御品軒 (已結業)

午市時間，點了一個牛腩河($24)和一個牛筋丸麵餐($30)。牛腩河︰其實我不太懂牛腩，覺得還不錯，腍腍的都頗入味，又有些牛筋，不錯的。不過最令我歡喜的是這裡的河粉，粗粗的又有咬口，很好吃。牛筋丸麵︰男友說麵質很一般，而且份量太少了，不夠飽。牛筋丸尚算彈牙，比較可取。跟餐有多款小食/甜品可選，由於我病了想吃清一點，就點了生菜，可惜是十萬個不新鮮﹗真後悔沒叫他們換一碟呢。(圖中黑了一片的不是醬油呀，是不新鮮的模樣﹗)不用加一，不過生菜扣了好多分﹗

其實不是肚餓，但總想吃甜的，就來吃了。研究了一下餐牌，大多是「水牛乳」系列，但自己對牛奶類的東西都不喜歡，於是挑了自由飛燕($26)和一見鍾情($33)。自由飛燕︰用一個小盅上，很別緻。這甜品是西米+蘆薈+冰燕，用的不是椰汁，是很重奶味的，不大喜歡。而西米、蘆薈、冰燕的份量都很少，更顯得水汪汪的。蘆薈很甜，甜得有點難以下嚥。一見鍾情︰可以說是平凡中有特色的甜品吧。以三球雪糕組成，分別是原味、綠茶和黃蕃薯，再加上少量紅豆。原味的雪糕我本以為是雲尼那味，一試卻是十分濃郁的牛奶味，可憐﹗濃得有點像要粘住喉嚨(不喜歡牛奶呀﹗)最好味的是綠茶，不太甜又有濃濃的茶香。黃蕃薯味道真的很逼真，好像在吃蕃薯糖水。另一樣要讚的是紅豆，不是過份的甜，腍度又恰到好處。味道只是一般而已，但價錢卻一點都不便宜，真的不太適合我這個不好牛奶的人。

前晚和一位好耐冇見0既朋友0係度食晚飯，諗住環境看來唔錯可以0係度傾下偈，點知……我叫左坑腩沙河粉，朋友叫左切腩，都係沙河粉，朋友叫0既先上檯，沙河粉同切腩係分開上0既，(沙河粉有幾條白菜仔伴住，幾好)佢用個羹搞下搞下入面有咩料，發覺蘿蔔仲多過腩，d腩好薄好細舊，而我0既坑腩賣相就唔錯wo~最開心都係有菜食，咁樣飲食先均衡嘛~我覺得沙河粉幾有咬口，有米味，good~而腩就幾爽，因為有筋，又唔會太淋似煲湯咁，而0係我食食下之時，朋友猛皺紋叫有野咬佢，可能我著長褲所以冇事，佢著條四骨爛佬褲，成隻小腿遭殃，佢拿拿林食完就逃出去先，我都加快速度食完要走lu，本來想試下甜品0既我都唔食住喇~0係我埋單時，我同個waitress話我朋友俾野咬好慘，佢話：「而家夏天係多左d蚊滋，我地已經叫左滅蟲公司架喇~」而0係我同佢講野之時都有隻蚊0係度飛黎飛去助慶添>_<朋友0個晚仲話個人有d忽冷忽熱，我仲話「你應該冇咁好彩遇到白紋依蚊卦...」佢話若然有咩事就告去食環署，會保留追究權利，好彩，今日經我了解情況，朋友已經冇事。之但係而家又唔係去大排檔，雖然d野唔錯，如果衛生情況唔改善，我諗唔止少

係文化中心睇完《心太野》(音樂劇) 想食心太軟﹐第一時間諗起甜蜜蜜﹐去到十一點八﹐佢收十二﹐見對面御品軒收一點﹐有野要同友人傾所以總之有地方坐下就得。以前都試過食依度既雙皮奶同雪糕紅豆冰﹐ok啦。尋晚發現餐牌寫雙皮奶($18)「凍食更好」﹐really? 一向都係熱好味啲架麻﹐不過我地既好奇心蓋過理性﹐所以叫黎試下﹐另外加多個綠茶奶黃薑汁荳漿湯圓($18)(個名有啲不協調既感覺﹐諗左一陣﹐原來係綠茶皮奶黃餡湯圓+薑汁荳漿) 。先黎湯圓﹐個皮好普通﹐唔’in-un’(個人對湯圓既基本要求) ﹐而且得綠茶顏色而無綠茶味﹐個荳漿可以但無乜薑味。差唔多食完雙皮奶就到﹐好得意﹐居然係熱既先到﹐友人話「佢地計過架麻﹐見我地share﹐所以食完一樣至上另一樣。」係窩﹐好細心﹐抵讚! 第一次食凍雙皮奶﹐又真係幾好味!今日係街食足四餐(有好有唔好)﹐勁飽﹐又有美味既雙皮奶作完結﹐加上可以同友人們分享美食﹐幸福~

