色似乎能試得更多嘛，最後點了焙茶配豆腐的霜淇淋~ (為何不能抹茶配豆腐呢？)色澤分明的焙茶與豆腐霜淇淋，前者散發淡淡茶香，後者則富濃厚豆香，二者混合起來濃淡得宜，軟滑之中味道更見立體，美味！焙茶拿鐵豆腐飲 $40面對各款抹茶甜點，難得我家那位竟是選了焙茶。以為是培茶混豆乳的飲品，喝起來除了茶香豆香外，還能給啜到更富豆香的豆腐粒！既能喝也能吃，一次過滿足兩個願望~豆腐的份量也挺多，喝光焙茶拿鐵後杯底還有一堆堆的豆腐呢

原來誠品已經係尖沙咀開左，好開心呀，以後可以多個地方睇書除左有書睇之外，入面仲有幾間係賣野食嘅，最吸引我嘅就係御前上茶啦，因為啲位係望海景架！點左呢個焙茶雪糕，上面仲有紅豆同兩粒大福，茶味幾香，不過有啲冰感，唔夠滑可能要落多啲奶，但下次黎誠品都可能會再黎！！

真是沒想不到誠品書店內，原來另有一番奥妙， 抹茶FANS不用錯失，御前上茶以抹茶及焙茶為主打，店子小，但可面對無敵大海景及大電視，且有多種抹茶焙茶甜品，消費幾十蚊就可以欣賞美景及抹茶，揀直超值。 先讚這抹茶鬆餅配焙茶霜淇淋: 鬆餅暖暖的，的確是新鮮製造，表面微脆，還沾上了抹茶粉，內裹鬆軟，一咬下有陣陣香濃的抹茶味，鬆餅有一定的密度，不會是空氣，很有口感。每一塊鬆餅有如女士手掌般大，驚人的是有成寸厚，吃下整份一定飽到不得了。再來欣賞這焙茶雪糕，入口有很香的煎茶味，雪糕軟綿綿且滑，很CREAMY及實在，不會像一陣風入口即滆化，在口裹可逗留數秒才完全消失，吃完後，口裹還逗留著陣陣茶香。此鬆餅必然要配上霜洪淋及紅豆來吃，茶中之澀及紅豆之甜互相中和，是完美的配搭。此仍是新品抹茶焦糖燉蛋，蛋滑流而且結實，不會是水汪汪的，有點像MOUSSE的口感，更有十足的抹茶香，焦糖中和了抹茶的澀，都算不錯吧。御前蕨餅口感煙韌，像糯米糍般，表面沾上了抹茶粉及焙茶粉，兩者茶粉都香度十足，更可按喜好蘸上糖漿食用。如不喜愛太甜，不沾糖漿也可，因為蕨餅甜度已很足夠。

來自台灣高雄的手作抹茶專門店「御前上茶」，跟日本「中村藤吉」比較，沒有了誇張的人潮，但又靜得有點讓人卻步。抹茶雪糕標榜使用森半抹茶粉製作，配以自製白玉丸子、紅豆及抹茶凍等，水準不錯，絕對適合抹茶紅豆控，靜靜地品嘗，反而有處身台灣郊區的優美感覺。

一直都聽過御前上茶的大名鍾意食綠茶的粉絲不能錯過的地方！位於尖沙咀誠品書店的一個安靜嘅角落，除咗雪糕同窩夫之外， 仲有各式各樣的茶類甜品～法式燉蛋跟蛋糕等等我點左一杯綠茶latte加豆腐花同一個綠茶雪糕配焙茶窩夫綠茶latte系點餐大概五分鐘之後就有啦 但是綠茶雪糕配焙茶窩夫就等了差不多十五分鐘綠茶latte（T46)味道比較濃但不澀，是傳統日式綠茶嘅味道配上滑嫩豆腐花豆味香濃兩者這樣的配搭非常合拍之後等左十五分鐘的窩夫(T25)幸好係冇白等到的 窩夫茶味比起綠茶更為濃烈更為芳香外脆內軟，用嘅麵粉唔會好厚實 所以水份夠而不會令到窩夫乾身另外小杯內的紅豆搭配綠茶啫喱一齊食不會過甜

剛巧路過 "御前上茶"，見裡面放了很多抹茶麵包，好奇心驅使下入去打了個轉。入去之前我已食到好飽，晚上又有飯局，本想兩手空空的離去，但臨走時望到有售賣抹茶糖果，於次便停下來了解一吓詳情。一小包有24粒，售價$44元，貴嗎？都係嗰句...好食就唔貴。店員亦向我們介紹這抹茶糖果是 "水晶飴"，製作繁復而且粒粒人手做。"抹茶水晶飴" 的食用期有半年，雖然有24粒，但每粒都好 mini。放入口，是一般的硬糖質地，但的確是很滑，沒任何討厭的起角及裂位。初放入口已嚐到幽幽抹茶香，待糖殼慢慢溶化，濃濃的抹茶味兇湧而來，吃到最後只剩抹茶香。新年糖果又添新成員！下次要試這抹茶午餐肉包！

