御品軒 (已結業)

記得這兒剛開業時吃過她的招牌水牛乳燉奶，覺得味道很是香濃。之後再吃過加了北海道罐頭紅豆的變奏版，印象也是不錯的。隔了經年未有再吃，不斷聽到身邊朋友說自開了分店後，水準已是急劇下降了。始終自己沒有親身試過，是不能妄下判斷的。趁今日下午有點空，就獨自來吃個light lunch...這裏除了水牛乳外，最多人叫的自然是崩砂腩了。是日只叫了普通切腩，炆得算是頗淰糯的，但吃進口卻是不太入味，水準是極普通；印象較深反而是拌吃的沙河粉，用的雖是來貨，但卻切得極粗身，吃進口時，很有一種粗豪的感覺對小弟來說，押尾的水牛燉奶才是主角。剛剛下聲落order，轉個頭便送來了，很明顯是預先做定之後才翻熱的，很失望吃進肚時，覺得不夠熱之餘奶味又欠奉，質感也是不夠滑。朋友們的comments，果然不差既然退步至此，也想不出有再來的衝動了

咖喱牛腩飯︰超普通。招牌崩砂腩餐︰崩砂腩很腍，但不爽。墊底的什麼蟹子水餃和餓肝水餃絕對叫人失望。河粉偏寬，也不夠滑。豆漿稀，幸好還甜度適中。水牛乳雙皮奶︰可能是水牛的牛奶特別沒奶味？算了... 懶得評...芒果班戟︰忘了拍照。Cream 一樣的多，但值得一讚的是芒果很甜。

無諗過會黎尼間度食，行行下見尼間都ok！咪去試下！因小妹而戒牛，無緣試佢既崩沙腩，今次同友人叫左個二人餐：小食：鵝肝水餃 - 個味同D料完全同菜肉雲吞一無一樣薯仔蝦肉餅 - 嘩！個樣勁衰，完全唔似薯仔，同羅白糕一樣味主食：我鮑魚何香飯 - 第一啖，有何葉香，有蝦，蠟腸，雞肉，栗米粒，味道適中，個飯唔會好乾身，帶小小濕潤，ok啊！飲品：椰皇：原個上，幾清甜！我覺得尼個既食物份量偏小，唔係大食的話都ok飽的！食物只係普普通通！全日免日加一喔！

整先頭髮成11點幾, 又唔係太餓於是揀左厚福街哩間御品軒食宵夜其實之前係銅鑼灣食過哩間ge甜品, 但唔好食又唔抵食今次朋友話想試下d牛坑脯所以再試下3個人叫左個2人餐 $98有2個主菜 (粉麵飯) + 2個小食 + 2杯野飲我地叫左1. 牛坑脯河 - 無乜特別, 湯底非常咸2. 鮑片雜菇炒河 - 完全無炒過ge炒河, 只係係d河粉上面加個芡, 個茨凍到已經變成jelly狀, 好難食, 而且d菇同個芡仲酸酸地, 大家都唔敢食!3. 鵝肝餃子 - 不過不失4. 玉子厚燒 - 一夾起已經聞到酸味, 食落仲酸, 驚又係變壞左於是同侍應講, 但佢話經理試過無事,但肯換第二樣小食俾我地5. 蘿蔔榚 - (換ge小食) 無特別至於飲品, 因為椰皇賣哂, 所以我地加錢轉2個甜品6. 士多啤梨雙皮奶 - 奶味香, 但太水, 食落無質感7. 雷沙湯圓 - 算係叫左咁多野最好食ge一樣雖然價錢唔算貴, 但絕對唔抵食!就連最出名ge牛乳同崩沙脯都唔好食, 搵唔到理由再幫襯

我好小寫食評,今次一定要寫!!!!!真係好難食,標榜崩沙牛腩!!!!我叫左個set, 有以下食物!!!1.足料蘿蔔糕 - (一夾就散,一粒料)2.崩沙牛腩河 - (鹽水湯低+小小胡椒味, 崩沙牛腩唔係崩沙牛腩,係腩頭腩尾,河粉滑"san san" 工廠河粉)3.原盅蘿蔔牛腩 - (又一鹽水湯低只得蘿蔔味,小小牛味)只想講算把啦!!!!!!!!

晚飯過後再逛街, 攰到體力透支, 甜蜜蜜同許留山都無晒位, 唯有迫住去御品軒1) 雨後陽光 $22 (木瓜+西米露) ~ 好淡無木瓜味, 木瓜仲要酸同連皮食!!!??? 有無搞錯, 同事都話我貼錢買難受!!!2) 紅荳初開 $25 (紅荳+雪糕+牛奶) ~ 男友既 comment 都唔多得, 話紅荳都係酸既!!!二人共消費 : $47

今晚同一位師兄去吹水, 坐左入去叫了個二人餐, 我叫了什麼崩沙牛肉面 ( 4 號餐), 他叫了個xx 炒飯( 好似10 號餐), 小食叫了law白高和薯仔蝦餅, 甜品和飲品二揀一, 結果我地都叫了雙皮奶崩沙牛肉面: 面幾彈牙, 湯就鹹淡適中, d 牛肉幾甜, 幾彈牙, 不過, 唔係個個都鐘意趙咁耐炒飯唔知, 但見師兄食得有d 呆滯,最後食淨一部份, 估計不太好吃小食... 好一般, 尤其係law 白高, ma ma 地.雙皮奶呢...... 就有d 驚喜 .... 同澳門義順比, 會濃同甜d. 個人覺得幾好.服務一般, 環境有d 迫都會再黎ge....