上兩次到訪御品軒都只是吃甜品,這次專程試試粉麵.我點了招牌菜- 崩砂切腩拉麵. 可惜整碗拉麵的賣相毫不吸引;我也不期望會像餐牌裡的相片般豐富,但兩者的距離又真的相差遠了點... 至於味道則一般,不怎嘗到牛腩味. 雖然店前廣告板上說這是甚麼腩中極品;可能我不懂欣賞吧,始終比較喜歡一般的牛腩...另外點了個雞皇飯- 雞的味道不錯,可惜白飯過腍.下次還是只吃甜品算了.

食完咖哩同雞翼, 想吃雪糕頂一頂, 想起上次來這裡沒有吃到雪糕, 就過來試試.先吃一客雪糕, 再吃一客雙皮奶.一見鍾情$33: 8分, 見這裡的雪糕號稱全港首創自家制水牛乳雪糕, 當然要來一個. 這個一見鍾情除了一球水牛乳雪糕, 仲有北海道紅豆, 綠茶同黃番薯雪糕丸子, 加埋四粒西瓜. 先吃西瓜清一清味蕾, 鮮甜的. 至於主角水牛乳雪糕, 起初吃落口係好滑的, 也有牛乳味道, 紅豆都幾靚, 最好係一口雪糕一口紅豆地吃. 但不知是否味蕾的遲鈍, 吃吃下水牛乳雪糕係變得無乜味道, 淡淡的, 奇怪. 不知是否比紅豆的甜味掩蓋了. 兩粒雪糕果子雪得硬硬的, 黃番薯味好搶, 綠茶就比較柔的, 兩個都幾好.水牛乳雙皮奶$18: 7分, 上次來係吃熱的, 是晚見餐牌寫著凍食口感更好, 又想試下凍的滋味. 結果係熱的係出色好多. 凍了的雙皮奶偏杰, 吃到尾的時候更加係好濃, 凍吃也不覺得太滑. 當然, 這個雙皮奶的奶味係好充足的. 下次都係吃個熱的好了.埋單$51, 好吃也抵吃, 應該會再來的.

平時對燉奶唔多中意既我,都覺得呢度既係OK既幾滑幾重奶味呀~不過貴左D囉真係差唔多$26 一個~朋友們叫左D咩"心甘情願", "一見鐘情"心甘情願I do 大概係有舊雪糕,球形水果粒,加埋一舊大菜糕, 仲有兩粒雪米磁一見鐘情only you 都係差唔多有舊雪糕, 球形水果, 雪米磁, 同埋D紅豆味道全部都係普普通通啦不過佢地果D仲貴,差不多$35 一個..同埋全部都好細下..我覺得唔多值呢個價錢嚕同埋我地安排左係廁所門口度坐..唔, 覺得有少少異味囉=.=唔坐果度間野都無乜問題既..

前幾日同朋友去尖沙咀食晚飯，飯後去左御品軒一嚐佢地0既甜品~!自己叫左個山水雪中情，內有山水布甸、芒果肉同水牛乳雪糕，雪糕上面淋有芒果汁~!~!~!山水布甸味道唔錯，好有山水豆腐味~!~!~!首推水牛乳雪糕，好濃0既牛奶味~!~!~! 如果可以單叫就好咯~!侍應服務好好~! 不停地叫我地飲佢地0個0的獨特0既茶~! 重點係不計茶錢同不設加一收費~! 下次有機會一定會再去食~!!!

兩個人不知吃甚麼, 想著想著走到了這裡. 文迪話費時爭, 一人一碗崩砂切腩好了. 跟著再加兩碗雙皮奶, 好豐富了. 這裡的環境比起一般粉麵店為佳, 但係價位也係相對地高.崩砂切腩沙河粉$25: 8分, 如圖示, 真係崩砂切腩的部份不算太多, 有兩大件瘦肉, 要咬一大輪先能夠咬開. 當然崩砂切腩就好正, 帶點肥肉, 滿意的. 如果全碗都係崩砂切腩就好. 也久未吃過沙河粉, 用來配崩砂切腩, 都幾好. $25一碗, 份量其實幾細, 不能叫做抵, 但係有水準的.崩砂切腩米粉跟御品水餃$33: 8分, 加$8兩粒水餃, 也是偏高的水平, 而且無乜特別, 除非好想食水餃, 不用加這$8了. 謝過文迪分了件靚的崩砂切腩給我, 係好得的.正宗雙皮奶$18: 8分, 既然來到全港唯一水牛乳品專門店, 當然要個打頭陣的正宗雙皮奶. 這雙皮奶係真的幾滑同幾香, 下次經過也可以入來剩吃雙皮奶.北海道紅豆雙皮奶$25: 8分, 貪得意要了個北海道紅豆雙皮奶, 加多$7, 份量其實同上面個正宗雙皮奶無分別. 加成$7都幾貴. 當然, 跟上紅豆去吃, 係會比較甜, 係另一種口味, 說真的, 我反而喜歡這個多一點.