尖沙咀海港城新開誠品，台灣的誠品已經進佔香港人的一部份。行到累又想休息一下，看到來自台北高雄的「御前上茶」全店以宇治抹茶及焙茶甜點為主。抹茶迷的我又怎能錯過呢？ 我們四人同行點了三款甜品：焙茶聖代（$52）以白玉.紅豆.豆腐.脆米及抹茶果凍製成。煙韌的白玉配上滑溜的豆腐入口即溶，滋味無比。抹茶果凍亦有濃濃抹茶茶香，脆米脆卜卜口感不錯。美中不足紅豆太過甜，如果少甜會更好。焙茶比抹茶味道偏苦味但略帶茶香。御前抹茶盛合（$84）喜歡抹茶的甜度，紅豆配雪糕一絕。白色的丸子煙韌無比與抹茶jelly，非常匹配。焙茶鬆餅配抹茶冰淇淋（$78）冷與熱之間的配搭，熱辣辣外脆內軟的鬆餅+冰凍的抹茶雪糕及紅豆非常美味。

同朋友行過誠品，口痕就去咗呢間食甜品但食完之後原來都係麻麻地...綠茶雪糕都幾滑 配上紅豆 係好standard的配搭 沒有太大的驚喜。御前抺茶盛合 - 咩都有D, 丸子好彈牙但抺茶雪糕唔夠抺茶味而且仲甜左D.焙茶聖代 - 焙茶雪糕算唔錯, 如果對比抺茶雪糕, 我會鍾意呢個多D.焙茶鬆餅配抺茶霜淇 - 鬆餅食到焙茶味,但我覺乾左小小, 但整體都OK.

三五知己食飽飯，重想坐低傾下偈，又唔想禁嘈。有人提議試下誠品的綠茶甜品。一黎到人唔算太多，靜靜地👍🏻👍🏻👍🏻四個女生叫左三個甜品share 食綠茶雪糕甜度適中，加埋啲紅豆就岩岩好。最愛雪糕隔離綠色的不知名小糕，無咩甜味，有著濃濃的綠茶苦澀味，可以中和一下甜味。個冰同出面食開的台灣冰差不多，無特別

往買鐵觀音軟雪糕途中被御前上茶的烘焙雪糕吸引。其茶味較濃，但不苦澀。味道不太甜，不錯不錯。店內有座位，部份位置還可欣賞海景。這角落供人在繁雜中一個喘息空間。要好好珍惜

誠品至從在本地銅鑼灣企穏陣腳後,繼續開枝散業、尖沙咀星光行分店便已投入為人民服務全店兩層但就感面積比香港區總店細,不過亦有點優勝處小食店給一些書藉以外小分區較多如香薰機,小乾果、健康新鮮麵包,台式奶茶,半熟蛋糕, 等等當然不要少了今日主角御前上茶坐落於盡頭深處,孤方並沒有被遺棄、購票前還有兩、三枱客人客人亦可親手寫上祝福語,掛在牆上這篇便是一位有心食客所記錄,而我莫過於向著前方大海默默希望香港欣欣向榮,人人有工開,經濟好大家好生活好,吃在口中雪糕當然倍感味美絕級老土,但絕對希望。。。紅豆焙茶白玉雪糕$44.焙茶味道濃郁,Creamy口感亦來得不俗、只是略嫌紅豆味道較甜(如果)假設它不是礶裝紅豆,甜度可略為減淡 兩者伴著同吃,有得兒將焙茶味壓了下去、我還是把它和小丸子同吃吧坐擁這個貴價地皮加海景,附上冷氣空調、都只不過掏上HK$44.絕對一值。

上星期行誠品，它還未開張。今曰路過又見人少少，便試試它們的綠茶甜品。綠茶雪糕拼蕨餠加紅豆丸子，賣相相當吸引！結實的雪糕帶點點的茶香，奶的比例剛好，沒有蓋過綠茶味。食了一會，雪糕也沒有融化，証明空氣和冰的比例少。紅豆大粒軟林,十分香甜。蕨餠帶甘，單吃它的話，比較偏苦。丸子完全無味。但雪糕加紅豆加蕨餅三樣同時混合一起吃，又别有風味。雖索價八十多元有點貴，但也值得一試！另綠茶芭菲杯比這拼盤價格性能比為高。應有的名品全都在杯內，甜軟的紅豆加香滑的雪糕配脆脆的卜卜米，一層一層的𣎴同味覺體驗，推介！