好少食完一間餐廳會覺得咁唔開心.上篇寫得嬲得滯比OR ban左添.第一次泥食雙皮奶 , 覺得麻麻地 , 太杰又唔滑 ,唔係我中意食既STYLE.諗住食咸食好d啦 , 下次叫左*坑腩河 同*香芒浴坑腩好un. 但佢係招牌菜泥架嘛 !香芒浴入面有d大珍珠, 一咬就散, 一d都唔Q,加d椰果同西米露同芒果就$30.. : (唔會再有下次囉.

我剛剛由外國返港,真的很久很久沒有來了,我一入去就唔見了個肥仔經理,我之前有來過好多次,最深刻是崩沙暔沙河粉,但我今次來吃的比之前的有所分別,雙皮奶沒有那滑溜的感覺同太甜了,水準大不如前,真的令人失望!

睇完火車站個廣告, 就走去試下, 我地叫左個2人餐, 佢地推介崩沙切腩粉, 都幾好味丫幾淋, 不過個2人餐, 黎完個崩沙切腩粉, 其他就冇黎, 等左好耐....... (厡來個waiter漏左單 ), 之后再來黑柏葉, 幾爽, 仲有個頭抽魷翼(呢個就麻麻)......可能剛開業關係, 免加一, $98個2人set都ok~

我們是被門外介紹上的「水牛奶」吸引進來的。這餐廳定位有點奇怪，看著餐牌，港式雲吞麵有，炒河有，不甚港式的也有，甜品又中式湯圓又水牛雙皮奶又日本來的紅豆等等，你究竟想賣甚麼？不過既然來到就試了雙皮奶。從蒸氣騰騰的櫃中取出來的雙皮奶，我覺得奶味比義順更濃，滑滑的吃到兩層皮，好吃！這麼好吃的雙皮奶，外賣更只是$13，堂食貴一點但不收加一，不錯。如果定位清楚點更好。

星期五晚, 其他食店唔係咁多人, 但唔知點解, 街尾兩間鋪特別多人, 叫左佢地出名既崩沙切腩河粉, 牛腩就一般啦, 唔係話好好食喎, 好過一般的粉麵店拉, 就覺得好唔過灣仔"大利"啦, 但"河粉"就比期望高些少, 話須佢地的"河粉"過粗, 但有咬口, 不算太淋, 好過其他出名的粉麵店, 不過佢地用個碗太細, 唔方便, 想比客人覺得碗粉滿滿的感覺掛!? 係就好無謂唶, 食得好唔方便, 另外, 叫了一碟黑柏葉, 面頭有姜絲和蔥, 睇落好吸引, 但係超韌, 真係無講錯, 韌到基本上食唔到, 咬到牙軟, 再加上一杯唔記得嘜名, 類似係芒果奶之類飲品, 味道一般, 但唔夠凍, 22蚊, 芒果肉太少, 最後食埋個雙皮奶, 當晚最好味的食物, 有軟蛋糕的口感, 一流, 好過"義順"

等朋友，不如吃著等吧．．．在厚福街走了一圈，決定走進這間，皆因他的”水牛乳”吸引了我。坐下想叫午餐（門口小姐說仍有午餐供應的），因為可以配吃甜品嘛，怎知．．．侍應姐姐說沒有午餐了。　下午茶？全街也有優惠的，他的優惠呢？只是送杯豆漿而已！唉！叫了他們的主打：崩沙切腩河粉崩沙切腩，真的不錯，肉質夠稔夠滑，肥瘦平均．．可惜的是他的河粉，太厚身了，很難夾起，夾起來了，粉又已經斷開！唉！！送的豆漿，唔惦！！無豆味，又稀又淡！吃罷，沒有餐跟的甜品，已沒有心情另吃甜品了。

被老友甩底後，唯有與老公食飯啦，見8笑1喊的食評，心想應該唔會太差。要了「姻緣」二人餐，飯麵、小食及餐飯各兩份。原盅崩沙腩河粉-除了一碗崩沙腩河外，另有一盅蘿葡牛腩湯，湯味道幾甜，蘿葡亦沒有根或渣；崩沙腩唔夠味，又唔夠腍，河粉是較寬身的沙河粉，粉條較硬唔夠滑。蟹籽水餃、鵝肝水餃撈麵-前者較好，雖然是煮熟了，仍有爆開卜卜口感；後者的鵝肝水餃，我食唔出有鵝肝，只有鹹味。撈麵有鹼水味，麵身又腍唔得爽口。小食是黑柏葉及油菜，黑柏葉就韌而不爽。如餐飲改叫甜品可當$10使用，叫了紅豆初開及一見鍾情。紅豆初開-是水牛牛奶紅豆冰雪榚，味道似雲呢拿奶色，牛奶香唔突出。一見鍾情其實是三色雪榚淋上紅豆，睇食評原是水牛奶、蕃薯及綠茶雪榚，落單是伙計說沒有蕃薯，唯有改朱古力，之後睇到啟示，原來沒有水牛奶雪榚，要改「維記」雪榚代替，早知唔改甜品。而綠茶雪榚非常難食，味道怪怪，完全沒有綠茶味。計埋我這個食評後，就是8比2的分數。

雖然有新概念菜色,但始終強差人意.鵝肝餃子及鵝肝水餃 - 煮熟咗鵝肝始終"鞋"口,冇哂鵝肝味,鵝肝水餃湯底較淡招牌崩沙腩 - "鞋"口,唔爽.相比下坑腩好食D黑柏葉 - 淡咗少少蘿蔔糕 - 夠味但油少少始終最直得讚係雙皮奶同燉疍, 因為的確奶味十足,夠香夠滑,