Last weekend, I ate dinner here with my wife~~環境：ok ar, 算幾乾淨！！服務：　ｏｋ，　ｑｕｉｃｋ　ｒｅｓｐｏｎｓｅ味道：　都幾好吖，　唔算濃味（但炒米比較油）抵食：　晚餐計，　～兩個人total＄１２０, ok la, 叫做desrt都食到，唔使再使錢食，幾滿足ｇａ～～(每人１個粉/面/飯，　每人１個小食，　每人１個desert)牛腩河　－　ｏｋ炒米　－　比較油鵝肝餃子　－　一般般頭抽鮮魷　－　幾正，剛剛熟水牛乳双皮奶　－　ｏｋ水牛乳燉蛋　－　好味，　滑～～

前前後後來了幾次，印象最深非食物，反而是一位幾認真細心的經理威哥，斟茶遞紙巾全自動波，拍照時連自己無發現的小缺陷（羹缺了一角），他都堅持替換，熨貼窩心。六本木之後，與友人來喝碗牛骨湯，又介紹了友人這裡的硼沙腩，要了撈麵，當晚的硼沙腩九成是硼沙腩，不俗，如果以伴碟的方式上更佳，撈麵如「死水」般攤在一起，說撈麵，最考的是基本功，非新派麵店的小師傅能了解，技術仍待磨鍊。後話，隔天到附近買點家具，又試了一味黑百葉，切得幼細，百葉連著肚，鮮而富彈性，伴著蔥絲吃，讚得無話可說，非常有水準的小吃。偶爾飽著肚也路過也回來個小吃，小驚喜也是個賣點。

23.11.07是日行色匆匆, 跟友人食個快的, 再戰IT!見這門外的坑腩賣相幾吸引. 決定一試. 坑腩果然爽口, 入味, 河粉滑溜, 連湯底都有濃郁牛味. Yummy!干炒牛河, 乾身不油, 但牛肉較少. 河粉爽滑. 其餘的灼黑柏葉, 辣味坑腩干, 只係一般而已.

所謂的崩沙腩五嚿得二嚿焾，命中率比九記低(五嚿有四嚿焾) ; 廣東式水餃相信是即日鮮包，十分出色；湯底ok；河粉冇特別；燉蛋號稱用甚麽水牛乳製，全港只此一家，吃落像cold egg custard，蛋味比義順遜色，味較羶，像日式甜品；木製坐椅設計眼高手低，坐不穩，四處搖。食物價錢偏貴，雙拼河+ 甜品一共$71，不會再去。

其實光顧御品軒已是１０月尾的事。內部裝修得都幾好，只有十張枱左右，感覺都幾舒適。唯獨本人剛好坐在一張好像樹幹的凳上，好像不太穩固。當日好像剛剛開張不久，樓面仲係一遍混亂，餐牌上推介的菜都一律欠奉。結果只點了一些大排檔都有得食的食物：－干炒牛河　－　不太油膩，幾好油菜（芥蘭）　－　將比較老的外皮除去，有些心思清湯崩沙腩　－　不算好，比較油膩白灼黑柏葉　－　柏葉本人淡口及過火，咬唔開水牛乳雙皮奶　－　味道一般啦（如果同番禺沙灣的雙皮奶比，仲未到家！）雖然今餐味道平平，但勝在價錢實惠，結賬只係＄１６５（２人）。

星期六好想食河粉試了這間以崩沙腩作招牌菜的御品軒食的時候聽到隔離的女士話點解用炒河做湯河?心想這位女士實在不太懂得分辨這裡用的是沙河粉所以較闊身而不是中式的炒河粉沙河粉呈半透明狀，沒有米造河粉的粗糙感，入口較軟滑如果不愛吃河粉眼見它的幻麵都不錯我最喜歡的是可以按自已喜好加炸蒜粒聽朋友講尖沙咀厚福街這間的品種比銅鑼灣的還要多會再去下回試試小食和雙皮奶